اي استفسار عن اكادمية الطيران ... ماعليك سوا الدخول

[شد بلد]

السلام عليكم ورحمة الله وبركاته


بصراحه احب اشكر الأخوان اللي ما قصرو وافادو السائلين



بس انا عندي سؤال



انا طالب تخرجت من الثانوي قبل مده يسيره والحمد لله نسبتي طيبه


وانا عندي رغبه كبيره جدا اني ادرس الطيران


انا بصراحه قلبت النت ادور عن اكادميه او مركز او معهد يدرس الطيران في السعوديه بس للأسف


ما حصلت على معلومات كافيه

بصراحه انا سمعت عن معهد تابع لخطوط الجويه العربيه السعوديه فما ادري عن حقيقه وطبيعه

هذا المعهد؟؟؟؟؟؟؟؟؟؟؟؟؟؟؟؟؟؟


وسمعت كذلك عن معهد صالح محمد الزومان بجده وما ادري عنه كذلك ؟؟؟


وسمعت عن كليه الملك فيصل الجويه فما ادري وش طبيعتها؟؟؟؟؟؟؟؟


ياليلت يا اخوان انكم تقلون لي عن طبيعه المعهدين السابقين والكليه؟؟؟؟؟؟؟


وياليت يا اخوان وهذي طلبه مني لكم وياليت انكم تجاوبون علي


وهو كيف ادرس الطيران بعد الثانوي بدون ما اطلع برا السعوديه بأي وسليه واي طريقه؟؟؟؟؟؟؟؟؟؟؟

[AboAyoob]

8
8
وهو كيف ادرس الطيران بعد الثانوي بدون ما اطلع برا السعوديه بأي وسليه واي طريقه؟؟؟؟؟؟؟؟؟؟؟
8
8

ياهلا و سهلا فيك وحياك الله معنا في المنتدى
وحب الطيران ما يلزم الشخص انه يدرسه
ويتخرج طيار
ممكن انها تكون عندك هواية الطيران و حب الطائرات و معرفة كل شي عنها
وهذي وحده مجهود كبير جدا
وفيه متعة كبيرة


تدرس الطيران بدون ما تطلع برا . . . .
اعتقد الكلية الجوية موجودة - وهي تعرف انك تتخرج برتبة ملازم . . . .
او انك تقدم على الخطوط السعودية . . . . وفيه موضوع للأخ هشام عن ذلك
وكل الامرين صعبة جدا (اذا ما انت من خريجي السنه هذي ، والنسبة عندك عالية جدا جدا جدا و ، و ،)

اللي اقدر اقول لك تصفح المواضيع الموجودة هنا
والله يوفقك ان شاء الله

[شد بلد]

مشكور اخوي ابو ايوب على اجابتك على سؤالي




بس حبيت اخبرك اني من خريجي السنه هذي ونسبتي حلوه


والوالد بصراحه يبيني ادخل الطب لكن انا والله براسي الطيران



يعني ابي منكم الله يجزاكم خير ووفقكم لما فيه صالحكم انكم تقلون لي وش لون اصير طيار مدني بدون الخروج برا


يعني علموني الطريقه خطوه خطوه


يعني لو اروح اقدم للخطوط الجويه هل يقبلوني ولا ما عندهم قبول اصلا ؟؟؟؟؟؟؟؟؟؟؟


ولو اروح كيف يكون التقديم عليهم؟؟؟؟؟؟؟؟؟؟؟؟؟


علما بأني دخلت موقع الخطوط وما حصلت اي شئ






ومشكورين على حسن تعاونكم

[Flying Way]

السلام عليكم ورحمة الله وبركاته

ياهلا وغلا بك اخوي شد بلد

بصراحه انا سمعت عن معهد تابع لخطوط الجويه العربيه السعوديه فما ادري عن حقيقه وطبيعه هذا المعهد؟؟؟؟؟؟؟؟؟؟؟؟؟؟؟؟؟؟
8
8

مو معهد اكادمية الامير سلطان للطيران في جـدة



وسمعت كذلك عن معهد صالح محمد الزومان بجده وما ادري عنه كذلك ؟؟؟
8
8
فية معهد طيران الزومان في جدة على ماعتقد بس والله ماعندي علم فيها

اللهم بس اني سمعت عنها في كتاب دليلك نحو مستقبلك

وسمعت عن كليه الملك فيصل الجويه فما ادري وش طبيعتها؟؟؟؟؟؟؟؟
8
8
هذا سلمك الله تقبل العمل على الطيران ( المدني ) و ( حربي )

انت اول ماتقدم اوراقك تختار مدني او حربي اذا اخترت مدني ودرست وخلصت

تصير مساعد طيار على طائرة c130 وبإمكانك انك تحول للخطوط السعودية
واذا دخلت إنشاء الله يحولونك لاكادمية الامير سلطان لعلوم الطيران وتاخذ

كورس على طائرات الخطوط 777 , 747 . md90 وغيرها وبعدها إنشاء الله

تصبح مساعد طيار

.................

وفية بعد جامعة البترول والمعادن تقدم اوراقك اذا كانت نسبتك عالية عالية

يبعثونك برا وتاخذ دورة خارج المملكة وتأهل طيار في ( ارامكو )

او اذا كنت تبي تدرس على نفقتك الخاصة وتبغى ارامكو لازم يكون عدد الساعات 2000

وشوي على ما اظن وبالتوفيق لكـ

وهو كيف ادرس الطيران بعد الثانوي بدون ما اطلع برا السعوديه بأي وسليه واي طريقه؟؟؟؟؟؟؟؟؟؟؟
8
8
http://flyingway.com/vb/showthread.php?t=1733

[Flying Way]

يعني لو اروح اقدم للخطوط الجويه هل يقبلوني ولا ما عندهم قبول اصلا ؟؟؟؟؟؟؟؟؟؟؟
8
8
فيـة قبـول إنشاء اللهـ بس

ولو اروح كيف يكون التقديم عليهم؟؟؟؟؟؟؟؟؟؟؟؟؟
8
8

تقدم شهادة الثنوية العامة وشهادة سيرة وحسن سلوك وصورتين

ويكون معاك بطاقتك الشخصية ( الاحوال ) وتملي البيانات اللي يعطونك اياها

وتنتظر الرد يعطونك رقم سري واسم تدخل علية عن طريق موقع الخطوط على ماعتقد



علما بأني دخلت موقع الخطوط وما حصلت اي شئ
8
8
الخطوط السعودية الان تطلب مدرسين طيران

ويمكن تجد الكثير في قسم الدروس

http://flyingway.com/vb/forumdisplay.php?f=51

[AboAyoob]

وعليكم السلام ورحمة الله وبركاته
اذا ما سافرت اليوم . . . راح تسافر بكره ، ، ، ،
هذي مهمة الطيران ، ، ، ،
الامر الاخر . . . انك تكون صالح للطيران من عدمة . . .
هذا بعلم الغيب ، ، ،
انت ابدأ السعي من الان و التوفيق بيد الله
اذا ما راح تقدم طلبك على الكليات العسكرية
وتعرف انهم يطلبون فقط كليتين (اللي تختار)
لنفرض انك (كتبت رغباتك الكلية الجوية و البحرية)
اذا الفرصة من البداية 50%
عشان كذا لا تفوتك أي فرصة . . . ومن بكرة ابدأ بالتسجيل و التقديم على الجامعات
http://flyingway.com/vb/showthread.php?t=1859

تسلم ياهشام
انا كنت ادور على رابط الموضوع

[شد بلد]

اولا احب اشكر لكم يا اخواني على ردودكم


لكن عندي بعض الأسئله <<<<< ادري اني زودها لكن اعتبروني مثل ولدكم اللي تخرج من الثانوي ومو عارف وين يروح!!!!!!!!!!!!!!!!!!!!!









اولا : اذا ابغا اقدم على الخطوط السعودية وين مكانهم في الرياض وكم النسبة الي يحتاجونه وهل جميع توظيفهم طيران فقط _________-- يعني فيه مراقب والا موظف وهكذا....

ثانيا: وهل تحتاج دراسة خارج المملكة

بالضبط أبغا الدراسة بالمملكة وشلون دراستهم..؟؟؟؟؟؟؟؟؟




ثالثا : انا انسان ألبس نظارات يعني هل اقدر اسوي عمليه ليزك ويضبط الوضع عندي ولا ما يقبلون الليزك؟؟؟؟؟؟؟؟؟؟؟؟؟؟


رابعا:انا انسان الوزن عندي شوي زايد:icon_mrgr

هل يحتاج اني اخف شوي ولا مو لازم؟؟؟؟؟؟؟؟؟؟؟؟



خامسا واخيرا: هل صحيح ان الطيار يسون له فحص كل ست شهور واذا نقص نظره ما يخلونه طيار ويحطوه مكان ثاني ؟؟؟؟؟؟؟؟؟؟؟؟؟؟؟؟؟

[AboAyoob]

وعليكم السلام ورحمة الله وبركاته
ابداً . . . . أسئل قدر ما تقدر
1- كان لهم مكتب في منطقة المساندة في مطار الملك خالد (الآن ما ادري)
2- الوظائف في الخطوط السعودية لها اول مالها أخر
من طيار - مهندس جوي - صيانة في جميع التخصصات - موظفين واداريين المطارات
أمن وحماية الطائرات - مضيفيين جويين
المراقبة الجوية و الارصاد هذه من تخصص الهيئة العامة للطيران المدني
3- دراسة الطيران و بعض تخصصات الصيانة في مدينة رابغ واللي عنده شوي حظ ممكن يأخذ بعثه خارجية
4- تقدر تسوي عملية ليزك وهي مقبولة الان عالمياً (لكن إحتمال كبير ما يقبلون)
5- الفحص الطبي لملائمة الوظيفة فقط على الاطقم الجوية (طيارين ، مهندسين جويين ، طاقم الضيافة) وهو كل سنة
6- بالنسبة للطيران - لا بد ان تناسب الوزن مع الطول
وننتظر مزيد من استفسارتك . . . .
وبالتوفيق ان شاء الله

[شد بلد]

مشكور يا ابو ايوب على سعه ورحابك صدرك








4- تقدر تسوي عملية ليزك وهي مقبولة الان عالمياً (لكن إحتمال كبير ما يقبلون)




طيب ليش؟؟؟؟؟؟؟؟؟!!!!!!!!!


يعني إذا سويت عمليه ليزك راح يكون نظري 6/6 او اقل شوي يعني قد يكون 5.5/6



هل فيه اي مشكله؟؟؟؟؟؟؟؟؟؟؟؟؟؟!!!



6- بالنسبة للطيران - لا بد ان تناسب الوزن مع الطول




يعني لازم اسوي رجيم من الأن علشان يتلائم وزني مع طولي؟؟؟؟؟؟؟؟؟؟!!!!!!!


على فكره كيف اعرف ان وزني ملائم مع طولي





واخيرا وليس اخرا: لنفرض اني صرت طيار إن شاء الله ونقص نظري بعدين او زاد وزني

هل يبعدوني عن مهنه الطيران او استمر على ما نا عليه (يعني طيار)

[Flying Way]

السلام عليكم ورحمة الله وبركاته

هلا وغلا اخوي اسئل قدر ماتقدر

بنسبة لنظر شف اخوي اذا كنت تبي تدخل الطيران يبيلك تسوي اليزك من زمان عشان

مايدرون انك توك مسويها فهمت علي ... ويكون نظرك إنشاء تمام ...



على فكره كيف اعرف ان وزني ملائم مع طولي
8
8

مثلا طول شخص 185 يكون ونة 70 ـ 75 كذا

واذا تبي تخف عليكـ بالمشي او ادخل نادي حديد احسن لك <<< نصيحة مجرب

.........................................
واخيرا وليس اخرا: لنفرض اني صرت طيار إن شاء الله ونقص نظري بعدين او زاد وزني

هل يبعدوني عن مهنه الطيران او استمر على ما نا عليه (يعني طيار)
8
لا مايبعدونك لانة يكون بالرخصة الاولى اول ماتطلعها يكتبون فيها ان نظر هذا الشخص
سليم بعدها اذا اضطررت ان تلبس نظارة يكتبون بالرخصة ملاحظة انة يرتدي نظارة ...
ولا عاادي حتى بالوزن نفس الكلام ...

.................................................. ............................

اولا : اذا ابغا اقدم على الخطوط السعودية وين مكانهم في الرياض وكم النسبة الي يحتاجونه وهل جميع توظيفهم طيران فقط
8
8
موقعهم على ما اعتقد في طريق الملك فهد مكتب الخطوط السعودية وو اممم

بنسبة لنسب اقل شي يكون تقديرك جيــد اذا كان تقديرك ممتاز ونسبتك عالية

يبعثونك الخطوط السعودية نفسها إلى برا المملكة أو تدرس على نفقتك الخاصة

[رائد الحارثي]

الخطوط الجوية السعودية لا تبعث طلاب للطيران !!!!!!

الخطوط تستقبل الطلبة وفي ناس ماسكين في السرا ؟؟؟؟؟؟

دراسة الطيران على نفقة الشخص الخاصة .

والسعودية تطلب رخصة Faa واذا تبي تصير طيار في السعودية

أدرس في أمريكا وتعال قدم أوراقك بعد ماتأخذ الرخصة على أكاديمية الأمير

سلطان بجدة .

وتحياتي وهذا للمعلومية فقط . أنت تدرس على حسابك الخاص وبعدين تقدم رخصتك

على الخطوط وما أدري تمسك سرا في وقتها ولا يوظفونك الا اذا عندك

فيتامين واو ماعليك خوف .

للمعلومية في ناس لهم سنتين ماسكين سرا .

وتحياتي

[AboAyoob]

السلام عليكم ورحمة الله وبركاته
مشكور أخوي رائد على المعلومات
لكن السؤال ؟ ؟ وين مكان التقديم الجديد للخطوط السعودية ؟ ؟
العنوان اذا سمحت . . .

[رائد الحارثي]

شوف ياغالي الأن الخطوط السعودية ما عندها تقديم

وهذا رقمهم 6860800-02

وأتوقع في أخر الصيف يفتحون تقديم الخدمات الجوية ويكون على موقع الخطوط

بالانترنت .

الخطوط السعودية اذا عندها شي تأكد من رقمهم والموقع .


وهذا رقم الخطوط السعودية بجدة الرئيسي 6860000-02

وتحياتي للجميع

[رائد الحارثي]

اذا كنت طيار متخرج وعندك رخصة روح لجدة شارع الملك عبدالعزيز

تلقا هناك أكاديمية الأمير سلطان خش عندهم وأسأل البواب وراح يدلك البواب

على مبانيهم طبعاً روح الساعة 9 حلوووو .

[شد بلد]

يعني اخوي رائد مافيه امل اني اصير طيار على نفقه الخطوط؟؟؟؟؟؟؟؟؟؟


يعني اشيل الفكره من اساسها من راسي ولا فيه طريق اخر؟؟؟؟؟؟؟؟؟؟؟؟؟؟؟؟؟

[رائد الحارثي]

والله ياليت في نفقة الخطوط كان أنا قدمت

بالنسبة لي أنا بعد 10 أيام فقط بأذن الله ذاهب استراليا أدرس طيران تجاري / ألي

وبأذن الله سأزود المنتدى بالأمور الحاصلة لي في استراليا


أخوي ما أنت خاسر شي دق على رقم الخطوط السعودية


أبنكم / رائد

----------

أنا كنت أستشير بعض الأعضاء بالخاص ولكن ما أحد يجيب لك المعلومة الكاملة , ولكن تعبت 3 شهور كل يوم

وأنا رايح أسأل * أنا من الدمام * ورحت الرياض أكثر من مرة وكلها عند حي السفارات ومكاتب الطلاب

أروح الصباح وأرجع الظهر والله يعين .

نصيحة تأكد من الخطوط * أنا الصيف الماضي رحت لجدة ودخلت قسم التوظيف عطوني رقمهم وموقع الخطوط

وبالفعل طلع نهاية الصيف في موقع الخطوط تقديم خدمات جوية (( مضيفين )) وفدمت ولكن مارحت للأختبار

كان طموحي طيران .

[رائد الحارثي]

ياغالي (( كلية الملك فيصل الجوية )) طيران حربي .

والتقديم مع الكليات العسكرية , والقبول في الكليات بالواسطة بالواسطة .

جيب اعتماد من أمير وراح تدخل مهما كنت .

وقدم على الكلية الأن التقديم مفتوح . بس تذكر أهم شي الواسطة وطبعاً طيران حربي . ( أول مرة أسمع طيران

مدني في كلية الملك فيصل الجوية ) !!!!!!!!!

[AboAyoob]

والله ياليت في نفقة الخطوط كان أنا قدمت
بالنسبة لي أنا بعد 10 أيام فقط بأذن الله ذاهب استراليا أدرس طيران تجاري / ألي
وبأذن الله سأزود المنتدى بالأمور الحاصلة لي في استراليا
.

بالتوفيق ان شاء الله
ويسعدنا هذا الخبر
والله يكون بونك ويصبرك على الغربة
على العموم - راح نكون معاك بأستمرار طبعا عن طريق المنتدى
وان احتجت أي شي لا تترد - ان شاء الله تلاقي كل الاخوان معاك

وننتظر منك تقرير مفصل - عن اسم الاكاديمية هذه ؟
طريقة إيصال طلبك إليهم ؟
الحصول على الفيزا ؟
كم التكلفة الكلية و الإجمالية للدراسة؟
نظام الدفعات المالية - هل هو كل 3 أشهر أو كل 6 أشهر أو كامل المبلغ؟
بعد وصولك أن شاء الله لأستراليا . . . وبدأ الدراسة هناك
تعطينا كيف المدرسة ؟ السكن ؟ نظام الإعاشة و التسليه؟
واخيرا طريقة الدراسة - الارضية ومن بعدها الطيران ؟

في أنتظارك أخوي رائد
وترجع لنا سالم غانم
على فكرة اذا انت من هوات الكمبيوتر ؟ ؟ ؟ ؟
أحسن خذ معاك لاب توب من هنا (عشان العربي)
واذا تبغى تشريه من هناك
فخذ معك سيديات الويندوز و المايكروسوفت أوفس
- والله يوفقك أن شاء الله

[رائد الحارثي]

أخوي أبو أيوب

أنا أبن منتداكم وأبشر بأذن الله بعزكم

أنا بعد راح أشوف أكاديميات كثيرة غير اللي بدرس فيها وأعطيكم المعلومات التامة عن كل اكاديمية

وأن شاء الله أي شخص في المستقبل يحتاج شي أنا يمينه هناك واضبط وضعة

أن والله مشغول الأن أجهز للسفر بعد أسبوع و3 أيام والتوفيق على الله .

وتحياتي لكم

[AboAyoob]

بالتوفيق ان شاء الله
اللحين فصل شتا في استراليا
خذ معك ملابس شتوية
وترجع لنا بالسلامة