المساعد الشخصي الرقمي

مشاهدة النسخة كاملة : [سـؤال] ما هي الخطوات الصحيحه؟


darkangel33
24-05-2010, 08:13 PM
السلام عليكم و رحمه الله و بركاته
اخواني بعد اذنكم عايز اسفسار صغير ...هو مكرر من غيري كتير بس انا بسال لاني خد القرار خلاص و عايز ابدا..
دلوقتي الي فهمته ان في كورسات في مصر للطيران للامديوس بس بتبقي زي نظري بس , و بتدي شهاده جامده جدا....و بعدها اخد كورس العملي في احد المراكز زي نزيه ,ده الي انا فهمته ...هل ده صحيح كده ولا ايه؟
مع العلم اني كنت شغال في المطار و عندي خبره في خطوط الطيران و الرحلات و التذاكر و كده بجانب اني الحمد لله الانجليزي عندي جيد جدا فقررت اني ممكن اعمل حاجه كويسه في مجال الحجوزات....اسف لو طولت عليكم
و جزاكم الله كل خير علي الرد من قبل ما تردوا.... :) !!!

darkangel33
24-05-2010, 08:51 PM
انا شايف ناس دخلت بس من غير ولا كلمه
هو الموضوع صعب ولا حاجه؟
علي كل حال شكرا للمردوش و للي ناوين يردو

اعصار
26-05-2010, 03:49 AM
السلام عليكم اخوي الموضوع بسيط حتى تشتغل موظف حجز تذاكر شغلتين هما اول شي انك تدخل معهد وتاخد كورس نظام اميديوس نظري حسب المدة يلي المعهد محددها للكورس وتاني شغلة انك لازم تدخل مكتب سفريات وتتدرب على نظام اميديوس عملي على الاقل 3 شهور وبعدين خلاص تصير مؤهل لأنك تشتغل موظف حجز تذاكر طيران.

مع تحياتي...

darkangel33
26-05-2010, 12:38 PM
الاخ اعصار ...... شكرا لمرورك و ردك
انا بس كنت حابب اعرف الصح الي ابتدي بيه
و كنت اتمني اي رد من اي حد في مصر لاني في مصر
لكن لازم الواحد بقي يعتمد علي نفسه من غير مساعده حد حتي لو بكلمه
شكرا مره تانيه لردك........ :onlinelong:

alaasal
29-05-2010, 10:09 AM
شوق يا سيدى
انت هاتروح مصر للطيران تاخد النظرى
و بالنسبة للعملى انت ممكن تختار مكتب من مكاتب مصر للطيران علشان تتدرب فية عملى

و انا بشتغل فى مصر للطيران و يا ما دربت ناس عملى

Sunny1
29-05-2010, 04:54 PM
طيب ما تروح اماديوس مصر هوه في سيتي ستارز في مدينه نصر capital2 الدور 8
انا اخدت الشهاده من هناك وبتجرب كل انتري علي الكمبيوتر الخاص بك في الكورس
بس انت محتاج تروح شركه تعيش جو الشغل والضغط العملي

darkangel33
30-05-2010, 11:02 AM
شوق يا سيدى
انت هاتروح مصر للطيران تاخد النظرى
و بالنسبة للعملى انت ممكن تختار مكتب من مكاتب مصر للطيران علشان تتدرب فية عملى

و انا بشتغل فى مصر للطيران و يا ما دربت ناس عملى

اولا انا بشكر حضرتك جدا علي الرد
و اسمحلي بقي بما ان حضرتك شغال في صلب الموضوع ده اني اسالك بعض الاسئله ....ده لو مفيهاش ثقاله مني عليك...
علي افتراض اني اني اخد الكورسات بتاعه مصر للطيران
و اخد كورسات التدريب العملي سواء في مصر للطيران او احد المراكز المتخصصه...
السؤال بقي ....و بعدين ايه الي هايحصلي ..
يعني لما ابتدي شغل هايبقي ايه الوضع بالنسبه للعائد المادي و في المستقبل ممكن اقصي حاجه ( بوزيشن) اوصلها ايه
مع العلم اني الحمد لله ممتاز في الانجليش لاني لغات
و عندي خبره عمليه كويسه لاني خدمه عملاء في بنوك و شركات
و كمان اشتغلت في المطار استقبال و توديع (فندق سميراميس انتركونتيننتال)

darkangel33
30-05-2010, 11:05 AM
طيب ما تروح اماديوس مصر هوه في سيتي ستارز في مدينه نصر capital2 الدور 8

انا اخدت الشهاده من هناك وبتجرب كل انتري علي الكمبيوتر الخاص بك في الكورس
بس انت محتاج تروح شركه تعيش جو الشغل والضغط العملي

اشكرك جدا علي الرد لاني كنت برده بفكر اخدها من هناك بس بعد مصر للطيران ...الي هو بس يبقي اسمها شهاده من مصر للطيران..
بس انا عايز اسالك انت وصلت لايه دلوقتي....

darkangel33
30-05-2010, 06:29 PM
جزاك الله كل خير علي الرد
يعني انا لو بدات بمصر الطيران و الاماديوس النظري
و بعدا العملي في مركز نزيه
و بعدا و مع الشغل البدء في الاياتا و الحصول علي شهادتها
هل ده كبدايه يكون كويس ولا ممكن افضل من كده
و جزاكم الله عنا كل خير

darkangel33
31-05-2010, 09:16 AM
ايه ده يعني مصر للطيران مش بتدي شرح للامديوس و لكن للاياتا
انا كنت فاكر انه بتشرح الاماديوس بس نظري...
اذا كده انا ابدا بالماديوس و بعدا الاياتا.....جزاك الله كل خير علي الافاده
و ان شاء الله انا معايا ارقام المركز و هاتصل و احجز ان شاء الله...

alaasal
31-05-2010, 09:19 AM
لالالالا
مصر للطيران فيها شرح اماديوس و كل حاجة
و الميزة كمان فى مصر للطيران انك بتاخد اماديوس فى مكتب من مكاتب البيع
يعنى بيكون الشرح مع الموظف و هو شغال
و دة اعتقد بيوفرلك صورة احسن عن الشغل و طبيعتة

darkangel33
31-05-2010, 09:33 AM
لالالالا
مصر للطيران فيها شرح اماديوس و كل حاجة
و الميزة كمان فى مصر للطيران انك بتاخد اماديوس فى مكتب من مكاتب البيع
يعنى بيكون الشرح مع الموظف و هو شغال
و دة اعتقد بيوفرلك صورة احسن عن الشغل و طبيعتة
انا حاسس اني اتلخبط شويه
بالنسبه للامديوس:
انا ابدا بمصر للطيران ...ده افضل شئ , و لكن ده نظري بس مفيش تدريب عملي
و بعدا ابدا اخد عملي في اي مركز او ممكن اتدرب عملي برده تبع مصر للطيران في احد المكاتب.

alaasal
31-05-2010, 09:56 AM
استاذى الفاضل
طالما انت لسة جديد فى الموضوع دة
انا هانصحك شوية نصائح
كورس اماديوس بس مش هاينفعك فى حاجة ............. لية؟
لان فى كتير قوى معاهم الكورس
انا فى ناس راحوا تقدموا للتدريب فى مصر للطيران
و بعد تدريب الاياتا بياخدوا تدريب اماديوس
لان تدريب الاياتا بيديهم شهادة معتمدة و الشهادة دى هى الاساس فى الشغل
لان اى شركة سياحة لو لسة جديدة لازم يكون عندها واحد بيشتغل معاة شهادة الاياتا و معتمد من الاياتا

و بعد كدة بتاخد كورس الاماديوس
و الاماديوس فى مصر للطيران بيكون تدريبة فى احد مكاتب البيع للشركة
يعنى حضرتك مثلا ساكن فى مصر الجديدة هاتقول عايز ااخد تدريب اماديوس فى مكتب روكسى او عباس العقاد

و بتروح المكتب و قى واحد من موظفى البيع هو اللى بيدربك

darkangel33
31-05-2010, 10:43 AM
انا عارف اني و الله تعبتك معايا .. بس ربنا يجزيك خير ان شاء الله
طيب هو تدريب الاياتا ده مالوش علاقه ببرنامج الاماديوس..يعني لو خد الاياتا يبقي لسه ماليش علاقه بالشغل علي الاماديوس, و بعدها ابدا اتدرب علي الاماديوس؟
انا بصراحه مش عايز ابقي مجرد واحد زي كتير معاهم برنامج و خلاص زي ما حضرتك بتقول
لا انا عايز بجد ابقي متميز في المجال ده ايا كان الطريق صعب ...بس اعرف فين الطريق اصلا

محمد يحيى فؤاد
31-05-2010, 10:56 AM
بسم الله الرحمن الرحيم
اخى السائل بداية الامر ان شايف ان معظم اللى قامو بالرد على سؤالك مصريين واحب اوضح لحضرتك ان المصريين مش متاخرين بس الاشغال اللى بتمنع الواحد من المتابعه اولا احب اعرفك بنفسى اسمى محمد بشتغل استشارى حجز تذاكر ومصمم برامج سياحيه بمجموعه شركات بالمملكه العربيه السعوديه مصرى الجنسيه
اما بعد ردا على استفسارك اذا كنت فعلا تريد العمل بهذا المجال ماعليك فعله هو الاتى
من خلال الدروس المقدمه على هذا المنتدى العظيم اريد ان تكون فكره عن طبيعة السيستم وكيفيه العميل عليه
التوجه الى اى مركز تدريب كما ذكر الاخوى الافاضل اعلى العنوانين وخلال وجود فى مركز التدريب سيتم تدريبك عمليا اكثر من نظريا
بعد الانتهاء من فتره التدريب وحصولك على الشهاده تقدم فى احدى الوكالات او المكاتب السياحيه للعمل ومن هنا تبدء التدريب الميدانى
وماعليك ان تنسى موضوع مصر للطيران لان فى مصر للطيران مايقدم لك سيكون لخدمه هذا الخط وحده (مصر للطيران ) اما فى اى مكتب سياحى ستسمح لك الفرصه بان تتدرب على اكثر من خط طيران وللعلم الادخالات واحده وطريقه عمل الحجز واحده ولا يختلف سواء رمز الناقل (خط الطيران) واختلاف درجات الحجز من خط طيران لاخر
وبعد الانتهاء من كل ذلك العائد المادى سيكون باذن الله كويس وكافى وللبوزيشان ماروع ان تقدم خدمه مثل هذا
العائد يختلف من مكان لاخر او من دوله لاخرى ولكن يتفق عليه فى معظم جوانيه
مثل راتب شهرى تنقلات بدل سكن تيكيت سنوى اذا كنت تعمل بالخارج شهر مرتب اثناء نزولك اجازه وحوافز (انسنتيف) مقدم لك من السيستم نفسه على كم السيجمنت الذى قمت بتنفذيه
ونهاية الامر بعد لقيام بالتدريب الرجاء مراسلتى على الميل الموجود بالمنتدى وان شاء الله اقدم لك العمل الائق باسم موظف تيكتينج او موظف حجز التذاكر سواء عندك بمصر او بالمملكه وهذا بإذن الله نهايتا الحمد لله الذى علمنا مالم نعلم

محمد يحيى فؤاد
31-05-2010, 11:06 AM
معلومه كل من شخص معاه السيستم ويتقنه له احترامه حتى لو ماشتغلشى به لانه بكل بساطه يوم مايفكر انه ينزل شغل اى وكاله سياحيه تتمنى شخص معاه شهاده السيستم الاماديوس لان موظف الحجز عن طريق شغله بيدخل مرتبه وبيدخل مكسب للوكاله عن طريق البروفيت بتاعه
بس

darkangel33
31-05-2010, 11:07 AM
يا استاذ محمد انا بجد عاجز عن الشكر ليك....كلامك بجد رد علي كتير من الاسئله في بالي
انا اسف لو كنت بالغت شويه في اسئلتي بس ده لاني بجد الموضوع يهمني لان ده ممكن يكون مستقبلي ان شاء الله...
هو بس انا حسيت اني اتلخبط شويه في ابدا بايه و فين لاني عايز ابدا البدايه الصح و اخد الموضوع من اوله لغايه ما ربنا يقدرني و اوصل للي اقدر اوصله...
و في النهايه احب اشكرك كمان مره و ا سمحلي اني ابقي اراسلك علي الايميل....