القطرية ،، الخليج ،، الإماراتية

[وٍلٍدٍ قٍطٍرٍ]

أنا الصراحه أحب طيران الآمارات
خدمه أحسن ومواعيد أدق

مع تحياتي ،،،


مشكور اخوي ع مرورك وتصويتك :)

[وٍلٍدٍ قٍطٍرٍ]

والله انا أحس ان القطرية أفضل وبما ان 90% سفراتي على الأماراتية ومن عشاق الأماراتية بس في الفترة الأخيرة هناك الكثير من الكلام ضد الأمارتية وبالعكس هناك كلام في مدح القطرية
وبالنسبة لطيران الخليج بدءت في التراجع في الفترة الأخيرة وخصوصاً بعد صفقة تأجير الطائرات من قبل الملكية الأردنية (( ايرباص 321 التعبانة )) والشركة أصبحت تخسر يوم بعد يوم ,,, والأدارة الى الأن متخلخلة وغير ثابته ,,, والشركة التى تخسر لا تستطيع تقديم عوامل المتعة والراحة للمسافرين على عكس الأمارتية والقطرية

وشكراً


كلامك صحيح في الأيام الأخيرة صايرة الخليج ماعليها أقبال وايد نفس القطرية والإماراتية
مشكور ع مرورك الحلوو

[وٍلٍدٍ قٍطٍرٍ]

أنا اصوت للخطوط الجوية القطرية ...

القطرية صارت غير عن قبل .. دقيقه في مواعيدها
طائراتها حديثه ومن الطراز الجديد .. ماعدى a-300
وسوفه يتم التخلص منها .. وتحل مكانها a-330 ..



انا معاك في كلامك ياكابتن القطرية وايد تغيرت عن قبل .
مشكور ياكابتن ع مرورك الحلوو وتصويتك

[بحريني وفتخر]

اولا مشكور أخوي على التصويت والموضوع

بالنسبة لي انا دايما راح اصوت لطيران الخليج لان دايما اتمنى سفراتي عليها واتمنى من كل قلبي انها ترجع نفس قبل واحسن.

ولان ارتاح لها وخدمة المضيفين وايد ممتازة وهاي اهم شي بالنسبة لي لان الاكل مو مهم عندي.

وبالتوفيق.....

[وٍلٍدٍ قٍطٍرٍ]

اولا مشكور أخوي على التصويت والموضوع


بالنسبة لي انا دايما راح اصوت لطيران الخليج لان دايما اتمنى سفراتي عليها واتمنى من كل قلبي انها ترجع نفس قبل واحسن.

ولان ارتاح لها وخدمة المضيفين وايد ممتازة وهاي اهم شي بالنسبة لي لان الاكل مو مهم عندي.


وبالتوفيق.....



مشكور اخوي انا جربت طيران الخليج كذا مره وصرىحة طيارة حلووه
ومشكور ع مرورك الحلوو

[ولـــ زايـــد ـــد]

اخواني ما يحتاي كل هالمشاحنات

الموضوع وما فيه كل واحد يصوت للشركة اللي يفضلها

بدون تجريح وكلام يجرح

وايضا بدون تعصب وطني

الشركات الثلاث كل وحده لها ما يميزها عن الأخرى

وكلهم في تطور مستمر

والمفروض انا نتمنى الخير للشركات الخليجية كلها

مب انقول هذي افضل وهذي اسوأ

وانا اقترح على ادارة المنتدى اغلاق الموضوع اذا استمرت المشاحنات

[وٍلٍدٍ قٍطٍرٍ]

اخواني ما يحتاي كل هالمشاحنات

الموضوع وما فيه كل واحد يصوت للشركة اللي يفضلها

بدون تجريح وكلام يجرح

وايضا بدون تعصب وطني

الشركات الثلاث كل وحده لها ما يميزها عن الأخرى

وكلهم في تطور مستمر

والمفروض انا نتمنى الخير للشركات الخليجية كلها

مب انقول هذي افضل وهذي اسوأ

وانا اقترح على ادارة المنتدى اغلاق الموضوع اذا استمرت المشاحنات


كلامك صحيح اخووي و كل واحد يتمنى لشركته الأفضل
بس اهوة مايحب أحد يقول عن شركته انها اسواهم مهب حلوو بحق بلادي

[حسن يوسف]

الاماراتيه روعه

[إمبراطور الطيران]

شباب

هدوا اللعب ماصار شي

[مجرد ظل]

مااقدر احكم على القطرية بما اني ماسفرت عليها ولكن الامارات كثيييير جدا والخليج وايد ولكن القطرية هي الشركة 5 ستار في الشرق الاوسط الوحيدة
لذلك اصوت للقطرية

[غسان الطيار]

القطرية وبس http://www.air.flyingway.com/up/sep/03b09b26c2.png

[غسان الطيار]

كيف كلكم تقولون الاماراتية ومعنها 4نجمات والقطرية 5نجمات وبصراحة القطرية
ارقي بكثير من الاماراتية وتستخدم a330بكثرة ومش عارف ليش كلكم الاماراتية انا اهلي دايما يسافرون وبكل الطيرانات و قالولي ان القطرية احسنهم

[بحريني وفتخر]

كيف كلكم تقولون الاماراتية ومعنها 4نجمات والقطرية 5نجمات وبصراحة القطرية
ارقي بكثير من الاماراتية وتستخدم a330بكثرة ومش عارف ليش كلكم الاماراتية انا اهلي دايما يسافرون وبكل الطيرانات و قالولي ان القطرية احسنهم

أخوي اسمحلي على المداخلة : انت لك صوت ومايصير احد ايصوت عنك يعني اذا كل الناس قالت ان طيران الامارات 4 نجوم مو معناته انك اتقول معاهم انها 4 نجوم لان ممكن انت ترتاح بالسفر عليها وتعتبرها 5 نجوم.

مثلا انا صوت حق طيران الخليج مو شرط انها احسن شركة بس لاني ارتاح لها وخدماته تعجبني.

تقبل مروري.....

[كابتن طيران الجزيره]

الصراحة طيران الامارات

[Sr.Flight Attendant]

ياشباب عيب عليكم والله
يعني الواحد يهرب من التعصب القبلي يلاقي تعصب في المنتدى !! مايصير والله
انا سعودي ولكن لا اصوت للسعودية بأي حال من الاحوال واصوت للقطرية والاماراتية وطيران الخليج مع اني سعودي
بسمو معناه ينط عليا سعودي ويقلي انت ماتفهم وغبي ومدري وشو .. عيب انتو رجال مو اطفال .. وحنا اللي كان منجح منتدانا انه مافيه تعصب ولا شللية

يغلق الموضوع للأسف