شبكة
ومنتديات خط الطيران - نسخة خفيفة من المنتدى
عمر طارق
22-07-2009, 01:59 AM
انا مصري ولكني مقيم بمدينة الاحساء في السعودية وكل سنة اسافر مصر بعد انتهاء الاختبارات النهائية لقضاء الاجازة مع الاهل والاقارب ويوم الاثنين الماضي كنت مسافر على رحلة الخطوط السعودية رقم 321 والمتجهة من الدمام الى القاهرة وكان نوع الطائرة بوينج 777 وانا علمت من هذا المنتدى ان الطيار يكون على كتفه اربع علامات ذهبية والمساعد ثلاث علامات وانا كنت متعطش جدا لدخول الكابينة واروح للكابتن وفعلا لقيت واحد عليه ثلاث علامات ذهبية فرحت له وسلمت عليه وسألته هل هو الكابتن قال لي لأ انا مشرف الرحلة فقلت له ممكن اروح للكابتن قال لي طب استنى اروح اساله وراح سأله وبعدين قالي الكابتن في انتظارك وفعلا روحت للكابتن وكان كابتن لطيف جدا ورحب بي ترحيب جميل جدا وقعدنا نتكلم شوية وكل ده كان والطيارة في الدمام لسه واقفة على الجيت وبدأت اقوله على حاجات في الكابينة زي مثلا fmc . heading . throttle .flaps . speed brake علشان ابين له اني فاهم فسألني تحب تيجي والطيارة فوق وتشوفها ازاي ماشية قلت لأ انا عايز آجي في الابروتش واللاندينج وقال لي طيب لما علامات حزام الامان تنور علشان الهبوط كلم المضيفة اللي عندك وقول لها الكابتن قال لي اروح له وفعلا عملت كده وروحت للكابتن وقعدت عنده لغاية ما هبطنا بسلام وبعدين طفا المحركات بعد الوقوف على الجيت وكان كابتن طيب جدا وكان هو اللي بيفتح المواضيع معايا وكنت سامع الراديو والبرج وحسيت بالكابينة وهي بتلف وكانت حلوة جدا جدا جدا وانا بدعي لكل واحد عايز يدخلها انو يدخلها زي ما انا دخلتها
ولو في حد لي قصة زي بتاعتي ياريت يقولها ......
وشكرا لقراءتكم ..
ولو في حد لي قصة زي بتاعتي ياريت يقولها ......
وشكرا لقراءتكم ..