الى فاهم ومجرب يرد

[AMR_ENG_2007]

السلام عليكم ورحمه الله وبركاته
انا نزلت اللعبه عن طريق التورنت والحمد لله اشتغلت معايا ومستمتع بيها جدا ووريتها لاصحابى وعجبتهم وهما طلبوها منى وكل لما اجى اعمل COPY تطلعلى رساله بتقول ان مفيش مساحه رغم ان فى مساحه فاضيه حوالى 26 جيجا وحاولت انقلها ببرنامج POWR ISO بس برده مفيش فايده يوصل 98% وتطلع نفس الرساله ياريت اللى فاهم وحصل معاه موضوع زى ده يرد بلاش اى رد وخلاص واللى ميعرفش يقول مش عيب وشكرا مبدئيا للى عنده الحل

[Marwan Hamed]

عزيزي كابتن عمر , أولا أود أن أرحب بك معنا في خط الطيران , و في انتظار مشاركاتك معنا ان شاء الله ,

طبعا أعتب عليك أسلوبك في السؤال :
" ياريت اللى فاهم وحصل معاه موضوع زى ده يرد بلاش اى رد وخلاص واللى ميعرفش يقول مش عيب"
طبعا دي ممكن تزعل ناس منك و تسد نفسهم انهم يردو :)

المهم , انت بتحاول تعمل كوبي لايه بالظبط و من فين لفين ؟ انت المفروض بتعمل كوبي للسورس بتاع البرنامج , اللي هما ملفين الأيزو ISO , و تديه لأصدقاءك و هما يسطبوه علي جهازهم ,
انا فهمت انك بتنقلو علي هارد من كلمه "26 جيجا مساحه فاضيه" فلو كده انت مش محتاج باور ايزو في حاجه , هتحتاجه بس لو هتنسخه لديفيديهات ...
طبعا انت ممكن تاخد ردي علي ان هو "أي رد و خلاص " لكن العيب منك , انت اللي مش موضح المشكله مظبوط :)

تحياتي

ملحوظه : تم نقل الموضوع لقسم الاستفسارات , فهو مكانه الصحيح

[Cpt. Abdoun]

والله نفس المشكلة حاصلة معايا ,,

وبطلت خلاص انقل الفلايت سميوليتر ,,, اللي عايزها ينزلها ,,

والمشكلة انو لمن تحاول نتقل ملفات السميوليتر كاملة ,, او ملف الايزو اللي هو حوالي 8 قيقا ,, الى هارد ديسك خارجي بقول لك انو مافي مساحة ,, حتى لو كان في اكتر من 20 قيقا فاضية في الهارديسك ,,

السبب الله اعلم به ,,

[AMR_ENG_2007]

اولا انا اسف جدا اذا كنت زعلت حد بدون ماقصد وبعتذر لمشرفنا الهمام على طريقتى فى القاء الموضوع
انا كل هدفى ان اللى فاهم ومجرب يرد عشان انا اتعلمت كتير من المنتدى ده ومحبتش اشوف الى بيحصل فى اى موضوع يتكرر معايا هنا يعنى مثلا اخش فى موضوع الاقى ناس بتسلم على ناس وناس بتبارك لناس على ترقيه عضويتها والكلام ده مكانه يبقى على الخاص او على الايميل مش هنا واولا واخيرا ده موضوع معمول عشان فى مشكله بتواجه عضو وعاوزين نحلها عشان الكل يستفاد لانها اكيد هتواجه حد غيرى زى ماحصل مع العضو 121 وعشان نلاقى حل لازم نتناقش فى صلب الموضوع مش نسلم على بعض ونبارك لبعض
ثانيا /
المشكله ببساطه انى لما جيت انزل اللعبه طلب منى برنامج التورنت انى اختار بارتيشن من نوع ntfs وبالفعل استخدمت برنامج partition magic وحولت من fat32 الى ntfs ونزلت اللعبه واتسطبت تمام وعجبتنى جدا وبفضل الاعضاء فى المنتدى هنا اتعلمت حاجات كتير وبقيت بعمل رحله كامله وبعمل هبوط ils وتمام اوى
المهم وريتها لاصحابى وعجبتهم اوى وواحد منهم طلبها منى روحت ركبت الهارد بتاعه وانا بنقلها طلعتلى رساله بتقول low disk space مع العلم ان مساحه اللعبه 8.27 جيجا والمساحه الفاضيه عنده 26 جيجا يعنى مفيش اى مشاكل من ناحيه المساحه
جربت انقله اى لعبه تانيه اتنقلت عادى جدا copy & past بدون اى مشاكل وفكرت ان المشكله فى البارتيشن وحاولت ارجعه تانى fat32 لقيت برنامج partition magic بيطلعلى رساله there is a file larger than 4 g يعنى فى ملف مساحته اكبر من 4جيجا وطبعا دى ملفات ال daa بتاعت اللعبه
يعنى ولا ينفع انقلها ولا ينفع اغير نوع البارتيشن يبقى ايه الحل؟
اخر حاجه فكرت فيها انى استخدم برنامج powr iso وعملت copy للاسطوانتين بس برضه يقولى low disk space فكرت انى افتح الاسطوانه بالبرنامج واعملها save as iso file وبرضه يوصل ل 98% ويقولى low disk space يعنى مفيش حل خالص
اللى فى دماغى ان اللاسطوانات دى معمولها حمايه والله اعلم.
اتمنى اكون وصلت مشكله صح للاعضاء واتمنى الرد عليها وبتاسف تانى للى زعلان من اسلوبى وبعتذر عن اى كلمه قولتها بدو قصد وبشكر المشرف العظيم على توجيهه ليا ومعلش انا اسف صضعتكوا