شبكة
ومنتديات خط الطيران - نسخة خفيفة من المنتدى
Lolwa79
03-05-2009, 06:55 PM
قصة ما قبل النوم عند أطفالنا في الأردن
الملك و بناته الثلاثة
كان يا ما كان في قديم الزمان. ملك عنده ثلاث بنات حب في يوم من الأيام انه يختبر حبهم اله. جاب الكبيرة (وجه البكسة). وقالها: يابا يا حبيبتي قديش بتحبي أبوكي الملك
البنت من غير تفكير : بحبك قد ما السمك بحب البحر
الملك فكر وقال في باله : ايهو السمك بقدر يعيش بدون بحر هاي البنت بتحبني كتير . وقال الها : أنا كنت عارف انك بتحبيني بس مش لهدرجة . وقام اعطاها قصر كبير ومجوهرات
جاب البنت التانية ( واسطة العقد ) وسألها نفس السؤال . فقالتله : بحبك قدما الطير بحب السما . انبسط الزلمة وكييييييييييييف . وأعطاها قصر جنب أختها ومجوهرات ومييييييييييمعة
بعدين جاب البنت الصغيرة ( اخر العنقود اللي بموت فيها ) وسألها نفس السؤال . قامت جاوبته : بحبك قد ما الدقة (الزعتر) بتحب الشطة (الفلفل الدقوس)
الزلمة زعل وعصب وقام لفحها كف خلا أيديها و رجيلها اربعة ومسكها من شعرها وزتها برة القصر . وما رضي يسمع منها ولا نص كلمة .
البنت دارت بالحواري وعلى أرصفة الطرقات وتسمع كلمة من هاد وكلمتين من هداك . لغاية ما ربنا حن عليها و أجاها مزارع مسكين على باب الله حبها وحبته وراحوا سكنو بالكوخ تبعه اللي بنص الغابة
ودارت الأيام ومرت الأيام ما بين بعادوخصام
وفي يوم من الأيام كان الملك قاعد بتصيد بالغابة ونسي حاله وسرح وضاع بالغابة. دور على المرافقين . ولا هم هون . طب الحرس . فص ملح و داب . وين الشباب؟؟؟؟؟؟؟؟ لا حياة لمن تنادي . ضل الملك يمشي ويمشي .لغاية ما لقي هالكوخ لصغير قال يلا بفوت برتاح وباكلي لقمة. دق على الباب فتحلوا صاحب البيت وهو مش عارفه. دخلوا جوا وهو شايفه تعبان. وصار يحكي مع الزلمة. لكن مرته للمزارع مش خافي عليها الصوت. قام الزلمة بيقول للمرة اذبحيلنا جاجتين خلينا نتعشى ونعشي الضيف. المره بتكون مين طبعا ؟؟؟؟؟؟؟؟؟ وااااااااااااااااااضحة بنت الملك المقصوفة الصغيرة
بدت تشتغل بالجاجات وخطر على بالهافكرة. نادت جوزها وقالتله خود شوية الدقة (الزعتر) هاي مع صحن زيت سلكو فيهم لغاية ما يخلص الاكل شكله الزلمة ميت من الجوع
والله الزلمة عجبته الفكرة وقام حط الزيت والدقة (الزعتر) قدام الملك وقاله: اتفضل يا عمي على بين ما يجهز الاكل . الملك ميت جوع وهو بحب الدقة (الزعتر) كتييييييييييييييييير. ما بلع اول لقمة ولا صار بده يستفرغ
وصاح بالزلمة : ولكو شووووووووو هاظظظظظظظظظ دقة من غير شطة ؟؟؟ كيف بتاكلوها هاي؟؟؟؟؟؟؟؟؟؟؟
وفجأة اتذكر بنته الصغيرة وصار يعيّط زي الهبايل . قاله الزلمة: ول، شو مالك يا زلمة انت العاقل .... كل هاظ مشان شوية دقة هسة الجاج بخلص...قلعطتني.....شو هالعالم هاي.. راح الملك حكى للزلمة قصة بنته الصغيرة...
وهو الملك خلص القصة من هون ولا نطت البنت وقالت : بخخخخخخخخخ ،،، كيفك يابا؟ عرفت قديش بحبك يا اهبل ؟؟؟؟؟؟
وهيك عرف الملك قديش بتحبه بنته . وجابتله دقة بشطة . طبعا ما أكل منها ولا لقمة لأنه نزل بالجاج جرد وما ترك منهن غير العظام المنتفه...
و أعطاها قصرين ومجوهرات و سوبر ماركت و كروز دخان علشان هي بتشرب أرجليه، وشغل جوزها سواق شفير على باص عنده
__________________
وعلى راي المثل المعروف ...
العلم نور والجهل مهند
والدراسة سنوات الضياع
والشهادة المدرسية هي لحظة وداع حلم الطلاب بالنجاح الحلم الضائع
وهكذا تمضي الايام
تحياتي :crazy_pilot:
الملك و بناته الثلاثة
كان يا ما كان في قديم الزمان. ملك عنده ثلاث بنات حب في يوم من الأيام انه يختبر حبهم اله. جاب الكبيرة (وجه البكسة). وقالها: يابا يا حبيبتي قديش بتحبي أبوكي الملك
البنت من غير تفكير : بحبك قد ما السمك بحب البحر
الملك فكر وقال في باله : ايهو السمك بقدر يعيش بدون بحر هاي البنت بتحبني كتير . وقال الها : أنا كنت عارف انك بتحبيني بس مش لهدرجة . وقام اعطاها قصر كبير ومجوهرات
جاب البنت التانية ( واسطة العقد ) وسألها نفس السؤال . فقالتله : بحبك قدما الطير بحب السما . انبسط الزلمة وكييييييييييييف . وأعطاها قصر جنب أختها ومجوهرات ومييييييييييمعة
بعدين جاب البنت الصغيرة ( اخر العنقود اللي بموت فيها ) وسألها نفس السؤال . قامت جاوبته : بحبك قد ما الدقة (الزعتر) بتحب الشطة (الفلفل الدقوس)
الزلمة زعل وعصب وقام لفحها كف خلا أيديها و رجيلها اربعة ومسكها من شعرها وزتها برة القصر . وما رضي يسمع منها ولا نص كلمة .
البنت دارت بالحواري وعلى أرصفة الطرقات وتسمع كلمة من هاد وكلمتين من هداك . لغاية ما ربنا حن عليها و أجاها مزارع مسكين على باب الله حبها وحبته وراحوا سكنو بالكوخ تبعه اللي بنص الغابة
ودارت الأيام ومرت الأيام ما بين بعادوخصام
وفي يوم من الأيام كان الملك قاعد بتصيد بالغابة ونسي حاله وسرح وضاع بالغابة. دور على المرافقين . ولا هم هون . طب الحرس . فص ملح و داب . وين الشباب؟؟؟؟؟؟؟؟ لا حياة لمن تنادي . ضل الملك يمشي ويمشي .لغاية ما لقي هالكوخ لصغير قال يلا بفوت برتاح وباكلي لقمة. دق على الباب فتحلوا صاحب البيت وهو مش عارفه. دخلوا جوا وهو شايفه تعبان. وصار يحكي مع الزلمة. لكن مرته للمزارع مش خافي عليها الصوت. قام الزلمة بيقول للمرة اذبحيلنا جاجتين خلينا نتعشى ونعشي الضيف. المره بتكون مين طبعا ؟؟؟؟؟؟؟؟؟ وااااااااااااااااااضحة بنت الملك المقصوفة الصغيرة
بدت تشتغل بالجاجات وخطر على بالهافكرة. نادت جوزها وقالتله خود شوية الدقة (الزعتر) هاي مع صحن زيت سلكو فيهم لغاية ما يخلص الاكل شكله الزلمة ميت من الجوع
والله الزلمة عجبته الفكرة وقام حط الزيت والدقة (الزعتر) قدام الملك وقاله: اتفضل يا عمي على بين ما يجهز الاكل . الملك ميت جوع وهو بحب الدقة (الزعتر) كتييييييييييييييييير. ما بلع اول لقمة ولا صار بده يستفرغ
وصاح بالزلمة : ولكو شووووووووو هاظظظظظظظظظ دقة من غير شطة ؟؟؟ كيف بتاكلوها هاي؟؟؟؟؟؟؟؟؟؟؟
وفجأة اتذكر بنته الصغيرة وصار يعيّط زي الهبايل . قاله الزلمة: ول، شو مالك يا زلمة انت العاقل .... كل هاظ مشان شوية دقة هسة الجاج بخلص...قلعطتني.....شو هالعالم هاي.. راح الملك حكى للزلمة قصة بنته الصغيرة...
وهو الملك خلص القصة من هون ولا نطت البنت وقالت : بخخخخخخخخخ ،،، كيفك يابا؟ عرفت قديش بحبك يا اهبل ؟؟؟؟؟؟
وهيك عرف الملك قديش بتحبه بنته . وجابتله دقة بشطة . طبعا ما أكل منها ولا لقمة لأنه نزل بالجاج جرد وما ترك منهن غير العظام المنتفه...
و أعطاها قصرين ومجوهرات و سوبر ماركت و كروز دخان علشان هي بتشرب أرجليه، وشغل جوزها سواق شفير على باص عنده
__________________
وعلى راي المثل المعروف ...
العلم نور والجهل مهند
والدراسة سنوات الضياع
والشهادة المدرسية هي لحظة وداع حلم الطلاب بالنجاح الحلم الضائع
وهكذا تمضي الايام
تحياتي :crazy_pilot: