كلية الامارات للطيران والا الاتحاد للطيران [نسخة خفيفة]

للمشاركة في الموضوع إضغط الرابط التالي : كلية الامارات للطيران والا الاتحاد للطيران

خالد الشامسي

28-12-2007, 01:00 AM

السلام عليكم ورحمة الله وبركاته ,,

اخواني اريد مساعدتكم .. صراحة انا مقدم اوراقي في مكانين ..في كلية الاتحاد و كلية الامارات

بس مااعرف شو الاحسن بالنسبة لي .. برايكم ادرس في كلية الامارات للطيران والا كلية الاتحاد .. واذكروا لي السبب

واريد اعرف كم رواتب الطيار .. في طيران الاتحاد وطيران الامارات

اريد الكل اللي عنده خبره بهالامور يساعدني .. واذا في حد مجرب احدى الكلية المذكورة فوق يعطيني معلومة عنها ..

بانتظار ردودكم

اخوكم .. خالد

مجرد ظل

28-12-2007, 02:05 AM

طيران الاتحاد اقوى رواتبه بكثير ومميزاته قوية كذلك كما انه ارى بان طيران الاتحاد يريد التوطين بالفعل
اما طيران الامارات فسمعتة العالمية قوية جدا مع انه الاتحاد ايضا قوية ولكن الامارات
اقوى
كما انها صعبة جدا طريقة الاختيار ومعقدة اكثر ماتتصور لانك لما تنجح في الامتحانات راح تصعق من هول الي جايك
انا مجرب كلية الامارات رائعة ولكن ماحسيت بانها بالفعل تريد التوطين بسبب التعقيدات كما انها بالعربي( تحت سيطرة اجنبية هذا هو السبب الرئيسي)
انا عارف بانه كلام قوي ولكن اغلب طيران الامارات استراليين وبريطانيين وكل واحد راح يجيب عيال بلده صح ولا
تمنياتي لك بالتوفيق:icon_g6: انشالله

ابو سالمكم

28-12-2007, 04:01 AM

مرحبا ملايين والله
بالنسبه لطيران الاتحاد فهو الاقوى في هالوقت... طبعا طلاب طيران الاتحاد يدرسون في اكاديمية افق للطيران بمطار العين وانا بصفتي اني ادرس طيران اشوفهم مرتاحين ويمدحون الوضع اللي هم فيه.. طبعا اول ما اتقدم يطلبون لغة انجليزيه التوفل اوما يعادلها او انك تدرس عندهم كورس انجليزي وعقب اتكمل الدراسات الارضيه... وطيران..

mijamaan

28-12-2007, 04:13 AM

الله يوفقك ويسهل امرك بس اذا انت مو مرتاح ومحتار صل صلاة الاستخارة وانشاالله ربي يدلك على الخير وين
بس عندي سؤال هل الاتحاد تقبل غير الاماراتيين يعني خليجيين من ناحية انها تدرسهم واتعينهم على خطوطها لاني بكل صراحه اتمنى من خروج هاذي الشركة اني اكون احد افرادها تكفون ابي الرد السريع

a340qr

28-12-2007, 04:31 AM

اخوي هل انت امراتي؟؟؟

خالد الشامسي

28-12-2007, 02:51 PM

هلا والله ..

بالنسبة للامتحانات التوفل .. انا امتحنته .. ودرجتي فوق 450

بس مااعتقد رواتب طيارين الاتحاد اكثر من رواتب طيارين الامارات ..

واللي عنده خبرة بهالمعلومة يقولي .. انا اللي اعرفه طيران الامارات تعطي 36 الف حسب ما قالي ربيعي ..

والشهادة اللي تقدمها طيران الاتحاد نفس الشهادة اللي تقدمها طيران الامارات او لا !

واذا لا من الاقوى..

.. هيه انا اماراتي ..
_________________________
بالنسبة لأخوي مجرد ظل .. والله ماادري .. بس التسجيل الحين مفتوح وهذا رقمهم استفسر معاهم .. 02505800

خالد الشامسي

28-12-2007, 09:02 PM

محد ردلي خبر !!

مجرد ظل

29-12-2007, 01:02 AM

اول شيء اعلق على الرواتب طيران الاتحاد اكبر رواتب بكثير وهناك موجة تنقل للطييارين من الامارات للاتحاد كما ذكر احد الاخوان في احد المواضيع

ان طيران الاتحاد يلقى دعمة من حكومة ابو ظبي مباشرة وحكومة ابو ظبي مامقصرة معا الاتحاد ودليل 2003 لين يومك هذا اتحدى شركة طيران اصبحت بهذا الحجم بهذا الوقت القصير

انا اتوقع خلال 5 سنوات فقط اتوقع ان طيران الاتحاد تنافس اكبر شركات الطيران العالمية .
بالنسبة للدراسة لا طبعا الامارات افضل من الاتحاد لانها تدرس طلابها في استراليا في احد افضل المدارس في العالم للطيران ولكن الاتحاد تكون في مطار العين وفي هذي راح ترتاح من السفر والقلق

450 توفل بالنسبة للامارات 400 تكفي

وبالنسبة للاخوي ابو سالمكم لا البرنامجين معدين للاماراتيين فقط

DUBAI ATCO

30-12-2007, 05:26 PM

عليكم السلام ورحمة الله وبركاته

حياك الله

طال عمرك مثل ما قالو لك الشباب ولكن

اول شيء اعلق على الرواتب طيران الاتحاد اكبر رواتب بكثير وهناك موجة تنقل للطييارين من الامارات للاتحاد كما ذكر احد الاخوان في احد المواضيع

رواتب الطياريين الجاهزين اعلى بكثير مقارنة بالشركات الأخرى وذلك لكسبهم واخذهم من الشركات الأخرى

اما عن الطيارين الذين سيتخرجون على يد الشركة فرواتبهم مقاربة لطيران الإمارات والفرق بسيط

ولكن انته اتشوف اللي انسب لك من حيث انك من هل دبي او ابوظبي واتشوف اللي اقرب لك

وثاني شي اتشوف المتطلبات هل تنطبق على مؤهلاتك وتختار الأنسب

اسأل نفسك

هل انت مستعد للسفر لمدة سنتين او ثلاث للدراسة فالخارج ؟ فعليك بطيران الإمارات

غير مستعد وحاب تدرس فالبلاد ؟ عليك بطيران الإتحاد

فإسألأ نفسك قبل ما تسأل الآخرين وشوف اللي يناسبك و فرق الراتب مب وااايد

وبالتوفيق إن شاء الله

a340qr

30-12-2007, 10:10 PM

كلام أخوي DUBAI ATCO سليم و 100 في 100

برونزية uae

07-01-2008, 12:52 PM

هل توجد
تخصصات اخرى غير الطيران في الكلية اذا سمحتو

DUBAI ATCO

07-01-2008, 01:11 PM

البرامج عالرابط التالي
http://www.emiratesaviationcollege.com/aas/index.html (http://www.emiratesaviationcollege.com/aas/index.html)

برونزية uae

07-01-2008, 09:54 PM

وشو يسوي اللي مايحب الانجليزي تسلم تعبتك معاي

خالد الشامسي

09-01-2008, 10:46 PM

أختي انا حطيت الرقم اتصلي فيهم احسن حل

تبي رقم طيران الامارات هذا رقمهم >>042187777

ما بيقصرون معاج

بس اللي اعرفه انه شيء هندسة طيران .. وفي اشياء ثانية والله يعلم شو هي . بس راجعيهم وعقب تعالي خبريني

-----------------------

انا من العين .. بس صراحة انا اشوف طيران الامارات احسن لأن دراستهم بتم في الخارج .. يعني اقدر اكسب لغة .. اما وجودي في العين ما بيساعدني .. ومدة الدراسة طويلة فيعني اقدر اكسب معلومات اكثر

فاريد رايك في كلامي يا DUBAI ATCO

DUBAI ATCO

11-01-2008, 11:35 PM

[quote=خالد الشامسي;178764]

انا من العين .. بس صراحة انا اشوف طيران الامارات احسن لأن دراستهم بتم في الخارج .. يعني اقدر اكسب لغة .. اما وجودي في العين ما بيساعدني .. ومدة الدراسة طويلة فيعني اقدر اكسب معلومات اكثر

فاريد رايك في كلامي يا DUBAI ATCO

والنعم والله

طال عمرك بالنسبة للغة فبكتسبها سواء فالبلاد او في استراليا

واهم شي مستوى لغتك الحين للقبول ، لكن مثل ما قلك هناك ستكون الممارسة اكثر

والفائدة أكبر وايضا" فالدراسة فهناك مساحات وأجواء مفتوحة وتطير على كيفك

المهم الراي رايك فالبداية والنهاية

وبالتوفيق إن شاء الله

خالد الشامسي

12-01-2008, 09:57 PM

تسلم اخوي DUBAI ATCO

انا بجرب في مكانين وان شاءالله موفقين

ساكون طيارا

13-01-2008, 06:16 PM

وشو يسوي اللي مايحب الانجليزي تسلم تعبتك معاي

يجلس في البيت :d3oh:

مجرد ظل

13-01-2008, 08:52 PM

الانجليزي في الطيران شرط اساسي في الامارات او الاتحاد
في طيران الامارات يوجد برامج تدريبيه غير الطيران ادارة اعمال وIT وادارة نقل جوي وغيرها

طيار الإمارات

15-01-2008, 08:48 PM

حياك الله اخوي...............انا طيار متدرب في طيران الإمارات...وحاليا في استراليا....بالنسبه لسؤالك......انت قدمت اوراقك في المكانين....والمكانين تراهم زينين...انت بس شوف من يقبلك اول فيهم وصل استخاره ولا تفوت الفرصه ابدا.....مع العلم انه القبول في طيران الإمارات معقد نوعا ما.......يعني راح تستغرق ما يقارب 6 الى 8 اشهر من اول اتصال لهم......(فها المده بتسوي اختبارات وفحوصات ومقابلات)....

ايا كان المكان اللي يقبلك سير له ولا تتأخر لأن الفرصه لا تفوت...وحط في بالك انه في المستقبل يمكنك التغيير والتنقل بين شركات الطيران.......واي سؤال ثاني انا حاضر...

وبالنسبه للرواتب.....تراها ما تفرق كثير....

ودمتم في رعاية الله

برونزية uae

31-01-2008, 11:01 PM

برونزية uae

31-01-2008, 11:04 PM

يجلس في البيت :d3oh:
هههاي اقول المفروض هم يدربونا عالانجليزي لانه دارسين في مدارس حكوميه يعني الغلط على الحكومه انها ماغير تالنظام من اول بعد ماخلضا قامت تغير ومدام نحن في دوله خليجيه المفروض يسوون احصائيه انه اللي في الخليج اقل بوايد اللي يتكلمون انجلش والاغلبيه ماشي والشركات هم يبدون معانا من البدايه مب في كل شي نحن خبره تسلم على رايك واحترمه ورديت متأخر لانه الموقع اليوم حصلته

برونزية uae

31-01-2008, 11:05 PM

الانجليزي في الطيران شرط اساسي في الامارات او الاتحاد
في طيران الامارات يوجد برامج تدريبيه غير الطيران ادارة اعمال وIT وادارة نقل جوي وغيرها
الصراحه زين خبرتني لانه كله يقولولي هندسة وبس طيران نبا هالمجالات اففف لو قلبي لين مارديت انت رد شافي :onlinelong:

ابو سالمكم

05-02-2008, 08:55 PM

على سؤال الرواتب تقريبا طيران الاتحاد يوصل راتب المساعد كابتن تقريبا من 40 الف الى 50 وطبعا طيران الاتحاد يدفعون الرواتب بالدولار الامريكي.. ولكم جزيل الشكر

bandar

17-02-2008, 02:25 PM

برأيي برنامج الاتحاد اقوى على اعتبار ان منهاجها الدراسي JAA بينما استراليا مستوى منهاجها الرابع عالميا (طبعا الامريكيه والكنديه بعد البريططانيه)

تحياتي

Ghost Rider

19-02-2008, 12:07 PM

بصراحه كلهم نفس الشي

ahmedeaa

24-04-2008, 09:48 PM

اريد اعرف ازاى ادرس فى امريكا

Captain Yousef

24-04-2008, 11:13 PM

بالتوفيق اخوانى الكرام

الرئيسية المنتدى الصور الدليل وثائق و معلومات فيرتشوال سما فيرتشوال ناس