أريد العمل في الخطوط الجويه الكويتيه أو طيران الجزيره ولدي أسأله كثيره

[Abu Bakr]

السلام عليكم ورحمة الله وبركاته

أخواني أنا طالب في الصف الثالث ثانوي ( أدبي ) طبعاً أنا كويتي الجنسيه
حلمي أن أصبح طياراً لأعمل في الخطوط الكويتيه أو طيران الجزيره
الأسئله لدي كثيره سامحوني :
1-هل يقبلون طلاب الأدبي ؟؟
2- ما هي الرخصه التي تطلبها الشركتين ؟؟
3- أين هو المكان الأفضل لدراسة الطيران متوفقاً مع شروط الشركتين ؟؟
4- كم مدة الدراسه ؟؟؟ وكم تكلف ؟؟؟
5- أنا حالياً نظري 6/6 لاكن معرض جداً لضعف النظر بسبب الوراثه فهل هناك مشكله في ذالك ؟؟
6- أنا أعاني من بعض الأمراض المزمنه مثل الربو والحساسيه بالأنف والجلد فهل ذلك يعيق قبولي لديهم ؟؟؟
7- ما هي الشركه التي تقدم رواتب أكبر من الشركتين ؟؟
8- هل الوزن الزائد مشكله كبرى أم أنها مشكله عاديه بالنسبه للشركتين ؟؟
9- كم تقريباً عدد الرحلات الإسبوعيه للطيار المتوظف حديثاً والخبير ؟؟؟
أتمنى أن أحصل على جواب شافي ووافي

وجزاكم الله خير


حياك الله أخي العزيز ..
تفضل هذا الرابط وإن شاء الله ستجد كل إجاباتك فيه
[درس] موضوع يفيد الأعضاء الجدد وحول أسئلتهم الشائعة (http://www.flyingway.com/vb/showthread.php?t=43642)

وإذا في شي غامض نحن بالخدمة
تحياتي لك عزيزي
أبوبكر

[Tr.Pilot]

اخي العزيز الي اعرفه و تقريبا متاكده منه ان الكويتيه ما تقبل قسم الادبي :( و نظام البعثات تكون تحت رعاية الكويتيه يعني تدفع لهم 25 الف على ما اعتقد و هذي تعتبر مصاريف الدراسه فقط في بريطانيا و المصاريف الثانيه مثل السكن و الاكل انت تتكفل فيها لان يصير لنا واحد قدم و طلبو منه هالاشياء بس كان المبلغ كبير و ماقدر يدرس لكن الي شبه متاكده منه لازم يكون تخصصك علمي

تحياتي

كانت ٣٥ الف شامله بس السكن والحين تدفع بس عشره ويخصمون الباجي بعدين من معاشك كل شهر ٥٠٪ لين تدفع الي عليك ، والمبلغ هذا يمكن يزيد اذا حتجت ساعات زياده في التدريب .... ، وبخصوص علمي ولا ادبي تقدر تقدم اذا انت ادبي بس اذا كان عندهم نقص راح ينادونك ( كل مره يقدم فوق ال ١٠٠ وياخذون عشره لي عشرين واحد بس ) تسوي الامتحانات وتشمل امتحان فيزياء و رياضيات

وبخصوص الادبي تقدر تروح تدرس علي حسابك ما يمنع بس لازم تمتحن رياضيات و فيزيا وكلها بيسك يعني مو صعبه ...

دوده وين تشتغلين انتي ؟

[فوق السحاب]

السلام عليكم اخواني
انا اخر سنه علمي بس المشكله اني سعودي الجنسيه وامي كويتيه بعرف يصير اذا خلصت دراستي اتوظف بالكويتيه وبعدين اذا درست مساعد طيار سنتين وتوظفت بعدها راح اصعد لكابتن ولا لازم ادرس اربع سنين اضافيه عشان اصير كابتن يآليت يكون فيه رد سريع واكون شاكر لكم

[s-a-l-e-m]

السلام عليكم اخواني
انا اخر سنه علمي بس المشكله اني سعودي الجنسيه وامي كويتيه بعرف يصير اذا خلصت دراستي اتوظف بالكويتيه وبعدين اذا درست مساعد طيار سنتين وتوظفت بعدها راح اصعد لكابتن ولا لازم ادرس اربع سنين اضافيه عشان اصير كابتن يآليت يكون فيه رد سريع واكون شاكر لكم


والله يالغالي الكويتيين مو قادرين يدخلون .. ماعتقد تقدر تدخل