طيران الاتحاد خطوة ب خطوة

[صقر ال مره]

كيف استعداتكم لاستقبال النتيجه عساكم متزهبين ها الكلام حق الي امتحنو السايكومترك

[الحشيمه]

انا باجر الساعه 10 الصبح عندي امتحان انجليزي و معلومات عامه الله يعين
اللي حاز في خاطري ان اليوم ماشي سهر لاني بقوم من وقت و لين ما اوصل ابوظبي آآآآآآآآآآآآآآآآآآه الطريج

ادعولي

[pilot7]

بالتوفيق اختي مريوومة وانشاءالله تتوظفين وتكونين طياررة ونحن اللاحقون فيكم ^__^

اخوي مقهور و UAE

وين وصلتو وشو صار لكم ؟؟؟

تحياتي

[صقر ال مره]

الله يوفقج الحشيمه وعن الارتباك الا امتحان مب حكم محكمه وانشالله تنجحين

[s.alkhalifi]

متابع بصمت ........ كعادة الملوك هههههه

[الفك المفترس]

شكرااااااااااااااااا

[كسلاوي]

اليوم وانا اتصفح المنتديات الاجنبيه ظهر لي شباب اجانب من سنغافوره وبريطانيا حادرين الامتحان وهم عندهم ساعات طيران تسمح لهم انهم ينجحوا في الامتحان بس ما نجحوهم في مقابلات الطيران الاتحاد فسألوا واحد طيار اظني خبير في منتداهم من طيران الاسترالي قال لهم ما اظني الامتحان يعتمد ع الدرجات ولا ما كان حد رسب ..!!

شو رايك يا جماعه كونكم حادرين انتو بعد الامتحان ..!!

انا من رأي يبون فئه هم بس شو مواصفاتها هالفئه مادري بس من خلال المشاركات في جاليات كبيره جايه الامتحان في بوظبي والله مستعدين استعداد رهيب والاهم نفسياتهم وايد اوكي من خلال ردودهم وانهم املهم في هالبرنامج كبير وايد ..!!

عسب جي اتمنى من المرشحين العرب يشدو حليهم ويراوونا لاني اتوقع منافسه قويه ...
التوفيق لنا ولجميع اخواني .....

[كسلاوي]

وطبعا لا انسى اني اخص الشكر جميع الاخوان الي ساعدونا وامدونا بمعلومات وافيه من بينهم اخوي مقهور واخوي uae sky والباجين بعد ما قصروو ...

بالنسبه لاخوي المقهور احس انه من نكك انك مقهور من سالفه طيران الامارات اتمنى لو توقعي صحيح ما يكون هالشي حجر عثره في سبيل طموحك واتمنى انه تغير نكك شرات اخوك uae sky لانه صراحه لقب غاوي والله بالنسبه اخوي المقهور ع سالفه الوزن يا ريال هب شي الا هو الوزن وما عليك والله بينزل ذهب الكثير وبقي القليل يعني مو معقوله كل ها سوييته واخر شي يوقف ع الوزن وتأكد والله الي لا اله الا هو انك لو تبا هالشي ويكون في اخر الكون مع العزيمه والاراده والنيه الطيبه الصافيه بتوصله وهالشي موجود فيك من الكلام الي حاطنه تحت نكك ..

والرمسه للاخوان الباقييين اتمنى من كل قلبي انه الكل يعلق قلبه بالله ويخلص النيه وان شاء الله ما يصير في خاطره الى طيب لو ظهر له البرنامج فكان هالشي ولو ما ظهر له صدقوني خير لكم ..

السموحه ع الاطاله اخواني وجزاكم الله خير ...

[صقر ال مره]

ما قصرت يا كسلاوي وفيت وكفيت ف رمستك وبصراحه انا من اليوم ورايح بسميك حكيم المنتدى (شايبنا العود )

[EK 30]

أخواني ال زاغيين من امتحان السايكوموتور ترا أنا نزلنتة في الموضووع المشاركة 32 نفسة باظبط

[قنووع]

السلام عليكم

اشكر الكل على هذا الموضوع و الاضافات في هذا الموضوع


الامتحان اليوم كان....

عادي

و عدد المتقدمين فوق الخمسين

و بصرحه استفدت و ايد من الموضوع

و ان شاء الله يردون علينا بعد اسبوع ما ينسونا و نكون من الراسبين

و الحين نشوف شو اللي في الامتحان الثاني

اخوكم

قنووع

[العكبري88]

السلام عليكم ..

مشكورين اخواني الافاده الكبيره ..

بس كان عندي سؤال ...

كم عدد الطلاب المقبولين .. يعني هل العدد محدود ولا لا ؟
والقبول سهل ولا معقد ؟
وكم شهر تاخذ من اتقدم اوراقك لييييين يقولون لك انت مقبول او مرفوض ؟

وسلامتكم ...........

[kudash]

للي امتحنو السايكوموتر من اسبووع هاااا شو الأخبار ما ردو عليكم و لا ما تعرفووون متى بيردووون عليكم مب جنهم طولو ؟!!!!

[alkhaja5]

ماردو علينا..........ز

الصراحه بديت احاتي......

خوفي ان مانجح.....


انا خبصت في امتحانين........:S

[صقر ال مره]

انشالله خير الخاجه وبتنجحين انشالله

[kudash]

الخاجه و صقر آل مره
الحين لو لو مانقبلنا المفروض يقولون مب انتم جيه معلقين ومتوترين

وان شاءالله هالتاخير فيه الخير للجميع و نعدي هالامتحان

[صقر ال مره]

الله يسمع منك

[alkhaja5]

ان شاءالله


وانا احاول اتصلبهم اليوم.....بس محد يرد .........:S


وترونا الصراحه

[قنووع]

السلام عليكم

متى بيردون علينا؟


شكلي مستعيل

عسى خير يارب

[صقر ال مره]

لا انشالله بيردون عليكم

[الحشيمه]

ابغي اسأل بخصوص اللي امتحونوا يوم الخميس اللي طاف
هل في احد ردوا عليه او لا
ومتى قالوا بيردون / ترني نسيت هههههه

[ولـــ زايـــد ـــد]

ان شاءالله


وانا احاول اتصلبهم اليوم.....بس محد يرد .........:S


وترونا الصراحه

السلام عليكم

متى بيردون علينا؟


شكلي مستعيل

عسى خير يارب

ابغي اسأل بخصوص اللي امتحونوا يوم الخميس اللي طاف
هل في احد ردوا عليه او لا
ومتى قالوا بيردون / ترني نسيت هههههه


والله صدق وترونا

نحن يالسين على اعصابنا

ونفس الشي انا اتصلت فيهم اليوم بس محد يرد

وهم قالو بيردون علينا خلال هالأسبوع ان شا الله

الله كريم

[العكبري88]

والله صدق وترونا

نحن يالسين على اعصابنا

ونفس الشي انا اتصلت فيهم اليوم بس محد يرد

وهم قالو بيردون علينا خلال هالأسبوع ان شا الله

الله كريم

ياريت اخوي " ولد زايد " تتواصل ويانا أول بأول .. مثل الباقين ..

ويا جماعة استغلوا هالوقت بالدعاء والتقرب الى الله .. وصدقوني بتسمعون اخبار حلوه

والله يوفقكم انشاء الله ..

[ولـــ زايـــد ـــد]

بــــــــــــاركــــــــــــولــــــــــــي

نجحت في الإمتحان الأول (فيزياء + رياضيات + معلومات عامة)

وباجر عندي امتحان سايكومتر الساعه 10

في نفس المكان (أكاديمية طيران الإتحاد)

اتصلو فيني قبل خمس دقايق

الحمدلله ياربي

اللهم لك الف حمد وشكر

وخبرونا شو عنكم اخواني

نجحتوا والا؟؟؟

[alkhaja5]

مبروك اخوي..........


الله يعينك على امتحان باجر........لين الحين ماردو علينا.......

[العكبري88]

بــــــــــــاركــــــــــــولــــــــــــي

نجحت في الإمتحان الأول (فيزياء + رياضيات + معلومات عامة)

وباجر عندي امتحان سايكومتر الساعه 10

في نفس المكان (أكاديمية طيران الإتحاد)

اتصلو فيني قبل خمس دقايق

الحمدلله ياربي

اللهم لك الف حمد وشكر

وخبرونا شو عنكم اخواني

نجحتوا والا؟؟؟

ألف مبروووك ..

وخبرنا شو بيصير على امتحان باجر ..

[صقر ال مره]

مبروك وشد حليك ف امتحان باجر

[ولـــ زايـــد ـــد]

الله يبارك فـ حياتكم

ومشكوووورين

وعقبالكم

ان شا الله يتصلون فيكم بأقرب وقت

يمكن قسمو الطلاب الناجحين على مجموعات عساس إمتحان السايكومتر

ومثل ما شفتوا يوم الخميس كان العدد ما شا الله كبييير

ادعوا لي بالتوفيق

العصر بروح بوظبي ان شا الله

الله يستر من امتحان باجر

بس ان شا الله يكون سهل ويتيسر

والسموحه

[العكبري88]

الله يبارك فـ حياتكم

ومشكوووورين

وعقبالكم

ان شا الله يتصلون فيكم بأقرب وقت

يمكن قسمو الطلاب الناجحين على مجموعات عساس إمتحان السايكومتر

ومثل ما شفتوا يوم الخميس كان العدد ما شا الله كبييير

ادعوا لي بالتوفيق

العصر بروح بوظبي ان شا الله

الله يستر من امتحان باجر

بس ان شا الله يكون سهل ويتيسر

والسموحه

بالتوفيق لك انشاء الله ..

عاد لا تنسى تخبرنا كل شي أول بأول ..

والي ما اتصلو فيهم .. عليكم بالدعاء ..

[الحشيمه]

انا اتصلوا فيني بس ما رديت كنت نايمه هههههه

و رجعت ادق لهم محد رد ......شو اسوي الحين .؟؟ اخاف باجر علي امتحان سيكوموتر
اف