القطرية أم الإماراتية ؟

[..»F.a.h.a.d«..]

مرحبااااااااااااااااا :mic-me:

لو خيروك بين الإماراتية أو القطرية .. لوجهه بعيدة المدى ..

مثل أمريكا .. اليابان .. إستراليا ..


وش تختار << :twaret:.. وليش ... ؟؟؟؟؟؟؟؟؟؟؟

ياليت توضيح الأسباب كامله .. مهوب تختارون و بس .. :d3oh:

[MoHaB]

طبعا ومن غير تردد هختار حبيبة قلبي طيران الامارات بصراحة الطيران المفضل ليا بعد حبيبتي الاولى مصر للطيران اسباب اختياري لطيران الامارات اول سبب مطار دبي الرائع وطيران الامارات كراسيها مريحة ووسائل الترفيه رائعة واكل طيارة جميل ومميزات سكاي وردز وانا شايف من اهم اسباب اخيارك لشركة طيران الراحة النفسية يعني تركب شركة طيران وانت حببها

الف شكر يا كابتن فهد على المقارنة اللذيذة ديه ويشرفني اني اول واحد يرد على موضوعك الجميل

[الطيار الوسيم]

طبعا سوف اختار طيران الامارات

لان الخدمات فية ممتازة والراحة موجودة ووسائل الترفية ايضا ممتازة

[..»F.a.h.a.d«..]

مشكورين على المرور ..

[البارود]

طيران الامارات لان خبرتي بها اكثر من القطرية لكن لن يمنعني ان استخدم القطرية اذا كانت تقدم خدمات افضل من الاماراتية او حتى الاتحاد

[adil 369]

أشكرك الغالي على طرح هذا الموضوع : بصراحة ومن غير أنحياز لأني لا أماراتي ولا قطري بس جربت الشركتين في رحلات طويله وقصيرة في الدرجتين السياحية ورجال الأعمال والدرجة الأولى بصراحة ما جربتها لا في الأماراتية ولا القطرية فما أقدر أفتي فيها .. بعد أحترامي للأماراتية بأختار القطرية لأنه بصراحة مافي أي مقارنة القطرية كراسيها أريح في الدرجتين ووجباتهم أحسن في الدرجتين والترفيه القطرية أحسن بكثييييير والأهم والأهم مضيفين القطرية أرقى في التعامل من الأماراتية أسمحولي في هذه الكلمة أنا صادفت كثير مضيفن وقحين بالأماراتية بعكس القطرية كثير ودودين وما ننسى أنه القطرية مصنفه عالميا 5 نجوم والأماراتية مصنفه 4 نجوم ................. أسمحولي الأماراتية كانت زمان صح كل شي فيها حلو بس الحين ما أدري أيش صار فيهم بس طبعا مطار دبي للحين لا يعلى عليه ( أسأل مجرب ولا تسأل طبيب ) .

[بحريني وفتخر]

موضوع حلو أخوي
اما بالنسبة لي انا اختار القطرية لانها تسير 6 رحلات يومية للبحرين
فالترانزيت في الدوحة راح ايكون فترة بسيطة عكس الامارتية تسير بس
3 رحلات يعني الترانزيت فترة طويلة

بس هم طيران الامارات طيران ممتاز وخدماته رائعة

[hotrocky2k]

بدون مجامله ولا تحيــز .. القطريــه الأفضل في المنطقه
ان لم تكن في العالم ككل. شركة طيران محترمه وراقيه وكل شي
لإيها أروع من الرائع .. تتوقع شي وتشوف أكثر مما توقع وهذا اللي يميز
القطريه . يحفظهم ربي ويوفقهم ربي كل التوفيق ونشوفهم في تطور
اكبر :)

طبعا الأماراتيه مميزه ولها صيتها الخاص في ساحة الطيران
لكن "برأيي" في السنتين الأخيرتين لاتقارن بالقطريه

تحيــــاتي

[ZAZO]

..»F.a.h.a.d«..

والله الإثنين ممتــــازين
شكراً على الموضوع

تقبل مروري
ZAZO

[@@جامبو@@]

بدون شك
راح أختار

fly emirates

والاسباب :
1- تعدد رحلاتها ووجهاتها وتغطيتها تقريبا لجميع مدن العالم
2- لديها أسطول جوي ضخم ومتميز
3- خدمات رائعة وحرصهم على رضا العميل
4- كنت طالع رحلة من دبي الى باريس استغرقت 6ساعات ونصف ماحسيت فيها لروعة جهاز الترفية الي يدخلك عالم آخر .
5- محورية مطار دبي وروعتة ولو تجلس في المطار يوم كامل ترانزيت ماراح تمل لانة كما هو مطار هو ايضا سوق ومركز ترفيهي ومركز للمطاعم .

أما القطرية شركة جيدة لكن ليست كمستوى طيران الامارات.
وشكرا على الموضوع.

[ولـــ زايـــد ـــد]

طيران الإمارات

مب لأني إماراتي بس طيران الإمارات له مميزاته وهي:-

1- ما راح انزل ترانزيت

2- مطار دبي الاكثر من رائع

على عكس مطار الدوحه اللي حتى خرطوم واحد مافيه كله بالباصات (مع اشد احترامي لأهل قطر)

3- نظام ترفيه ICE الجديد واللي اذا كانت الرحله يوم كامل ماراح اتخلصه من كثر اللي فيه

4-وجبات ممتازه

5- اسطول جديد وكبير من الطائرات العريضة البدن

على عكس القطريه رحلات دول الخليج والمناطق القريبه معظمها على طائرات ذات الممر الواحد A320

6- كراسي مريحه ومسافه رحبه بين الكرسي والآخر

7- برنامج سكاي واردز المذهل وكثره الشركاء المشاركين فيه من شركات طيران وفنادق واماكن أخرى

8- السوق الحره في الجو افضل

9- الدرجه الأولى في طائرات طيران الامارات الجديده A340 عباره عن جناح خاص

10- طاقم ضيافه ممتاز ويتحدث عدة لغات

11- خدمة التوصيل بالسياره من وإلى المطار لدى طيران الإمارات تشمل مدن اكثر

12- صالات طيران الامارات الخاصه بدرجة رجال الاعمال والاولى اجمل وموجوده في الكثير من دول العالم

13- إمكانية تشغيل الهواتف المتحركة في بعض الطائرات والتي شتشمل قريبا جميع الطائرات

14- الوجهات التي تصل إليها اكثر

15- امكانيه حجز الكراسي والوجبات واتمام اجراءات السفر وغيرها الكثير عن طريق الموقع الالكتروني

16- برامج عطلات مميزه


وايضا القطريه شركة مميزه ولها سمعتها الجيده

[ZERO X]

الاماراتية
لاتساع مجال الخبرة نوعا ما
وبما انني كويتي فانا افضل الانتظار ساعة او ساعتين في مطار دبي افضل من مطار الدوحة القديم
وشكرا لك

[rashed]

والله ان افضل الاماراتيه لأن القطريه توهق بالصيف يتكنسل حجزك وانا صارت معاي مرتين بالصيف طبعا والاماراتيه طياراتها بوينغ777 للرحلات البعيده كراسيها روعه برامجها روعه
اما القطريه فا طيرانها ايرباص330 كراسيها عاديه وانت طبعا تعرف الفرق بين البوينغ 777 والايرباص 330 ايهم احسن وشكرا موضوعك اكثر من رائع

[بنت الكويت]

انا جربت الايماراتيه و القطريه على الدرجه الاولى و رجال الاعمال الايماراتيه وايد ارقى وايد المضيفات تعاملهم حلو حتى كنت مريضه بالطياره المضيفه كل شوي تاخذ حرارتي اما القطريه المظيفه تبتسم و ودها تذبحك و تفتك منك بس خدمتهم على A340 حلوه
ممكن سؤال انا صار معاي موقف مع الايماراتيه سخيف كنت حاطه اسمي على الطياره على J class وكان سعرها من الكويت لي بانكوك 540 بعد اسبوعين تقريبا صار سعرها 616 دينار عصبت عليهم و كنسلت حجزي و الموقف الثاني صار مع القطريه ان عندهم عدة اسعار نفس الرحله و نفس الدرجه و حده اب 730 و وحده اب 590 دينار بس طبعا الاولويه حق الي سعرهم 730 راح يحجزون لهم المهم و الاتحاد ترانزيت يوم كامل في ابو ظبي و الكويتيه تخرع و الخليج الخدمه تعبانه و انا اكره رحلاتهم الي من الكويت لي بالحرين على الA320 المهم صديقاتي نصحوني بالسيلانيه و طبعا اكو 15 ساعه ترانزيت في كولمبو راح يعطونا فندق Star4 فقلت منها اشوف الديره الحين المشكله اشرايكم فيا اكو ناس قالولي كراسيها نفس كراسي الايماراتيه على A330 هل هذا صج و شلون خدمتهم بليز نصحوني لاني حجزت و بصراحه فرق السعر خوفني زياده سعرها قبل لا ترتفع عشان البانزين كان 420 بليز الي عنده خبره يقولي لا تنسوني
مشكورين و يعطيكم العافيه

[titou31]

طبعا سوف اختار القطرية

لان الخدمات فية ممتازة والراحة موجودة ووسائل الترفية ايضا ممتازة

[B777-300ER]

الاماراتية جناح خاص

[وٍلٍدٍ قٍطٍرٍ]

طبعا القطرية
وسائل تفرفيه وخدماتها
ورحلاتهم الحلووه :)

[سما الطيران]

اكيد الاماراتيه
الخدمات فيها وايد حلوه
والمطار ما عليه كلا م

[احب بلادي]

انا جربت الاماراتيه والقطريه القطريه رحت معاها للمغرب وسراحه القطريه اجمل

[3bdulaziz]

بالنسبه لي ما اقدر احكم لأني ماجربت القطريه

واتمنى ان اجربه في الأيام المقبله ولكن
اول ملاحظه على الخطوط القطريه الألوان المستخدمه داخل الطائره
من خلال بعض الصور التي قد اطلعت عليها رأيت ان الوان المقاعد الداخليه للطائره عنابي وهذا الون ساخن وغير مريح للعين ومزجع بالنسبه لي

ومع ذلك تبقى شركه قويه ولها سمعتها ومكانتها بالسوق

اما لجيت للقلب فالقلب يهوى طيران الإمارات حب وعشق واحترام
وخاصه اذا كانت الرحله على B777-200LR

شاكر لك عزيزي