طيران الاتحاد خطوة ب خطوة

[منى الحمادي]

انا امس كنت فلقاعة , خلو كل اثنين عطاولة بس كل واحد يحل بروحه !!! استغربنا
عالعموم عديت كل شي بس باقيلي المقابلة , ووايد خايفة منها لازم كله انجليزي فبلييز الي دشو المقابلة يقولون شو الأسئلة بلييييز


ههههههههههههههههه هيه والله اونه اول قالو بنتحاور بعدين غيروو لووووول ... وانا قعدت ادق سوالف وياه اونه ادرب شو عرفني *_* .... والف مبروك لانج عديتي الامتحانات ,, وموفقه في المقابله حبوبه ,,
انا شكلي مابعدي السايكو لاني خبصت فيه :(

[EK27]

الســلام عليكم ورحمة الله وبركاته ... شحالكم يا شباب ويا بنات ؟

السموحه اني داخل عرض عليكم .. لكن عندي استفسار لو تسمحون :

الاستفسار : من تخلص امتحان السايكومتر كم وقت يبالهم لين ما يتصلون فيك اذا نجحت ؟

والسموحه على المداخله


اسبوع بالكثير ويردون عليك ..
ان شالله نشوفك فالبرنامج =)

[برهووم]

السلام عليكم

يعطيك الف عافيه اخوي

عندي كم استفسار

انا مخلص الثانويه سنة 2007 بنسبة 73 ادبي .. و عمري 22

يصير اقدم في كلية طيران الاتحاد ؟

و وين يكون التقديم فالعين ولا بوظبي؟

ويعطيك الف عافيه

[EK27]

السلام عليكم

يعطيك الف عافيه اخوي

عندي كم استفسار

انا مخلص الثانويه سنة 2007 بنسبة 73 ادبي .. و عمري 22

يصير اقدم في كلية طيران الاتحاد ؟

و وين يكون التقديم فالعين ولا بوظبي؟

ويعطيك الف عافيه


مرحبا بك اخوي

التقديم اونلاين عن طريق موقع طيران الاتحاد ..

[UAE National Pilot]

im giirl lol
انزين اممم , الي يسوون المقابلة أجانب و الا مواطنين ؟
عندي ايلتس 5 , قالو لا يبون 5.5 و انشالله جريب بقدم لامتحان الايلتس و انشالله


Sorry i didn't know about that any way


Yes you can enter with ILS + TOFEL If you want any way do ur best

and you will inshallah pass all Test and you will become a member of the Program

Good Luck

[منى الحمادي]

مرحبااا ,,,

بغيت اعرف هل هناك درجة معينه انييبها في كل امتحان في السايكو :joystick:عشان ننجح ولا كيف ,, لان درجاتي في اكثر الالعاب 1- 2 :poster_spam::crybaby:؟؟

للاسف خبصت مع اني ادرب عليه وايد بس كان مختلف جدا عن التدريب:dry:


دعواتكمـــ لي اخواني وخواتي :crybaby:

[عيناوي طموح]

منى الحمادي حتى انا كنت من الدفعه الاولى

شكلج امس امتحنتي وياي بنفس القاعه

بصراحه الامتحااان صعب وخاصه مال الاشكال تخبييييييييييييييص وانا اول واحد مخلص يوم خلصت سرت اكلم فاطمه وانا مشفر قلت لها they will call you next week? قالتلي no they will call you هههههه

الله المستعان

[منى الحمادي]

منى الحمادي حتى انا كنت من الدفعه الاولى

شكلج امس امتحنتي وياي بنفس القاعه

بصراحه الامتحااان صعب وخاصه مال الاشكال تخبييييييييييييييص وانا اول واحد مخلص يوم خلصت سرت اكلم فاطمه وانا مشفر قلت لها they will call you next week? قالتلي no they will call you هههههه

الله المستعان


كيف شكلي كنت ؟؟ اكيد كنت هههههه يعني قلت اسمي في القاعه واسمي مكتوب هني !!
شكله الامتحان لين احين ماثر فيك :hilarious:

[عيناوي طموح]

واااايد والله ):

[منى الحمادي]

عيناوي انت اي واحد ؟؟ لايكون اللي فيصل قال نبا واحد زياده وخلاف انت اطوعت اتكون لووول !!

[عيناوي طموح]

لالا انا اول واحد داخل القاعه ههههه

[منى الحمادي]

بلييييز ساعودنا الي دخلووو المقابله يكتبوون كل الاسئله اللي يتذكروننها ,, !!!

بليز:ANSmile15:

[عيناوي طموح]

منى الحمادي اتصلوبج عشان المقابله؟

[منى الحمادي]

منى الحمادي اتصلوبج عشان المقابله؟


لا هههههه بس اهيأ نفسي لو اتصلو لي !! ابا اعرف شو بيسالون في المقابله عشان ادرب نفسي ^^

وانت ما شي اخبار ؟؟!! ماتعرف حد من الشباب اسالهم اذا اتصلو لحد !! :_);

[قايدة الغزلان]

منى انشاللله تنجحيييين , ليكون انتي الي كنتي عدالي فالقاعة ؟؟
اظن شي أولاد سوو المقابلة نفس اليوم , الي دشو المقابلة يفيدونا بلييز

[منى الحمادي]

منى انشاللله تنجحيييين , ليكون انتي الي كنتي عدالي فالقاعة ؟؟
اظن شي أولاد سوو المقابلة نفس اليوم , الي دشو المقابلة يفيدونا بلييز


يب حبوبه :_);

[غـير كـل النـِآس«●•]

مسآء الخير ..

انا توني رآد من المقــآبله خخ

ضآرب خط من العين وناقع رآسي واسمحولي ترآني مدوخ اقوى شي ههه

الامور طيبه .. بس بلييز اثبتوو وجوودكم هنــآك .. الانجليزيه مهمه ترآآ ..

اول شي ..


بتدخلوون ك قرـوبــآأت .. على حسب عددكم

بيعطونكم اورآق .. فالبدايه تحلوؤن الاوراق .. تشــوفون انتو يوم تبغوون تسـآ

فرون .. شو يكون اهم شي وتحطون عداله واحد في اول شي الي هو تحت كلمه Indivisual
طبعا بالانجليزي الورقه ..



Saftey .... 1
Aircraft type ... 2
Airport service .. 3

يعني شو اهم شي وتسألون عنه عشان تركبون هالطياره او هذا الطيران عارفين كيف ..!!


ثآني مقآبله ..

كل واحد بروحه طبعا .. مقابله شخصيه بالانجليزي

اول شي تعرف عن نفسك ..

انا كذا كذا كذا كذا ومن كذا وساكن ف كذا وعندي كذا كذا .... >>> لحد يقول كذا كذا هههههه

ثاني شي بيسألونك .. لو دقينالك بعد 10 ايااام .. وقلنالك ان نحن ماقبلناك .. شو بتسوي ؟! >> وهقه صح ههه

ثالث شي :

بيحطونكم في مواقف .. مثلا ربيعك او صديقك طاح في مشكله او انه يبغي يشل بروجكت مالك تعبان عليه .. شو موقفك منه ؟

وتجاوب


وعقب يسألونك ليش انته تبغ تدش عدنا في طيران الاتحاد ؟!

ووتجاوب ..


وامم

على ماظن هالي اذكره

واذا عندك كم سؤال قولهم .. بس اثبتو ولائكم وانكم راغبين فيه من خاطركم وبس هع



والسموؤوؤحه ع القصور والي مافهم يقوولي .. بالخيزراااان هههه

[Yasseya]

السلام عليكم مقااابله الاربعاء كانت شوي ادوخ اهم شي ماتكونون متوترين اااخ بس الله يستر هههههه

[EK27]

منى الحمادي

هم ياخذون سكور من كل لعبه يعني شوي من كل لعبه عشان تنجحين
بس اهم الالعاب هي الجوي ستيك الاولى ( 2 لاين ) والاخيره ( الطياره والمربعات )
هاي اهم لعبتين ويركزون شوي عليهم ,,

الله يوفقج ان شالله
ولا تحاتين استغفري وايد وادعي ربج وان شالله بتتيسر امورج

[منى الحمادي]

منى الحمادي

هم ياخذون سكور من كل لعبه يعني شوي من كل لعبه عشان تنجحين
بس اهم الالعاب هي الجوي ستيك الاولى ( 2 لاين ) والاخيره ( الطياره والمربعات )
هاي اهم لعبتين ويركزون شوي عليهم ,,

الله يوفقج ان شالله
ولا تحاتين استغفري وايد وادعي ربج وان شالله بتتيسر امورج



هني المشكله فلحت في الالعاب الباقيه اللا هاي اللعبتين ماعرف شو ياني والله مننقهرة حدي:weeping: :weeping::weeping::weeping::weeping::weeping::weep ing::weeping::weeping::weeping:

الله المستعان ان شاء الله انجح دعواااااتكم

[EK27]

هني المشكله فلحت في الالعاب الباقيه اللا هاي اللعبتين ماعرف شو ياني والله مننقهرة حدي:weeping: :weeping::weeping::weeping::weeping::weeping::weep ing::weeping::weeping::weeping:

الله المستعان ان شاء الله انجح دعواااااتكم



متى ما ظهرت النتيجه خبريني بكلملج واحد هناك من المسؤولين
عشان اذا كانت نتيجتج قريبه من النجاح يحاول يطوفج .. هذا في حاله اذا رسبتي
بس ان شالله تكونين ناجحه ..

[منى الحمادي]

متى ما ظهرت النتيجه خبريني بكلملج واحد هناك من المسؤولين
عشان اذا كانت نتيجتج قريبه من النجاح يحاول يطوفج .. هذا في حاله اذا رسبتي
بس ان شالله تكونين ناجحه ..


تسلم اخوي ماتقصر والله وبتريا اتصالهم احر من الجمر *_* وبخبرك اذا في شي ...

[راعي حشيمة]

السلام عليكم


شباب عندي باكر فحص نظر

الي يعرف عن الفحص يخبرني بلييييييييز

لأن النظر عندي ناقص شوي وألبس نظارة

هل راح يأثر على القبول أو لا ؟

[EK27]

راعي الحشيمه

توكل ما ياثر
في طيارين فالاكاديميه ويلبسون نظارات
بس شل نظارتك وياك وانت ساير الفحص لا تنساها

بالتوفيج

[راعي حشيمة]

ek27

مشكور


بس انا عندي انحراف بسيط في عين وحده

هل هذا راح يأثر ولا لا؟

[Pilot7.7.7]

شيييييييييييييييييمه

[_Pilot In My Dream_]

السلام عليكم ..

كيفك يا شباب وبنات الامارات ايش اخباركم ... اول شي مبرووك للمقبولين ويارب تكونوا افضل الطيارين ياارب ..


عندي استفسار بسيط وياليت اجد الاجابة منكم ... انا من السعودية وتوي متخرج من الثانوية وعندي استفسار لو درست

في جامعة امبري ريدل بكالريوس علوم طيران وخلص وقدمت على طيران الامارات وطيران الاتحاد مامدى نسبة قبولي ...

وشاكر لكم .... بالتوفيق ,,,

[غـير كـل النـِآس«●•]

ek27

مشكور


بس انا عندي انحراف بسيط في عين وحده

هل هذا راح يأثر ولا لا؟


السلام عليكم ..

شحالك راعي حشيمه ..

آأقــولك .. دامك قالولوك عندك فحص نضر .. يعني قالولك انك مقـبول ؟!!؟


وانته متى اخر مره سرتلهم .. ؟!

[EK27]

والله ما اعرف شو اقولك ..
بس اذا الانحراف بسيط ما بياثر على ما اعتقد
بعدين في حاله اذا ما قبلوك سبة النظر
سولهم الالتراليزك وارجعلهم مرة ثانيه بس كلمهم بالاول
هذا في حال اذا ما عديت .. لكن توكل وان شالله هالامور تكون بسيطه


pilot in my dream
والله ياخوي ماعرف
لو تحط سؤالك في المنتدى يمكن حد من اللي يعرف يرد عليك ..

[راعي حشيمة]

غير كل الناس

انا بخير ربي يسلمك

باقي الفحص الطبي والنظر

الي يعديهم يعتبر مقبول

انا للحين انتظر الفحص الطبي + النظر

وعندي انحراف بسيط وخايف صراحة