طيران الاتحاد والترانزيت
السلام عليكم شباب انا عندي رحلة يوم الاحد الجاي على طيران الاتحاد من الرياض أبو ظبي - ابوظبي جاكرتا وعندي ترانزيت 7 ساعات مدري هل في قاعات مخصصة للترانزيت مقابل رسوم مادية ولا تنصحوني اطلع برى المطار ياليت تفيدوني لان اول مره انزل مطار ابو ظبي واذا عندكم حلول ثانية ياليت تفيدوني |
7 ساعات وايد اذا انت خليجي اطلع بره احسن لو كانت رحلتك نهارية اي بنهار مو بليل
|
اقتباس:
الاخ يونس وصولي الى مطار ابو ظبي الساعه 7.40 دقيقة مساءاً طيب لو طلعت وش اقرب مجمع للمطار او كافي او اي شي بحيث ماياخذ مني وقت ؟ تحياتي |
اقتباس:
حصل لي نفس الموقف يوم سافرت لماليزيا وصلت رحلتي من الرياض 6 ونص المسا ورحلتنا لماليزيا 2 ونص الفجر فاضطريت اطلع الى ابوظبي وتمشينا بسوق وسينما لين11 ثم رجعنا للمطار. مع العلم بان المطار يوجد فيه صاله الغزال او شي زي كذا الشخص ب100 درهم تقريبا تحياتي |
مشكلة طيران الاتحاد مع الترانزيت الطويل
7 ساعات ترانزيت شي ممل ولا يسوه الصراحة القطرية ساعاتهم اقل بكثير وخدمتهم روعه |
اقتباس:
وفيه عندهم صالات كثيرة صالة الريم صالة الدار صالة اللؤلوة وقالي صالات كثير طبعاً كلها برسوم تدخلها لكن لمدة 4 ساعات فقط وأغلى صالة هي صالة الدار 300 ريال مشكلة إذا كل 4 ساعات ادفع رسوم ومشكلة اذا طلعت برى المطار بتشيل هم الرحلة الجاية ماتدري وش يصير عليك وانت برى المطار |
اقتباس:
خليفة هذا عيب الاتحاد اسعارهم مناسبة ترانزيتهم ممل وبحكم سفري شهرياً مرتين الى ثلاث مرات بحكم عملي فما لقيت حجز الا على الاتحاد والوصول الظهر وهي تجربة لطيران الاتحاد |
اخوي لا تخاف انا كان عندي قريب من الخطة الي عندك...
جدة-ابوظبي-ابوظبي-جاكرتا ترى مطارهم مريح جدا فيه كراسي كثير وفيه مني ماركت وفيه محلات تسوق وكبير مره نصيحة خذ معاك بطانية ولا اي شئ تتغطى فيه لان المطار ثلج |
اقتباس:
يعطيك العافية أحمد اما ثلج وش لون اخذ جاكيت معي مادام المطار بارد اكيد الصالات ابرد وابرد مدري وش الحل عاد انا مااطيق البرد خلقه |
ههه اخوي الله يعينك هاذي هي مشاكل الاتحاد
|
الساعة الآن 11:36 PM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.