مصر للطيران تحذف من قاموسها كلمة " واسطة "

[7oodaz]

السلام عليكم
من موقع الجمهورية مباشرة بتاريخ يتراوح بين شهر 11-2008 و 12-2008

اختيار 136 طياراً جديداً للعمل علي أسطول مصر للطيران
الشهر القادم.. إعلان نتيجة مسابقة تعيين المضيفات
كتب - عبدالناصر أبو الفضل:
اعتمد الطيار "أحمد شفيق" وزير الطيران المدني نتيجة اختبارات الطيارين الجدد حيث تم اختيار 136 طياراً جديداً تخطوا الاختبارات من بين 192 طياراً تقدموا للعمل.
صرح الطيار "شريف جلال" رئيس شركة مصر للطيران للخطوط الجوية بأنه تم اختيار الطيارين الجدد بدون واسطة حيث تعرضوا لاختبارات مشددة لتحديد أفضل العناصر للعمل علي أسطول الشركة.
وأضاف أنه سيتم اختيار عدد منهم لتأهيلهم للعمل علي الطائرات الجديدة ومن بينها 12 طائرة طراز بوينج 737/.800
وقال: يتم حالياً استكمال الاختبارات لاختيار 200 مضيفة جديدة من 600 فتاة تقدمت للعمل. ومن المقرر أن يتم الإعلان عن نتيجة الاختبارات الشهر القادم إضافة إلي أنه سيتم الأسبوع الحالي الانتهاء من الاختبارات لاختيار 28 مديراً اقليمياً ومديري مكاتب ومحطات للشركة بالخارج.

http://www.gom.com.eg/algomhuria/2005/06/18/local/detail05.shtml

[أيمن الوحش]

خبر رائع يا حوده
بس حكاية بدون واسطة مش عارف ليه مش داخلة دماغي شوية
مع أني أتمنى أن تبقى العملية كده
وبعدين 192-136=56 طيار طب هيعملوا ايه في حياتهم دول ؟ يعني برده الخبر فيه جانب سيء

على العموم بالتوفيق لمصر للطيران وأعتقد ان الطيارين الي لم يقبلوا دول عليهم ملاحظات كبيرة مش حجات صغيرة

شكرا لك

[sinan]

انا بتمنى يطبق القانون على الجميع
وتروح الواسطه عند كل الشركات و وضع الرجل الناسب في المكان المناسب
ولكل مجتهد نصيب

تحياتي
سنان جبر

[7oodaz]

ال 56 طيار اللي مدخلوش دول عشان منجحوش في اختبارات ال Airline Basic Course
و اكيد هيقدموا في الاعلانات اللي بعد الاعلان ده
على فكرة انا متأسف جداً بس الخبر طلع كان يوم 18-6-2005 خبر قديم اوي ياريت يتحذف :(

[reda bond (HR)]

ال 56 طيار اللي مدخلوش دول عشان منجحوش في اختبارات ال Airline Basic Course
و اكيد هيقدموا في الاعلانات اللي بعد الاعلان ده
على فكرة انا متأسف جداً بس الخبر طلع كان يوم 18-6-2005 خبر قديم اوي ياريت يتحذف :(

أنا لسه كنت هقول لحضرتك ان الخبر ده مش صح
لانى شغال فى HR مصر للطيران
وآخر إعلان طيارين كان تقريبا من سنتين
:d3oh:
دلوقتى فيه تقديم ضيافه بنات بس فعلا
وده على طول شغال لانهم محتاجين اعداد كبيرة

وشكرا

:ANSmile04:

[7oodaz]

طيب و انا احب ارد على حضرتك و اقولك انك للأسف ( نايم في العسل ) < تهريج اوعى تزعل مني :d
لأن مصر للطيران نزلت في سنة 2008 ثلاث اعلانات منهم واحد egyptair express و لو كلامي غلط ياريت حد يقول لي ! منهم اعلان انا بنفسي اللي ناقله للمنتدى !

[egypt_joy]

اومال اير كايرو وamc و سيناء للطيران و طيران الاسكندرية وطيران اول الماظة مش عاوزين طيارين ؟

الصراحة مصر مش عاوز واحد فقير ولا معهوش واسطة
عاوزة واحد معاه فلوس + معارف وسلطة

[7oodaz]

بصوا يا جماعة
بالنسبة لموضوع الواسطة انا عندي شوية كلام عايز اقوله
دلوقتي انا الحمد لله و بفضله طالب في الدفعة الجديدة في الاكاديمية المصرية للطيران
و الحمد لله عديت من الكشف الطبي اللي بهدلونا فيه , واختبار اللغة الانجليزية اللي كان صعب جداً , و الانترفيو اللي بوظوا فيه اعصابنا ,, الحمد لله بدون اي واسطة .. فعلا بمعني الكلمة بدون اي واسطة !
و زي ما عديت في كل الكشوفات دي بدون اي واسطة ,, ان شاء الله بعد ما اخلص و ربنا يكرمني و اقدم في مصر للطيران بإذن الله هدخل بدون اي واسطة عشان انا من الاول واسطتي ربنا و كان قدامي اني اجيب واسطة جامدة بس انا قلت اني عايزهم يقبلوني عشان شخصي مش عشان واسطتي , و الحمد لله ربنا وفقني و ان شاء الله ربنا يكرمني بدون واسطة ,, ادعولي ربنا يوفقني ,

[7oodaz]

طيران اول الماظة :D

[برنسيسة]

ان شاء الله ربنا يكرمك بأذن الله بدون اي فيا حبيت اعلق لاني قريت الموضوع كلة والردود وعجبتني وجهة نظرك في عدم الاعتماد ع الوساطة للالتحاق بالافضل

مع اني مش مقتنعة لان كل ماشوف حاجة فمصرللطيران بالذات الاقي ست واسطة قاعدة ومتربعة

اقربها النهاردة موظفة ما في قطاع ما بنت مسؤل ما في مصر للطيران معاها بكاليوريوس تجارة وبتاخد 2800ج مصري بالشهر كستارت وانا متأكدة وسنها يعني 24 سنة في حين انها كخبرة ومؤهلات ومظهر زيروووووووووو بصراحة لكن الوالدهو مؤهلاتها

الله يكون في عووون الغلابة اللي مامعاهومش غير ربنا ومؤهلاتهم

انا بس بقول انا ربنا كارمني وقادرة اتدرب ع حسابي عشان الخبرة طيب والناس الي متعلمة ومش قادرة تدرب تقعد فالبيت ؟؟؟؟؟؟؟

وعشان الرؤية تبقي واضحة انا اتندرب في مصر للطيران للخطوط الجوية وكمان الخدمات الارضية

وبصراحة الواسطة هنا وهنا عاملة شغل جامد جدااااااااااااااا

[7oodaz]

اكيد الواسطة في كل مكان و بتعمل شغل جامد بس مش هي الحل الوحيد او الحل الأساسي

[أيمن الوحش]

متهيألي الوقت الحالي الواسطة ملهاش لازمة في كل قطاعات الطيران
لأني الاقبال متزايد جدا والشركات عايزين طيارين وأكتر منهم مضيفات
فالواسطة اليومين دول ملهاش لازمة = للشخص المتفوق
أما الي عنده مشاكل في شخصيته أو في جسمه مرض مثلا او علاقته مع ربنا او او او هوا ده الي محتاج واسطة دايماً

شكرا لكم

[reda bond (HR)]

طيب و انا احب ارد على حضرتك و اقولك انك للأسف ( نايم في العسل ) < تهريج اوعى تزعل مني :d
لأن مصر للطيران نزلت في سنة 2008 ثلاث اعلانات منهم واحد egyptair express و لو كلامي غلط ياريت حد يقول لي ! منهم اعلان انا بنفسي اللي ناقله للمنتدى !

كلامك صح وغلط فى نفس الوقت
أولا مفيش 3 إعلانات نزلوا ولا حاجه
إكسبريس دائماً عايزين طيارين لانها شركة جديدة وللأسف مفيش متأهل للطراز ده كتير
وبدأنا نلجأ دلوقتى لطيارين القوات الجوية اللى فى المعاش مع تأهيليهم لمدة إسبوعيم بس فى سويسرا
ثانياً
أنا كنت بتكلم فى الاول عن شركة مصر للطيران للخطوط الجوية مش شركة مصر للطيران للخطوط الداخلية والإقليمية "إكسبريس"

وشكراً

:ANSmile04:

[reda bond (HR)]

بصوا يا جماعة
بالنسبة لموضوع الواسطة انا عندي شوية كلام عايز اقوله
دلوقتي انا الحمد لله و بفضله طالب في الدفعة الجديدة في الاكاديمية المصرية للطيران
و الحمد لله عديت من الكشف الطبي اللي بهدلونا فيه , واختبار اللغة الانجليزية اللي كان صعب جداً , و الانترفيو اللي بوظوا فيه اعصابنا ,, الحمد لله بدون اي واسطة .. فعلا بمعني الكلمة بدون اي واسطة !
و زي ما عديت في كل الكشوفات دي بدون اي واسطة ,, ان شاء الله بعد ما اخلص و ربنا يكرمني و اقدم في مصر للطيران بإذن الله هدخل بدون اي واسطة عشان انا من الاول واسطتي ربنا و كان قدامي اني اجيب واسطة جامدة بس انا قلت اني عايزهم يقبلوني عشان شخصي مش عشان واسطتي , و الحمد لله ربنا وفقني و ان شاء الله ربنا يكرمني بدون واسطة ,, ادعولي ربنا يوفقني ,
كلام جميل
وبأذن الله ربنا يكرمك

:ANSmile04:

[reda bond (HR)]

طول عمرى مقتنع إن فى إمكانيات بشرية بتجبر اللى قدامها أنه يحترمها وان صاحبها لازم ينجح
يعنى انا مينفعش اكون فى لجنة إختبار وأسقط واحد متمكن وواثق من نفسه وجامد فى مجاله

إمكانياتك وقدراتك بتجبر اللى قدامك على إحترامك
ثق فى نفسك

[reda bond (HR)]

ان شاء الله ربنا يكرمك بأذن الله بدون اي فيا حبيت اعلق لاني قريت الموضوع كلة والردود وعجبتني وجهة نظرك في عدم الاعتماد ع الوساطة للالتحاق بالافضل

مع اني مش مقتنعة لان كل ماشوف حاجة فمصرللطيران بالذات الاقي ست واسطة قاعدة ومتربعة

اقربها النهاردة موظفة ما في قطاع ما بنت مسؤل ما في مصر للطيران معاها بكاليوريوس تجارة وبتاخد 2800ج مصري بالشهر كستارت وانا متأكدة وسنها يعني 24 سنة في حين انها كخبرة ومؤهلات ومظهر زيروووووووووو بصراحة لكن الوالدهو مؤهلاتها

الله يكون في عووون الغلابة اللي مامعاهومش غير ربنا ومؤهلاتهم

انا بس بقول انا ربنا كارمني وقادرة اتدرب ع حسابي عشان الخبرة طيب والناس الي متعلمة ومش قادرة تدرب تقعد فالبيت ؟؟؟؟؟؟؟

وعشان الرؤية تبقي واضحة انا اتندرب في مصر للطيران للخطوط الجوية وكمان الخدمات الارضية

وبصراحة الواسطة هنا وهنا عاملة شغل جامد جدااااااااااااااا

مع إحترامى لحضرتك لا يمكن كلامك يكون صح
ممكن يكون إجتهاد منك
أولا بغض النظر عن مظهرها
لاننا فى الشركة مش بنتعامل مع المظهر والشكل إلا فى الضيافة والأمن والطيارين والعلاقات والوظائف اللى بتشترط حسن المظهر
ثانيا
إنتى بتقولى إن صاحبتك بكالوريوس تجارة
يعنى تم التعاقد معها على الدرجه التالته
بداية حافز التالته فى شركة لمصر للطيران سواء كان القابضة او اى من التوابع لن يزيد عن 1200 جنية
وده مش إجتهاد.... جداول الحوافز كلها معايا
بالإضافة إلى المرتب الاساسى 150 تقريبا بالعلاوات
بالاضافه للأوفر حوالى 400 جنية

يعنى صاحبتك من الاخر لن تزيد بأى حال من الاحوال عن 1750 أو 1800 بالكتير
وشكرا

[reda bond (HR)]

متهيألي الوقت الحالي الواسطة ملهاش لازمة في كل قطاعات الطيران
لأني الاقبال متزايد جدا والشركات عايزين طيارين وأكتر منهم مضيفات
فالواسطة اليومين دول ملهاش لازمة = للشخص المتفوق
أما الي عنده مشاكل في شخصيته أو في جسمه مرض مثلا او علاقته مع ربنا او او او هوا ده الي محتاج واسطة دايماً

شكرا لكم

كلام تمام يا كابتن
نفس وجهة النظر اللى وضحتها
إمكانياتك وقدراتك هما سر نجاحك


:ANSmile04:

[malev]

مبروك حذف الواسطة، وعقبال حذف الكوسه

[برنسيسة]

مع إحترامى لحضرتك لا يمكن كلامك يكون صح

هو اية اللي لا يمكن انا واثقة من كلامي والموظفة دي بتشتغل فمصر للطيران للخطوط الجوية وابوها فالقابضة وانا متأكدة من كلامي مية فالمية

ممكن يكون إجتهاد منك

يعني اية اجتهاد مني يعني انا بزووود فالرواتب مثلا او بقول كلام وخلاص ارجو اختيار الالفاظ

أولا بغض النظر عن مظهرها
لاننا فى الشركة مش بنتعامل مع المظهر والشكل إلا فى الضيافة والأمن والطيارين والعلاقات والوظائف اللى بتشترط حسن المظهر
ثانيا
إنتى بتقولى إن صاحبتك بكالوريوس تجارة
يعنى تم التعاقد معها على الدرجه التالته
بداية حافز التالته فى شركة لمصر للطيران سواء كان القابضة او اى من التوابع لن يزيد عن 1200 جنية
وده مش إجتهاد.... جداول الحوافز كلها معايا
بالإضافة إلى المرتب الاساسى 150 تقريبا بالعلاوات
بالاضافه للأوفر حوالى 400 جنية

يعنى صاحبتك من الاخر لن تزيد بأى حال من الاحوال عن 1750 أو 1800 بالكتير
وشكرا
كلامك دة للناس اللي بيتقدموا عن الطريق الروتيني يعني اعلان نزل قدموا امتحنوا انتظروا

اتعينوا

لكن بالنسبة للوسايط كلامي اللي فوق هو الصح



وانا اتمني كمان ان الكوسة تتشال من مصر للطيران لان حتة محاسب صغير ميجيش 27سنة وبياخدلة بتاع اربع الاف لان اخوة ماسك حاجة جامدة جدا فالشركة

صراحة مصر للطيران يعني كوسة وواسطة وبعدين هي جات ع مصر للطيران مالبلد كلها ماشية كدة

[SV065]

السلام عليكم ورحمة الله وبركاته
الأخت برنسيسة
أولا:
أحب أن أعرف ما هي وظيفة حضرتك تحديدا في الهيكل الوظيفي لمصر للطيران التي تمكنك من الحصول علي بيانات تتسم بالدقة كما هو واضح في تحديدك للمبالغ التي يتقاضها بعض من العاملين بشركات مصر للطيران؟

ثانيا:
هل عندك خلفية أصلا عن الهيكل المالي لمرتبات العاملين طبقا لمؤهلاتهم ودرجاتهم الوظيفية المعينين عليها؟؟

ثالثا:
ما العيب في نظرك في حصول شاب او شابة عمرهم 27 او حتي 21 سنة علي راتب شهري 4000 او حتي 10000 آلاف جنيه طالما يؤدي ما تم التعاقد معه عليه من عمل وحصل علي ما تعاقد عليه من أجر؟؟!! ومهما كان موقع أسرهم الوظيفي في الشركة

رابعا:
ماهو الكادر الوظيفي أصلا الذي لا يعجبك أن تتقاضي الموظفة التي تشغله 2800 جنيه كستارت والتي تستكثرينه عليها حتي تحكمين هل هو كثير أم قليل علي هذه الوظيفة؟؟!!

خامسا:
يسعدني ان أخبرك أنه يوجد بمصر للطيران شباب كثير في سن الموظفة التي تتحدثين عنها بل أقل منها ومرتباتهم أكثر مما ذكرت دون أن يكون والدهم موظف مسؤل بالشركة أو لهم أقرباء أصلا بالشركة بل دخلوا من الإعلانات الروتينية التي تتحدثين عنها.

سادسا:
مصر للطيران يوجد عليها دور رقابي حكومي صارم يتمثل في الجهاز المركزي للمحاسبات والجهاز المركزي للتنظيم والإدارة حيث لا يمكن معه أن يتم تعيين أبناء أي من المسؤولين بوظيفة ما دون أن يمروا بإختبارات الوظيفة المحددة طبقا لشروط التعين السارية علي الجميع وان يتقاضي أي من المعينين جنيه واحد زائد عن المربوط المقرر للدرجة والحافز وبدل الوجبة والوقت الإضافي إن وجدا وما تذكرينه للأسف لا يقنع أي شخص حتي لو لم يكن بمصر للطيران.

سابعا:
هل أبناء المسئولين يعتبروا من وجهة نظرك عالة علي المجتمع ولا يحق لهم الإلتحاق بالوظائف المتاحة لجميع الشباب لمجردأن أبائهم من المسئولين بمصر للطيران؟ فكم من مسئول أضاف لمصر للطيران الكثير والكثير عن طريق أبناؤه والشواهد كثيرة بالشركة.
بل علي العكس إذا سمحت أيتها الأخت الفاضلة أحب أن أوضح لك أن أبناء المسؤلين الذين خدموا مصر للطيران هم أحق الناس بالتعيين في الوظائف التي تتفق مع مؤهلاتهم وخبراتهم كنوع من الوفاء لهؤلاء المسئولين وليس ذلك ببدعة أو بحرام..

ثامنا:
إن أي من الوظائف التي تعلن عنها مصر للطيران يمر المتقدمون لها علي أقسي الإختبارات حتي لو كانت وظائف إدارية وتعقد الإمتحانات بأماكن خارج مصر للطيران كمعهد القوات المسلحة للغات وللحاسب الآلي .. إلخ

تاسعا:
إن الزميل(reda bond HR) (http://www.flyingway.com/vb/member.php?u=51817) لم يختار لفظا غير ملائم للرد علي حضرتك كا ذكرت بل علي العكس كان غاية في الإحترام والتقدير فضلا عن إصابته للحقيقة بحكم وظيفته بمصر للطيران والأرقام التي ذكرها سليمة تماما بل أقل من ذلك بقليل فالمحاسب المعين علي الدرجة الثالثة بالخطوط الجوية حافزه 1010 جنيه يزيد بعد 4 سنوات ليكون 1255 جنيه لمدة أربع سنوات أخري حتي يحصل علي الدرجة الثانية فيزيد 220 جنيها للحافز طبقا لآخر منشور صادر للجنة الحوافز.
أي بإختصار إجمالي ما يتقاضاه في حدود 1500 جنيه مصري قابلة للزيادة والنقص في حدود 200 جنيه حسب الوقت الإضافي وبدل الوجبة.

في النهاية أعلم أن رسالتي قد لا ترضيكي ولكن إعلمي أني أذكر الحقائق التي تخفي عنك بحكم موقعي الوظيفي دون أي تحيز لأحد فهي مجرد أرقام بحتة ومعلومات إدارية لا تستحق الجدال فيها لمجرد إشاعة قد تكون وصلت لكي من أي من المصادر

أعتذر للإطالة ولكن منعا للإشاعات التي تسيء لمؤسسة عريقة طالما خدمت الإقتصاد القومي لأكثر من 76 عاما ولنربي في أنفسنا الوعي بأهمية الحصول علي المعلومة من مصدرها الصحيح.