طيران الجزيرة توقف خط مومبي

[Fisaal]

http://mazeofthoughts.files.wordpress.com/2008/12/media_object_image_lowres_a320_jazeera_airways_mr. jpg


اعلنت طيران الجزيرة عن ايقاف خط مومبي اعتبار من بداية شهر يناير 2010 وهي آخر المحطات الهندية التي تطير لها طيران الجزيرة ، فقد سبق وان تم ايقاف خطي نيودلهي وكوتشين ولا يعرف السبب الحقيقي وراء هذا الاجراء .

[kuwaity_pilot]

غريبة
الجزيرة استذبحت ع فتح وجهات لها بالهند قبل سنتين
والحين توقف رحلاتها للهند
معقولة مافي ركاب للهند من الكويت او حتى من ترانزيت

[إمبراطور الطيران]

خسارة فادحة خط مومباي,العمالة الهندية في الكويت كبيرة !

اتوقع بسبب المشاكل بين الطيران المدني في الهند وشركة طيران الجزيرة

[kuwaity_pilot]

خسارة فادحة خط مومباي,العمالة الهندية في الكويت كبيرة !

اتوقع بسبب المشاكل بين الطيران المدني في الهند وشركة طيران الجزيرة
الكويتية شغالة عدل بالهند بدون مشاكل تذكر
شمعنا بس الجزيرة اللي لها مشاكل مع الهند

[إمبراطور الطيران]

الكويتية شغالة عدل بالهند بدون مشاكل تذكر
شمعنا بس الجزيرة اللي لها مشاكل مع الهند


بإنتظار التوضيح من طيران الجزيرة

أذكر مرة كانت في مشاكل بين الكويت والهند بسبب السعة المقعدية,لاحقا تم حلها,يمكن للأمر علاقة بالموضوع

لانه فعلا شي غريب

[kuwaity_pilot]

بإنتظار التوضيح من طيران الجزيرة

أذكر مرة كانت في مشاكل بين الكويت والهند بسبب السعة المقعدية,لاحقا تم حلها,يمكن للأمر علاقة بالموضوع

لانه فعلا شي غريب
ما توقع السبب مشكلة المقاعد
لأن حلوها من زمان وصارت السعة المقعدية 12الف موزعة بين الشركات الكويتية
شكل طيران الجزيرة راح يوقفون خط مومباي سكااتي بدون لا يقولون السببب

[Fisaal]

بالحقيقه انا انصدمت من الخبر وشي غريب بصراحة بس انا اعتقد ان السبب هو الوزن وشحن الامتعه الان الجزيرة تدقق على الوزن والهنود اغراضهم يبيلها كراتين

على العموم ننتظر ونشوف وراح نعرف الاسباب

[ولـــ زايـــد ـــد]

غريبة اغلب الشركات الخليجية تزيد رحلاتها إلى الهند

العربية عندها أكثر من 10 وجهات

وطيران الإمارات عندهم 10 وجهات تقريبا

والجزيرة سكرت كل وجهاتها

غريبه بصراحه

[Dreamliner_787]

أتوقع أن السبب هو مشكله مع الطيران المدني الهندي
وليس لـ قلة الركاب

[بحريني وفتخر]

انا اعتقد لو ان طيران الجزيرة افتحت خط البحرين - مومبي بدون توقف راح ينجح اكثر من خط الكويت مومبي <<< مجرد رأي شخصي.

وكل التوفيق ان شاء الله لطيران الجزيرة لانه فعلا طيران يستحق كل الخير والتقدم .


مشكور أخوي على الخبر
ويعطيك العافية.

[بروفيسور الطيران]

غريبة مع انه خط مومباي، خط مربح لمعظم شركات الطيران

[بنت الكويت]

غريييبه بنتظار السبب الحقيقي


تحياتي

[مواطن كويتي]

السلام عليكم
يمكن هذا الايقاف لزياده رحلات الجزيره لوجهات أخرى
لكن بانتظار المزيد من التوضيحات لايقاف محطتي البحرين - دبي و الكويت - مومبي
شكرا كابتن فيصل على التنويه و الخبر الحصري الطازج

[ابو حسنين]

شكرا جزيلا على نقل الخبر

[Fisaal]

انا اللي اشكر تواجدكم وتعليقاتكم ونحن هنا للاستفاده وعرض كل ماهو جديد بعالم الطيران

[حسونه]

مشكور اخي على نقل الخبر