شبكة ومنتديات خط الطيران  -  نسخة خفيفة من المنتدى

(يمكن لكم التسجيل مباشرة في المنتدى للمشاركة والتعقيب على الموضوعات المطروحة)

المساعد الشخصي الرقمي

مشاهدة النسخة كاملة : ارجوكم ساعدوني يا جماعة الخير

بروفيسور الطيران
04-11-2009, 07:12 PM
السلام عليكم ورحمة الله وبركاته
وأسعد الله أوقاتكم بكل خير


سبق ونزلت موضوع بخصوص اني راح أسافر لندن في شهر 12 واستفسرت بخصوص إني اركب على البوينغ او الايرباص a 380 فكنسلت رحلة لندن لأسباب خاصة

وبدل ما اروح لندن عزمت السفر على تايلاند واندونيسيا

يا ريت يا جماعة الخير تفيدوني بأسماء الأماكن السياحية في تايلاند واندونيسيا والبرنامج كالاتي

عدد الأيام:11 يوم

ليلتين شانغماي
ثلاث ليالي فوكيت
ثلاث ليالي {احتمال قوي} بالي بإندونيسيا

ليلتين بانكوك

الرجاء انكم تساعدوني
هل الجدول اللي حاطنه اوكي ولا لا
بروفيسور الطيران
05-11-2009, 11:38 PM
ما شاء الله مافي ولا مساعدة
KUWAIT AIRWAYS
06-11-2009, 12:14 AM
انتظر الاخوان ان شاء الله يفيدونك وراسل بنت الكويت لها زيارة لتايلند حط استفسارك بملفها الشخصي وان شاء الله تجاوبك وتفيدك وتروح وترد بالسلامه وارجو ان تحلى بالصبر شكرا لك
بروفيسور الطيران
06-11-2009, 12:27 AM
انتظر الاخوان ان شاء الله يفيدونك وراسل بنت الكويت لها زيارة لتايلند حط استفسارك بملفها الشخصي وان شاء الله تجاوبك وتفيدك وتروح وترد بالسلامه وارجو ان تحلى بالصبر شكرا لك

قواك الله يا خوي ومشكور على ردك
فهلا هذا اللي سويت حاولت اراسل اختي بنت الكويت بس جتني رسالة ادارية انها ما تستقبل رسايل


اتمنى انها تساعدني في هالموضوع
بنت الكويت
03-01-2010, 05:05 AM
اعتذر منك توني اشوف الموضوع

اخي الكريم شانق ماي مازرتها من قبل لكن افضل انك تكنسل رحلتك لشانق ماي و تضيف هالايام الى بانكوك لان رحلالات بانكوك روووعه و اجمل من رحلات جميع المناطق الثانيه
تبدي مع بوكيت:
اجمل الرحلالات رحلة الغوص الى جزيره بيبي ايلاند و الكل يقول انها افضل و احلى من رحلى جيمس بوند
الرحله الثانيه الى عالم فانتاسي و انصحك بالذهاب بوقت متاخر لانك راح تزهق و اهم شي و احلى شي العرض الي يبتدي اخر شي
طبعا و من اجمل الرحلات ايضا الرافتنج و هيا التجديف بالنهر و ومن ضمن الرحله الذهاب الى النهر و الشلال و اخيرا الذهاب الى حديقه لعرض الفيله لكن انصحك بانك تكنسل هالعرض الاخير
و باقي الايام تقضيها بالمجمعات
اذا بتسال عن افضل الفنادق فختار احد هالفندقين تارا باتونج بيتش عائلي وجميل جدا لكن غالي شويه
او بومانبوري ايضا عائلي و جميل جدا جدا و قريب من البحر لكن اسكن بغرفه ديلوكس لان لغرف السبيريور تعيشه جدا
و يمكنك حجز الفنادق و الرحلات من مطار بوكيت عند وحده اسمها ماما نوي اسال عنها و الكل راح يدليك عليها:)
اما بانكوك فرحلاتها جميله جدا ومنها تاايجر زووو
و سفاري وورلد ايضا روعه
و حديقة دريم لاند
وفي حديقه نسيت اسمها فيها اللعاب رووعه لكن قبل ماترووح اسال هل الالعاب تشتغل ولا تحت الصيانه لان لما رحنا هالحديقه كانت اغلب الالعاب متسكره و تحت الصيانه
و تقدر ترووح ايضا رحلة سوق الخضار الي تكون بالمركب و باقي الايام تسوي شووبنق
في ام بي كي و في سووق كبير جدااا جدااااا جدااااا اسمه سيلوم بازار هذ ايضا رخيص الى حد ماا بس كاسرهم اما عن السكن فانا دايما اسكن في فندق اسمه جراند دايموند الغرف عباره عن سويتات غرفه وصاله و موقعه جميل جدا
و هالسنه اخوي سكن في فندق بجانب جريس يقول انه نضيف و عائلي و اسمه فيورتونا و سعره 1800 بات لشخصين شامل الفطور

اتمنى اني اكون قدرت اساعدك:)


تروح و ترجع بالسلامه يارب


تحياتي
بروفيسور الطيران
06-01-2010, 11:29 PM
يعطيج العافية إختي بنت الكويت
وللأسف الشديد مره ثانية رحلتي إتكنسلت بسبب ظروف العمل وما قدرت أطلع إجازه عالعموم الجايات أكثر

ومره ثانية طال عمرج الكلام اللي قلتيه راح أحفظه في فولدر خاص عندي بالديسكتوب علشان يوم أروح لها انشاء الله

قواج الله
كاسبر العرب
07-01-2010, 02:59 PM
اتمنى لك رحله ممتعة ومنيح ما اجيت لندن لانو هلئ الدنيا ثلج وبرد كتيرررر بي التوفيق لك
بروفيسور الطيران
27-05-2010, 08:11 PM
اتمنى لك رحله ممتعة ومنيح ما اجيت لندن لانو هلئ الدنيا ثلج وبرد كتيرررر بي التوفيق لك


مثل ما قلت يا خوي الرحلة إتكنسلت لتايلاند وما قدرت أروح

وتسلم يا خوي عالرد الحلو من شخص حلو شراتك