ناديت بااسمك وكني بالخلاء انادي
انا بوادي ونور العين في وادي
لاصار مالك حسوس القلب وفؤادي
وش عاد باقي بنا شي وخليته
ماتنفع بحالتي علّه وياليته
حبل الرجاء فيك فكيته وحليته
والجوف بالجور عبيته ومليته
واجيك من لهفتي طايع ومنقادي

حامي الاشواق جوفك لو صلاه
كان عن عيني تمنى ما تغيب
ولو تذوق الوصل لاقطر حلاه
كان لامنه دعاكم له تجيب
له تجر خطاك لونك عاالعصاه
عارف انك في مرابيعه تطيب
والجفا والبعد قلبك لاطراه
صار له حنه مع نوح وقنيب
قالها الي شاف منه ماكفاه
كل مامنه من اللوعه عطيب

دبلتك ع خنصري للحين لابسها
حتى ملابسك في الدولاب لازالت
ودمعه من العام وسط العين حابسها
واليوم بالغصب عن سجانها سالت
شميت عطره على باقي ملابسها
وقمت اتطرا رقيق الصوت لاقالت
فرقاك ياشينها و ***** خامسها
وخمت زمام الحكي باللين واختالت
ظاقت بي الأرض مع واسع منافسها
ياكثر ما فوق راسي حطت وشالت
والروح كنك على النيران حامسها
وعزي لحالك بك الدنيا الا مالت