[BAE Systems] الشركة البريطانية للطيران والفضاء - أختبارات القبول

[hola]

انا خريج دبلوم ومعي خبره سنتين من البنك البريطاني

والبرنامج مخصص لخريجين الثانويه العامه بس

يعني شهادتي ماراح تنفعني

وعلى فكره اذكر في اختبار الاول كان معانا واحد جامعي بكلوريوس هندسه طيران

وقالو له ماراح تنفعك الشهاده لان البرنامج مخصص للثانويه

بالتوفيق


اللي اعرفه انه فيه 3 برامج:

1: مخصص لخريجي الثانوية وهو اللي الحين تمشي اجراءاته
2: لخريجي البكالوريوس وحسب كلام موظف كلمته انه راح يكون بعد مايتم البرنامج الاول وتنتهي اجراءاته.

3: للماستر والدكتوراه


واتمنى ان كان كلامي غلط احد يصححني

[أبو عبدالرحمن07]

السلام عليكم ورحمة الله وبركاتة صباح الخير
عندي خبر بس ماادري عن صحتة لكن اتمنى انة يكون أشاعة
واحد من الشباب متوظف في الشركة البريطانية وحلف بالله ان المقبولين قي دورة فنيين الطايرات معروفين من قبل شهر لكن بيسون المقابلات تحصيل حاصل, وخلاص طارت الطيور بارزاقها,
وبالتووفيق للجميع

[sultanuser]

وعليكم السلام / صباح النور ابو عبدالرحمن

انا معك ابو عبدالرحمن بس مو كلهم في ناس من بعد اختبار القدرات ضامن نفسه قبل مايسوي المقابله بس يروح عشان يسجلونه انه اختبر وبعضهم على البركه .....

[hola]

السلام عليكم ورحمة الله وبركاتة صباح الخير
عندي خبر بس ماادري عن صحتة لكن اتمنى انة يكون أشاعة
واحد من الشباب متوظف في الشركة البريطانية وحلف بالله ان المقبولين قي دورة فنيين الطايرات معروفين من قبل شهر لكن بيسون المقابلات تحصيل حاصل, وخلاص طارت الطيور بارزاقها,
وبالتووفيق للجميع

حتى الشركات الاجنبية وصلتها العدوى من عندنا :crazy_pilot:اقصد الواسطة

حسبي الله عليهم

من جد اي شي يدخله سعوديين يخرب:dry:


بس ممكن نعرف اخوي اللي قالك وش منصبه في الشركة؟؟؟

مدير توظيف مثلا....

وشلون هالشي يصير والناس يروح جهدها بلووووشي:joystick:

[max_sa]

السلام عليكم ورحمة الله وبركاتة صباح الخير
عندي خبر بس ماادري عن صحتة لكن اتمنى انة يكون أشاعة
واحد من الشباب متوظف في الشركة البريطانية وحلف بالله ان المقبولين قي دورة فنيين الطايرات معروفين من قبل شهر لكن بيسون المقابلات تحصيل حاصل, وخلاص طارت الطيور بارزاقها,
وبالتووفيق للجميع
السلام عليكم
معقولة هالكلالالالالالالالالالالالالالالالالام يعني راح تعبي على الفاضي

[hola]

اتمنى من العضو ابو عبدالرحمن التوضيح الله يجزاه بالخير

مع انه مالي اي علاقة بالموضوع لكن بصراحة شي يقهر وظلم ان كان كلامه صحيح

[max_sa]

............

[sultanuser]

استغفر الله العظيم
استغفر الله العظيم
استغفر الله العظيم
استغفر الله العظيم
استغفر الله العظيم
استغفر الله العظيم
استغفر الله العظيم

[sultanuser]

هل تريد الرزق ونزول البركات ؟

عليك بالصدقة .....

قال الله تعالى ... ' يمحق الله الربا ويربي الصدقات '

[تعبت اعطي]

السلام عليكم ورحمة الله وبركاته :
ياشباب انا دقوا علي ادارة الرياض امس الساعة 11,07 صباحآ وقالوا لي :
ترى دورتكم اللي كانت بتاريخ 5\7\2008 قدموها وصارت السبت القادم بتاريخ 10\5\2008
الساعة8،30
وللمعلومية الدورة اللي اتكلم عنها مدتها سنه وعشرة شهور براتب 2950ريال

وفيها اختبارات انجليزي ولازم تجيب على الأقل 70 % من الدرجة وبعدها يرتفع راتبك الى 4150 ريال وفيها اختبار حاسب واذا اجتزت المرحلة هذي ياتكون فني او اداري ..
" والله على ما اقول شهيد"

[sultanuser]

اخوي تعبت اعطي
الوظيفه الي مقدم عليها بشهاده الثانويه

لان الوظيفه الي نتكلم عنها فني طيارات (( التايفون )) شهاده الثانويه العامه .....؟

[تعبت اعطي]

انا خريج ثانوي ومعي خبره خمس سنوات فالمحاسبة
وبصراحة دوختوني اللي يقول الطيور طارت بارزاقها ..
واللي يقول شكلهم اسحبوا علينا ..
واللي يقول الا الآن ما صار شي ..
والله اني اكلمكم بكل صدق
وهذا اللي صار معي من تاريخ اختبار القدرات 25\2\2008 الى هذه الساعة
والله يوفق الجميع . .

[hola]

^^

الله يوفقك اخوي وكل الشباب


الواحد معذور اخوي ..لاتلوموهم

[أبو عبدالرحمن07]

اسف على الخبر ممكن سبب ازعاج لبعضكم ادري ان الحقيقة مرة بعض الاحيان لكن والله حبيت انقل لكم الخبر كما جاني,الى قال لي الخبر هو ضابط متقاعد من القوات الجوية ومتعاقد مع الشركة وظيفة فني طيران وهو قال لى ان الضباط المتقاعدين الى يعملون في الشركة هم سبب المشكلة يدخلون اولادهم او اقربائهم وحتى لو معدلهم او لغتهم زفت تعرفون الواسطة فوق كل شي ويقول انة بيعرف ناس دخاو اولادهم وخلاص بيعرفون دورتهم ولكن المقابلات والاختبارات روتين فقط لا غير ولكن نسال الله ان يظهر الحق وكل واحد ياخذ رزقه واتمنى لكم التوفيق

[أبو عبدالرحمن07]

مع العلم ان وااسطتي الله ربنا ورب اهل الواسطة

[Snake3Eater]

شيء مو جديد علينا احنا السعودين
ماأدري متى ربعنا راح يفهمون ان هذا تدمير وانحطاط

ماأقول الا الله يوفقكم ياشباب

انا من البداية وغاسل يدي من الشغلة

[feeling19]

بعد التحية:-
عدل عدل

تفائلوو خيرررررررررر نفس ماقلت لكم يالغالين اللي له رزق بياخذه

خلوو ايمانكم قوي بالله

ههههههههههههههههههههههههههههههه معليش اضحك قهررررررر

قال يبي يصير فني طيارات قال وتايفون كمان

سلام عليكم

[hola]

اسف على الخبر ممكن سبب ازعاج لبعضكم ادري ان الحقيقة مرة بعض الاحيان لكن والله حبيت انقل لكم الخبر كما جاني,الى قال لي الخبر هو ضابط متقاعد من القوات الجوية ومتعاقد مع الشركة وظيفة فني طيران وهو قال لى ان الضباط المتقاعدين الى يعملون في الشركة هم سبب المشكلة يدخلون اولادهم او اقربائهم وحتى لو معدلهم او لغتهم زفت تعرفون الواسطة فوق كل شي ويقول انة بيعرف ناس دخاو اولادهم وخلاص بيعرفون دورتهم ولكن المقابلات والاختبارات روتين فقط لا غير ولكن نسال الله ان يظهر الحق وكل واحد ياخذ رزقه واتمنى لكم التوفيق

كالعادة.... وكان السعوديين يملكون الشركات :qust:

الله يعينكم شباب... بصراحة انا تشجعت اني اقدم عليهم لاني قلت الادراة بريطانية وبيعطونك حقك...

بالاخير فايروس الواسطة السعودية قهر كل الادوية ونجح... :weeping:

الله يعضو صبركم خير شباب....

انا مريت بنفس التجربة مع شركات كاارمكو وسابك وغيرها.... نفس الوضع صار

مانقول الا : ياااااارب عوضنا خيرا منها

[الفيصل001]

حطمتوني ياشباب

والله تحطمت مع ان درجاتي اتوقع انها عاليه مره مره في الاختبارين اللي اختبرتهم

الله يعين

بالتوفيق للجميع ان شاء الله

[Snake3Eater]

اخوي لاتتحطم ولاشيء
لازم تخلي ثقتك بالله قوية وإن شاء الله ربي يوفقك

هذا الاشياء نتعايش فيها ولازم نتصبر ونتوكل على الله