المساعد الشخصي الرقمي

للمشاركة في الموضوع إضغط الرابط التالي : إلى صفر الثمامه والاخوان اللي بالرياض

عبدالله01
24-04-2007, 02:39 AM
السلام وعليكم . . .

كيف الحال يا شباب

انا هاوي طـــــــيــــــران لكن ودي من الاخوان يدلوني على موقع

الطيران اللي تطيرون فيه امثال صقر الثمامه او احمد الزهراني وغيرهم ودي ازوركم
ومعي مجموعة من الشباب ودي اعرفهم على هذي الرياضة اكثر ويناظرونها على الطبيعة

وأتمنى انكم تردون علي

شاكر لكم جهدكم اللي تبذلونه في هذه الرياضة .
AboAyoob
24-04-2007, 03:06 AM
وعليكم السلام ورحمة الله وبركاته
يمكن لك أخوي عبدالله زيارة نادي الطيران السعودي في مقره بمطار الثمامة بالرياض
الوصف بسيط جداً ، من طريق الدمام ، إذهب بإتجاه الجنادرية و أستمر إلى أن يكون مطار الثمامة على يدك اليمين ، والأخ صقر الثمامة إن شاء الله يساعد بما يستطيع
بالتوفيق أن شاء الله
عبدالله01
24-04-2007, 03:35 AM
الله يعطيك الف عافية ومشكوور ما قصرت يا AboAyoob

أرجوا من الاخوان الاجابة اذا ما عليكم امر

هل لهم مواعيد ثابتة او اي يوم ازورهم

ومشكوررين
para
24-04-2007, 05:26 AM
ولو اني ماني بالرياض لكن حبيت أقول مثل ما تفضل الكابتن أبو أيوب المكان واضح وسهل الوصول له.(( الثمامه ))
أما من ناحيه الوقت اللي يكونون متواجدين فيه فعلى ما أظن لهم مكتب بالرياض (( داخل الديرة )) وأغلب الوقت يكونون فيه (( المكتب )) نصيحتي لك : من الأفضل أن تكلمهم تلفون قبل لا تعنى وتروح الثمامه ثم ما تلقى أحد قدامك
AboAyoob
24-04-2007, 06:11 AM
الإعلان عن بدء التسجيل في دورة الطيران الخفيف الثانيه بالرياض ... (http://www.flyingway.com/vb/showthread.php?t=5571)
نادي الطيران السعـودي (http://www.flyingway.com/vb/showthread.php?t=6764)

بدء نشاط مدرسة الطيران وتطوير مطار الثمامة ... (http://www.flyingway.com/vb/showthread.php?t=3865)
صور من نادي الطيران الشراعي بالثمامة (http://www.flyingway.com/vb/showthread.php?t=1527)
نادي الطيران السعودي ... (http://www.flyingway.com/vb/showthread.php?t=1398)
عبدالله01
24-04-2007, 07:04 AM
مشكورر يا para و AboAyoob

ما قصرتوا الله يعطيكم العافية
ابو ضاحي
25-04-2007, 01:22 AM
حياك الله في هذا المنتدى
وانشالله تستفيد وتفيد ,وأسعدنا انضمامك لنا في
رياضه البراموتور ولكن تذكر
السلامه أهم شيء (بعد التوكل على الله) وأهلا وسهلا .
عبدالله01
25-04-2007, 05:01 PM
الله يحييك يا ابو ضاحي

وصدقت والله السلامه اهم شي بعد الله

وانا حتى لو اغامر بحياتي كلها من اجل الطيران خصوصا ً اني احب الطيران من الصغر

لكن امنيتي تكون رياضة الطيران بشكل عام محبوبه للناس ومشهوره مثل شهره وشعبية

رياضة كره القدم لان فيه ناس كثيرين اعرفهم يجهلون هذه الرياضة
صقر الثمامه
25-04-2007, 11:25 PM
حياك الله كابتن عبدالله ...
بإذن الله من الإثنين القادم سيتواجد أعضاء الفريق في النادي لوجود دوره جديده خلال الأسبوع القادم ...
والله يحييك إنت وضيوفك وكل اللي بالمنتدى ...
والشكر لكل الإخوان الذين قاموا بالرد أعلاه ...

تحياتي ،،،
عبدالله01
26-04-2007, 05:31 AM
الله يسلمك يا صقر الثمامه وما قصرت بالرد

وبأذن الله الاسبوع القادم اروح للنادي لحضور الدوره

الرئيسية      المنتدى      الصور     الدليل       وثائق و معلومات      فيرتشوال سما      فيرتشوال ناس