هام للطلاب الذين سيختبرون عملي للمراقبه الجوية

[راعي الكامري]

السلام عليكم ورحمه الله وبركاته

اخواني أنا من الناس الي اختبرو في اول الايام وحبيت اعطيكم نبذة بسيطة عن الاختبار

... دعواتكم

طبعا الاختبار في مجمله كان متوسط المستوى يعني فيه اقسام صعبه شوي وفيه اقسام (سهلة جدا)

الاختبار الاول كان اختبار حاسب يعني تجلس على لابتوب وفيه بعض الاقسام اختبار ارقام وحروف و خريطه تبين الطيارات المتصادمه وتحاول تمنع الطيارات انها تتصادم وبعض المعادلات الببسيطه ....لا تخافون كل اختبار بيشرحلك المراقب كيف لانه مايحتاج شرح بس فيه جزء منه يبيله تركييييز عااالي جدا جدا

الاختبار الثاني كان عباره عن مقابلة شخصية .. 2 من المراقبين يسئلون اسئله عن حياتك العامة وبعض الامثلة والمواضيع ويبونك تعطيهم سالفه او شي قد صارلك في حياتك ( بس برضو لازم تركز لانه راح تكون الاسئلة كثيرة)

الاختبار الثالث عباره عن لعبه صغيره .... تقعد انك والمراقب و فيه زي المدرج الصغير وبعض الحلات للطائره ...ويبي يشوف كيف تفكر و تطلع بحل صحيح ... راح يشرح لك كيف الطريقه بالتفصيل ..مستوى الاختبار ( سهل )


راحه لمدة ساعه كامله ( بريك غدا )

الاختبار الرابع كان اختبار جماعه ل6 اشخاص وعملية بناء مدرج صغير بس راح تحتاج لمساعده اصدقائك لان بعضهم يملك معلومات عن المبنى الي بتبنيه بس المعلومه ماهي عنده .. والعكس ايضا


اخر اختبار كان اختبار لغة إنجليزية للي مااختبرو في المرحلة السابقة ....بس كان الاختبار سهللللل يعني اساسيات اللغه وليس متعمق


انتهاء الاختبرات كان الساعه 4 العصر ... والبدايه كانت 8 الصبح


هذا كل الي عندي والله يوفق الجميع ويكتب الي فيه الخير ....

اي استفسار انا حاضر

لا تنسونا من دعائكم ..... راعـــــــ الكامري ـــــي

[SACA]

مشكور ياغالي عالموضوع

بس حبيت أسئلك ايش هي الأسئلة اللي في المقابلة الشخصية؟


وبالتوفيق لنا ولك

[مشعليشن]

ألـــ1000ــف شكر يا رجال .. أنا أشهد إنك ذيبان ..

بس ماقلتلنا قالولكم النتايج بعد ماخلصتو كلش .. ولا ماتدري ناجح ولا باقي !!

[نايف المالكي]

بيض الله وجهك والله يوفقك يارب

[محمد الشيخي]

مشكوورر يا خوي والله يعطيك الف عافيه

[العتيبي ...]

بيض الله وجهك يا راعي الكامري وجزاك الله خير

بالنسبه لاختبار الانقلش هل هو تحريري او نفس المقابله الي سووها لنل في المرحلة السابقه

واتمنى التوفيق لك ولنا جميعا
تحياتي...

[عبدالعزيز الشهري]

الله يبيض وجهك ماقصر الله لا يحرمك الاجر....
عندي بعض الاسئلة لو تكرمت؟؟
1-العمليات الحسابية تعتمد على مذا بالضبط...مثال؟
2-طريقة المقابلة والاختبار E...مثال؟
3-مثال على طريقة الحالات الطارئة؟
4-هل فية تجاوب من الطلاب في المجموعة وفية تقيد بالوقت؟
الله يكتب لك الاجر

[راعي الكامري]

مشكور ياغالي عالموضوع

بس حبيت أسئلك ايش هي الأسئلة اللي في المقابلة الشخصية؟


وبالتوفيق لنا ولك


اخوي الاسئله عبارة عن مواضيع عامه ... على سبيل المثال لا الحصر الاعمال التطوعيه والتحمل المسؤليه والعزيمة والاراده وبعض الاسئله البسيطه عن الطيران يعني مثلن ...س/ ماهو الهدف من المواقب الجوب ..... س/ عطني مثال على عمل اثر ايجابيا في حياتك او نصيحه واستفدت منه في حياتك ..

يعني هاذي هي الطريقه بشكل عام
اي استفسار حاضرين

راعي الكامـــــري

[راعي الكامري]

ألـــ1000ــف شكر يا رجال .. أنا أشهد إنك ذيبان ..

بس ماقلتلنا قالولكم النتايج بعد ماخلصتو كلش .. ولا ماتدري ناجح ولا باقي !!

النتايج طال عمرك يقولون بعد شهر تقريبا .... الي انقبلو راح يكلمونهم والي ماانقبلو ماراح يكلمونهم

والله يوفق الجميع
اي استفسار حاضرين

راعي الكامـــــري

[راعي الكامري]

بيض الله وجهك يا راعي الكامري وجزاك الله خير

بالنسبه لاختبار الانقلش هل هو تحريري او نفس المقابله الي سووها لنل في المرحلة السابقه

واتمنى التوفيق لك ولنا جميعا
تحياتي...

اخوي اختبار الانجليزي 3 اقسام ... كتابي و استماع وخيارات .... لكنه سهل جدا ....يعني تعرف الاساسيات تمشي سلام سلام ان شاء الله
والله يوفق الجميع
اي استفسار حاضرين

راعي الكامـــــري

[راعي الكامري]

الله يبيض وجهك ماقصر الله لا يحرمك الاجر....
عندي بعض الاسئلة لو تكرمت؟؟
1-العمليات الحسابية تعتمد على مذا بالضبط...مثال؟
2-طريقة المقابلة والاختبار E...مثال؟
3-مثال على طريقة الحالات الطارئة؟
4-هل فية تجاوب من الطلاب في المجموعة وفية تقيد بالوقت؟
الله يكتب لك الاجر

طيب راح اجاوب على الاسئله واحد واحد

1- العمليات الحسابيه تكون في اختبار الحاسب ... وفيه 5 اقسام للاختبار هذا منها 3 عمليات حسابية ...راح اعطيك مثال على العمليات الحسابيه ...
مثلن يقول A =3 B=7-A C=A-B أوجد قيمه B و C تعويض عادي فقط لاغير .. لكن حاول تكون سريع شوي بالاجابه

2 - المقابله واختبار الانجليزي <<< موجود نفس السؤال ..رديت على الاخوان الاجابه فوق

3-مثال على الحالات الطارئة ... طبعا في هذا التمرين ماراح تدخل على طول وانت ماتعرف شي ... المشرف راح يعطيك ورقه ويقولك اقراه زيييين ... هاذي الورقه فيها الحلاات الطارئة للطائره والمدرج .... بعدين ياخذ الورقه منك ويسألك وتطبق على شكل مدرج صغير ويقول يالله وش تسوي في هاذي الحاله ...طبعا انت تكون قريت الورقه وحافظ الحالات ومجرد تطبيق فقط


4 - الوقت لاتشيل همه لانه اغلب الاختبارات فيها وقت كافي ....لكن كل ماحليت اسرع كان افضل ... يعني مثلا المقابله الشخصية مافيها وقت ...يقولك الي يسألك: خذ راحتك ورييييح وخلك ريلاكس


والله يوفق الجميع
اي استفسار حاضرين

راعي الكامـــــري

[عبدالعزيز الشهري]

الله يبيض وجهك ياذيبان ....
ماقصرت الله لايحرمك الاجر بس العمليات الحسابية فيها مجهولين كيف تنحل او ان السؤال الي كتبتة مو واضح

[SACA]

اخوي الاسئله عبارة عن مواضيع عامه ... على سبيل المثال لا الحصر الاعمال التطوعيه والتحمل المسؤليه والعزيمة والاراده وبعض الاسئله البسيطه عن الطيران يعني مثلن ...س/ ماهو الهدف من المواقب الجوب ..... س/ عطني مثال على عمل اثر ايجابيا في حياتك او نصيحه واستفدت منه في حياتك ..

يعني هاذي هي الطريقه بشكل عام
اي استفسار حاضرين

راعي الكامـــــري


الله يعطيك العافية ياغالي ماتقصر

نسأل الله لنا ولك القبول في هذه البعثة


ودمت بود ......

[العطوي11]

جزاك الله الف خير راعي الكامري

[final fex]

الله يوفق الجميع شدو حيلكم

[مشعليشن]

الله يوفق الجميع شدو حيلكم



هلا والله ـــ,ـــ
تقول الله يوفق الجميع وشدوا حيلكم .. أقولك مشكور على التشجيع ,. بس أفهم من كلامك إنك مو من المتقدمين لهذه البعثة .. يعني ممكن تكون أحد الطلاب الحاليين من الدفعة الأولى ..!

[محمد الشيخي]

اخوي راعي الكامري انا سويت المقابله مع النيوزلندي وسالني اسئله شفوي وبعدين اعطاني موعد ..

هل اختبر في الاختبار العملي انجليزي او لا ؟

وشكراً

[راعي الكامري]

اخوي راعي الكامري انا سويت المقابله مع النيوزلندي وسالني اسئله شفوي وبعدين اعطاني موعد ..

هل اختبر في الاختبار العملي انجليزي او لا ؟

وشكراً

بالنسبة أخوي محمد لأختبار الانجليزي فلازم تختبر حتى بعد ماسألك النيوزيلندي .... انا نفس حالتك سويت مقابله مع النيوزيلندي بس مااختبارت انجليزي ذاك اليوم .... لكن يوم اختبار العملي اختبرت انجليزي ..... يعني الي اختبرو اول خلاص مايخبرون بالعملي ... اما الي مااختبرو اول ( مثلك ) فانهم راح يختبرون بالعملي .... ولاتشيل هم سهل ان شاء الله


اي استفسار حاضرين

راعي الكامري

[محمد الشيخي]

تسلم اخوي راعي الكامري على المجهود..

طيب يا ليت تخبرنا عن الاوراق المطلوبه منا نجيبها معنا؟؟

[راعي الكامري]

تسلم اخوي راعي الكامري على المجهود..

طيب يا ليت تخبرنا عن الاوراق المطلوبه منا نجيبها معنا؟؟

بطاقة الاحوال وصوره منها فقط