:: Flying Way ::

:: Flying Way :: (https://www.flyingway.com/vb/index.php)
-   الضيافة الجوية وسلامة المقصورة - InFlight Service & Cabin Safety (https://www.flyingway.com/vb/forumdisplay.php?f=86)
-   -   مهزلة شركة سكاي واي (https://www.flyingway.com/vb/showthread.php?t=115998)

the sick rose 13-01-2012 11:47 PM

مهزلة شركة سكاي واي
 
أسفة لو العنوان ممكن يدايق ناس بس اللي حصل ده بجد مهزلة ولازم اقول الساكت عن الحق شيطان اخرس المهم الشركة دي كلمتني وقالتلي علي ميعادي للانترفيو وقبل الميعاد ب يوم كلموني قالولي ف يوم تاني وان مفيش لجنة ف اليوم اللي قالولي عليه ده قلتلهم مش هينفع اصلا انا مش من القاهرة بس قالولي خلاص تعالي!!! لما روحت الانترفيو لقيت المهزلة اللي بحق الناس اللي جاية من 11 الصبح بتدخل 10 بلليل ويدخلو الناس اللي تبعهم الاول المهم قبل م ادخل في ناس اشتكت وقالت ان همه مسافرين مينفعش يعدو اكتر من كده ف الرجل الل " بينظم المواعيد" دخل قال للجنة ان يخلصو بسرعة يعني "يكروتونا" زي م احنا بنقول وانا بعد انتظار 8 ساعات دخلت انا وبعدين 2 من صحابي اعدنا بالظبط 5 دقايق فين العدل طيب حتى لو مش عجبينهم الاسألة دي مش بتبين ولا شخصية ولا حاجة هيعرفونا منين كده . بجد معرفش المفروض الشركة دي شغلتها تنظم مواعيد مش اكتر ولا يدخلو اللي يعجبهم واللي مش بتدلع وجاية تشتغل تفضل اعده لحد م تتعب وهيبقه الطبيعي انهم يرفضوها !!!!!!! بس عموما الرزق ده بأيد ربنا والي بيعمل وحش مسيره هيبان وكل واحد ونيته
أسفة لو طولت بس بعد الانتظار انا واهلي 8 ساعات وعلى مفيش كان لازم اقول :f57ar:

moon_light 14-01-2012 01:57 AM

اولا اهلا بيكى يا بنت بلدى
ثانيا بالنسبه لموضوعك انا معاكى فى حاجت ومش معاكى فى حاجات
اه فعلا كان فيه تاخير فظييع ف ىالمواعيد بشكل غريب انا ليا واحده صحبتى
كان معادها 12 ودخلت 8 وهى صلا مش من القاهره بس استنيت لحد الاخر
وفيه ناس كتير كده وانا كمان كان معادى 11 ودخلت 1ونص بس خلينا معا بعض
واحده واحده وعشان تبقى عارفه قبل ما اقول حاجه والله انا مابشتغل هناك
ولا ليا علاقه بحد بيشتغل هناك انا بس بحط نفسى مكانهم
دلوقتى ماشاء الله عدد المتقدمات واضح انهم كتييير جدا شوفى كام امتحان بولاتس
اتعمل هنا وكام واحد اتعمل فى اسكندريه انا بس كان معايا فى الامتحان
70 بنت فا اكيد عددنا كبير جدا فانتى لو قسمتى على البنات على عدد الايام هتلاقى
الناس دى محتاجه شهر عقبال ما يخلصو مقابلات مش بس 10 ايام
واللجنه اه ساعات بتقعد 5 دقايق وساعات اكتر بس عاادى فيه بنات بتبان من الاول انها مش
لايقه على الموضوع ده من الفيرست امبريشن وفيه بنات بيقبلو من اول دقيقه
وفيه بنات تحبى تقعدى معاهم اكتر عشان تتعرفى على شخصيتهم اكتر
فا عدد دقايق الانتر فيو اكيد مفيهوش كوسه لا اكيد هما عارفين بيعملو ايه
ثانيا سكاى واى بتعمل الى عليها وتكلم البنات وتقولهم على المواعيد لكن اللجنه هى ساعات الى بتتاخر
ياما وقت كتير معا البنات فى الانتر فيو ياما فى غداء ياما بيتناقشو يعنى برده
سكاى واى ملهاش اى دخل فى كده
فا انا برجوكى متزعليش الصبر طيب ولو ربنا كاتب لينا حاجه هنشوفها
سواء كان فيه وسايط او لا معا انى معتقدش فيه وسايط
فا لو ليكى نصيب صدقينى حتى لو ايه حصل هتبقى مضيفه ارمى حمولك على الله
وادعى وطالما عملتى الى عليكى متزعليش وان شاء الله خير
وشكرا

the sick rose 14-01-2012 03:20 AM

شكرا على ردك Moon light انا معاكي ان الاعداد كبيرة بس متهيألي ان شغلهم ان الناس دي تدخل ف مواعيدها يعني يكونو عاملين حسابهم ان كل واحدة هتعد اد ايه فاهمه قصدي حتى لو اخدو ف اليوم عدد قليل بس يبقه بحق ربنا مش نمتحن بولاتس ونيجي من سفر ومنخدش حقنا كمان والبنات اللي بييجو من سفر دول لازم يدخلو الاول كمان انا شفت بعيني ان لو في بنت راحت واتكلمت مع اي حد شغال تبع سكاي واي بيدخلوها الاول و وبجد واحد دخل وقال للجنة يخلصو بسرعة ادام عيني كل ده عشان الناس بتشتكي من التأخير مع ان ده حقهم
اكيد كل شئ نصيب والله مش مديقة من ان اللجنة مسألتنيش كتير او حاجة ممكن انا منفعش بس اديقت على سوء التنظيم وحسيت ان في ناس بتفضل عل ناس تانية مش اكتر وبتمنى ان بعد كده الموضوع ده يتحل عشان احنا بنييجي ونتبهدل ونتحمل عشان ناخد حقنا مش عشان نتبهدل ونمشي .عموما الرزق ده على ربنا وانا واثقة ان لو فيها خير ليا اكيييد هتيجي :)

moon_light 14-01-2012 03:32 AM

متزعليش انا حاسه بيكى والله معلش
تفائلى خير ومتقوليش كده سيبيها على الله
والله الموضوع مش موضوع جاوبتى حلو او وحش او شكلك حلو او وحش
هى توفيق من عند ربنا
وبالنسبه لسكاى واى ربنا يعينهم على الاعداد الكبيره دى كلها
وان شاء الله يارب يظبطو نفسهم الاسبوع الجاى ده بقا
وبعدين انتى ايه اخبار القلق معاكى النتيجه بتاعت الناس الى امتحنت الاسبوع الى فات ده هتبان بكره
انت عملتى ايه ؟!!!!!
ربنا هيكرمك ان شاء الله وخير لينا كلنا ونسافر بقااااااااااااااااااااااا

the sick rose 16-01-2012 12:39 AM

للاسف محدش كلمني لحد دلوقتي شكلي متقبلتش مش مهم المرة الجاية ان شاء الله الف شكر لاهتمامك :)

Edmund 19-01-2012 03:49 AM

قدر الله وما شاء فعل
خيرها بغيرها

moon_light 21-01-2012 08:44 PM

sick roseمتزعليش خيرها فى غييرها ان شاء الله
واكيد ربنا شايلك حاجه احسن انا كلمونى
وادينى مستنيه الكشف الطبى ان شاء الله
ومتقلقيش خير ان شاء الله

heba heba 17-03-2012 06:45 PM

متزعليش ياجميل قدمى المرة الجاى انا كمان محصلش نصيب وهاقدم بااذن الله تانى وربنا معانا

raana 23-05-2012 03:08 PM

ممكن اعرف الايميل الخاص بالشركة انا بعت بس الايميل غلط انا عايزة اقدم في الخطوط السعودية

lele 23-05-2012 07:23 PM

كويس أنك شفتى اللجنه أنا عديت كل حاجه و البولتس و أعلى من المستوى المطلوب كمان و المفروض يتحدد ميعاد ليه مع اللجنه و كل ما كنت أكلم كان مشغول و بعت رساله و محدش كلمنى منهم كمان مع العلم مكنش عندى مشكله فى أى حاجه و فى الأخر قالوا أسفين مواعيد الفينال أنترفيو عده خلاص
كل شىء نصيب و اللى يروح منك ربنا هيكتبلك أحسن منه متزعليش

princess mishmisha 28-05-2012 01:06 AM

متقلقيش ان شاء الله ربنا معاكى

magiceyes_1984 28-05-2012 01:31 AM

يعني كدة مفيش اي مجال للتقديم في الطيران السعودي ؟؟؟؟

جموح الخيل 31-05-2012 01:03 PM

ربنا يوفق الجميع


الساعة الآن 12:40 PM.

Powered by vBulletin® Version 3.8.11
Copyright ©2000 - 2024, vBulletin Solutions Inc.

حق العلم والمعرفة يعادل حق الحياة للأنسان - لذا نحن كمسؤلين في الشبكة متنازلون عن جميع الحقوق
All trademarks and copyrights held by respective owners. Member comments are owned by the poster.
خط الطيران 2004-2024