وظيفة ظابط الحركة فى مصر للطيران

[hany crespo]

مساء الخير على كل الاعضاء الجامدين اوى بتوع المنتدى اللى انا بحبهم جدا وبعتز انى عضو هنا
كان ليا استفسار بسيط اوى عن شركة مصر للطيران
بالنسبة لوظيفة ظابط الحركة كان اخر اعلان كانوا عايزين ظابط حركة تحميل
هل اعلنوا قبل كدة عن ظابط حركة مبيعات وا ظابط حركة محطة
هل نزل اعلان ولا لسة هما ماطلبوش حد فى الوظايف دية
ارجو من سيادتكم الاجابة والف شكر ليكم

[danzel_l]

السلام عليكم ورجمة الله وبركاتة

حبيبى الاعلان بتاع الوظايف ده كان نازل تقريبا من 6 شهور او قبل كده اما بالنسبه لاعلان ظابط الحركة جالى من مصادر موثوق منها انهم هيخدو فردين بس هيخدوا 2 رغم ان اللى مقدم فى الاعن اكثر من 20000

تقبل مرورى

[hany crespo]

دانزل باشا
تحية لحضرتك لمرورك على الموضوع بس انا عارف ان الاعلان طالب موظف حركة تحميل او بضايع بمعنى اصح
اللىانا عايز استفسر عنة هو ضابط الحركة المبيعات بتاع الحجز وكدة
وظابط حركة المجطة بتاع الشيك ان والمغادرة وخلافة
ارجو ان اكون وضحت استفسارى

[menna]

هما طالبين ظابط الجركه اللي بيفتش الناس والشنط في الجمارك وبالهوم طويل اوي في الحاجات دي وكلها بالوسطه الجامده اوي انا اعرف واحد كان مقدم بس في اصيانه ونجح في كل الاختبارات وي اخر مقابله مع رئيس مجلس الاداره اترفض فيها يعني اللي يعرف واسطه كبيره اوي اوي يقدم

[dark_eagle]

السلام عليكم ورجمة الله وبركاتة

حبيبى الاعلان بتاع الوظايف ده كان نازل تقريبا من 6 شهور او قبل كده اما بالنسبه لاعلان ظابط الحركة جالى من مصادر موثوق منها انهم هيخدو فردين بس هيخدوا 2 رغم ان اللى مقدم فى الاعن اكثر من 20000

تقبل مرورى

يراجل 20 الف ليه يعني طبعا رقم مبالغ فيه بطريقه مش طبيعيه

واللي سمعته انهم هياخدو حوالي 20 واحد بلاش بس تحبط ف الناس كدا

[super]

السلام عليكم ورحمة الله وبركاتة
مش معقول ان عشرين الف واحد يتقدموا وياخدوا اتنين فقط يا استاذ دانزل وعموما الله اعلم
انا قدمت فى الاعلان ده من شهر 4 ايلى فات ولسة منتظر الاختبارات يوم 22 بتاعة اللغات والكمبيوتر انا سمعت انها حتبقا فى معهد قوات المسلحة ايلى فى كوبرى القبة ومش عارف ده صح ولا غلط يا ريت ايلى يعرف حاجة عن الاختبارات وايه المفروض نعملوه يساعدنا والف شكر ليه

[c-172]

يعطيك العافيه

[ahmedothman]

اعتذر للتدخل بس عندى سؤال
الوسطة لازم تكون من داخل المطار؟
يعنى من مصر للطيران

[danzel_l]

السلام عليكم ورحمة الله وبركاتة

حبيبى دارك ليك حق تستغرب من الرقم بس انا رقمى فى الاعلان 15569 تخيل لما يكون ده رقمى وكان فاضل على الاعلان اسبوع يبقى وصل لكام تخيل كمان انه اكتر من 20 الف ولو تعرف انا قدمت ازاى بعجوبة مش هتصدق انا لولا ان ليا واسطه فى السجلات مكنتش عرفت اسحب استماره من اساسه

تقبل تيحاتى وليك جزيل الشكر

[danzel_l]

الاخ احمد عثمان انت كلامك صح لازم تكون الوسطه من داخل المطار بس مع العلم لو مكنتش الواسطه فى مكانه عاليه يكون حد مهم جدا يبقى مش هتعرف تدخل انا العائلة كلها فى مصر للطيران ومسكين اعلى المناصب بما فيهم والدى الا ان انا ساقط فى 18 الاعلان علشان اللى دخلو جاين بوسايط اعلى منى بكتير رغم انا وسيطى كلها مدودريين انا والدى رئيس قطاع الكهربا بمصر للطيران انا ناقص اخلى رئيس الجمهورية بنفسه يتوسطلى بقى والله حاجه تحزن

تقبل مرورى

[super]

والله حاجة تحزن بجد امال نعمل ايه بس اما كل حاجة بالوسايط كده ؟؟؟ وسطتنا ربنا وان شاء الله مش حيخزلنا

[zoroM]

حسبنا الله ونعم الوكيل
لابد من الرحيل

[dark_eagle]

السلام عليكم ورحمة الله وبركاتة

حبيبى دارك ليك حق تستغرب من الرقم بس انا رقمى فى الاعلان 15569 تخيل لما يكون ده رقمى وكان فاضل على الاعلان اسبوع يبقى وصل لكام تخيل كمان انه اكتر من 20 الف ولو تعرف انا قدمت ازاى بعجوبة مش هتصدق انا لولا ان ليا واسطه فى السجلات مكنتش عرفت اسحب استماره من اساسه

تقبل تيحاتى وليك جزيل الشكر


انا برده اعرف واحد من جوا قدملي انا كنت مستحيل اقف ف الفرح اللي كان واقف دا

بس هل ال 15 الف لوظيفه ظابط حركه بس ؟؟ ولا دا توتال كل الاعلانات اللي موجوده ومش مرقمنها ؟

عموما هيا الواسطه اللي هتمشي المواضيع ف الاخر انا والدي برده شغال ف مصر للطيران مدير عام

وتقبل تحياتي

[mkh61083]

انا ميعادى يوم الثلاثاء فى المعهد

ربنا يوفق الجميع

[Mahmoud_123]

لا اله الا أنت سبحانك انى كنت من الظالمين

[nfro]

من فضلكم ياريت كل اللي امتحن يجي يقول عمل ايه في الامتحان وكان في مستوي الطالب المتوسط او ايه و ربنا يوفق الجميع

[mkh61083]

ياجماعة انا روحت امتحنت انهارده الثلاثاء الحمد لله فى القوات المسلحة بخصوص وظيفة ضابط حركة تحميل ونصيحتى ياريت تروحو على 12 او 12:30 وتروح على الخزنة تدفع ال 20 جنيه وانت زى الباشا وتاخد وصل بانك دفعت ها يكون متسجل فيه رقمك اللى ها تتدخل بيه الحقوا احجزوا فى اول 100 دول اول ناس بتتدخل والامتحان مدته ساعة عبارة عن 100 سؤال 50 منهم سماعى ( وده بنصح فيه انك تجرب السماعات الاول قول لاى حد من هناك انك عايز تجربها وهما كده كده ها يقولولك برضه ع الموضوع ده وبعدين السؤال الواحد بيتقال مرة واحدة بس ومدة الاجابة على السؤال 16 ثانية من بعد السؤال ما بيخلص ويفضل انك تقرا الختيارات بسرعة قبل ما تسمع السؤال عشان يبقى عندك فكرة هو ممكن يتكلم عن ايه وده ها يسهلك الموضوع شويه وبعدين لو انت سمعت سؤال ومتاكد من اجابته جاوب على طول واضغط على زر next وما تستناش ال 16 ثانية يخلصو عشان ها تحتاج الوقت ده فى ال 50 الاخرى والمراجعة على اللى حليته بعد كده ) اما ال 50 الاخرى ( فهى عبارة عن جمله او سؤال وفى 4 اختيارات ها تختار منهم اجابة واحدة طبعا وده مش مرتبط بوقت وبيكون عبارة عن شويه جرامر ازمنة على قاعدة if على استخدامات can , ought to , وخلافه بالاضافة الى حفظ الكلمات لازم تكون عارف كلمات كتير ) وفى النهاية المندوب بره ها يقولك غالبا ابقى روح على لوحة الاعلانات فى المطار مكان ما قدمنا عشان نعرف النتيجة على يوم 19-6 ان شاء الله وبالتوفيق للجميع ان شاء الله

[honyo_dam]

سلام عليكم انا اخوكم هانى كم عانيت عشان ادم فى مصر للطيران من مشاوير سفر ورايح جاى واغير فى البطاقه وروحت وامتحنت امتحان اللغه وعرفت انى نجحت ولله الحمد بمجهودى لان الامتحان كان سهل مش صعب بس نقول ايه بقى فىالكوسه فى مصر بعد ماسمى اتبعت لمصر للطيران اتشال واتحط بدالى اسم حد تانى حسبى الله ونعم الوكميل فى كل الى ظلمنى وافترى عليا كدا ياناس الحقو مصر من الضياع الى عايشين فيه

[dark_eagle]

سلام عليكم انا اخوكم هانى كم عانيت عشان ادم فى مصر للطيران من مشاوير سفر ورايح جاى واغير فى البطاقه وروحت وامتحنت امتحان اللغه وعرفت انى نجحت ولله الحمد بمجهودى لان الامتحان كان سهل مش صعب بس نقول ايه بقى فىالكوسه فى مصر بعد ماسمى اتبعت لمصر للطيران اتشال واتحط بدالى اسم حد تانى حسبى الله ونعم الوكميل فى كل الى ظلمنى وافترى عليا كدا ياناس الحقو مصر من الضياع الى عايشين فيه

ازاي يا باشا كلام دا؟؟

هو ممكن تكون نجحت بس ممكن يكون ف مصر للطيران بيقبلو من نسبه معينه ممكن تكون نسبه دي اتغيرت علي حسب اعداد الناس يعني انت مثلا لو جبت 75 % ممكن يكونو هما خدو من 80 %

وبعدين حوار سفر وكلام دا مش موضوع بطاقه لانك ف الانترفيو بيسالك انت ساكن فين عشان يعرف انت هتيجي المطار ف قد ايه يعني موضوع انك ف سفر وكلام دا بيكشف مش موضوع بطاقه

عموما ربنا يوفقك ف اعلان تاني