هل استقيل ام ابقى في الوظيفه الحاليه وانسى الابتعاث؟

[جمر]

السلام عليكم ورحمة الله وبركاته
آرائكم تهمني يا اخوان وارجو انكم تفيدوني..
انا ضابط اطفاء وانقاذ بأحد مطارات المملكه
وصار لي اقل من سنتين على التعيين
والان جتني بعثه الى احد الجامعات في اسبانيا :jumping:
البعثه على حساب السفاره السعوديه مالها دخل بمرجعي الوظيفي:iconloli:
قالو لي تدرس سنه اوسنتين لغه انجليزيه واسبانيه طبعا لين تجتاز اختبار التوفل:f52ar:
بعدها نشوف التخصص الي يناسب شهادتك ونخليك تكمل فيه وتاخذ بكالوريس وماجستير
واذا ماوجد التخصص هذا في اسبانيا يطلعوني لامريكا واكمل هناك هندسة اطفاء وانقاذ او غيره من التخصصات..علما بأني حاصل على دبلوم اطفاء وانقاذ:crazy_pilot:
.
.لكن المشاكل هنا:
يقولون لو تبي تاخذ تفرغ (استثناء) بدون راتب مدة سنتين ماراح يعطوني :ANSmile29:
واذا بيعطوني راح يعطوني 6 اشهر بس لين خدمتي تكمل سنتين:dry:
علما بأني راح ادرس التخصص الي انا فيه
وانا الصراحه ودي اطس وابتعث بس مادري هل النظام في هيئة الطيران المدني يسمح لي اني اخذ تفرغ سنتين من غير راتب او لا؟؟
انا ماودي اخسر الوظيفه وبنفس الوقت مابي اخسر البعثه
.
..وارجو انكم تفيدوني بحل ولا اخسر اوظيفه والابتعاث...:unsure:
انتظر ارائكم يا اخوان...


انا جمر..

[Capt-Abdullah]

وعليكم السلام أخي العزيز

بالنسبة لهذا القرار راجع لك أحنا كل أعضاء المنتدى راح يعطوك إستشارة فقط لاغير الباقي يرجع لك.
بالنسبة لي أولا اتمنى ان تستخير الله في هذا الشي لانه حساس وان شاء الله ربنا يوفقك ويختر لك الخير حيث كان.

بالنسبة لتكمله الدراسة فهي فكرة ممتازة جداً. ولاكن تعتمد لك هل انت شخص جاد او لا لان الابتعات والدراسة في الخارج تحتاج جهد كبير وعزيمة وصبر .
اذا كنت خلاف ذالك فأنصحك ان تبقى في وظيفتك فربما عصفور في اليد خير من عشرة في الشجرة.

والقرار راجع لك اخي وبالتوفيق ان شاء الله.

تحياتي

[شهاب الجزيرة]

اولا استخر الله

ثانيا الوظيفه التي معك وظيفه جميله

لكن ان كان تخصصك بنفس مجال عملك فهو شي جميل جدا ومفيد

لكن انت شوف متى وقت الابتعاث وشوف اذا انك كنت جازم تكمل في الدراسه

مو تترك العمل وتروح الابتعاث تشوف شي صعب قدام تبطل من الابتعاث

فتصير لا انت من يوسف ولا من قميصه

يعني راح تواجه صعوبه في الابتعاث

اهم شي استشر احد القرائب والمتخصصين

استشر من احد المتخصصين معك في المجال وشوف مشورته

استشر احد اقاربك يكون له مرتبه علميه وصاحب تفكير صائب

طبعا لاتنسى الاستخاره

[cpt-hanood]

روح الابتعاث

[TCAS]

استخير اولا


ثانيا في حل عملي

خذ اجازة بدون راتب الي يعطوك اياها مثلا 6 اشهر

روح هناك وشوف الوضع معاك كيف حبيت الفكرة ولا لا مشيت في الدراسة ولا لا وبعدها قرر

يا تكمل البعثة واستقيل ولا قدم معاريض ودرجات وسوي فلم هندي يمكن يعطوك استثناء

او انك لو لا سمح الله ما مشيت ترجع وظيفتك

هذا الي انا اشوفه

بس البعثة والدراسة ترا جدا مهمة وراح تندم ندم كبير بعد فترة لو ما كملت تعليمك هذا الشي صار معي شخصيا

[جمر]

كابتن عبدالله
شهاب الجزيره
محبوب لكن محبوب
TCAS
الف شكر على ارآئكم ومشوراتكم
عسانا مانتحرمش


انا جمر

[الطيار سعيد]

الاستخاره اولا والابتعاث شي حلو وممتاز

[Sr.Flight Attendant]

نفس كلام تيكاس
كلام مظبوط مية بالمية
مازيد عليه شي