|
مصر للطيران تحذف من قاموسها كلمة " واسطة "
السلام عليكم
من موقع الجمهورية مباشرة بتاريخ يتراوح بين شهر 11-2008 و 12-2008 اختيار 136 طياراً جديداً للعمل علي أسطول مصر للطيران الشهر القادم.. إعلان نتيجة مسابقة تعيين المضيفات كتب - عبدالناصر أبو الفضل: اعتمد الطيار "أحمد شفيق" وزير الطيران المدني نتيجة اختبارات الطيارين الجدد حيث تم اختيار 136 طياراً جديداً تخطوا الاختبارات من بين 192 طياراً تقدموا للعمل. صرح الطيار "شريف جلال" رئيس شركة مصر للطيران للخطوط الجوية بأنه تم اختيار الطيارين الجدد بدون واسطة حيث تعرضوا لاختبارات مشددة لتحديد أفضل العناصر للعمل علي أسطول الشركة. وأضاف أنه سيتم اختيار عدد منهم لتأهيلهم للعمل علي الطائرات الجديدة ومن بينها 12 طائرة طراز بوينج 737/.800 وقال: يتم حالياً استكمال الاختبارات لاختيار 200 مضيفة جديدة من 600 فتاة تقدمت للعمل. ومن المقرر أن يتم الإعلان عن نتيجة الاختبارات الشهر القادم إضافة إلي أنه سيتم الأسبوع الحالي الانتهاء من الاختبارات لاختيار 28 مديراً اقليمياً ومديري مكاتب ومحطات للشركة بالخارج. https://www.gom.com.eg/algomhuria/200...detail05.shtml |
رد: مصر للطيران تحذف من قاموسها كلمة " واسطة "
خبر رائع يا حوده
بس حكاية بدون واسطة مش عارف ليه مش داخلة دماغي شوية مع أني أتمنى أن تبقى العملية كده وبعدين 192-136=56 طيار طب هيعملوا ايه في حياتهم دول ؟ يعني برده الخبر فيه جانب سيء على العموم بالتوفيق لمصر للطيران وأعتقد ان الطيارين الي لم يقبلوا دول عليهم ملاحظات كبيرة مش حجات صغيرة شكرا لك |
رد: مصر للطيران تحذف من قاموسها كلمة " واسطة "
انا بتمنى يطبق القانون على الجميع
وتروح الواسطه عند كل الشركات و وضع الرجل الناسب في المكان المناسب ولكل مجتهد نصيب تحياتي سنان جبر |
رد: مصر للطيران تحذف من قاموسها كلمة " واسطة "
ال 56 طيار اللي مدخلوش دول عشان منجحوش في اختبارات ال Airline Basic Course
و اكيد هيقدموا في الاعلانات اللي بعد الاعلان ده على فكرة انا متأسف جداً بس الخبر طلع كان يوم 18-6-2005 خبر قديم اوي ياريت يتحذف :( |
رد: مصر للطيران تحذف من قاموسها كلمة " واسطة "
اقتباس:
لانى شغال فى HR مصر للطيران وآخر إعلان طيارين كان تقريبا من سنتين :d3oh: دلوقتى فيه تقديم ضيافه بنات بس فعلا وده على طول شغال لانهم محتاجين اعداد كبيرة وشكرا :ANSmile04: |
رد: مصر للطيران تحذف من قاموسها كلمة " واسطة "
طيب و انا احب ارد على حضرتك و اقولك انك للأسف ( نايم في العسل ) < تهريج اوعى تزعل مني :d
لأن مصر للطيران نزلت في سنة 2008 ثلاث اعلانات منهم واحد egyptair express و لو كلامي غلط ياريت حد يقول لي ! منهم اعلان انا بنفسي اللي ناقله للمنتدى ! |
رد: مصر للطيران تحذف من قاموسها كلمة " واسطة "
اومال اير كايرو وamc و سيناء للطيران و طيران الاسكندرية وطيران اول الماظة مش عاوزين طيارين ؟ الصراحة مصر مش عاوز واحد فقير ولا معهوش واسطة عاوزة واحد معاه فلوس + معارف وسلطة |
رد: مصر للطيران تحذف من قاموسها كلمة " واسطة "
بصوا يا جماعة
بالنسبة لموضوع الواسطة انا عندي شوية كلام عايز اقوله دلوقتي انا الحمد لله و بفضله طالب في الدفعة الجديدة في الاكاديمية المصرية للطيران و الحمد لله عديت من الكشف الطبي اللي بهدلونا فيه , واختبار اللغة الانجليزية اللي كان صعب جداً , و الانترفيو اللي بوظوا فيه اعصابنا ,, الحمد لله بدون اي واسطة .. فعلا بمعني الكلمة بدون اي واسطة ! و زي ما عديت في كل الكشوفات دي بدون اي واسطة ,, ان شاء الله بعد ما اخلص و ربنا يكرمني و اقدم في مصر للطيران بإذن الله هدخل بدون اي واسطة عشان انا من الاول واسطتي ربنا و كان قدامي اني اجيب واسطة جامدة بس انا قلت اني عايزهم يقبلوني عشان شخصي مش عشان واسطتي , و الحمد لله ربنا وفقني و ان شاء الله ربنا يكرمني بدون واسطة ,, ادعولي ربنا يوفقني , |
رد: مصر للطيران تحذف من قاموسها كلمة " واسطة "
طيران اول الماظة :D
|
رد: مصر للطيران تحذف من قاموسها كلمة " واسطة "
ان شاء الله ربنا يكرمك بأذن الله بدون اي فيا حبيت اعلق لاني قريت الموضوع كلة والردود وعجبتني وجهة نظرك في عدم الاعتماد ع الوساطة للالتحاق بالافضل
مع اني مش مقتنعة لان كل ماشوف حاجة فمصرللطيران بالذات الاقي ست واسطة قاعدة ومتربعة اقربها النهاردة موظفة ما في قطاع ما بنت مسؤل ما في مصر للطيران معاها بكاليوريوس تجارة وبتاخد 2800ج مصري بالشهر كستارت وانا متأكدة وسنها يعني 24 سنة في حين انها كخبرة ومؤهلات ومظهر زيروووووووووو بصراحة لكن الوالدهو مؤهلاتها الله يكون في عووون الغلابة اللي مامعاهومش غير ربنا ومؤهلاتهم انا بس بقول انا ربنا كارمني وقادرة اتدرب ع حسابي عشان الخبرة طيب والناس الي متعلمة ومش قادرة تدرب تقعد فالبيت ؟؟؟؟؟؟؟ وعشان الرؤية تبقي واضحة انا اتندرب في مصر للطيران للخطوط الجوية وكمان الخدمات الارضية وبصراحة الواسطة هنا وهنا عاملة شغل جامد جدااااااااااااااا |
رد: مصر للطيران تحذف من قاموسها كلمة " واسطة "
اكيد الواسطة في كل مكان و بتعمل شغل جامد بس مش هي الحل الوحيد او الحل الأساسي
|
رد: مصر للطيران تحذف من قاموسها كلمة " واسطة "
متهيألي الوقت الحالي الواسطة ملهاش لازمة في كل قطاعات الطيران
لأني الاقبال متزايد جدا والشركات عايزين طيارين وأكتر منهم مضيفات فالواسطة اليومين دول ملهاش لازمة = للشخص المتفوق أما الي عنده مشاكل في شخصيته أو في جسمه مرض مثلا او علاقته مع ربنا او او او هوا ده الي محتاج واسطة دايماً شكرا لكم |
رد: مصر للطيران تحذف من قاموسها كلمة " واسطة "
اقتباس:
أولا مفيش 3 إعلانات نزلوا ولا حاجه إكسبريس دائماً عايزين طيارين لانها شركة جديدة وللأسف مفيش متأهل للطراز ده كتير وبدأنا نلجأ دلوقتى لطيارين القوات الجوية اللى فى المعاش مع تأهيليهم لمدة إسبوعيم بس فى سويسرا ثانياً أنا كنت بتكلم فى الاول عن شركة مصر للطيران للخطوط الجوية مش شركة مصر للطيران للخطوط الداخلية والإقليمية "إكسبريس" وشكراً :ANSmile04: |
رد: مصر للطيران تحذف من قاموسها كلمة " واسطة "
اقتباس:
وبأذن الله ربنا يكرمك :ANSmile04: |
رد: مصر للطيران تحذف من قاموسها كلمة " واسطة "
طول عمرى مقتنع إن فى إمكانيات بشرية بتجبر اللى قدامها أنه يحترمها وان صاحبها لازم ينجح
يعنى انا مينفعش اكون فى لجنة إختبار وأسقط واحد متمكن وواثق من نفسه وجامد فى مجاله إمكانياتك وقدراتك بتجبر اللى قدامك على إحترامك ثق فى نفسك |
رد: مصر للطيران تحذف من قاموسها كلمة " واسطة "
اقتباس:
ممكن يكون إجتهاد منك أولا بغض النظر عن مظهرها لاننا فى الشركة مش بنتعامل مع المظهر والشكل إلا فى الضيافة والأمن والطيارين والعلاقات والوظائف اللى بتشترط حسن المظهر ثانيا إنتى بتقولى إن صاحبتك بكالوريوس تجارة يعنى تم التعاقد معها على الدرجه التالته بداية حافز التالته فى شركة لمصر للطيران سواء كان القابضة او اى من التوابع لن يزيد عن 1200 جنية وده مش إجتهاد.... جداول الحوافز كلها معايا بالإضافة إلى المرتب الاساسى 150 تقريبا بالعلاوات بالاضافه للأوفر حوالى 400 جنية يعنى صاحبتك من الاخر لن تزيد بأى حال من الاحوال عن 1750 أو 1800 بالكتير وشكرا |
رد: مصر للطيران تحذف من قاموسها كلمة " واسطة "
اقتباس:
نفس وجهة النظر اللى وضحتها إمكانياتك وقدراتك هما سر نجاحك :ANSmile04: |
رد: مصر للطيران تحذف من قاموسها كلمة " واسطة "
مبروك حذف الواسطة، وعقبال حذف الكوسه
|
رد: مصر للطيران تحذف من قاموسها كلمة " واسطة "
اقتباس:
صراحة مصر للطيران يعني كوسة وواسطة وبعدين هي جات ع مصر للطيران مالبلد كلها ماشية كدة |
رد: مصر للطيران تحذف من قاموسها كلمة " واسطة "
السلام عليكم ورحمة الله وبركاته
الأخت برنسيسة أولا: أحب أن أعرف ما هي وظيفة حضرتك تحديدا في الهيكل الوظيفي لمصر للطيران التي تمكنك من الحصول علي بيانات تتسم بالدقة كما هو واضح في تحديدك للمبالغ التي يتقاضها بعض من العاملين بشركات مصر للطيران؟ ثانيا: هل عندك خلفية أصلا عن الهيكل المالي لمرتبات العاملين طبقا لمؤهلاتهم ودرجاتهم الوظيفية المعينين عليها؟؟ ثالثا: ما العيب في نظرك في حصول شاب او شابة عمرهم 27 او حتي 21 سنة علي راتب شهري 4000 او حتي 10000 آلاف جنيه طالما يؤدي ما تم التعاقد معه عليه من عمل وحصل علي ما تعاقد عليه من أجر؟؟!! ومهما كان موقع أسرهم الوظيفي في الشركة رابعا: ماهو الكادر الوظيفي أصلا الذي لا يعجبك أن تتقاضي الموظفة التي تشغله 2800 جنيه كستارت والتي تستكثرينه عليها حتي تحكمين هل هو كثير أم قليل علي هذه الوظيفة؟؟!! خامسا: يسعدني ان أخبرك أنه يوجد بمصر للطيران شباب كثير في سن الموظفة التي تتحدثين عنها بل أقل منها ومرتباتهم أكثر مما ذكرت دون أن يكون والدهم موظف مسؤل بالشركة أو لهم أقرباء أصلا بالشركة بل دخلوا من الإعلانات الروتينية التي تتحدثين عنها. سادسا: مصر للطيران يوجد عليها دور رقابي حكومي صارم يتمثل في الجهاز المركزي للمحاسبات والجهاز المركزي للتنظيم والإدارة حيث لا يمكن معه أن يتم تعيين أبناء أي من المسؤولين بوظيفة ما دون أن يمروا بإختبارات الوظيفة المحددة طبقا لشروط التعين السارية علي الجميع وان يتقاضي أي من المعينين جنيه واحد زائد عن المربوط المقرر للدرجة والحافز وبدل الوجبة والوقت الإضافي إن وجدا وما تذكرينه للأسف لا يقنع أي شخص حتي لو لم يكن بمصر للطيران. سابعا: هل أبناء المسئولين يعتبروا من وجهة نظرك عالة علي المجتمع ولا يحق لهم الإلتحاق بالوظائف المتاحة لجميع الشباب لمجردأن أبائهم من المسئولين بمصر للطيران؟ فكم من مسئول أضاف لمصر للطيران الكثير والكثير عن طريق أبناؤه والشواهد كثيرة بالشركة. بل علي العكس إذا سمحت أيتها الأخت الفاضلة أحب أن أوضح لك أن أبناء المسؤلين الذين خدموا مصر للطيران هم أحق الناس بالتعيين في الوظائف التي تتفق مع مؤهلاتهم وخبراتهم كنوع من الوفاء لهؤلاء المسئولين وليس ذلك ببدعة أو بحرام.. ثامنا: إن أي من الوظائف التي تعلن عنها مصر للطيران يمر المتقدمون لها علي أقسي الإختبارات حتي لو كانت وظائف إدارية وتعقد الإمتحانات بأماكن خارج مصر للطيران كمعهد القوات المسلحة للغات وللحاسب الآلي .. إلخ تاسعا: إن الزميل(reda bond HR) لم يختار لفظا غير ملائم للرد علي حضرتك كا ذكرت بل علي العكس كان غاية في الإحترام والتقدير فضلا عن إصابته للحقيقة بحكم وظيفته بمصر للطيران والأرقام التي ذكرها سليمة تماما بل أقل من ذلك بقليل فالمحاسب المعين علي الدرجة الثالثة بالخطوط الجوية حافزه 1010 جنيه يزيد بعد 4 سنوات ليكون 1255 جنيه لمدة أربع سنوات أخري حتي يحصل علي الدرجة الثانية فيزيد 220 جنيها للحافز طبقا لآخر منشور صادر للجنة الحوافز. أي بإختصار إجمالي ما يتقاضاه في حدود 1500 جنيه مصري قابلة للزيادة والنقص في حدود 200 جنيه حسب الوقت الإضافي وبدل الوجبة. في النهاية أعلم أن رسالتي قد لا ترضيكي ولكن إعلمي أني أذكر الحقائق التي تخفي عنك بحكم موقعي الوظيفي دون أي تحيز لأحد فهي مجرد أرقام بحتة ومعلومات إدارية لا تستحق الجدال فيها لمجرد إشاعة قد تكون وصلت لكي من أي من المصادر أعتذر للإطالة ولكن منعا للإشاعات التي تسيء لمؤسسة عريقة طالما خدمت الإقتصاد القومي لأكثر من 76 عاما ولنربي في أنفسنا الوعي بأهمية الحصول علي المعلومة من مصدرها الصحيح. |
رد: مصر للطيران تحذف من قاموسها كلمة " واسطة "
الله يوفقهم
وربي يكتب اللي فيه الخير بالتوفيق |
رد: مصر للطيران تحذف من قاموسها كلمة " واسطة "
اقتباس:
فأنا أعرف أبناء وأقرباء عاملين بمواقع مسئولة وعالية جدا بمصر للطيران وفشلوا في الإلتحاق بالشركة في وظائف عديدة بل إن هناك لجنة من شركة أجنبية قد إقترحت وتم عمل بهذا الإقتراح وهو إيقاف التعين بمصر للطيران لعدة سنوات متواصلة كنوع من الترشيد في الإنفاق حتي وقت قريب لم يتمكن الكثير من أبناء العاملين او غير العاملين من الحصول علي أي وظيفة بمصر للطيران وأكثر من ذلك إن منظمة الأيتا تفرض علي شركات الطيران منها مصر للطيران غرامات مالية كبيرة إذا قلت مرتبات العاملين بها عن مستوي معين وهذا من شروط الإستمرار بالمنظمة أي أن ال 2000 جنيه قليل علي محاسب وسيتم زيادتها في يونيو 2009 كما علمنا من الـ HR بمصر للطيران لكل الشركات ونتمني تنفيذ هذا الإقتراح بأسرع وقت ***أرجو من الإخوة المشاركة بالرأي في صحة هذه المعلومات*** :ANSmile04: |
رد: مصر للطيران تحذف من قاموسها كلمة " واسطة "
الواسطة فوق الجميع في اغلب الدول العربية
للأسف |
رد: مصر للطيران تحذف من قاموسها كلمة " واسطة "
اقتباس:
انا اسف لو انتى فهمتى كلامى بمعنى غلط ... لكن انا شايف انى مغلطش فيكى خالص وعلى العموم انا اسف واخيرا انا كل كلمه قلتها صح بحكم مكانى وحضرتك لو تحبى ابعتلك بى ام بالمكان اللى انا فيه ومكتبى علشان تعرفى انا مين وشغال فين ساعتها بس هتعرفى ان اى معلومه بنطق بيها صحيحه ويكفى انى هقولك انى شغال مع احد القيادات المحركه للشركه القابضة والشركات التابعه ككل ولسه عند وعدى لو عايزة تنورينى فى المكتب :ANSmile04: |
رد: مصر للطيران تحذف من قاموسها كلمة " واسطة "
اقتباس:
وبصراحه انا بستغرب لما الاقى حد بيتناقش معايا وبيكدبنى فى معلومات انا متأكد منها وبالنسبالى من البديهيات فى شغلى على العموم فرصه سعيده جدا بيكم واتمنى ابقى اتشرف جدا بيكم واتمنى لو معايا فى الشركه تنورنى ونتعرف على بعض اكتر :ANSmile04: |
رد: مصر للطيران تحذف من قاموسها كلمة " واسطة "
انا اقوم بالاقتباس وتجيني رسالة ادارية تقلي تقريرك لايمكن معالجتة وانا اريد الرد ضروري الان ارجو الافادة من الاخوة المشؤفين او الادارة بلييييييييييييييييييييز عاجل
|
رد: مصر للطيران تحذف من قاموسها كلمة " واسطة "
اقتباس:
أيمن الوحش |
رد: مصر للطيران تحذف من قاموسها كلمة " واسطة "
تسجيل متابعة ردود |
رد: مصر للطيران تحذف من قاموسها كلمة " واسطة "
السلام عليكم ورحمةالله وبركاتة
انا سوف اقوم بالرد لاني لااستطيع الاقتباس من يومين ع المستر الذي سجل خصيصا من اجل ان يقوم بالرد علي في موضوع الرواتب واوساطة في مصر للطيران فانا لا اقبل اي رد يتعارض مع مصداقيتي في المنتدي او اي توجية الي شخصي باني اقوم بالرد بطريقة عشوائية بخصوص رواتب بعض العاملين في مصر للطيران الكل يعلم وع راسهم العاملين بالشركة ان مصر للطيران وغيرها من القطاعات القابضة فاي مكان فالعالم تلعب فيها الوساطة والمحسوبية دور البطولة واما بالنسبة لي فانا اقوم بالتيرني في مصر للطيران والشركة ارسلتني للتيرني بمكاتب الصالة وتحديدا صاله 2 ومكتب الزمالك وظروف تدريبي مكنتني من الاختلاط بالوكلاء ومديري المكاتب والموظفين الجدد الذين اتوا الي مكاتب البيع بالوااااااااااااااااااااسطة واقولها وانا ع اتم الاستعدا لمواجهة اي شخص ان كان يتحدي مصداقية كلامي الاعلان بينزل فالجريدة ويكون اسماء الموظفين المطلوبين محددة قبل الاعلان بامد اما بالنسبة لكلام العضو اللي بيقول ان في شباب اقل من 24 سنةوبيتقاضوا راتب اكثر من 4 الاف هذا اكبردليل ع وجود الوساطة نحن في مصر ليس فالخليج ومعني وجود موظف محاسب ويتقاضي اول راتب لة فالحباة اربع الاف مع عدم وجود الخبرة يدل ع وضع غير مريح وانت ترجع وتقول ان اقصي راتب هو0 200 ج مع البدالات والاوفر انت كلامك حقيقي متناقض جدا وبالنسبة للموظفة وسؤالك عن اكادر التي تحتلة ولا يعجبني فانا اقول لك ليس الكادر الذي لايعجبني بل هي التي لاتعجبني ولاتعجب اي انسان لانها عديمة الخبرة فلماذا انت تتولي بوزيشن معين في احد المكاتب التابعة لمصرللطيران لمجرد ان ابيها مسؤل فالقابضة ويوجد العديد من الكفاءات بالشركة ممن هم اولي منها بهذا المنصب والراتب قليل بالفعل ع الوضع الوظيفي التي تتولاة بينما يكون كبير عليها هي شخصيا لانها لاتفعل شيء طبيعي ان يمر المتقدمين لاي اعلان بالاختبارات التي ذكرت اماكنها وانا ازود كمان اختبارات الجامعة الامريكية ولكن فالنهاية يتم تصفية كل المتقدمين وتقليصهم في الحيز المطلوب بما يتناسب مع الخطة الموضوعة وبالفعل انا يسعدني ان اقول لك ان ان اتنين من زملائي فالتيرنية خاضوا تلك الامتحانات ونجحوا ايام اعلان طلب ضباط حركة وحجز بالصالة وبالفعل تم تعيينهم وهم اعضاء هنا بالمنتدي وانا من دعتهم للعضوية هنا ولكن يسعدني اكثر ان اقول لك ان عائلة زملائي تنتمي الي ايجيبت ايير وكان هذا اكبر عامل مؤثر في قبولهم كمان المحاسب الي عندة 27 سنة دة اخوة ماسك منصب معين فالقابضة ولولا ذلك لما استطاع دخول الشركة واعطاؤة اربع الاف شهري و ع فكرة المحاسب واخوة دول معرفة نرتبط معهم بروابط اسرية ولكن انا اقوم بسرد لك الدلائل من اجل ايضاح المصداقية انا لا اعيب في مصرللطيران كتاريخ او اتحدث عنها بسؤ هذة شركة مصرية وانا مواطنة مصرية يكفي الانتماء ولكن انا احزن لما اجد من احتلال الواسطة الكيان الاكبرفالشركة ماذا يفعل من لا يملكون سوي دعاء الوالدين مثال اخر الاخصائي في مركز التدريب عندما يسألة احد الطلبة بفرصة التعيين بعد التخرج من المركز يقوم بالرد علية انت تعرف حد في مصرللطيران؟ طب ليك حد هنا ؟ كمان الاخصائية عندما سألتها انا شخصيا عن مقدا الراتب في مكاتب الحجز قالتلي 350 ج وفوجئت عندما نزلت التيرني بان اول راتب للموظف فالمكتب وهو مازال تحت التدريب هو 1500 ومع ازدياد الخبرة يزداد الراتب وتزداد فرصتة فالترقية وانا لم اكن اعلم ان تلك الخصائية تقوم بتفسيح الطريق لابنتها التي وجدتها في احدي مكاتب البيع وتخشي من ان يقوم بالتعيين من هو افضل منها فالمظهر والامكانيات التعليمية والحضور النفسي القوي انا لا اقول ذلك ليس من باب الحقد ع ابناء العاملين بالشركة فانا ان اردت العمل بمصرللطيران اقسم بالله مافي اسهل منة لانة سيأتي ايضا بالوساطة لكني غير مستقرة بمصر ولم تستهواني مصرللطيران بل انا انتمي لخطوط اخري حبا وعشقا لسفري ع متنها منذ نعومة اظافري ولكني اسعي للنيل شهادة واكثر ودبلومة واكثر من اجل اثراء معلوماتي في مجال السياحة والسفر حتي اكون مؤهلة لشغل الوظيفة التي احلم بها وحتي لايقال عليا ما الاحظة انا الان وانت والاخ العضوreda bond HR لم تمسوني بشيء يمس شخصيتي او يعيب في فلماذا لايرضيني كلامك انت وهو وان كنتم تنتمون الي مصرللطيران فهذا واجب عليكم في شركتكم ومن حقها عليكم الولاء لها وسببها الله لكم من اجل باب رزقكم اما انا فانا ادفع لمصرللطيران من اجل الاياتا وانقل مايجري بالواقع التوظيفي التعيني بكل صدق حتي انة لما تأكدت من رواتب الذين تعينوا حديثا نقلت لكم الارقام ووافقني الرأي تماما مستر reda bond HR انا فقط اتحدث عن تعيين الشخص الغير مناسب في مكان ما بمصرللطيران ويسعدني ان اعرف انة يوجد بمصرللطيران كوادر شابة تحتل اماكن هامة بدون وساطة ولكن هذا بالامر الصعب اما حكاية انة يوجد شباب اقل من اربع وعشرين سنة وياخذون 1000 الاف فالشهر وفمصر كمان دي بأة المحسوبية بعينها طيب مايعينوا عشر شباب ويدوا لكل واحد الف يعني هو البياخذ عشر الاف دة بيعمل اية يعني بيعدل المايلة مثلا؟ وانا ايضا ع اتم استعداد بالكشف عن هويتي بالمنتدي واسمي بالكامل واسم عائلتي ورقم سيارتي اة وبالمناسبة دي حتي ركنة العربية فقطاع التدريب الواسطة بتتحكم فيها؟؟؟؟؟؟؟؟ وفي النهاية لن اقول ان الاختلاف فالراي لايفسد للود اي قضية لاني غير مختلفة معك فالراي ولايوجد بنا اي وود انت موظف تنقل ماتجدة عندك باللوائح وتخشي ان تحتل الشائعات بالفهم الخاطيء في منتدي لامع كمنتدي خط الطيران وانا متدربة انقل ما اجدة بعين الواقع العين التي تري الامور ع حقيقتها وليس لي علاقة باي هيكل بالشركة ولم اتحدث عن اي كادر غير الكادر الذي يخصني والذي اختلطت بة اطول وقت ومصر للطيران جميلها ع عيني لانها تساعدني في الحصول ع اعلي مراتب التعليم في كاريري ولكن لايعني ذلك اني اكون غيرمدركة لما يحدث حولي كمان كلامي هذا ارجو الا يدفع بالشباب الباحث عن فرصة بالتعيين في مصرللطيرا ن لليأس لانة يوجد رب كريم اعلم بالنوايا وكل ماهو مقدر سوف نجدة حتما ولا انكر انة يوجد بين السبع موظفين الجداد اللي بالمكتب واحد نجح بعد اعلانين بدون واسطة وواحد تاني سقط وعاد الامتحان ولا املك فالنهاية غير الاحترام المتبادل والصراحة والمصداقية فيما اقول والله اعلم وشاهد علي ومصرللطيران بجد شركة محترمة ولها تاريخ لكن العيب يكمن في احتلال الوساطة جانب في اي كادر بها لابد من المناصفة في اتخاذ القرارات فهي قرارات مصيرية وانا بحاول من امبارح الاقتباس للرد لكن لا استطيع تظهرلي هذة الرسالة تقريرك لا يمكن معالجته لأنك قمت بتسجيل الدخول في الصفحه السابقة منذ تم تحميلها. رجاء عد للخلف (الصفحة السابقة) واعادة تحميل الصفحة السابقة. |
رد: مصر للطيران تحذف من قاموسها كلمة " واسطة "
للأسف يا برنيسيه مش قادر ادخل فى تفاصيل اكتر من كده
بس بجد أؤكد ليكى ان بحكم مكانى ... مع إحترامى لجميع من فى المنتدى بما فيهم المشرفين..... مفيش حد يقدر يكدبنى فى اى معلومه تخص الموارد البشرية فى مصر للطيران سواء فى الشركة القابضة او الشركات التابعه وكل اللى حضرتك بتقوليه عن الواسطه والاعلانات اللى بتنزل وبيكون اسامى الناس معروف من قبلها كدب مليون فى الميه وعندى استعداد اقول لحضرتك على سبيل المثال احنا نزلنا كام اعلان وخدنا كام واحد ... وكلهم من بره ممكن يكون فيه نسبه بسيطه منهم أبناء عاملين ولكن لا تتعدى الـ10% ودى حاجه متعيبهمش ان اهاليهم فى الشركة والارقام اللى بتقوليها عن المرتبات دى خيال لاننا فى الشركة عندنا حاجه اسمها الجداول الوظيفيه اللى بسكن الناس فيها على اساس المؤهل والأقدميه فى الدرجه وحساب العلاوات وحاجات تانيه مش عايز اشغلك بيها ... يعنى مش بندى مرتبات على اساس تقدير شخصى او ده قريب مين او دمه خفيف ولا تقيل وبأكد تانى نفسى تقتنعى ان اى معلومه تخص الموارد البشرية فى مصر للطيران لازم تاخديها منى امر مسلم بيه ومستعد اكشف هويتى لاى مشرف فى بى أم لو عايز وشكرى واحترانى للجميع |
| الساعة الآن 04:14 AM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.
