العودة   :: Flying Way :: > المدونات > الحلوة
تحديث الصفحة حكاية ابليس بالبلاد العربية
الملاحظات

تقييمك لهذه المشاركة

حكاية ابليس بالبلاد العربية

الاضافة 04-08-2009 في 08:27 AM بواسطة الحلوة

كان إبليس في غرفته , يلملم ملابسه في حقيبة
إلى جانب باقي متعلّقاته ...
على المنضدة القريبة كانت استقالته موقّعة ومختومة حسب الأصول , وبجوارها تقبع تيكيت إلى جزر القمر


كانت ملامح وجهه في تلك اللحظات

تنطق بالحزن, والكآبة , والإحباط , واليأس , وقلّة الحيلة ...
مع دهشة مزمنة ارتسمت عليه منذ فترة ليست بالقريبة,
واعترافٍ بالعجز والفشل إبليس راحلٌ عن بلادنا إلى غير رجعة...
فليفرح المؤمنون..... وين يامسهّل؟ ليش عم بتضبّ غراضك




يازلمة ماضلّلي قعدة عندكم, إلي سنين عاطل عن العمل
وقرّبت موت من الجوع .. ما بلاقي معك سيجارة يا أخي ؟



ما رح أترك فيكم لاوسواس ولا خنّاس!
كنت زمان أوسوس للواحدة تترك ابنها يبكي وهي عم تحكي مع جاراتها,
هلأ صاروا لحالهم.. يرموا اولادهم بالحاوية أوّل ما يجوا



كنت أوسوس للواحد ينسى يسمّي الله قبل ما ياكل,
هلأ بطّل حدا يلاقي شي ياكلو! يا زلمة..
إذا أنا إبليس... تسمّمت بالشاورما


كنت كمان بوسوس للشب يرميلو كلمة عالبنت وهي ماشية بالشارع,
صاروا البنات يرمو عالشباب كلام أنا نفسي بستحي أحكيه


واحد بيسرق 100 مليون عينك عينك بيحبسوه 3 سنين بفيلاّ عالشط ,
وإثنين عم بينبشوا بمكبّ الزبالة بتقوصهن الشرطة ,
إنتو بدّكم إبليس إنتوا ؟؟؟؟


صار عندكم فائض بالفساد بكفّي 30 سنة لقدّام,
صرت خاف على حالي منكم يا زلمة



صرت اتجبر مرّات وسوس بالمقلوب وقول للمسؤول إرحم
وللحرامي بيكفّي.. خلّي شويّ للحراميّة اللي رح ييجوا بعدك..



يعني إذا إنتو لحالكن ما شاء الله بتعملوا كل هالبلاوي,
أنا إبليس شو أعمل ؟
أشتغل شوفير تكسي يعني
ولاّ أفتح صالون حلاقة ؟




ماضلّ غير قدّم للأوقاف يعيّنوني إمام جامع




رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَصْلِحْ لِي فِي ذُرِّيَّتِي إِنِّي تُبْتُ إِلَيْكَ وَإِنِّي مِنَ الْمُسْلِمِينَ
نشر في غير مصنف
المشاهدات 3643 التعقيبات 3
مجموع التعليقات 3

التعقيبات

  1. Old Comment
    الصورة الرمزية cpt.abdulkarim
    ياساتر من إبليس لعنه الله الذي قال لأغوينهم ولأمنينهم
    لاحول ولاقوة إلا بالله العلي العظيم
    قال الرسول الكريم بما معنى الحديث انه في اخر الزمن يصبح القابض على دينه كالقابض على الجمر
    تحياتي
    الاضافة 29-08-2009 في 07:43 PM بواسطة cpt.abdulkarim cpt.abdulkarim غير متواجد حالياً
  2. Old Comment
    الصورة الرمزية mechanic
    اشكرك على هذه المقالة الرائعة

    فعلاً "يعني إذا إنتو لحالكن ما شاء الله بتعملوا كل هالبلاوي,
    أنا إبليس شو أعمل ؟ "

    الله يحفظ الجميع من كل سوء

    تحياتي ومودتي
    الاضافة 04-09-2009 في 06:07 PM بواسطة mechanic mechanic غير متواجد حالياً
  3. Old Comment
    استر ياااااااااارب هذا موضوع قوي جداً ومش بسيط
    الاضافة 05-12-2009 في 11:01 AM بواسطة LAMON LAMON غير متواجد حالياً
 
الساعة الآن 03:43 AM.
Powered by vBulletin® Version 3.8.9
Copyright ©2000 - 2018, vBulletin Solutions, Inc.
حق العلم والمعرفة يعادل حق الحياة للأنسان - لذا نحن كمسؤلين في الشبكة متنازلون عن جميع الحقوق
All trademarks and copyrights held by respective owners. Member comments are owned by the poster.
خط الطيران 2004-2018