ياريت الافادة ارجوكم ضرورى

[الهوارى]

السلام عليكم

يا جماعه انا باذن الله نويت اخد كورس الاياتا فى مصر للطيران واتصلت بيهم فعلا وقالو تييجى تحجز اول شهر 7 ان شاء الله و3 مستويات المستوى 800 جنيه وكل مستوى اسبوعين
انا بس عايز اعرف من الناس اللى اخدت الكورس دة
هل لكل مستوى امتحان ولو فى امتحان له رسوم برضو ولا من ضمن المستوى ؟
ايه المصاريف اللى هتدفع تانى غير 800 لكل مستوى ؟
مواعيد الكورس فى ناس بتقول من 2الى 7 وفى ناس بتقول من 9الى 2 انا مش عارف انهو
الصح لانى مرتبط بكورس انجلش وعايز انسق بينهم الوقت
هل انا هبدا على طول بمجرد ما احجز ولا بتاخد وقت ؟
وفى ناس بتقول ممكن تاخد تدريب عملى على انظمه الحجز خلال التدريب
ياريت يا جماعه اللى اخد الكورس يفيدنا ويعيشنا معاة ايه اللى حصل بالزبط
ارجو الرد من الاخوة الكرام خصوصا ان رقم مصر للطيران صعب يجمع انا فضلت 3 ايام علشان يردو عليه
جزاكم الله كل خير على هذا المنتدى الرائع

[mido_banda]

السلام عليكم
اولا بالنسبة للسوال عن الامتحانات هو كل مستوى 2 اسبوع ونهاية كل اسبوع امتحان
يعني كل مستوى 2 امتحان
ثانيا بالنسبة للسؤال عن المصاريف لا هو مفيش اي مصاريف زيادة هي ال 800 بس
ثالثا المواعيد دي يعني حسب ما هما بيحددوا وبيبقي الرسمي من 9 ل 2 او من 2 ل 7 وبالتوفيق ان شاء الله

[الهوارى]

شكرا ليك بجد ميدو
بس فيه باقى اسئله محدش رد عليه فيها
هل انا هبدا بمجرد ما احجز ولا فيه فترة كبيرة بعد الحجز

[AboAbdulla]

تفضل هنا معلومات تفصيلية من الاخت برنسيسة عن كورس الاياتا اوفيتا


السلام عليكم :icq_offline::icq_offline::icq_offline:
عذرا والله لسة شايفة الاستفسار
و ع فكرة الموضوع انت سالتني فية اكتر من الف مرة :poster_vt::poster_vt::poster_vt:

ومع ذلك انا هجاوبك :icon_g8::icon_g8::icon_g8:

انت تروح عادي خالص الحكاية مش كيميا والكورس فعلا مفيد جدااا
وبينفع في الحياة العملية في الشغل يعني

والكورس كلة ان انجلش لكن الشرح بالعربي وفي انستركترز بيتكلموا انجلش لكن في العموم الامتحانات سهلة واوبن بوك والاتدريبات اللي بتاخدها في الكلاس هيا اللي بتيجي في الامتحات او شبهها

وكل ليفل في امتحان اول اسبوع 40 فالمائة والامتحان الاخير 60 فالمايةوهما طبعا 3 ليفل كل ليفل 12 يوم وانت طبعا واخدة ع حساب الشركة يعني مخفض لانها هي اللي بتدفع للغرفة ولو انت واخدة علي حسابك بيبقي الليفل بالف جنية

والمواعيد من 2 الي 7 وفي بريك نص ساعة
وان شاء الله تستفاد

واي استفسار انا حاضرة


انواع الاياتا (http://www.flyingway.com/vb/showthread.php?t=54898)


ياريت مشاركة الاخوه اللى اخدو كورس الاياتا بمصر للطيران (3 مستويات) (http://www.flyingway.com/vb/showthread.php?t=55164)

ياريت معلومات اكتر عن الاياتا اوفيتا ارجو الاهتمام من الاستاذ نزيه والاخت برنسيسه (http://www.flyingway.com/vb/showthread.php?t=46793)

وهنا من الاستاذ نزية محمد

كل ما يتعلق بدراسة نظم الحجز وكورسات اماديوس وجاليليو والاستفسارات الخاصة بها (http://www.flyingway.com/vb/showthread.php?t=38642)