حجزت على طيران الهولنديه ال KLM
 

السلام عليكم ورحمه الله وبركاته

اخواني انا حجزت بتاريخ 20 الشهر علي طيران الكي ال ام من بيرمنجهام اليى الكويت و الرده نفس الشي وذلك بسبب عدم توافر مقاعد في كلا الشركتين الكويتية وطيران الامارات

المهم رحله امستردام الكويت .. علي الايرباص 332

ابي استفسر شلونها الطياره نفس ال 333 اليديده عندهم ولا قديمه وشلون خدمتهم ونظام الترفيه فيه اغاني عربيه وكليبات و فيها انترنت ولا لا و سلامتكم

تحياتي لكم

يررررجى نقله في القسم المناسب المعذره عل الخطا

والله اخوي سالم سمعت من الي جربوها انها موشي لاكن انشاالله رحلتك غير


وهاذي بعض الصور لل a332


https://www.travecademy.nl/wosimages/12328_223.jpg


https://3.bp.blogspot.com/-H5DcGZyAQx...0/photo-49.jpg


https://www.theklmsource.com/a332ycabin5.jpg

ممممم والله مادي شسوي ورب الكعبه مالقيت حجز غيرها ان شاء الله يددوها و انطر التقرير بسوي تقرير عليها ان شاء الله :crazy_pilot: عاد خذيتها غاليه حدود ال 700 دينار : ((

والله حرام 700 جنة سعر البزنس علعموم توصل بالسلامة وابنتظار تقريرك

ادري والله بس شتسوي بعد كرسمس و الطيارات فل عل الاخر مالقيت الا عليها

انا راح ارد عليك لاني سبق واستفسرت في شهر 8 ومالقيت الارد من شخص الله يجزاه الجنة
طبعا الطائرات قديمة بس يقولون في بعضها محدثة طبعا اقصد A330 بس دامك جربت A330 حقت طيران الامارات القديمة
KLM افضل منها يعني لاتشيل هم
بس للامانة طاقم الرحلة روعة وخدومين مايقصرون مع الراكب
في رحلتي الثانية من امستردام الى شيكاغو كان في مضيفة عجوز والله مااابالغ عمرها يمكن قرب الستين بس خدمتها روعة وفلة مافي الا تقول لكل راكب لمن تعطيه الوجبة سويت قاي او قير وتجي تسولف صراحة رحلة جدا ممتعة كانت
والترفيه حليوه يمشي فيه بعض الاغانية العربية والافلام العربية
وجباتهم حلوه
بشكل عام راح تستمتع في الرحلة
وانت مشكلتها مسافر على الكريسمس الاسعار فوووق اهم شي توصل بالسلامة لاهلك