لأهل الخبرة وخاصه طيارين الامارات

[غربة الروح]

السلام عليكم

شحالكم طيارين وطيارات ^^ او كيفكم "بالهجات الاخرى "

انا واااااااااايد محتاره

قدمت على بعثه التعليم العالي تخصص علوم سياسية-علاقات دولية
>> بعد ما قدمت قالوا لي هذا التخصص ماله مستقبل:d3oh:
وانا محتاره بين الطيران وبين اروح البعثه
مب عارفه اي تخصص اختيار طيران ولا سياسة
"انا بعدي في ثالث ثنوي"

ابى اروح كلية طيران الامارات
طبعا ابى اكون طيارة



و شو متطلبات طيران الامارات؟
- الوزن و الطول المطلوب
وعادي يكون الوزن اكثر من المعدل ب3 كيلو مثلا
- الاختبارات سهله ولا صعبه
- بخصوص اختبار الطيران لي هو اسبوعين في استراليا
بتكون التكاليف على احسابهم >> بخيله البنت :hilarious:
- بعد ما اتخرج بكون مساعده طيار او طيارة في طيارة الركاب ولا الشحن :crazy_pilot:
- ومتى اوقات التقديم للبعثه ،،، و كم شهر عشان يردون علي

لان بقدم بوقت ع اساس يردون علي قبل لا اسافر للبعثه
بعد ما اقدر اكنسل البعثه جان ظهرت لي
بس حاليا انا ابى الطيران

واسمحولي طولت عليكم :iconloli:

[Algr7 VIP]

موضوع خاص بطيران الامارات ( كيفية التسجيل + نقاش بين الي يمتحنون حاليا ) لمواطني دولة الامارات فقط (http://www.flyingway.com/vb/showthread.php?t=41792)

[غربة الروح]

مشكور اخوي
ويزاك الله خير

بس الحين تم سؤال في بالي

شو افضل علوم سياسية تخصص علاقات دولية ودبلوماسية ولا الطيران

>> كل شخص يبدي رايه حتى لو كان مب اماراتي ^_^

[mr.juba]

مشكورين على المعلومات القيمة

[CapTiN A7maD]

شو افضل علوم سياسية تخصص علاقات دولية ودبلوماسية
^_^

وآآآآو يبدو لي تخصّص رآئع . :]

وكيف ما فيه مستقبل أجل هالدّبلومآسيين والسكريتيرية والقنآصل والسّفرآء من وين . ..
متخرّجين .. ؟؟؟؟؟

مممممم حقيقة ما عندي علم بهذا التّخصّص وهل هوؤ منآسب بانتظآر أهل الخبرة مثلج :|

وحبيت أسأل أختي كم مدّة درآسة هالتّخصّص .. !!؟؟؟

[غربة الروح]

وآآآآو يبدو لي تخصّص رآئع . :]

وكيف ما فيه مستقبل أجل هالدّبلومآسيين والسكريتيرية والقنآصل والسّفرآء من وين . ..
متخرّجين .. ؟؟؟؟؟

مممممم حقيقة ما عندي علم بهذا التّخصّص وهل هوؤ منآسب بانتظآر أهل الخبرة مثلج :|

وحبيت أسأل أختي كم مدّة درآسة هالتّخصّص .. !!؟؟؟

يا هلا

والله يا اخوي كان تفكيري مثل تفكيرك
بس عشان تكون دبلوماسي لازم تمر بعده مراحل
يعني يبالك 10 سنين !!!!!!
و تخصص العلوم السياسية محصور في وظائف معينه في وزارة الخارجية مثلا
و وزارة الخارجية راتبهم جدا ضعيف لانها حكومة اتحاديه
واذا بتكون قنصل او سفير لازم تكون تتقن اللغة الانجليزي وعده لغات "فرنسي وغيره"
يعني السالفة تعور براس والله

4 سنوات مدته

و ان شاء الله لكل يساعدنا في رايه ^_^

[غربة الروح]

^______________________________________^

[أمير النهرين]

أذا أنتي أتحبين الطيران معناها ماتحبين العلوم السياسيه لان الفرق بينهم كبير.. لكن في وجه تشابه واحد (ثنينهم بيسافرو كثير).بالنسبه للطيران لازم تكونين عارفه طبيعة العمل لانك ممكن تطيرين في اليل أو في النهار و على ساعات طويله..كل يوم في دوله.... بالنسبه للعلوم السياسيه فـ عندي صديق يشتغل في السفاره ويقول مرتاح كل يوم طالع أيفاد لدوله معينه و راتبه جيد لكن عندهم مكافأت و حوافز على كل أيفاد.. طبعاً ماعدا الهدايه

ملاحضه: حتى الطيار لازم يكون عنده لغه أنجليزيه

أتمنالك التوفيق و دراسه ممتعه

[غربة الروح]

انا احب السفر بشكل عام
واحب اكون طيارة

وابى العلوم السياسية >> عشان اكون سفيرة

بس قالوا لي صعب اكون سفيره :redcart:

فدام انه حلم ان اكون سفيرة ما بيتحقق
خلني اكون طيارة ^_^

مشكور خيووو ويزاك الله خير

وضحت لي اشياء وايد من خلال ردك

اتمنى لك رحله سعيده :crazy_pilot:

[CapTiN A7maD]

^^^^^ ما في شي صعب بالجد والاجتهآد .!

أنتوا في الامآرآت منعوم عليكم بقيآدة وبسيآسة ولا أحلى تجآه الموآطنين .!

فرصتك تكونين دبلومآسية في الامآرآت أكثر من أي مكآن في الدّنيآ .!

عندكم رعآية واهتمآم كبير بالمرأة ومش صعبة أبدآ تكونين دبلومآسية . :]

لكل وظيفة ميزة والدّبلومآسي أقل الايمآن يجب أن يتحدّث لغة أجنبية بجآنب الانجليزية :|

وبالنسبة للطيرآن فالطّيرآن متعة واسم كبير في المجتمع مثله مثل الطبيب ورجل الأعمآل والمهندس و و الخ ..!

وكلّن في دربه يسير .!

حبّيت أبدي رآيي وكلّ التّوؤوفيق لج فسوآء اخترتي تكونين طيّآرة أو دبلومآسية في النّهآية فرصتج . ..

فيهم أكثر من أي امرآة في العآلم العربي وبعض الغرب فلتحمدي ربّك وتستخيريه وادخلي المجآل . ..

اللي ترتآحين له وتحبّينه . :]

تحيّآتي }~

[غربة الروح]

يا هلا اخوي
الحمدالله الله يديم حكامنا ^_^
وتسلم على الكلام الطيب
والله يا خيوو انا محتاره :redcart:
انا اذا وافقوا التعليم العالي على بعثي
بصلي استخاره بين الطيران و البعثه"الدراسة الدبلوماسية"
ولي كاتبه ربك بيصير


مشكور خيوو على ابدا رايك
و ربي يوفقك و يحقق لي في بالك :crazy_pilot:
ويسهل عليك دربك ^_^

[غربة الروح]

^__________________^

[s.alkhalifi]

صراحه يعجبني ها الطموح الي فيج
وانا حاليا هجرت الطيران وما هجرت المنتدى الي فيه كثير من الناس لهم الفضل علي
الي الحمد لله ادخل مابين فتره وفتره اشوف الاخبار اتابع الناس واخبارهم
ولاكن اذا تبين نصيحتني ادرسي علوم سياسيه فرع العلاقات الدوليه والدبلوماسيه عن الطيران وعلى ما اعتقد راح تقدمين على التعليم العالي وبالتوفيق ان شاء الله لج انا سبق وان قدمت على التعليم العالي لدراسة العلوم السياسيه وتم رفضي بسبب المعدل في الثانويه العامه كان منخفض
ولاكن هذا ما يعني انه مهنة الطيران مش زينه بالعكس مهنه راقيه وجيده وكانت حلمي السابق ولاكن من باب انته تريد وانا اريد والله يفعل ما يريد هنا الواحد ما يقدر يحدد مصيره بالضبط وين وهذي مكاتيب وارزاق في النهايه
و الله يكتب الي فيه الخير للجميع