اخر سنة هندسة طيران هياكل ومحركات

[uaeson]

السلام عليكم اول شي اشكركم على الموقع الحلو لان نادرا مايكون مواقع مختصه في في الطيران وخصوصا لنا نحن العرب

راح ادخل بالموضوع على طول طبعا انا حاليا في اخر سنة هندسة طيران هياكل ومحركات
في بريطانيا وطبعا انا مبتعث من قبل القوات المسلحة التابعه للامارات

بس حاليا بديت احس انه هاي المهنة مب لي او بالاصح صارت عندي ميول للطيران اكثر مو الحربي التجاري


عسب جي حبيت اسأل اول شي حبيت اخذ رخصة الطيران التجاري على حسابي الخاص
في الامارات اي فكره كم راح تكلفني وكم المدة اللي بستغرقها وعن الكلاسات فيه بارت تايم عشان بكون اشتغل الصبح ؟

ثاني شي بعد هاي الرخصه لو قدمت في مثلا طيران الامارات مع شهادة الهندس هل راح اعامل نفس خريجي الكلية نفسها اعني من حيث المميزات والوظيفه كطيار ؟

ثالثا هل هناك دورات ثانية غير الرخصه التجارية لازم اخذها بعد ما التحق مثلا لو قلنا بالخطوط الجوية الاماراتية ؟

طبعا عندي شهادة لغة ايلس وانشاء الله راح امتحنه مره ثانية هاي السنة فهل احتاج عشان امر مره ثانية بمتحان لغة ثاني للحصول على الرخصه


ومشكورين مقدما وسوري على المغثه بس مابقى على تخرجي غير شهور وحاب اني اسوي اللي في بالي

[a340qr]

انصحك أخوي ادا أنت أمراتي ممكن الخطوط ألأامارتية تعملك كورس على حسابهم الخاص ممكن تدخل على هدا الموضوع ان شاء الله يفيدك http://flyingway.com/vb/showthread.php?t=2239

أي سؤال أخر نحن في خدمتك أخوي

[uaeson]

زين اخوي ممكن اخذ Ppl مثلا على حسابي الخاص بعدين اروح اكمل عندهم لاني الصراحه مو فايج حق دراسة فزيا ورياضيات خلاص طلعت من جبدي

[World Liner]

سلمك الله في الامارات فيه كم نادي لتعليم الطيران

من بينهم إم القيوين والعين ( هورايزون) وغيرها

لكن أعتقد السعر الارخص هو في إم القيوين

أما بالنسبه لهورايزون في تدرب حاليا طياري طيران الاتحاد

هذي مواقعهم:

http://horizonuae.ae/introduction.php

http://www.uaqaeroclub.com/ft.htm

كل التوفيق لك لكن أتمنى لو تغير العنوان علشان الشباب يتفاعلون معاك ويعرفون الموضوع من العنوان

[uaeson]

مشكووور اخوي

ماقدرت اغير العنوان او بالاصح ماعرفت كيف والله

عن المعاهد والله ياخوي انا شفت اللي في ام القيوين واللي العين بس انا كنت اريد مكان في دبي يعطيني ال PPL وبعدها اقدم على الاكاديمية مع شهادة الهندسه اللي عندي وشوف ش يطلع وياي لان سعر الرخصه التجاريه على حسابي الخاص في اكادمية الفجيره تقريبا 393 الف درهم يعني المبلغ مب هين اهو صح مقدور عليه بس خوفي بعدين اتوهق وماحصل وظيفه واخسر وظيفتي وبقى ابعدين:ANSmile29: <<<< جي خخخخ

بس مارديتو علي اكو دراسة مسائية دوامي يخلص الساعه 12 الظهر :ANSmile05:

[FBI]

بما انك مواطن اماراتي فكل الشركات الاماراتية تقبلك للدراسة على حسابهم.

ولك الشكر .

[uaeson]

المشكله ياخوي مو بجذيه المشكله انا مرتبط بعقد مع طرف اخر ولازم اذا طلعت ادفع لهم مبلغ معين حلو وطبعا انا ماودي اكمل معاهم الى ما احصل على وظيفه ثانية عشان اخذ قرض واسدد اللي علي من ها الكونتراكت

يعني طيران الامارات فيه رواتب خلال فترت دراسة الطيران ؟

من جي انا فكرت اني اخذ الرخص على حسابي الخاص في حال مثلا ماقبلوني للدراسه عندهم

[DUBAI ATCO]

عليكم السلام ورحمة الله وبركاته

حياك الله يا اخويه

هذا رابط لمدرسة الإمارات للطيران في مطار دبي ( غير تابعة لطيران الإمارات ) مستقله

http://www.emiratesaviationservices....in_courses.htm (http://www.emiratesaviationservices....in_courses.htm)

عندهم المطلوب واسعارهم جيده
وتدريبهم ممتاز

طال عمرك من اللي فهمته من كلامك انك انته تدرس في كلية الإمارات على حساب الشركة .

امسات سمعت انه في واحد من الشباب قدم على برنامج الإلتحاق بطيران الإمارات وقبلوه وكل شي واعتقد كان بيروح استراليا او راح وبعدين عرفوا انه موظف فتم رفضة من البرنامج . فحبيت اخبرك بهذي السالفه للإفادة .

الشيء الثاني اذا خذت ppl على حسابك ورحت وقدمت على طيران الإمارات ما بيكون محسوب فما سوينا شي واذا Cpl ما ادري كيف نظام طيران الإمارات لكن بيكلفك وااايد . واما عن طيران الإتحاد ياخذ اللي عندهم cpl وينحسب له و لكن ppl كذلك غير محسوب في طيران الإتحاد

فما ادريكيف النظام عندكم عقب ما اتخلص دراسة اذا فيه امكانيه انك تحول أو بعد انتهاء العقد تلتحق بالبرامج التأسيسية لكلتا الشركتين ,

وبالتوفيق إن شاء الله

[uaeson]

Dubai Atco

اولا مشكور وماتقصر على الرد الغالي

موقع الكلية اللي حطتيها لي الصراحه فن واسعارهم معقوله

انا مبتعث تبع القوات المسلحه الغالي هندسة وانا طقت جبدي من الزيت والمحرك خخ وانشاء الله بتخرج قريب واريد اكون طيار مدني صراحه من زمان بس ماصارت فرصه وبعدين فكرة الطيار كانت في بالي قبل دراسة الهندسة

المهم الغالي اللي فهمته لازم اخذ ال Ppl قبل ال Cpl صح ادري بتقول ش ها المهندس الغبي استيعابي بيطء شويه خخ

بس ال Ir هاي مال شو ؟

اخر سؤال ادري لعوزتكم وياي بس اخذ Cpl ولنفرض من المدرسه اللي حطيتها لي لانها عيبتني الصراحه اقدر اقدم في اي خطوط جوية ؟ وتعيني كيف يكون بعد دورات بس ها سؤالي

ولعوزتكم ويايه والسموحه

[a340qr]

بس ال Ir هاي مال شو ؟
أخوي instrument rating يعني طيران بالأجهزه او العدادات حق الطائرة ..ولازم تأخد الرخصه ir

اخر سؤال ادري لعوزتكم وياي بس اخذ Cpl ولنفرض من المدرسه اللي حطيتها لي لانها عيبتني الصراحه اقدر اقدم في اي خطوط جوية ؟ وتعيني كيف يكون بعد دورات بس ها سؤالي
اخوي لسة type rating متل ايرباص او بوينق
ولعوزتكم ويايه والسموحه

[DUBAI ATCO]

<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" UNSELECTABLE="on" width="100%"><TD id=HB_Focus_Element vAlign=top width="100%" background="" height=250 UNSELECTABLE="off">الله حيه

ما قصر اخوية الكابتن a340qr الله يعطيه الصحة والعافية

اولا" الله يوفقك وعقبال ما تتخرج إن شاء الله و وظيفة المهندس ليست بالبسيطة ايضا" و وظيفة ممتازة

بالنسبة للقوات المسلحة لا زم تدفعلهم مبلغ كبير عشان تتفكك من العقد و بعدين انته بتدرس وبتاخذ cpl على حسابك ويعني اقلها بتدفع ما يقارب ال 500 الف لفك العقد و الرخصة وهذا كله صوب وفرصة القبول بعد المشوار هذا كله صوب وحتى لو خذت الرخصة وبعدها يمكن يطلبون منك التايب ريتنق مثل ما قالك اخويه فالرد السابق انه بيكون على نوع من انواع الطائرات التجارية وتعمل عليها عدد ساعات معينه .

لكن انا من رأيي انك اذا انته هاوي الطيران انك تكتفي ب ppl واللي بيكلفك خمسين الف بس مقدور عليهن . وتتريا كمن سنه لين ما تخلص العقد مال الجيش وبعد هذا تلتحق بأي من البرامج التدريبة لطيران الإمارات أو الإتحاد
صحيح انه الرخصة ما يحسبونها لكن انته بهالوقت عرفت اكثر عن الطيران وشفت اذا يصلحلك ول لا وبعدين راح اتكون لك الأولوية على طلاب الثانوية وراح تكون عندك خبرة ولو بسيطة واساسيات وغيره .

واذا عندك اي سؤال لا تتردد في طرحه

وبالتوفيق إن شاء الله


</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

[uaeson]

اول شي مشكورين ويعطيكم العافية وماتقصرون

ثانيا شي انا قررت اني اخوض التجربه على حسابي الخاص ومستعد اتحمل التكاليف انشاء الله تكون مليون لان وظيفة المهندس ياخوي بطت جبدي صراحة

والله كريم باقي لي 5 شهور واتخرج وبعدها انشاء الله تسمعون اخبار طيبة

[DUBAI ATCO]

الله يعافيك وبالتوفيق إن شاء الله

[بي سي]

الله يوفقك

[uaeson]

ويوفقكم يارب ومشكورين على المساعده

[World Liner]

الله إيسر لك إمرورك ودربك

اكن بشرنا باخبار طيبه

[uaeson]

World Liner

شرفت حبيبي وانشاء الله الاخبار الطيبة بتكون على اول شهر عشره

صار لازم اطفح اكل خخخ لان وزني واايد صعيف ادعو لي ازيد كم من كيلو لهاي الفتره