كلية الامارات للطيران والا الاتحاد للطيران
السلام عليكم ورحمة الله وبركاته ,,
اخواني اريد مساعدتكم .. صراحة انا مقدم اوراقي في مكانين ..في كلية الاتحاد و كلية الامارات بس مااعرف شو الاحسن بالنسبة لي .. برايكم ادرس في كلية الامارات للطيران والا كلية الاتحاد .. واذكروا لي السبب واريد اعرف كم رواتب الطيار .. في طيران الاتحاد وطيران الامارات اريد الكل اللي عنده خبره بهالامور يساعدني .. واذا في حد مجرب احدى الكلية المذكورة فوق يعطيني معلومة عنها .. بانتظار ردودكم اخوكم .. خالد |
رد: كلية الامارات للطيران والا الاتحاد للطيران
طيران الاتحاد اقوى رواتبه بكثير ومميزاته قوية كذلك كما انه ارى بان طيران الاتحاد يريد التوطين بالفعل
اما طيران الامارات فسمعتة العالمية قوية جدا مع انه الاتحاد ايضا قوية ولكن الامارات اقوى كما انها صعبة جدا طريقة الاختيار ومعقدة اكثر ماتتصور لانك لما تنجح في الامتحانات راح تصعق من هول الي جايك انا مجرب كلية الامارات رائعة ولكن ماحسيت بانها بالفعل تريد التوطين بسبب التعقيدات كما انها بالعربي( تحت سيطرة اجنبية هذا هو السبب الرئيسي) انا عارف بانه كلام قوي ولكن اغلب طيران الامارات استراليين وبريطانيين وكل واحد راح يجيب عيال بلده صح ولا تمنياتي لك بالتوفيق:icon_g6: انشالله |
رد: كلية الامارات للطيران والا الاتحاد للطيران
مرحبا ملايين والله
بالنسبه لطيران الاتحاد فهو الاقوى في هالوقت... طبعا طلاب طيران الاتحاد يدرسون في اكاديمية افق للطيران بمطار العين وانا بصفتي اني ادرس طيران اشوفهم مرتاحين ويمدحون الوضع اللي هم فيه.. طبعا اول ما اتقدم يطلبون لغة انجليزيه التوفل اوما يعادلها او انك تدرس عندهم كورس انجليزي وعقب اتكمل الدراسات الارضيه... وطيران.. |
رد: كلية الامارات للطيران والا الاتحاد للطيران
الله يوفقك ويسهل امرك بس اذا انت مو مرتاح ومحتار صل صلاة الاستخارة وانشاالله ربي يدلك على الخير وين
بس عندي سؤال هل الاتحاد تقبل غير الاماراتيين يعني خليجيين من ناحية انها تدرسهم واتعينهم على خطوطها لاني بكل صراحه اتمنى من خروج هاذي الشركة اني اكون احد افرادها تكفون ابي الرد السريع |
رد: كلية الامارات للطيران والا الاتحاد للطيران
اخوي هل انت امراتي؟؟؟
|
رد: كلية الامارات للطيران والا الاتحاد للطيران
هلا والله ..
بالنسبة للامتحانات التوفل .. انا امتحنته .. ودرجتي فوق 450 بس مااعتقد رواتب طيارين الاتحاد اكثر من رواتب طيارين الامارات .. واللي عنده خبرة بهالمعلومة يقولي .. انا اللي اعرفه طيران الامارات تعطي 36 الف حسب ما قالي ربيعي .. والشهادة اللي تقدمها طيران الاتحاد نفس الشهادة اللي تقدمها طيران الامارات او لا ! واذا لا من الاقوى.. .. هيه انا اماراتي .. _________________________ بالنسبة لأخوي مجرد ظل .. والله ماادري .. بس التسجيل الحين مفتوح وهذا رقمهم استفسر معاهم .. 02505800 |
رد: كلية الامارات للطيران والا الاتحاد للطيران
محد ردلي خبر !!
|
رد: كلية الامارات للطيران والا الاتحاد للطيران
اول شيء اعلق على الرواتب طيران الاتحاد اكبر رواتب بكثير وهناك موجة تنقل للطييارين من الامارات للاتحاد كما ذكر احد الاخوان في احد المواضيع
ان طيران الاتحاد يلقى دعمة من حكومة ابو ظبي مباشرة وحكومة ابو ظبي مامقصرة معا الاتحاد ودليل 2003 لين يومك هذا اتحدى شركة طيران اصبحت بهذا الحجم بهذا الوقت القصير انا اتوقع خلال 5 سنوات فقط اتوقع ان طيران الاتحاد تنافس اكبر شركات الطيران العالمية . بالنسبة للدراسة لا طبعا الامارات افضل من الاتحاد لانها تدرس طلابها في استراليا في احد افضل المدارس في العالم للطيران ولكن الاتحاد تكون في مطار العين وفي هذي راح ترتاح من السفر والقلق 450 توفل بالنسبة للامارات 400 تكفي وبالنسبة للاخوي ابو سالمكم لا البرنامجين معدين للاماراتيين فقط |
رد: كلية الامارات للطيران والا الاتحاد للطيران
عليكم السلام ورحمة الله وبركاته حياك الله طال عمرك مثل ما قالو لك الشباب ولكن اقتباس:
اما عن الطيارين الذين سيتخرجون على يد الشركة فرواتبهم مقاربة لطيران الإمارات والفرق بسيط ولكن انته اتشوف اللي انسب لك من حيث انك من هل دبي او ابوظبي واتشوف اللي اقرب لك وثاني شي اتشوف المتطلبات هل تنطبق على مؤهلاتك وتختار الأنسب اسأل نفسك هل انت مستعد للسفر لمدة سنتين او ثلاث للدراسة فالخارج ؟ فعليك بطيران الإمارات غير مستعد وحاب تدرس فالبلاد ؟ عليك بطيران الإتحاد فإسألأ نفسك قبل ما تسأل الآخرين وشوف اللي يناسبك و فرق الراتب مب وااايد وبالتوفيق إن شاء الله |
رد: كلية الامارات للطيران والا الاتحاد للطيران
كلام أخوي DUBAI ATCO سليم و 100 في 100
|
رد: كلية الامارات للطيران والا الاتحاد للطيران
هل توجد
تخصصات اخرى غير الطيران في الكلية اذا سمحتو |
رد: كلية الامارات للطيران والا الاتحاد للطيران
البرامج عالرابط التالي https://www.emiratesaviationcollege.com/aas/index.html |
رد: كلية الامارات للطيران والا الاتحاد للطيران
وشو يسوي اللي مايحب الانجليزي تسلم تعبتك معاي
|
رد: كلية الامارات للطيران والا الاتحاد للطيران
أختي انا حطيت الرقم اتصلي فيهم احسن حل
تبي رقم طيران الامارات هذا رقمهم >>042187777 ما بيقصرون معاج بس اللي اعرفه انه شيء هندسة طيران .. وفي اشياء ثانية والله يعلم شو هي . بس راجعيهم وعقب تعالي خبريني ----------------------- انا من العين .. بس صراحة انا اشوف طيران الامارات احسن لأن دراستهم بتم في الخارج .. يعني اقدر اكسب لغة .. اما وجودي في العين ما بيساعدني .. ومدة الدراسة طويلة فيعني اقدر اكسب معلومات اكثر فاريد رايك في كلامي يا DUBAI ATCO |
رد: كلية الامارات للطيران والا الاتحاد للطيران
[quote=خالد الشامسي;178764] انا من العين .. بس صراحة انا اشوف طيران الامارات احسن لأن دراستهم بتم في الخارج .. يعني اقدر اكسب لغة .. اما وجودي في العين ما بيساعدني .. ومدة الدراسة طويلة فيعني اقدر اكسب معلومات اكثر فاريد رايك في كلامي يا DUBAI ATCO والنعم والله طال عمرك بالنسبة للغة فبكتسبها سواء فالبلاد او في استراليا واهم شي مستوى لغتك الحين للقبول ، لكن مثل ما قلك هناك ستكون الممارسة اكثر والفائدة أكبر وايضا" فالدراسة فهناك مساحات وأجواء مفتوحة وتطير على كيفك المهم الراي رايك فالبداية والنهاية وبالتوفيق إن شاء الله |
رد: كلية الامارات للطيران والا الاتحاد للطيران
تسلم اخوي DUBAI ATCO
انا بجرب في مكانين وان شاءالله موفقين |
رد: كلية الامارات للطيران والا الاتحاد للطيران
اقتباس:
|
رد: كلية الامارات للطيران والا الاتحاد للطيران
الانجليزي في الطيران شرط اساسي في الامارات او الاتحاد
في طيران الامارات يوجد برامج تدريبيه غير الطيران ادارة اعمال وIT وادارة نقل جوي وغيرها |
رد: كلية الامارات للطيران والا الاتحاد للطيران
حياك الله اخوي...............انا طيار متدرب في طيران الإمارات...وحاليا في استراليا....بالنسبه لسؤالك......انت قدمت اوراقك في المكانين....والمكانين تراهم زينين...انت بس شوف من يقبلك اول فيهم وصل استخاره ولا تفوت الفرصه ابدا.....مع العلم انه القبول في طيران الإمارات معقد نوعا ما.......يعني راح تستغرق ما يقارب 6 الى 8 اشهر من اول اتصال لهم......(فها المده بتسوي اختبارات وفحوصات ومقابلات)....
ايا كان المكان اللي يقبلك سير له ولا تتأخر لأن الفرصه لا تفوت...وحط في بالك انه في المستقبل يمكنك التغيير والتنقل بين شركات الطيران.......واي سؤال ثاني انا حاضر... وبالنسبه للرواتب.....تراها ما تفرق كثير.... ودمتم في رعاية الله |
رد: كلية الامارات للطيران والا الاتحاد للطيران
اقتباس:
|
رد: كلية الامارات للطيران والا الاتحاد للطيران
اقتباس:
|
رد: كلية الامارات للطيران والا الاتحاد للطيران
اقتباس:
|
رد: كلية الامارات للطيران والا الاتحاد للطيران
على سؤال الرواتب تقريبا طيران الاتحاد يوصل راتب المساعد كابتن تقريبا من 40 الف الى 50 وطبعا طيران الاتحاد يدفعون الرواتب بالدولار الامريكي.. ولكم جزيل الشكر
|
رد: كلية الامارات للطيران والا الاتحاد للطيران
برأيي برنامج الاتحاد اقوى على اعتبار ان منهاجها الدراسي JAA بينما استراليا مستوى منهاجها الرابع عالميا (طبعا الامريكيه والكنديه بعد البريططانيه)
تحياتي |
رد: كلية الامارات للطيران والا الاتحاد للطيران
بصراحه كلهم نفس الشي
|
رد: كلية الامارات للطيران والا الاتحاد للطيران
اريد اعرف ازاى ادرس فى امريكا
|
رد: كلية الامارات للطيران والا الاتحاد للطيران
بالتوفيق اخوانى الكرام |
رد: كلية الامارات للطيران والا الاتحاد للطيران
اقدر اخد رخصة الـ faa في كلية الامارات؟؟
وبكم؟ |
رد: كلية الامارات للطيران والا الاتحاد للطيران
السلام عليكم .. اخوي الغالي بخصوص سؤالك عن الشركة الاحسن الامارات و لا الاتحاد... اولا اقولك خلك مقدم بالمكانين و الله يقدم لك الي به الخير.. احب اوضح ان كل وحده احسن من الثانية و كل وحده لها مميزات احسن من الثانية ... بالنسبة للراتب ترا ما يفرق الا كم الف و انت مع الوقت يزيد راتبك سواء كنت بالاتحاد و لا الامارات... طيران الاتحاد الحلو به انك بتكون وسط اهلك و ربعك و ناسك و ما بتتغرب و جي.و بنفس الوقت الشركة تعطي وااايد فرص للمواطنين ... الامارات حلو انها تدرس بوحدة من اهم مدارس الطيران بأستراليا و الفكرة مع انها صعبة لكن حلو انك تاخذ خبرة من بداية حياتك و تتعود ع الاستقلالية .. اخوي مو مهم انت وين بتدرس بس المهم انك تكون قد كلمتك و تشد حيلك و تبين للكل انك ريال قد كلمتك و اذا بغيت شي سويته.و كم يسوى انك تحقق حلمك بأنك تطير فوق الغيوم . عسى ربي ييسر امرك و يدلك ع الخير قل امين. همسة:انا قدمت بالامارات بس ما توفقت و الحين مقدم بالاتحاد دعوااااتكم لي... |
رد: كلية الامارات للطيران والا الاتحاد للطيران
هلا اخوي
انا ادري في كلية دبي للطيران لو عندك سيولة انصحك فيها الرخصة المعتمدة دوليا atpl وبالاضافة بالتايب ريتنج وهي مشتقة من مشروع دبي للطيران الي تابع لطيران الامارات ولكن المقر في راس الخيمة وبامكانيات قوية تفضل هذا الموقع www.daeflightacademy.com واي استفسار انا حاضر |
الساعة الآن 12:24 AM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.