اختبار الـ PTC للخطوط الجوية السعودية
السلام عليكم ورحمه الله وبركاته
أخواني وأخواتي الله يعافيكم أنا والحمد والفضل لله .. عديت اختبار التوفل حق الخطوط وأيضا اجتزت الفحص الطبي لبرنامج تدريب الطيارين (الإبتعاث الداخلي) قالوا لي إنو فيه اختبار اسمه PTC تقريبا لقياس قدرات الطيارين أو حاجة زي كذا الأهم بحثت عنه في النت ما لقيته ولا لقيت له أمثلة ولا أي شي مجرد إنو الـ PTC كلية إيرلندية تدرس طيران فقط كلمتهم .. ولا يعرفون أي شي عن هالإختبار تكفون تكفون يا الطيارين أو الأكاديميين أو أي أحد منكم أفيدوني في هالموضوع أبي أعرف أيش سالفة هالإختبار .. كيف شكله .. أيش فقراته .. أي شي أي شي ألف شكر لأخينا المحضار وبناءا على كلامه .. أأكد لكم إنو ما فيه اختبار DLR (حسب كلام الموظف) تحياتي لكم أبو الوليد |
هلا ابو وليد
انا اختبرت ال ptc لما قدمت على اختبارات ناس وان شاء الله اني افيدك واعطيك كل المعلومات بس ارسل لي رقمك على الخاص وان شاء الله ادق عليك اول ما اشوف الرقم وان شاء الله اني يصير معي وقت واكتب تقرير مفصل بعد عنه اذا احد يحتاجه |
ألف شكر ماجد
إيميلي وجوالي عندك منتظرك لا هنت تحياتي أبو الوليد |
ابو وليد
ارجع ارسل لي الجوال على ايميلي وهو نفس اليوزر حقي في الموقع على الجي ميل لاني ما قدرت اشوف رسالتك الموقع يرفض اشوفها لان مشاركاتي قليله انا متابع في الموقع وما اشارك بس حبيت اخدم يوم شفت موضوعك |
السلام عليكم
تحديث للموضوع اختبار الـPTC المقصد منه .. يشوفون إنك تنفع تكون طيار وإلا لا يعني فيك رجا وإلا لا - معظم فقرات الإختبار تعتمد على سرعتك في الإجابة وأن تكون الإجابة الصحيحة - طبعا فيها وقت محسوب عليك - وللمعلومية الإختبار مو صعب أبد واللي يقول صعب .. أقوله صعوبة الإختبار في كثرة الأسئلة وسرعة إجابتك وليست صعوبة الأسئلة - راح يعطونك دقيقة تقريبا قبل كل فقره لفهم المطلوب وتجربته لأن الدقيقة مهمة جدا .. احرص إنك تستغلها في تهدئة نفسك وعقلك وشحذ ذهنك للتركيز والبدء من جديد للفقرة المقبلة ======= فقرات الإختبار كالتالي: راح يكون فيه اختبار توافق حركة اليدين والرجلين مع النظر يعني بيعطونك Joystick و Rudder Paddles مشبوكة على كمبيوترهم بالنظام حقهم وتتحكم في الإرتفاع والإنعطاف والسرعة وكذلك Turn Coordinator ======= وراح يكون فيها رياضيات قسمة بالطريقة هذي https://air.flyingway.com/up/2015/ptc-test.jpg لسرعتها في الحساب أو اللي يريحك وضرب وحساب الوقت أو السرعة أو الزمن بمعطيات موجودة ======= وراح يكون فيها حساب الوجهة على اعتبار ان الدائرة 360 درجة .. يكون الصفر أو 360 درجة تجاه الشمال والـ90 شرق والجنوب 180 والغرب 270 يطلب منك حساب الدرجة المقابلة .. طبعا بالعشرات يعني بيعطيك زاوية 80 أو 140 أو 280 ويقولك احسب الدرجة المقابلة ولا راح يعطيك 163 أو 276 لأنها شوي صعبة ======= هذا اللي اتذكره للحين وللمزيد من المعلومات هذا رابط برنامج تحضيري لإختبار (الطيارين) SkyTestآ® - Trainingssoftware fأ¼r: DLR-Test (Lufthansa, AUA, DFS), Swiss, Air Berlin, FEAST (Eurocontrol), Austro Control, Skyguide طبعا مو كل الفقرات موجودة لنا في الإختبار لأن فيها شغلات طيارين متقدمة حلاته فيه تقييم لكل فقره بالنسبة لمتوسط تقييمات اللي عندهم البرنامج وأيضا Message Board مع اللي عندهم البرنامج بالنسبة لطلب البرنامج .. أنا دفعت لهم عن طريق الفيزا وبعد ساعة تقريبا جاني رابط التحميل حجم البرنامج 50 ميقا تقريبا أتمنى لكم التوفيق جميعا اللي عنده أي إضافة لا يبخل علينا اللي عمل الإختبار عن طريق الخطوط السعودية في الشهرين الماضيين يفيدنا إذا أمكن إن شاء الله لو فيه شي جديد بخصوص الموضوع راح تلاقونه هنا وهنا فقط تحياتي أبو الوليد |
وراح يكون فيها اختبار للذاكرة
يعني راح يعطيك ارتفاع ووجهة وسرعة .. تطلع لك على الشاشة لمده دقيقة أو أقل ثم تختفي ويطلب منك تحطهم مره ثانية ====== وراح يكون فيه إدارة مهام مثل اللي فوق + مربع أسود مقسم إلى 9 مربعات 3×3 تضاء باللون الأحمر وبناءا عليها تضغط الرقم المقابل في لوحة المفاتيح جهة الأرقام |
أيضا يا شباب
ياليت تنزلون محادثات عن طريق اليوتيوب مابين الطيار وبرج المراقبة لأن ممكن يسألوننا عن ارتفاع مذكور في محادثة أو سرعة أو وجهة أو أي معلومة ثانية تحياتي لكم اليوم كلمت المكلية نفسها PTC وأخذت منهم معلومات عن الإختبار .. وقريبا احطها لكم |
السلام عليكم
اخوي ابو الوليد , مدري انت تعرف عن الموضوع هذا والا لا , تجمع للمتقدمين على البرنامج اضغط هنا ف حبيت تشاركنا بمعلوماتك ونشاركك بالي نعرفه |
جزاك الله الجنة أنت ومن تحب
ننتقل للموضوع اللي في الرابط |
جزاك الله الجنة أنت ومن تحب
|
اخوي ابو الوليد
اتمنى تضع ايميل لمراسلتك |
|
أخواني وأخواتي
السلام عليكم ورحمه الله بخصوص الموضوع أتمنى من أي شخص مقدم على اختبار الـ PTC يسمع مني نصيحة 347 ريال مبلغ بسيط لبرنامج التحضير مقارنة لما قد تجنيه بإذن الله من مهنة الطيران طبعا البرنامج مفيد للمتقدمين لدورات تدريب الطيارين وحتى الطيارين انفسهم .. لأنه شامل من تجربتي الشخصية استفدت منه أكبر استفادة ممكن ألاقيها بأي مكان لهذا الاختبار توقعت المبلغ كبير والفائدة ممكن تكون بسيطة أو معدومة .. لكن طلعت غلطان أنا شريت البرنامج .. اشتغلت عليه ممكن 3 شهور فادني مره لدرجة ما تتخيلون .. خلاني احل أسئلة الاختبار بسهولة جدا وكأني أخذت الأسئلة قبل لا ادخل الاختبار الأقسام اللي شملها الاختبار: 1- توافق حركة اليدين والأقدام مع العين 2- رياضيات خفيفة (جمع/طرح/ضرب/قسمة/حساب نسب وحساب المثلثات) 3- حساب طول المدرج بخصائص هبوط معينة ومبينة في السؤال 4- معرفة مكان الطائرة الصحيح Relative bearing indicator = RBI 5- استرجاع معطيات (ارقام) أو ما يسمى Total recall أو Short memory 6- إدارة المهام تقريبا ما فيه غير هالأقسام اتمنى من الجادين واللي فعلا يبي يعدي .. إنو بعد اجتياز الفحص الطبي لا يبخل على نفسه .. ويشتري هالبرنامج ويستفيد لنفسه تكفون اسمعوا مني .. لأني اتكلم من تجربه Wa7eD هو أحد الأخوان اللي شاف البرنامج معاي وبإذن الله يكون استفاد .. وغيره 4 كلهم عدوا الاختبار ما عدا 1 فقط :) الله يوفق الجميع |
السلام عليكم
يا اخوان لو احد عنده الابلكشين حق الخطوط لاختبار PTC ياليت لو يرفعه او يرسله لي ايميل لضروره |
1 مرفق
اقتباس:
|
سلام عليكم اخي الكريم لو تكرمت ابغى اتواصل معاك عن طريق الجوال لان عندي بعض الاستفسارات
جزاك الله خير |
اقتباس:
|
اقتباس:
يسعدني تواجدك في موضوعي قوانينكم واضحة يا بعدي :) |
أنا شريت البرنامج اخي الغالي بس لسه توي مافهمته زين ههههههه اقصد ان فيه اقسام صعبه جدا فهل يوجد لها شرح؟
|
العذر على التأخر في الرد
حبيبنا كلها مشروحة وبالنسبة للإختبار .. مو كل أقسام البرنامج داخله بالاختبار راجع الصفحة الأولى لمعرفة الأقسام |
شباب استمارة PTC application form الي موجوده عنده ياليت يسعفنا ويرفعها او يرسلها باي طريقه كانت
|
يا اخوان هل الخطوط السعودية تشترط التوفل ؟
وهل اختبار PTC اختبره بعد مايقبلوني الخطوط ؟ |
السلام عليكم
بعد يومين عندي اختبار PTC مع الخطوط السعودية وصراحة حملت البرنامج الي قلت علية وفيه اشياء طويلة وكثيرة بالرياضيات و الفيزياء وكذا لو تقدر تتذكر وتقول لي ايش جاك بالاختبار عشان اركز علية وخاصة بالرياضيات و الفيزياء وتعطيني نصايح يعني عشان اجتاز وهل هوة على كومبيوتر وكم الوقت وكم درجة النجاح وسلامتك |
يا شباب اختباري بكرة ولا احد رد علي تكفون شوفوا المشاركة الي قبل هاذي
|
هل الرخصة الخاصة بالامتحان لها تاريخ انتهاء اي هل لها مدة معينة مثل رخص الطيران التجاري الالي ؟؟
|
اقتباس:
ياشباب اللي اختبر ليته يعطينا نبذة عن الاختبار وهل تحميل البرنامج من الرابط التالي SkyTest® Trainingssoftware für Middle East Carrier Screenings يكفي للتحضير لهذا الاختبار وشكرا |
الموضوع هذا يارب ينكتب في ميزان حسناتك، لاني بالفعل كنت اطلع على هذا الاختبار وادور معلومات عنه.
راح اتواصل مع بعض الاعضاء. |
اقتباس:
يا عزيزي لا تلخبط ..!!! الي مرسلته الخطوط اسمه CPT ، وليس PTC !! |
اقتباس:
إختبار القدرات الايرلاندي (CPT) صح كلامك !! طيب كيف احصل على معلومات عنه .. |
اقتباس:
مو هذي هي المشكلة وانا اخوك :( |
الساعة الآن 03:28 AM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.