هل تنصحووني بكندا لدراسة هندسة طيران ؟

[thug life]

السلام عليكم ..
كيف الحال عساكم ع القووة انشاءالله ..
معاكم اخووكم احمد .. طالب في الثانوية ..
و انا تخصصي في الثنوي ( تجاري ) ..
بس بعد ماقعدت مع عمومي و 3 من عموومي مهندسين 2 مهندسين طيران ( مدني ) و 1 منهم مهندس كهربائي ..
المهم في الموضوع اني اقتنعت في دراسة هندسة الطيران ..
و احتمال عقب الثانوية ادرس في ماليزيا انجليزي و بعدها اروح كندا و اقدم في جامعه عشان ادرس هندسة طيران ..

فهل تفكيري هذا صحيح و تنصحووني فيه ولا شنو الافضل لي انا .. ابي شرح عدل لأن ماعندي خلفية بس عندي دافع اني ادرس هندسة طيران و من صغري كنت اعشق الطيران ..

و بليز ابي شرح حق الي بدرسه و هل هالشي ينفعني ع اني بحريني .. يعني اقدر احصل وظيفة و انا دارس بالثنوي تجاري ؟؟ و هل تنصحووني بكندا لدراسة هندسة طيران ؟

و بكون شاكر لكم تحياتي اخوكم احمد

[thug life]

وينكم شباب .. دقيقة بس ابي واحد يتفهم موقفي و يرد علي بليز والله صج للحين ماكملت ثنوي بس انا ودي في هالشغله و خايف اني ماقدر ادرسها لأني داش تجاري ؟؟

[mechanic]

دراسة هندسة الطيران تعتمد بشكل اساسي على الرياضيات والفيزياء

وهي موجودة في الدراسة الثانوية القسم العلمي

بعض الجامعات الاجنبية تقبل اي شهادة ثانوية مهما كان نوعها

لكن المشكلة في الصعوبات عند الدراسة

اذا كنت جاد في دراستك سوف تحل هذه المشكلة بإذن الله

بالنسبة لكندا مكان ممتاز لدراسة الطيران وعلومه

اما عن الوظاف في البحرين فأتمنى من احد اخواني من البحرين

مساعدتك في الاجابة على تساؤلاتك


وبالتوفيق ان شاء الله

[عبدالرزاق احمد حاتم]

الاخ الكريم
دراسه الهندسه تكون للفرع العلمي حتما
وانت تفضلت وقلت انك تجاري حاليا

[عماد المشهداني]

مع الارادة والتصميم ووضع الهدف والسير باتجاهه كل شيء يتحقق . المهم في الموضوع يجب ان تكون قوي بالرياضيات والفيزياء بالدرجة الاساس كما ذكر لك ذلك الاخوان الذين سبقوني في الرد ولتعلم ان الدراسة في كليات الهندسة بشكل عام تحتاج صبر ومذاكرة بعد انتهاء دوام الكلية فترة لا تقل عن سبع ساعات يوميا اذا اردت ان تكون مهندس جيد .
تمنياتي لك بالتوفيق
تقبل تحياتي

[عبدالحميد العذال]

اخوي دراسة هندسة الطيران فيها مواد فيزياء ورياضيات
لكن موب معناتها مايقبلونك الجامعات في جامعات تقبل اي شهادة ثانويه
لكن السؤال هنا هل انت تقدر انك تتغلب على هالمشكله؟؟
وعندك مقدره على إستيعاب الرياضيات والفيزياء؟؟
اذا كنت تقدر الله يوفقك
وبالنسبه لشركات الطيران الي اعرفه عن السعوديه واغلب الدول مايهتمون لشهادتك الثانويه
اهم شي شهادة الأكاديميه الي بتدرس فيها والرخصة اذا كانت الشركه خاصه
واللغه الانجليزيه مهمه جداُ جداُ جداُ لاتدرس قبل ماتكون لغتك تمام
اذا شفت في نفسك القدره على هالاشياء بالتووووووووووفيق روح

[thug life]

ماتقصروون و عساكم ع القووووة .. و بالتوفيق انشاءالله اجمعين ..

[الماريشال]

أدرس في أي مكان المهم عزمك وطموحك على بلوغ الهدف بالتوفيق انشاءالله اجمعين ..