بغيت معلومات عن كلية الافق فالعين

[شيخة زماني]

السلام عليكم ورحمة الله وبركاته

اخواني وخواتي بغيت معلومات عن كلية الافق اللي فالعين فدولة الامارات واللي ادرس طيران..
عندي مجموعة اسئله وياريت اللي يعرف شي يفيدني الله يكتبله فميزان حسانته

1- كيف هي الدراسه فالكليه؟مختلطه؟
2- هل يقبلون علمي ولا ادبي؟
3- هل يصرف راتب شهري في فترة الدراسه؟
4- هل رسوم الدراسه للمواطنات مجاني؟
5- بعد الدراسه هل الوظيفه مضمونه؟
6- وشو عن الامتيازات؟
7- هل الدراسه والوظيفه مناسبه للبنت؟

يريت اللي تدرس اهناك او تعرف حد من البنات يدرسن اهناك تخبرني حابه اتواصل وياها عشان اتعرف على الكليه اكثر

لاني دخلت موقع الكليه ومافهمت شي

[AboAbdulla]

Horizon International Air Academy

أكاديمية هورايزون لتدريب الطيران
تخصصها في التدريب على الطائرات العمودية - هيلوكبتر
الأمارات العربية المتحدة - مدينة العين
ت/ 7855550-3-00971
الموقع على الويب
http://horizonuae.ae (http://horizonuae.ae/)
نوع الطائرات المتوفر التدريب عليها: بل 206

والان أدخلوا طائرات مروحية خفيفة

وهي لدراسة وتعلم الطيران - تعليم عملي
لا يصرف رواتب - لأن الدراسة تكون على حسابك الخاص
الثانوية العامة ومايعادلها.
لا يوجد ضمانات للتوظيف

[شيخة زماني]

مشكور اخوي عمر على المعلومات

بس انا من مواطني دولة الامارات

وسمعت انه في رواتب ففترة الدراسه

وبعد الدراسه بشتغل فطيران الاتحاد

يريت حد يفيدني اكثر

[Cpt.Ahmad]

السلام عليكم
لمزيد من المعلومات تفضل راجع هلرابط
http://www.flyingway.com/vb/showthread.php?t=21455

[AboAbdulla]

مشكور اخوي عمر على المعلومات
بس انا من مواطني دولة الامارات
وسمعت انه في رواتب ففترة الدراسه
وبعد الدراسه بشتغل فطيران الاتحاد
يريت حد يفيدني اكثر

ربما يكون هذا الشيء صحيح
فبعد مراجعة الموقع الليكتروني لأكاديمية هورايزون
وجدت لديهم رابط يمثل طلبة طيران الاتحاد
في أسفل الصفحة عند الشريط التالي:

Join Etihad Airways "UAE National Cadet Pilots Training" (http://careers.etihadairways.com/ehire/english/EmaraatiJob/EmaraatiJobList.aspx)

سجلي في موقع الاتحاد وإمليء البطاقة وسوف يصل لك الاجابة منهم

[شيخة زماني]

god,s lion شكرا على ردك بس مالقيت ردود على اجوبتي


عمر تسلم تعبتك وياي وان شاء الله القى رد

وباقي الاعضاء افيدوني بلييييز

[s.alkhalifi]

السلام عليكم ورحمة الله وبركاته




وعليكم السلام ورحمة الله وبركاته
اخواني وخواتي بغيت معلومات عن كلية الافق اللي فالعين فدولة الامارات واللي ادرس طيران..
عندي مجموعة اسئله وياريت اللي يعرف شي يفيدني الله يكتبله فميزان حسانته

1- كيف هي الدراسه فالكليه؟مختلطه؟
الدراسه تكون جزء منها نظري والجزء الاخر عملي ومدتها تقريبا سنه ونصف السنه
اعتقد انها مختلطه بحكم قلة البنات
2- هل يقبلون علمي ولا ادبي؟
كانوا يقبلوان علمي وادبي واعتقد الان نفس الشي
3- هل يصرف راتب شهري في فترة الدراسه؟
اذا كنتي احد طلاب طيران الاتحاد فطيران الاتحاد يصرف عليج كدراسه وراتب شهري قدره 6000 درهم
4- هل رسوم الدراسه للمواطنات مجاني؟
مجاني اذا كنتي من طرف طيران الاتحاد وبرسوم اذا كنتي تدرسين على حسابج
5- بعد الدراسه هل الوظيفه مضمونه؟
ان شاء الله مظمونه اذا كنتي من طرف طيران الاتحاد
6- وشو عن الامتيازات؟
والله ماعندي علم عن الامتيازات ولاكن متاكد انها قويه
7- هل الدراسه والوظيفه مناسبه للبنت؟
اذا ماعندج مشكله كل يوم تسافرين لدوله ان شاء الله مناسبه
على فكره في بنتين يدرسون في كلية الافق تبع طيران الاتحاد

يريت اللي تدرس اهناك او تعرف حد من البنات يدرسن اهناك تخبرني حابه اتواصل وياها عشان اتعرف على الكليه اكثر


لاني دخلت موقع الكليه ومافهمت شي

اذا تبين نصيحتي انا رحت قبل فتره الى كلية الافق وسالتهم كانت هناك في مدربه مصريه سالتها عن تكاليف الدراسه وقالت لي انها في حدود ال400 الف وفي شباب يدرسون بالكليه قالوا لي بانها 460 الف
حتى المدربه استغرب يوم جيت ابا ادرس عندهم لان اكثر المواطنين
يقدمون يااما في طيران الاتحاد يااما في طيران الامارات
ونصيحتي لج سوي مثلي وقدمي على موقع طيران الاتحاد
وهذا هو الرابط
http://careers.etihadairways.com/ehire/english/register.aspx

وبعد ما تكتبين بياناتج وتسوين لج نك نيم سيده روحي عند كلمة Important News
وتختارين
cadet pilot programme
وبعدين بيطلع لج مربع اقريه بيقول لج روحي على Current Vacancies بتحصلين هاي الكلمه فوق
بعد ما تدوسين هاي الكلمه بتطلع لج هاي الكلمه
Find Jobs Based On
غيري المربع الي عداله من اليمين وحطي flight crew
بعدين بتحصلين عده اختيارات تحت اضغطي على cadet pilot
بعدين اقري الشروط والمميزات ..... الخ
اخر شي دوسي على APPLY NOW

واتمنى اني ساعدتج وف الاخير دعواتج لي

[شيخة زماني]

co 2 مشكور اخوي يزاك الله كل خير

ريحيتي كنت شاله هم الدراسه الله يريحك دنيا واخره

سجلت فالموقع والحين انتظر شو؟!

ولا لازم اسير اراجعهم؟

وشو عن السكن انا مب من العين ولا أبوظبي من اماره ثانيه

هل بيخصمون من راتبي الشهري للسكن؟

معقوله مدة الدراسه سنه ونص؟

وشو هي متطلبات الكليه؟ من امتحان توفل ورياضيات وفيزيا؟

ومشكور اخوي بتعبك وياي

[امريكي232]

اللة يوفقك
ونشاء اللة عقبال ما نشوفك طيارة

[شيخة زماني]

تسلم امريكي:)

[s.alkhalifi]

co 2 مشكور اخوي يزاك الله كل خير

ريحيتي كنت شاله هم الدراسه الله يريحك دنيا واخره

سجلت فالموقع والحين انتظر شو؟!
الحين تنتظرين لين شهر واحد وهم بيتصلون فيج او بيرسلون لج ايميل
ولا لازم اسير اراجعهم؟
طبعا بيرسلون لج مسج على الايميل او بتصلون بج عبر الهاتف


وشو عن السكن انا مب من العين ولا أبوظبي من اماره ثانيه
والله على حسب ما اعتقد انه السكن على حسابج
هل بيخصمون من راتبي الشهري للسكن؟
في هذي الحاله اعتقد انه من الراتب تستاجرين
واذا كلامي فيه نوع من الخطا ان شاء الله الاعضاء بيصححون
معقوله مدة الدراسه سنه ونص؟
نعم سنه ونصف السنه وتكونين كبتن باذن الله

وشو هي متطلبات الكليه؟ من امتحان توفل ورياضيات وفيزيا؟
لازم تكون لغتج الانجليزيه تمام والرياضيات والفيزياء بعد تمام
اذا تبين نصيحتي ادخلي اي معهد وقوي لغتج الانقليزيه وراجعي مواد الرياضيات والفيزياء حق الثانويه عندج وقت لين شهر واحد تسوين فيها اشياء
ومشكور اخوي بتعبك وياي
لا افا عليج نحن هنيه نساعد بعضنا البعض


وبعد نسيت اقولج بعد بيسون لج امتحان ذكاء وهذا الرابط تدربي عليه
http://www.iqtest.dk/main.swf
و بعد بيسوون لج تحليل شخصيه بيشوفون هل انتي مناسبه تكونين طياره او لا
وعلاوه على ذالك بيسون لج الفحص الطبي الي من خلاله بيشوفون نظرج وخلوج من بعض الامراض مثل السكري والضغط وامراض الصدر والربو ....... الخ

[شيخة زماني]

مشكور اخوي

بس بغيت اسال عن الطول انا الحمدلله طولي اوكييه 165

ووحده من الاهل تبا اتسجل وياي طولها 152

وشو عن النظر؟

هل يتغاضون عن هالاشيا؟

وبغيت اسال عن لبس الطياره كيف؟

[s.alkhalifi]

مشكور اخوي

بس بغيت اسال عن الطول انا الحمدلله طولي اوكييه 165
اعتقد 165 هذا ادنى حد وان شاء الله يقبلونج بس بشرط يتناسق الطول مع الوزن

ووحده من الاهل تبا اتسجل وياي طولها 152
قصيره وايد واعتقد ما تنقبل
وشو عن النظر؟
النظر لازم كون 6/6 واذا كنتي تلبسين نظاره لازم بالنظاره يكون تمام
هل يتغاضون عن هالاشيا؟
في بعض الاشياء ما يتغاضون عنها
وبغيت اسال عن لبس الطياره كيف؟
تقريبا نفس لبس الطيار وهذي صورة البنتين الي يدرسون هناك في هذا الرابط
http://www.eyeofdubai.com/v1/arabic/news/newsdetail-18613.htm

[احلى كابتن]

الكليييه واااايد حلوووه وبتستاااانسييين فيهاااا وااااايد..

ولا تتوترين تراااا كل شي فيهااااا سهل والي فالكليييه واااايد يساااعدون..

ترااا انا كنت شراااااتج فالبداااايه بس احييين انا وااااايد مرتحااااحه ..

نصيييحه سجلييي فالكليه وماااارااااح تندمييين..

[CapTiN A7maD]

السّلآم عليكم .!

اخوآني ^^^^^^^^^^ حبّيت أسأل هل هذي الأكآديمية تقبل السّعوديين . ..

حتّى ولو كآن على حسآبه . .؟؟؟؟

وهل يعتبر من طرف الاتّحآد اذا درس في طيرآن الاتّحآد على حسآبه . . ؟؟

[h3ndsome]

شكراااا عالمعلووماات

بالتوفييييييج

[الطموحه]

هذي الكليه فيها سكن ولا

[محمد666]

جزاك الله كل خير اخى صالح الخليفى على المعلومات القيمه وان شاء الله نتقابل فى الاكاديميه ان كان فى عمر وان شاء الله تتقبلى يالشيخه وانتى ياطموحه ويحقق حملكم وتوصلو للى انتوا عيزينه ان شاء الله

[legend girl]

لو سمحتو اريد معلومات عن برنامج طيران الاتحاد لغير المواطنات ؟
وهل تم الغااؤه ؟؟
وهل بالامكان ان ادرس على حساب طيران الاتحاد واشتغل عندهم بعد التخرج وانا غير اماراتيه ؟

[عبدالرحمن مصطفي]

فرصه الامارتيين بالالتحاق ببرنامج طيران الاتحاد صعبه
اكيد فرصه الغير مواطنيين اصعب
لا تأملي