:: Flying Way ::

:: Flying Way :: (https://www.flyingway.com/vb/index.php)
-   الوظائف - Job, Employment, Career fairs (https://www.flyingway.com/vb/forumdisplay.php?f=62)
-   -   النهاردة كنت في مطار القاهرة (https://www.flyingway.com/vb/showthread.php?t=60381)

nony5178 15-07-2009 05:27 PM

النهاردة كنت في مطار القاهرة
 
انا خريج نظم ومعلومات وانجليزي بتاعى مش قوى
المهم النهارده رحت مطار القاهرة قلت اتقدم لاي وظيفه عندهم
رحت لمبنى الركاب 1 ومن الخلف من ناحيه الشمال الادارة بتاعت مصر للطيران
المهم لقيت سلم نازل لتحت نزلت لقيت
ادارة اسمها ادارة التعيينات
وناس قاعده على مكاتب كتير
سالت كام واحد كده عن وظيفه خاليه
قالي لا يا استاذ بص الوظايف اللي بنطلبها
بنزلها في اعلان جريده الاهرام بتاع يوم الجمعه
غير كده مافيش وظايف
قالي لو انت ليك حد قريبك موظف في مصر للطيران
تروح ادارة ابناء العاملين في مصر للطيران
وهم هيقوموا معاك باللازم حسب اهميه وظيفة قريبك في مصر للطيران

سؤالي كنت عاوز اعرف هل فيه مكان تانى في المطار اقدر اقدم له السي في بتاعي ؟؟
يقبل مؤهلي بكاروليوس نظم معلومات

ارجو الافادة وشكرا

milanoboy2010 16-07-2009 08:08 AM

رد: النهاردة كنت في مطار القاهرة
 
تابع يا اخى اعلانات الاهرام و ان شاء الله موفق و حاول تطور نفسك لاننا اصبحنا الان فى صراع و البقاء للاكثر مهارة و لكن ارجع اقولك الارزاق دى بيد الله وحده

keefa 18-07-2009 06:49 AM

رد: النهاردة كنت في مطار القاهرة
 
الحل هوه الكوسة انا زيك بالظبط بس الانجليزي بتاعي كويس ومعايا كورسات كتير واحب اعلق على الاخ اللي كاتب عن الصراع للاقوى ده كلام مش مظبوط البقاء بعد بقاء الله سبحانه وتعالى (للأكوس) حامل الكوسة!!!!!!!!

احمد الدمياطي 18-07-2009 09:26 AM

رد: النهاردة كنت في مطار القاهرة
 
انا زيكم خريج نظم ومعلومات والانجليزي بتاعي تمام ومعايا كورسات ومعايا شهادات خبرة وشغال حاليا بمصر للطيران ظابط حركة تحميل
بس احب اقولكم اشتغلت ازاي اصلا
انا عمي بيشتغل في مصر للطيران بدون ذكر منصبه بس هو منصب كبير
وانا لما جيت اتعيننت هو كان واسطتى هو اللي بعتنى ادرب على الشغل لمدة 6 شهور وبعدها بقى معايا خبرة جامدة لانى ادربت في نفس المكان اللي بشتغل فيه دلوقتى
وبعد ما خدت شهادة خبره اتعيينت بيها فورا وبرضو كان له الفضل في تعيينى مجامله لعمى
وانا مش مكسوف من انى اقول القصه لانى هو ده الواقع في كل مكان في مصر
معاك خبرة مش كفايه لكن واسطة تفوت في الحديد
وعلى فكرة كل حاجة بعملها بجيبلها واسطة
من اول التعليم لحد ما طلعت جواز سفر دفعت للاخ اللي طلعوهولي 30 جنيه حتى طلعت شهادات خبرة من بنوك انا اتصلا مشتغلتش فيها كله بالفلوس والواسطة

هيثم الطائر 30-07-2009 04:32 AM

رد: النهاردة كنت في مطار القاهرة
 
الله يعطيك العافيه اخى انت قولت اللى فى الكفايه شكرا لاداره مصر للطيران

diver_2010 29-11-2010 08:53 AM

رد: النهاردة كنت في مطار القاهرة
 
و الله يا صديقي العزيز انا حالي مثل حالك بس انا بقي كنت مصر انني اشتعل و روحت اكتر من 3 مرات بجد انا تعبت اوي .. و روحت المبني الأداري و الله كذا مره و كل مره اسمع نفس كلمتك انهم بيشغلوا ولاد الموظفين طيب وحنا ولاد ايه يعني ؟ .. مش عارف بجد تحس ان الشغل بنظام ديكتاتوري كل واحد ماسك قطاع في مصر خلاس بقي ملكه و يتحكم في البشر و الملك الأول و الأخير لله .. سيبها علي الله و حسبنا الله و نعم و الوكيل في اللي هما السبب في الفساد ده . و الحاجه اللي تضحك ان معظم اللي شغالين في مصر للطيران ابيض يا ورد في حاجات كتير في خبرات المجالات و اللغات .. و انا الحمد لله معايا 3 لغات و برضو لازم وسطه ... حسبنا الله و نعم و الوكيل بجد .


الساعة الآن 12:02 AM.

Powered by vBulletin® Version 3.8.11
Copyright ©2000 - 2024, vBulletin Solutions Inc.

حق العلم والمعرفة يعادل حق الحياة للأنسان - لذا نحن كمسؤلين في الشبكة متنازلون عن جميع الحقوق
All trademarks and copyrights held by respective owners. Member comments are owned by the poster.
خط الطيران 2004-2024