بردو تحيا مصر( قصيدة في حب المنتخب الي كل مصري بيحب بلدة)

[عاشق الماجيكو]

شعر لمواطن مصري بيحب بلدة
http://www.air.flyingway.com/up/oct2/6f240be7bf.jpg
مصر يا حرة وأبية
روحى ليكى ونور عنيه
بالعزيمة والتحدى
راح نجيب لك ميت هدية


وانت يا جمهور عظيم
زرعت رعب فى كل تيم
بان لنا حبك رايات
ع الوشوش رسمك سليم



وانت يا شحاتة معلم
كل خططك راح تعلم
ع النسور وعلى الأسود
نفسى إيدى عليك تسلم



وانت يا زيدنا زعيم
كل شوطك فى الصميم
لما تنزل الملاعب
انتصارنا يكون عظيم



وانت يا عصام يا همام
انت حارس ع الدوام
حارس المرمى يا حضرى
فيك تحدى وفيك نظام


وانت يا هانى سعيد
ياللى بيك الدنيا عيد
دا انتا صخرة فى الدفاع
لو هجوم عليك يزيد


وانت يا وائل يا جمعه
ياللى بيك الدنيا سامعه
عن كفاحك عن دفاعك
انت للاعبيه شمعة

وانت يا أحمد يا بن فتحى
يا اللى واخد كل فرحى
رغم زعلك م المكان ده
بس خدت كل مدحى


وانت يا معوض حكاية
م البداية للنهاية
لاء وإيه حريف يا واد
راح تكون دايما معايا


وانت يا شوقى صفاتك
الرحولة من سماتك
ع النجيل همه وشجاعة
هيه عادة من عادتك


وانت يا أحمد م الفراعنة
جرئتك كان ليها معنى
مهما قالوا عليك وزادوا
منتخبنا بيك بيعلى


وانت يا شادى ياهادى
القلوب عليك تنادى
ذوق مهارة وطيبة زايدة
وبايديك تنصر بلادى


وانت يا بن عبد ربه
فى الجحور راحوا استخبوا
فيله إيه واسود دا إيه
لسه يا حسنى بيحبوا

وانت يا ابو تريكة قصه
مش عارف لك اى وصفه
فى المهارة والسلوك
نفسى أكتب ألف قصه



وانت يا قناص يا عمرو
يا اللى بتطيع كل أمر
كنت وقت الشدة مدفع
تفدى مصر بكل عمر

وانت يا عماد يا مِتعب
انت فعلا كنت مُتعب
للدفاع فى أى فرقة
فيك عزيمة وسرعة تتعب


ندعى رب الكون يبارك
فى اللى قاعد واللى شارك
بالترابط يد واحدة
والأمل نمحى المهالك
http://www.air.flyingway.com/up/oct2/0e40e9677f.jpg

[{yasmeen}]

هههههه

حلو اوى الشعر اللى بأسامى المنتخب ده

الحضرى ده وحــش افريقيا بجد ربنا يحميه

بس حلو كتير يامحمد

شكرا ليك

[gogoo]

ههههههههههههههههههههههههههه
حلو اوي الشعر اللي باسماء الاعيبه ده
اختيار جميل يا اخي والصراحه اللي كتب الشعر متميز جداا
وجميل اوي اننا دائم نتغنى بحب مصر واعتزاننا بيها وبكل ما يمثلها
الف شكر ليك يا محمد على اختياراتك

[أوتار ممزقة]

أحلى كلمات لأحلى منتخب
تسلم محمد على الكلمات الجميلة
يارب للأمام لمنتخبنا وهذه بداية وليست نهاية
تحياتى

[حور عين]

مصر أم لكل عربي
مصر أم لكل الشعوب
مصر أم الدنــــيا
ساعدت الجميع في حروب كثير وكان هديتهم لها هو نكران الجميل
ولكن
انت يامصر رمز للطيبه ورمزا للوفاء ورمزا للكرم
أحبك أحبك أحبك كثير وسأدفع عنك بروحي ودمي مهما طال الزمن أوقصر

[حور عين]

(( شعب مصر الغالي والمنتخب العزيز ))
انتم فخر لكل عربي بكل شعوب العالم الأصل وانتم اهل الطيبه والكرم
ولا تحزنوا ابدا فأنتم رفعتم رأس كل الشعوب

إن تحدثت كثيرا عنكم فلن أفي حقكم أبدا
فلتحيا مصر وليحيا شعبها المناضل الأصيل الطيب
ومن قال غير ذلك فهو كــــــــــاذب كـــــــــــاذب
باقة ورد معطره ينتشر عبيرها في كل ركن من أركان مصر

http://sl.glitter-graphics.net/pub/29/29235zq05sd8oor.gif

[m7mad]

شكرا يا ابو اسماء علي الشعر الرائع

وشكرا لكل واحد بيحب مصر بجد

وفعلا اختي هذة بجد هي البداية لكل شئ مش للكرة بس

[m7mad]

==============

[mohammed hassan]

تحيا مصر بلد الحضاره

[m7mad]

للاسف لا يوجد اثبات لهذا الكلام من الطرف الاخر !!!!!!!!!!!!

[الصولجان]

بسم الله الرحمن الرحيم
انا اسف مااقصد اى تجريح
يعنى مصر تهمنا اكيد
عربيه اولا
وجارتنا ثانيا
اعتذر تانى مره لم اقصد اى تجريح
تحياتى للشعب المصرى

[عبدالله عمر]

مصر بلد روعه وكل شي فيه روعه
واهلها اروع
تسلم على القصيده الحلوه

[جون بارنز]

يستاهل منتخب مصر هذه القصيدة الجميلة...

[pilotayman]

مصر مصر مصر

[mera]

بردو تحيا مصر مصر
مصـــــــــــــــــــــــــــــــر
أم الدنيا

[mohammed hassan]

شكرا لك اخى العزيز استمر فى الابداع

[E.A.F]

يا اغلى اسم في الوجود ... يا مصر .....
شكرا على هذا الكلام الجميل ....