|
جديد في امور السيارات ريموت كنترول وابي بعض من خبرتكم في هذا المجال ( الرياض - الخرج )
السلام عليكم ورحمة الله وبركاته ...
اخواني انا انحديت على مثل هالسيارات :dry:لسبب واحد وهو : عندي ولدي الله يهديه كل ماشريت له سياره ريموت من بكرى يرمي السياره في وجهي يقولي مابيها ماتطعس:ANSmile18: .. وكل ماشريت له تخرب في الرمل :icon_g7: ( عاد مايحتاج تعرفون بضاعة سوقنا الرديئه وغير انها غاليه ) قلت خلني ادور خارجي و جلست ادور في امازون عن سيارات سريعه وحقت رمل . لقيت ولكن انواع كثيره وما عرفت وش اختار . ودورت عن منتديات وخانني التعبير في كثير من الاحيان واخير لقيت منتداكم الكريم . لقيت لي كم سياره وابي رايكم فيها . او اي نصيحه في سياره ثانيه تصلح له . وبالنسبه لصيانتها هل هي صعبه :qust: وهل لها قطع غيار :qust: واذا فيه منتديات او مواقع متخصصه او لها مجال اوسع في الامور هذي ياليت ماتقصرون معي ولكم دعوه في هذا الشهر الفضيل . السياره الي حصلتها : السعر بالتدرج من الاغلى الى الارخص https://www.amazon.com/Traxxas-RTR-Mo...ZWVS8BYF4TS8E3 https://www.amazon.com/dp/B00EUT42II?psc=1 https://www.amazon.com/Traxxas-76054-...ZWVS8BYF4TS8E3 اتمنى لكم التوفيق والسداد |
رد: جديد في امور السيارات ريموت كنترول وابي بعض من خبرتكم في هذا المجال ( الرياض - الخرج )
عليكم السلام ورحمة الله وبركاته
يا اهلا وسهلا وحياك الله بين اخوانك خبرتي في السيارات بسيطة لكن اتمنى تستفيد منها الشركات العالمية في هذا المجال كثيرة ومنها hpi . Traxxas .hobao وغيرها ما تحضرني الان عندي سيارة من شركة hobao اشتريتها بقرابة 3500 ريال لها عندي قرابة 3 سنوات ما فكيت فيها مسمار واحد ما خرب فيها الا الكفرات من كثر التفحيط على الازفلت ووالله اني العب بها لعب لو تشوفني تقول هذا ما يبيها اذا تبي ولدك يستمتع و انت كذلك خذ لك حاجه جودتها عالية صدقني بترتاح ابتعد عن البنزين و النايترو ... خلك على الكهرباء انظف و اسهل صيانة تاكد انها ليست مجرد لعبة فمتعة اللعب بها لا قدر الله قد تتحول الى مشكلة تتسبب بضرر لابنك المحركات المستخدمة فيها قدرتها عالية لدرجة انها قد تلوي عمود من الستيل الصلب فيه محل في الرياض حي الشفاء اسعارة اغلى من النت بواجد .. عنده سيارات و قطع غيار و صيانة على فكره السيارات هذي ممكن انها تصل لسرعات عالية اذا عندك اي حاجة تبي تستفسر عنها تفضل بحاول افيدك قدر استطاعتي |
رد: جديد في امور السيارات ريموت كنترول وابي بعض من خبرتكم في هذا المجال ( الرياض - الخرج )
اقتباس:
الله يجزاك كل خير ويسهل امورك .. طيب السياره الي ذكرتها ممكن صور لها او اسمها او مديلها وكم سعرها بالرياض وهل عليها ضمان ؟ هل تصلح بالرمل ؟ وياليت رابطها بأمازون .. اشكرك على تفاعلك معي :shamrock: ( مالقيت ورده في الفيسات الا هالورقه ) |
رد: جديد في امور السيارات ريموت كنترول وابي بعض من خبرتكم في هذا المجال ( الرياض - الخرج )
الله يبقيك يالغالي و الهدية مقبولة
السيارة اللي عندي نوعها( hyper sc8 تشتغل على بطاريات 4 خلايا ليثيوم)ابحث عنها في النت وبتحصل صور و مواصفات سرعتها ستوك تتجاوز 70 كم/س شاصيها المنيوم و دفعها رباعي دفرنسين امامي وخلفي و القير مباشر بدون نظام مفاضلة بما انك قريب من الرياض مر المحل اللي بالشفا و ان شاء الله بتحصل اللي يسرك ايضا على حسب علمي ان فيه محل بشارع الضباب بس ما قد رحت له مشكلة الشراء من الخارج ان الوزن بيكون ثقيل جدا قد يصل الى 10 كيلوغرام |
رد: جديد في امور السيارات ريموت كنترول وابي بعض من خبرتكم في هذا المجال ( الرياض - الخرج )
طيب ممكن وصف المحل او مكانه بالخريطه
|
رد: جديد في امور السيارات ريموت كنترول وابي بعض من خبرتكم في هذا المجال ( الرياض - الخرج )
بما انك غير متمرس بها الهواية ف انا افضل انك تشتري اغراضك من هنا لانك ممكن تشتري من الخارج حاجه تواجهك صعوبات في التعامل معها ..
|
رد: جديد في امور السيارات ريموت كنترول وابي بعض من خبرتكم في هذا المجال ( الرياض - الخرج )
اقتباس:
|
رد: جديد في امور السيارات ريموت كنترول وابي بعض من خبرتكم في هذا المجال ( الرياض - الخرج )
اقتباس:
|
رد: جديد في امور السيارات ريموت كنترول وابي بعض من خبرتكم في هذا المجال ( الرياض - الخرج )
اقتباس:
|
رد: جديد في امور السيارات ريموت كنترول وابي بعض من خبرتكم في هذا المجال ( الرياض - الخرج )
اقتباس:
www.hobbyhome-rc.com/ |
رد: جديد في امور السيارات ريموت كنترول وابي بعض من خبرتكم في هذا المجال ( الرياض - الخرج )
اقتباس:
الافضل انك تاخذها من هنا عشان قطع الغيار فيما بعد ... لانك ممكن تشتريها من برى ولا تحصل لها قطع هنا وصعبة انك كل شوي تطلب قطعه لحالها من برى خذ له مقاس 1/10 حجمها كبير واكثر ثبات من الاحجام الاصغر هذا موقع متخصص بهواية الريموت كنترول www.hobbyking.com بضاعته جودتها ليست الافضل لكن مقبولة ... سبق اني اشتريت منهم سيارة لكن ما عاشت .. ما تتحمل الكرف الزايد خش الموقع وشف على الاقل تاخذ فكرة عن الهواية |
رد: جديد في امور السيارات ريموت كنترول وابي بعض من خبرتكم في هذا المجال ( الرياض - الخرج )
اشكر على اصرارك معي في الموضوع والله يجعله في موازين حسناتك ..
انا ناوي على نفس السياره الي ذكرتها . وانا ماحطيت لك الرابط الا ابي اشوف الاسعار زي ماقلت ٣٥٠٠ او قلت ماني ناوي اشتري من عندهم . انت ذكرت عن الموقع الي حطيت رابطه ان بضاعتهم رديئه . حتى لو مثل سيارتك بتكون رديئه ؟ اذا كان الجواب ايه ياليت تدلني على المكان الي شريتها منه او اي مكان يقدم نفس الجوده |
رد: جديد في امور السيارات ريموت كنترول وابي بعض من خبرتكم في هذا المجال ( الرياض - الخرج )
اقتباس:
انا ما قلت لك اني شريت منه السيارة اللي ذكرتها لك ... قلت لك اني سبق وشريت منهم سيارة( غير اللي ذكرتها لك ) لكن جودتها ما كانت بالشكل المرجو .. فيه محل في حي الشفا بمدينة الرياض شارع الخليل بن احمد تطلع معه باتجاه الجنوب لين نهاية الشارع تطلع يسار تمشي لين يجيك بنده على اليمين شف المحل بعده تقريبا ب 200 متر رح للمحل و بتحصل عندهم اللي يعجبك ... على خبري ان اغلب بضاعتهم جودتها عالية ماركات امريكية و يابانية مشهورة حبيت اخدمك و افيدك و انا اخوك :shamrock: |
رد: جديد في امور السيارات ريموت كنترول وابي بعض من خبرتكم في هذا المجال ( الرياض - الخرج )
اقتباس:
بزورهم بأقرب وقت وان شاء الله راح اكتب المستجدات بالموضوع { اسف على التأخر بالرد انشغلت الفتره الي راحت } |
| الساعة الآن 04:11 AM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.
