[استفسار] الدراسات الأكاديمية وعلوم الطيران في كلية الإمارات للطيران

[طيـار ح ـربي]

السلام عليكم ورحمه الله وبركاته

شحالكم يااعضاء خط الطيران ان شاء الله تمام ؟

انا اليوم بغيت اسال الطيارين اللي في المنتدى ،، واللي عندهم

فكره عن الدراسات الأكاديمية وعلوم الطيران في كلية الإمارات للطيران

متى يفتحون باب التسجيل ؟ ولا عادي نروح أي وقت ؟

وكيف يكون التوفل ؟ رياضيات وانجليزي وشو بعد ؟

واذا يبت اقل من 500 لازم اخذ تاهيل في الرياضيات والانجليزي ؟ وكم بياخذ مني

وشو شروط الانتساب عادي علمي ولا ادبي

للعلم انا عمري 20 سنه وكنت طالب في التقنيه - دبلوم عالي ووقفت حاليا - ونسبتيه في الثانويه العامه كانت 78% (ادبي)

وانا عندي كسر في ريلي اليسار وحاطين حديده في ريلي

يقبلون ولالا ؟ انا ماعندي فكره الا قليله عن الكليه لان سمت الشباب يقولون طيران الامارات ماتقبل من اهل العين وابوظبي الانادرا لعدم اتلزمهم ؟! وماحبيت اروح هناك ويفشلوني

عشان جيه ابا خبرتكم ؟! كيف الترتيب عشان استوي طيار

للعلم كان حلمي اني اكون طيار حربي لك ماشي نصيب

وقلت بحول عالمدني .. شو المقابلات والامتحانات اللي لازم اخضعلها ؟!

[طيـار ح ـربي]

وين الردود شباب؟

[مجرد ظل]

الباب مفتوح للمواطنين في اي وقت بس لازم قبل تسير مبنى التوظيف الى كبير الي مقابل ملعب التنس الي في القرهود وهم عندهم البرامج من طيران وهندسة ودبلومات بانواعها هذا اولا

ثانيا كلام غير صحيح جدا مين قالك مايقبلوا اهل ابوظبي والعين من اي مكان دامك مواطن اهم شيء الالتزام وهذا في اي مكان بالذات شركات الطيران

بالنسبة لبرنامج الطيارين
http://www.flyingway.com/vb/showthread.php?t=2239

[طيار01]

بسم الله الرحمن الرحيم
اول شىء احب اقولك دام عندك ارادة بتصير طيار
ليش لا
اما بالنسبة للتقديم فمثل ما قال اخوي مجرد ظل: تروح مبنى طيران الامارات للي في القرهود ولو تتصل فيهم قبل لا تروح يكون احسن
اما بالنسبة للامتحانات:
اول شىء بيكون امتحان رياضيات وفيزياء
ويوم تروح تقدم بيعطونك اوراق عن المواضيع اللي داخلة في الامتحان
بعد ما تنجح في الامتحانين بيكون عندك امتحان انجليزي
اذا عديت الامتحان بيكون عندك امتحان مهارات وذكاء
وبعده بيكون عندك امتحان مهارات سيطرة وذاكرة
بعد هذا يجي الفحص الطبي الاولي
وبعدين بيعطونك مهلة تجيب لهم توفل فوق 470 ما ادري اذا زادوا عن هذا الرقم بس انت اسال
وبعدين في امتحان في العمل الجماعي
وبعدين المقابلة والفحص الطبي الشامل
بعد ما تعدي هذي المراحل تبقى اخر مرحلة
تسافر الى استراليا لمدة اسبوعين لاختبار الطيران
اذا عديت تراك انقبلت
الله يوفقك وانشاء الله اكون افدتك
تحياتي ...

[طيـار ح ـربي]

ممكن اعرف متى
متى يفتحون التسجيل في طيران الامارات ؟

[MAHMOUD_A]

بالنسبة لهاذا الفصل انتهى بشهر 29/8 اما الفصل التاني اعتقد بيكون بشهر 3/2008 وهاي رابط الكلية
http://www.emiratesaviationcollege.com/aas/index.html

[طيـار ح ـربي]

مشكور خوي ماقصررت

[DUBAI ATCO]

حياك الله

اذا التسجيل لمهنة طيار فالتسجيل مفتوح فأي وقت

وبالتوفيق إن شاء الله

[العميد]

حياك الله

اذا التسجيل لمهنة طيار فالتسجيل مفتوح فأي وقت

وبالتوفيق إن شاء الله

طيب كابتن لغير الامارتين ...كيف الوضع .؟

[طيـار ح ـربي]

يعني اخوي اروح اقدم اوراق ولاكيف يعني بروح مبنى اللي عـشكل طياره

شو اخذ معاي ؟ ولا اعبي استماره ولاكيف بالضبط ممكن حد يخبرني ؟

[DUBAI ATCO]

حياكم الله

لغير الإماراتيين ما يقبلون الإ الطياريين الجاهزين

اما بالنسبة للتسجيل للمواطنيين الأمر بسيط جدا"

شوف هذا الموضوع
http://www.flyingway.com/vb/showthread.php?t=2239

فيه الشروط وفيه موقع التوظيف التابع لطيران الإمارات تقدر تسجل عن طريقه

واذا تعذر التسجيل عن طريق النت وهو الأفضل

فتقدر تروح لهم خلف مبنى الطائرة اللي في منطقة القرهود

مع اني افضل النت

لأنه لما يطلبونك للمقابلة راح يسؤلونك عن كيفية التوصل للموق

وطبعا" راح يضيف نقطة في حسابك من البداية انك مسجل فالنت

غير عن البقية اللي يمكن يايبين اوراقهم باليد

وبالتوفيق إن شاء الله

[مجرد ظل]

400 توفل فقط هذا المطلوب ومحلي

[الطيار 43]

هلاا اخوي .. خذهاا نصيحه من اخو ..

قدم علة كلية الامارات و على كليه الاتحااد الي في ابوظبي ,, و الي بتقبلك و كل شي اوكي ادرس عندهااا .. ولو كاان يهمك الدخل ترى طيران الاتحااد رواتبها فوق .. يعني اعلى من الامارات تقريب ..

سلامي لك ..

[مختاراحمد]

السلام عليكم يا اخوة
انا متحصل على ثهادة طيار خاصppa
فهل هي معترف فيها بالامارات
ارجو التوضيح شكراااااا
مختاراحمد يسلم على الجميع

[DUBAI ATCO]

عليكم السلام ورحمة الله وبركاته

اذا كنت تقصد ppl

طيران الإمارات لا يعترف بهذي الرخصة

حتى ولو حامل الرخصة اماراتي

قبل فترة طيران الإتحاد عمل برنامج تدريبي خاص

لحملة cpl المواطنين فقط

وبالتوفيق إن شاء الله

[مختاراحمد]

هل يعني هذا ان رخصة PPA
لا تعمل و دولة الامارات لها برناج خاص فما العمل علما اني طالب طيران جزائري
ارجو المساعدة باية طريقة كانت و انا مستعد للاتعاب
مختار احمد شكرا

[DUBAI ATCO]

لا ؛ وطيران الإمارات لا يقبل الا الطياريين الجاهزين من خارج دولة الإمارات