استفسار عن نادي دبي للقفز

[الخبراء]

السلام عليكم ورحمه الله وبركاته


اخواني انا ناوي اطلع الامارات بعد العيد ان الله احيانا و ناوي اجرب القفز الحر مع العلم اني ناوي مساعد مدرب او مدرب بس ابي اجرب الجو بدبي و اذا جازلي القفز طلعت بعيد


1 - كم مده الدوره و اقل شي كم يوم

2 - كم تكلفه الدوره كامله انا دخلت على الموقع ولقيت اكثر من سعر >>> ضاعت من كثر الارقام

انا سمعت انه با 7 الف و سمعت انه با 10 الف ودي اتاكد علشان احسب الحسبه صح قبل ما اطلع وطريقه الدفع فيزه او كاش >>> يكلم الاستقبال مهب منتدى

3 - اذا بغتيت اقفزات زياده ( يعني ابي اوصل الى 10 او 15 قفزه ) كم تكلف القفزه الوحده كامله من معدات الى اخره وكم اقدر اقفز با اليوم الواحد

4 - وهو الاهم اللغه عندي دمار ما اعرف الى يس ونو عندهم احد اقدر اتفاهم معه

5 - و السوال الاهم هل يعطون شهاده او اي شي موثوق يثبت اني خلصت من القفزات علشان لو احتجته بعدين ولاه معتمد


اعتذر عن كثره الاسئله بس وش اسوي ودي اعرف كلشي قبل ما انوي السفره

[الزعيم الاماراتي]

اول شي النادي بيكون مغلق لين 30 - 8 والافتتاح بيكون 31 -8 تصادف الجمعه (التواريخ بالميلادي )

1 - كم مده الدوره و اقل شي كم يوم


هذا بعلم الغيب لانك مرتبط بعامل الجو و المعدات و الطيارات الكورس عباره عن 8 قفزات ممكن تخلصها في اسبوع و يمكن في اسبوعين طبعا النادي يلزمك بموعد المحاضره الارضيه اما القفزات موعدهن عندك
متي ما تبا تقفز تشرف

2 - كم تكلفه الدوره كامله انا دخلت على الموقع ولقيت اكثر من سعر >>> ضاعت من كثر الارقام


تكلفه الكورس 11700 اذا حبيت تدفع كل قفزه بوقتها اما اذا دفعت المبلغ كامل يتخفض الي 10000 درهم
والدفع بالفيزا او الكاش اعتقد هناك رسوم 200 درهم للفيزا بس مب متاكد


3 - اذا بغتيت اقفزات زياده ( يعني ابي اوصل الى 10 او 15 قفزه ) كم تكلف القفزه الوحده كامله من معدات الى اخره وكم اقدر اقفز با اليوم الواحد


بعد اجتيازك الكورس بنجاح قيمه القفزه مع المعدات كامله مع طي المظله 185 درهم و ممكن تقفز من 3 الي 5 قفزات في اليوم حسب توفر المعدات و الجو المناسب

4 - وهو الاهم اللغه عندي دمار ما اعرف الى يس ونو عندهم احد اقدر اتفاهم معه


عند توفر اكثر من طالب عربي ممكن يكون الكورس بالعربي و لكن يجب التنسيق مع النادي قبل بفتره

5 - و السوال الاهم هل يعطون شهاده او اي شي موثوق يثبت اني خلصت من القفزات علشان لو احتجته بعدين ولاه معتمد


يتم اعطائك شهاده بعدد القفزات لجهت ملك اما بالنسبه اذا حبيت تكمل فالشهاده ما تفيدك
هناك اللوغ بوك و هو كتاب سجل قفزاتك يتم كتابت تقرير عن كل قفزه وكل التفاصيل
و هو المعتمد في كل انحاء العالم

تقبل مروري

ملاحظه احتمال عدم توفر الكورس العربي اول اسبوع
[/SIZE][/COLOR]
اعتذر عن كثره الاسئله بس وش اسوي ودي اعرف كلشي قبل ما انوي السفره[/QUOTE]

[الخبراء]

اشكرك اخوي على التوضيح تواريخ



طيب اخوي انا ابي شهاده معتمده و با اي دوله تنصحون سمعت انه فيه نوادي بروسيا يستقبلونك با المطار الى النادي و تسكن با النادي الى انتهاء الدوره ( مساعد مدرب)
او شرق اسيا




لو ابي اقفز قفزه وحده فقط بدبي ( اجس النبضي ) فيه امكانيه وكم تكلف علي و يمدين اني اقفز بيوم الجمعه 31\8

اشكرك اخوي زعيم مره ثانيه

[الزعيم الاماراتي]

[QUOTE=الخبراء;1240380]اشكرك اخوي على التوضيح تواريخ


طيب اخوي انا ابي شهاده معتمده و با اي دوله تنصحون سمعت انه فيه نوادي بروسيا يستقبلونك با المطار الى النادي و تسكن با النادي الى انتهاء الدوره ( مساعد مدرب)
او شرق اسيا

عزيزي ما في شي اسمه شهاده معتمده ؟؟؟؟
فيه رخصه قفز (الليسن ) هذا تحصله بعد ال25 قفزه و لها شروط
1- اجتياز الدوره
2- قفزتين من ازتفاعات منخفضه 5500 و 3500 قدم
3- 10قفزات مع مساعد مدرب قيمه القفزه 360 درهم مع المعدات (باجتيازك للكورس تكون مؤهل للقفز السولو اي لوحدك وذلك لاكتسابك المهارات الاوليه فقط
اما هذه القفزات للتطوير المهارات في نقاط الضعف لدي الطالب بحيث لاتشكل خطر علي نفسك او علي المظليين الاخرين لدي خروجك مع زملائك )
4ـ كورس تطبيق المظله و تطبيق المظله و القفز بها قيمه الكورس 200 درهم

يعني اذا بتحسبها 8 الكورس + قفزتين من ارتفاعات منخفضه +10 قفزات مع مدرب او مساعد مدرب =20
يبقي لك 5 قفزات و تحصل علي الليسن المعتمد دوليا ولك الخيار اذا بقيت ليسن امريكي او اماراتي
وكلهم معتمدات عالميا


اما بالنسبه لدوره مساعد مدرب لازم تكون عندك اقل شي 100 قفزه و بعدين في كورس خاص للتاكد ان عندك المهارات اللازمه لتاهيلك لمساعد مدرب


لو ابي اقفز قفزه وحده فقط بدبي ( اجس النبضي ) فيه امكانيه وكم تكلف علي و يمدين اني اقفز بيوم الجمعه 31\8

بالنسبه للقفز تسمي تاندم و قيمتها 1750 مع التصوير و اعتقد 1550 بدون تصوير
يكون الحجز عن طريق موقع النادي skydiveduba.ae

[fun flying]

من جد زعيم تبرد القلب بأجوبتك

[Jebril m. neji]

والله زعيم في مواضيعك وردودك اخي الزعيم الاماراتي

[Jebril m. neji]

والله زعيم في مواضيعك وردودك اخي الزعيم الاماراتي حفظك الله وبارك الله في الجميع