ممكن اجاابه عن الجاامعااات الي في كندا و امريكا ....

[الطيار 43]

السلام عليكم و رحمته الله و بركاته ...

عندي كم سؤال .. واتمنى الاجاابه ...

1- ..كم جااامعه امريكيه تمنح الرخصه وتقبل في طيران الامااارات .. اذا في ممكن عناوينها و موااقعها .. ونفس لسؤاال لكندا ..

2- شو الافضل كندا او امريكا .. من نااحية المعيشه و الصرف و الأجواااء ؟


تسلمون ,, والله يخلييكم

[العميد]

وعليكم السلام ورحمة الله وبركاته
اغلب الجامعات بتمنع رخصة الطياران التجاري مش كلها لكن الاغلب بتعطي... اما عن المقبولة في الامارات والله ما عندي خلفية.
القوة من ناحية الدراسة امريكا اما الاجواء والصرف والمعيشة اكيد كندا
اتمنى اني اكون افدك وللشباب تكملة معاك

[الطيار 43]

تسلم .. لامن اقصد الرخصه الي تقبل فيها طيرااان الامارات ..

[العميد]

الاميركية faa وممكن تاخذ الرخصة الكندية وتحولها على امريكية.
واذا فيه شئ ثاني انا حاضر

أخوي العميد انت متأكد ان الامريكيا أقوة من الكندية ((يعني من تجربة ولا بس سامع من الناس))

أكيد الكندية أقوة بكتييييييير فرق السماء والارض

[bandar]

اخوي الطيار
انا أنصحك تزور هيئه الطيران المدني اللي ف بوظبي وتسألهم عن الوجهات المعتمده لديهم وهم بدورهم بيعطونك الاخبر الاكيد ف الرخصه وكذلك المدارس

تحياتي ..

[العميد]

مثل ما قال الكابتن بندر ... لكن انا اقولك مين الاقوى الاوربية ولا الامريكية؟؟؟ طيب ليه اغلب الخطوط بتطلب ارخصة الامريكية ؟؟؟ وليه اغلب الشباب الي بيدروسوا في كندا بحولوا الرخصى الى امريكية؟؟؟ لانها مش الافضل والاقوى لانها معتمدة ... واغلب الناس الي اعرفهم بالخطوط بيقولو الاميركية (مرغوبة)اكثر

[الطيار 43]

والله احترت ..

يعني ادرس بكندا ,, ومثل ما يقوولون المعيشه ارخص و الدرااسه افضل .. واحول للامريكيه ..

ولا كيف راايكم .. و التحويل من الكنديه للأمريكيه يطلب وقت و كم بصرف له .. فهموني الله يخلييكم ...

[الطيار 43]

؟؟؟؟؟؟؟؟؟؟

[a340qr]

والله احترت ..

يعني ادرس بكندا ,, ومثل ما يقوولون المعيشه ارخص و الدرااسه افضل .. واحول للامريكيه ..

ولا كيف راايكم .. و التحويل من الكنديه للأمريكيه يطلب وقت و كم بصرف له .. فهموني الله يخلييكم ...

نصيحة حول من كندي الى امريكي وللعلم الدراسة الكندية أصعب من الامريكية بمراحل والوقت التحويل من أمريكي الى كندي ياخد تلاتة أسابيع بالكتير ولازم تكون عندك 250 ساعة

[الطيار 43]

يعني من كلامكم ادرس في جامعه اميركيه افضل ..
وتقريبا الدرااسه كم مدتهاا في امريكا ...

..........

ممكن تعطووني جاامعه تمام التمام .. يعني المكاان نظيف و مب غالي واايد وفي مدينه .. و معتمده ..

لأن اريد اقدم للبعثه .. واذا قدرتوا ممكن معهد للغه يكوون قريب منه ..

يعطيكم العااافيه

[cockpite]

الطيار 43 بالعكس الدراسه في إمريكا أفضل معروفه رخصة faa قويه جدا وبالنسبه للمعيشه إمريكا أرخص من كندا
يعني مثلا يبغالك في إمريكا 300 - 500 دولار شهريا تكفيك
الميزه في إمريكا إنك تقدر تشتغل وتطلع هذه 500 دولار في نص الاسبوع
وبصراحه ياشباب إمريكا أقوي في دراستها وكل طيارينها مهره ويكفي إنهم يصنعون طائرة البيونج مايشاركهم أحد في صناعتها مو مثل الايربص
في كذا دوله تصنع قطعها
علي حد علمي أخوي إنه الامارات لازم تكون نوع الرخصه caa مايقبلون الرخصه الامريكيه
والله يوفقك يارب

[cockpite]

أخوي 43 بالنسبه لاأرخص جامعه في إمريكا ودراستها جدا قويه وتطلع طيار ماهر جامعه في ولايه فلوريدا إسمها فنكس وهذا موقعها www.pea.com (http://www.pea.com)
طبعا أنا سجلت فيها وعن قريب سفري وعندي قريب متخرج منها من 15 سنه ويمدحها كثير وكل أصدقائه متخرجين منها والان هو يشتغل لدي شركة فدكس في إمريكا
وبالنسبه للمدربين أكثر من كلمة رائعين يطلعونك فلته في السواقه

وأتمني لك التوفيق

[الطيار 43]

يعني افهم من كلامكم ,, اذا درست في امريكااا .. ما في امل اشتغل عند طيراان الامارات ..

[a340qr]

يعني من كلامكم ادرس في جامعه اميركيه افضل ..
وتقريبا الدرااسه كم مدتهاا في امريكا ...

..........

ممكن تعطووني جاامعه تمام التمام .. يعني المكاان نظيف و مب غالي واايد وفي مدينه .. و معتمده ..

لأن اريد اقدم للبعثه .. واذا قدرتوا ممكن معهد للغه يكوون قريب منه ..

يعطيكم العااافيه

أنا قصدي الكندية احسن

[الطيار 43]

صدقووني احترت ... الكنديه و لا الامريكيه ... اخر كلام الله يخليكم .. وليش الكنديه افضل .. ويهمني انها تمنح الرخصه الي تقبل بها طيران الامارات

[bandar]

يا عزيزي لا تحتار ولا شـي انا عطيتك الحل الفاصل بين الاكيد والريب

عموما كمستوى مافي هذاك الفرق بين امريكا وكندا ممتازين كلهم وطيران الامارات تقبل رخصه الـ FAA
بس بدال ما تروح كندا وتاخذ رخصتهم وترجع تحولها بمبلغ وقدره
اختصر على نفسك المسافه ورح امريكـا في ثلاث أكاديميات ممتازات
1_فلايت سفتـي
2_فيونكس إيست
3_امبري ريدل
أول اكادميتين السمه اللي يمتازن بها انهن ف فلوريدا وجو فلوريدا ممتزا جدا وصالح للطيران تقريبا طوال السنه .
موفـق عزيزي .

[cockpite]

أخوي بندر إنت متأكد إنه طيران الامارات لازم faa

[cockpite]

أخوي الطيار 43 لاتحتار ولا تفكر كثير إسمع كلام الاخ بندر وروح إمريكا أحسن لك
وأتمني لك التوفيق وإن شاء الكريم نشوفك طيار ونفرح فيك

[الطيار 43]

ان شااء الله ..

بس ممكن موااقع الكلياات و اسعاارها اذا ممكن ,, وكم مده الدرااسه فيها

[cockpite]

أخوي 43 إذا خلصت دراستك لا يكون بس تركيزك بس علي الخطوط الاماراتيه كذا راح تضيع وقتك لين مايجيك الرد
إذا الله وفقك ودرسة وأتمني لك التوفيق قدم في كذا خطوط يعني مثلا الخطوط السعوديه والخطوط الكويتيه والخطوط القطريه والخطوط العمانيه وشوف مين يجيك منها الرد وتوكل علي الله إدخلها بدون تردد
يعني مثلا لو قبلتك الخطوط الكويتيه وإنت تبغي الامارتيه إشتغل عند الخطوط الكويتيه لفترة من الزمن عشان يكون عندك عدد ساعات وبعدها قدم مره ثانيه علي الاماراتيه لانه كل ماكثرة عدد ساعاتك كانت فرصتك في القبول أكثر
والله يوفقك ويسير عليك أمرك

[bandar]

اخـوي cockpit تحيه طيبـه ,,

بالنسبه لطيران الامارات فهـي تقبـل FAA , JAA و الـ CAA الاستراليـه

شـوف نحن المواطنين ومواطني دول مجلس التعاون ينطبق عليهم هالكلام يعني ما يضيقون عليهم ف القبول

التضيق يكون لباقي الدول العربيـه , وهـذا الكـلام خـذه مني قرنتـي .

بس اللي باقي عليك كمتقدم اماراتي او خليجي تثبت وجودك اثناء المقابلـه وتثبت لهم ان عندك تحصيـل علمـي (knowledge>

والفـرع الثانـي استكمال كل متطلبات التقديم اللي هي ساعات الطيران واللغه والصحه البدنيه و و و

وفي الاخيـر أتمنـى أني قدرت أفيدك وأفيد الاخـوان الطامحيـن في دراسه الطيران او العمل فيـه

تحياتـي لكـم ,,

أخوكـم بنـدر ,,

[مختار البوسيفى]

تحية الى جميع اعضاء المنتدى

[الطيار 43]

ماشااء الله علييكم .. كفييتو و وفيتوا