[سؤال] هل شركات الطيران بتقبل شهادة الثانوية العامة القسم العلمى فقط

[PRINCESS OF FLYINGWAY]

سمعت ان شركات الطيران مش بتقبل شهادة الثانوية العامة غير القسم العلمى بس الادبي لا
ياترى الكلام ده صح
ردوا عليا بسرعة بليز

[draculaghost2007]

و الله أنا معرفش بس لا أعتقد إن الكلام ده صحيح
لأن اللي عايز يدرس الطيران نفسه .......... يعني عاوز يبقى طيار
ممكن يكون أدبي عادي و مفيش أي مشكلة خاااااااااااااالص
فمش معقول يكون الضيافة مطلوب فيها القسم العلمي بس
أصل هي هتفرق معاهم في ايه أدبي ولا علمي ......... يعني بالعقل كده
و أرجو أن يفيدك أحد ممن لديه المعلومات الأكيدة
لكن اطمني إن شاء الله خير
و أنتي مين اللي قالك كده أو قريتي كده فين

و تقبلي تحياتي

[الطيار الوسيم]

مرحبا يا ساسو

والله الغالب انو التخصص العلمي هو المطلوب لكن بعض الشركات ممكن تطلب غير ذلك وعلى حسب ونوع الوظيفة

تحيااااتي

[lolo Abdullah]

لا عادي بالعكس الادبي بالذات مثل اللغات والاحسن طبعا الشهادة الجامعية

[PRINCESS OF FLYINGWAY]

ياريت كابتن احمد يقولى

[PRINCESS OF FLYINGWAY]

انتم كده حيرتونى ياجماعه فيكم بيقول اه وفيكم بيقول لا ياريت يكون رأى واحد

[draculaghost2007]

يا ستي أكيد الأدبي مقبول
أصل زي ما قولتلك دراسة الطيران نفسها الأدبي مقبول فيها
فأكيد الضيافة هي كمان مقبول الأدبي فيها
أصل هي مش هتفرق معاهم في حاجة
أصل المضيف مش هيحتاج الكيمياء و الفيزياء و الأحياء و رياضة 2 في شغله ده بالعكس بيكون محتاج اللغات و اللباقة في الكلام و الحاجات اللي أنتي فاهماها دي
يعني بنسبة 99 % الكلام اللي أنتي قولتيه غلط
بس هو مين اللي قالك الكلام ده أو قريتيه فين
و على العموم اطمني كلها بعد بكرة و الكابتن أحمد موسى يرجع بالسلامة و يقولك الكلام الأكيد

و تقبلي تحياتي

[PRINCESS OF FLYINGWAY]

ميرسي ليك جدا ربنا يطمنك

[gogoo]

هاي يا جميل الكلام ده انا سمعته ولكن ديه شركات قليله اوي الي تعمل من ضمن شروطها ان يكون الثانوي من القسم العلمي ولكن في المجمل مش هتلاقي شركه زي مصر للطيران او الخطوط السعوديه تشترط شرط زي ده والا كانت كتبته من ضمن شروطها الاساسيه
وعامة لما يرجع كابتن احمد هو الي يبقى عنده الخبر اليقين

[PRINCESS OF FLYINGWAY]

ميرسي ياقمر وادينا مستنين الكابتن احمد

[draculaghost2007]

و الله الكابتن أحمد تلاقيه هيطلع أدبي هو كمان
ههههههههههههههههه
يعني متخافيش
بس هو يرجع لنا بالسلامة
و الله يا كابتن أحمد الأماكن كلها مشتاقة لك

و تقبلي تحياتي

[PRINCESS OF FLYINGWAY]

ميرسي ليك بجد ياقمر

[Rona]

أزيك ياساسو
وأهلا بيكى معانا
أنا معتقدش أن شركات الطيران بتقبل العلمى بس أو حتى بيفضلو العلمى على الأدبى
وأول مرة أسمع الكلام دة , دة غير أن الشروط الى بتبقى مكتوبة فى أى أعلان توظيف من شركات الطيران أو حتى على الموقع الألكترونى مبيبقاش مكتوب فيها خالص أنهم بيفضلو العلمى على الأدبى ,لأن فعلا زى ما مصعب قال مش حتفرق معاهم ,فمعتقدش أن الكلام دة صحيح عشان أنا كمان أدبى ومعايا ليسانس أداب أنجلش ولما قدمت فى شركة طيران قبل كدة محدش قالى لا مش بنقبل أدبى وكمان قدمت فى الخطوط السعودية ومكنش من ضمن الشروط أنهم بيقبلو العلمى بس ,فا متقلقيش وربنا معاكى ويوفقك
وطبعا فى أنتظار كابتن أحمد ربنا يرجعة بلسلامة عشان يقولنا على الخبر اليقين.

[PRINCESS OF FLYINGWAY]

رونا ميرسي ليكى ياقمر

[yasmin.ragheb]

هاى ياقمر
بصراحه اول مرة اسمع الكلام ده لان فعلا زى ما قالو ليكى مش فارق معاهم علمى ولا ادبى
الاهم الشهاده
ولانجليش ... يعنى الشروط المطلوبه

[الطيار الوسيم]

انتم كده حيرتونى ياجماعه فيكم بيقول اه وفيكم بيقول لا ياريت يكون رأى واحد


يااختي الادبي مقبول ايضا زي مااتـفضلوا الاخوان وقالولك

وبالتوفيق ان شاء الله

[هند عمر]

طبعا استحاله دى وعمرى لم ارى فى اى اعلان لطلب مضيفين او مضيفيات طلب قسم علمى وانا متأكده من الكلام دى

[Sr.Flight Attendant]

اهلين اختي .. اسف للتأخير في الاجابة..

بالنسبة لمعظم الشركات لاتشترط العلمي او الادبي او نسبة مئوية معينة في تقديمها..
بس بتشترط مستوى لغة معينة..

بالنسبة للخطوط السعودية بيطلبو علمي للأولاد لأنو يحق للمضيف في السعودية بعد اكمال 5 سنوات الطلب للنقل الارضي في احد الاقسام القريبة من تخصصه وفي العادة يتم المفاضلة بين الموظفين وقبول المضيفين اكثر شي لأن المضيف بسبب احتكاكه مع جميع ادارات المطار وخبرته في الطيران فهو الاحق بالنقل وفي العادة تطلب الاقسام التقنية المضيفين الجويين الراغبين في النقل الارضي ..

بالنسبة للبنات لاتشترط عليهم قسم معين..

بالنسبة ليا انا قسم علمي ..

ومع السلامة ..

[draculaghost2007]

اهلين اختي .. اسف للتأخير في الاجابة..

بالنسبة لمعظم الشركات لاتشترط العلمي او الادبي او نسبة مئوية معينة في تقديمها..
بس بتشترط مستوى لغة معينة..

بالنسبة للخطوط السعودية بيطلبو علمي للأولاد لأنو يحق للمضيف في السعودية بعد اكمال 5 سنوات الطلب للنقل الارضي في احد الاقسام القريبة من تخصصه وفي العادة يتم المفاضلة بين الموظفين وقبول المضيفين اكثر شي لأن المضيف بسبب احتكاكه مع جميع ادارات المطار وخبرته في الطيران فهو الاحق بالنقل وفي العادة تطلب الاقسام التقنية المضيفين الجويين الراغبين في النقل الارضي ..

بالنسبة للبنات لاتشترط عليهم قسم معين..

بالنسبة ليا انا قسم علمي ..

ومع السلامة ..
حمد لله على سلامتك يا عم:f52ar::f52ar::icon_g11::icon_g11:
ايه الغيبة الطويلة دي
و حشتني خالص و الله
المنتدى مكانش ليه طعم من غيرك و الله

و أنا قولت تلاقي الكابتن أحمد موسى هيطلع أدبي هو كمان عشان أطمن الأخت اللي كانت بتسأل بس ........ لكن أنا كنت عارف إنك علمي

و تقبل تحياتي

[Sr.Flight Attendant]

اهلين يامصعب الله يسلمك حبيبي ألبي ..

ولا تزعل عشان نطمنها انا ادبي هههههههههههههه المهم في كلا الحالتين بتقبل في شركات الطيران ..