طيران الاتحاد خطوة ب خطوة

[راعي حشيمة]

مستر دريمر


بالنسبة للإنذارات الأكادمية


عندك فكرة عنها ؟


في جامعة الإمارات مثلا... الليميت 3 انذارات ويطردون الطالب من الجامعة


واحد من الشباب قال لي راح يكون عندنا الليميت 5 انذارات

هل هذا الكلام صح ولا لا ؟

[pilot99]

انشاءلله مستر دريمر وانشاءلله مايطلع فينا شي ف الفحص الطبي ولانرسب وننجح وننجح دوم ونتخرج من البرنامج ونحن ماعلينا شي ونشتغل عندهم غصبنا عنا بعد انا راضي ههههه بس اهم شي مايطلعوني ولا اطلع انا ومايحولوني شي ثاني فديت الطيران مافي شي يعوضني بداله ههه
شدوا حيلكم وايد وانا من اول يوم بذاكر من خاطر وبحاول اللي اقدر عليه خخخخ 24 دراسه تاايم

[pilot99]

راعي حشيمه شكلك من احين ناوي ماتحضر كلاساتك هههه !!!
لا تحاتي انشاءلله بتنجح دوم لا انذارات ولا غيره ((تحفيز))

[راعي حشيمة]

بايلوت


لا ما عليك


انا بتفيج بعدين وراح اقراه كامل

بعدين بوقع وارسله لهم...



المهم اني اعرف اهم البنود في العقد


الراتب

مدة الدراسة

السكن

[راعي حشيمة]

خخخخخخخخخخخ


بايلوت

من ناحية الدراسة لا تحاتي

انا اتريا هذي الفرصة من 3 سنين وما راح اضييعها


بس حبيت اعرف كيف نظامهم

[pilot99]

اخوي مستر دريمر
ف العقد الصفحه الرابعه تحت بالخط العريض التاريخ حذال 4.1 انته اتأكد ورد عليه يمكن انا فهمت اللي مكتوب غلط

[Mr.Dreamer]

الي فهمته من العقد انه على كل ماده ترسب فيها يعطونك 3 فرص والله أعلم
والي اعرفه وسمعته من الشباب ربعي انهم متساهلين بها الأمور وبيساعدونك كل ماكنت تبين انك مهتم وتبا تدرس وأغلب الطلاب كانو في الاماراتيه وحولو على الاتحاد ويقولون الاتحاد اسهل وافضل
وان شالله بايلوت بيغششنا لاتخاف هههه

[pilot99]

اصدقون انا وايد خايف الله يخليكم اخواني ف الدراسه ساعدوني ابا انجح دوووم واتخرج الصراحه العقد مالهم يخوف يحسسوني اني بدرس شي ف الخيال ومابقدر افهمه !!!!

[pilot99]

ومن وين بغششكم اول شي غششوني عشان اغششكم ههههه

هاي قصيده ولا شووو خخخخخ

[راعي حشيمة]

بايلوت


مستحيل تلاقي سؤال او مسألة صعبة بدون ما تلاقي حد يساعدك

تذكر انك راح تسكن في مبنى طلاب برنامج طيران الاتحاد وكلنا ندرس نفس المواد

واكيد راح تلاقي حد يفهمك اي شي تلاقيه صعب عليك

[pilot99]

انشاءلله اخوي تتسهل اموري

[راعي حشيمة]

هههههههههههههههههههههههههههههههههههه


ذكرتوني في موقف ايام الثنوية لما كنت اغش

لما نتلاقا راح اقولكم الموقف ههههههههههههههه

والحمد لله ان الأستاذ يعرفني ولا كنت رحت فيها



==


بايلوت

انت بس جهز اوراق حق البراشيم خخخخخخ

[راعي حشيمة]

يلا انا بطلع شوي

[pilot99]

وحليلي مايخصني ف هالسوالف ماعرف اغش عندك مستر دريمر شكله يعرف حق هالسوالف ^_^

[Mr.Dreamer]

الأمور طيبه انا عن نفسي احب ادرس واتمنى ندرس جماعه ماقول اني دحيح وزلمه بس الحمدلله لاباس

[pilot99]

اللي يبا الطيران اكيد يحب الدراسه وماشاءلله علينا كلنا انحب الطيران وطموحين الحمدلله على كل حال

[pilot99]

انشاءلله خير

[pilot99]

تصبحون ع خير اخواني وخواتي

[born to be a pilot]

مبروكين شباب تستاهلون

كيف كذا
الدراسة بتكون في العين ولا في ابوظبي ؟
انا قالوا لي الدراسة في العين 18 شهر بعدين بتكون first officer

هل هم يتكفلون بالسكن ولا لازم اسكن بنفسي
هل فيه راتب في فترة الدراسة ؟كم؟

[THE PILOT NASSER]

احم احم احم انا اهنيه ماروم ع الكلام الكبير راسي الحين بيكبر هههه

شخبارك اخوي ناصر انشاءلله بخير ؟؟؟
بالنسبه لــــ هالامتحان سهل وايد انا قبل كنت خايف بس بعدين اكتشفت بعد ماعرفت النتيجه انه سهل وهو عباره عن 3 نماذج واختياري وكل نموذج 10 دقايق او اقل واذا اي سؤال ماعرفته حطوا اي جواب قريب المهم اتحلهم كلهم عشان تظمن النجاح اول نموذج في الرياضيات و2 نموذج في الفرق بين الساعات و3 نموذج اختبار ذكاء اشكال واتحط الشكل المناسب لتكملته ....هالاختبار مايحتاج مذاكره بس يحتاج تركيز ودقه
يعني لاتحاتون بتنجحون انشاءلله وبتدخلون البرنامج
وبالتوفيق لكم جميعا
وفي واحد كلمني ع الخاص بس ماذكر من سأل نفس السؤال اتمنى يستفيد معانا
اخوكم بايلوت99
شفتوا كيف،،

أنا كنت متأكد أنه ما حد راح يرد قبل هذا الذيب:mic-me::mic-me:،،(لكن لا تعضنا)،،

وبس إذا كذا إن شاء الله راح تكون الأمور طيبة يا صديقي،،

ومشكور جدا لإفادتنا بهذي المعلومات،،،

وإختبار الإنجليزي 30 ساعة أيضا، هل فيه رايتنج؟؟ أم كله إختياري؟؟
إذا جاوين على هذا السؤال، إن شاء الله بحطك المساعد مالي مستقبلا،،،:onlinelong::onlinelong:

[THE PILOT NASSER]

انا عندي نفس الاختبار
وان شاء الله بيكون سهل
إن شاء الله يا صديقي،،

وإذا إلتقينا هناك خلنا نتعرف على بعض عاد،،

أنا شكلي مميز تراه راح تعرفني بسرعة،،،،إذا شفت واحد يضحك طول الوقت فعرف أن ذلك الشخص هو أنا،،

بس متى راح تختبر، اقصد الساعة كم؟؟( 9 أو 11 أو 1:30)

[THE PILOT NASSER]

مثل ماقال اخوي بايلوت الامتحان سهل ,, ومن وجهة نظري الامتحان احسه عشان يعرفون اذا انت عاقل ولا مينون لوووول:crazy_pilot: ,, بعض الامتحان جي ,, المهم !!:iconloli:


اهم شي ف الامتحان السرعه, والدقه

لان مايكون عندك وقت كافي

وبالتوفييييييييق لكل اللي عنده امتحان :icon_g6:


:sleeping::sleeping:

لا الحمد الله أنا نصف عاقل،،

وشكرا على التشجيع أختي،،:shamrock::shamrock:

لذلك راح أحطك :shamrock:مساعده إحتياطيه:shamrock: لي إذا تأخر pilot99

[pilot99]

ردت عليه فاطمه الهاشمي
الدراسه بتبدى 4/9 الساعه 8:30 ص نروح الاكاديميه
واللبس بنلبس يوم بيخلص
والسكن قالت انه بس بجانب الجامعه
يعني ماوضحت لي شي اتجاوب على اقل من السؤال

[راعي حشيمة]

السلام عليكم

اتصل علي واحد نسيت شو اسمه

المهم

قال لازم نطرش العقد بأسرع وقت ولازم نكون موجودين في الأكاديمي الساعة 9 تاريخ 4 سبتمبر



بفففففففففففففففففف

اكره الأبلوووووود

[Nawras]

جزاكم الله خير على التوضيح

[pilot99]

راعي حشيمه
ماسألته عن السكن ؟؟؟؟
وليش بنسير الاكاديميه ؟؟؟

[راعي حشيمة]

لا والله ما سألته عن السكن

بس هو قال لي لازم نروح الأكاديمي تاريخ 4 والساعة 9 لازم تكون موجود

اعتقد راح نوقع العقد النهائي وراح يشرحون لنا كل شي عن الامور الثانية

هم راح يتصلون عليك


انتظر اتصالهم

[Nawras]

هذا نموذج لي أختبار General Reasoning زين تتدربو عليه

http://www.psychometric-success.com/downloads/download-practice-tests.htm

[pilot99]

توه اتصلت ف وطفه قالت بتسأل نعيم العامري عن السكن وباجر بتخبرني

[راعي حشيمة]

هو على الأغلب الأسبوع الأول بس علشان نستلم الكتب والسكن


اسمح لي ما سألته عن السكن لأنه اتصل بي وانا على وشك النووووم


خخخخخ

بس الحين صحصحت وطار النوم

اريد اوقع على الأوراق وارسل العقد واخلص بسرعة