منع استيراد اي شيء يتعلق بهوايتنا
اخواني الاعزاء الاعضاء وغير الاعضاء اكيد ان اغلبيتكم يعلم ان الجمارك الان منعت دخول اي شيء يتعلق بطائرات التحكم عن بعد او كما يسمونها النماذج وايضا هناك الكثير منا من له طرد او اكثر تم توقيفه في جمارك المطار او رجع الى دبي رجائي هنا من الجميع دون استثناء التوجه الى النادي ومخاطبة مديره كما فعلت انا وبعض الزملاء او مخاطبة النادي هاتفيا للضغط عليهم لمخاطبة الجهات المختصة والمسؤوله عن وقف هوايتنا وتوضيح اللبس الحاصل كون ان المنع تم توجيهه للطيران الشراعي وليس للنماذج وان عليهم بذل مجهود اكبر للخروج من هذه المشكلة لان الكثير منا سيخسر الاف الريالات اذا تم اتلاف الطرود المحجوزة وهو شيء لا يقبله احد.
املين من المولى عز وجل ان يفك عنا هذه الغمه وان تعود المياه الى مجاريها وان يكفينا شر كل من يحاول تخريب هذا البلد الامين وتخريب هذه الهوايه علينا. ودمتم بكل الصحه والعافيه وهداة النفوس. |
هلا بك اخوي الغالي ...
الله يرجعلك الطائرات , ويرجع للجميع النادي , اامين ابشر والله يا اخوي من عيوني ,, وان شاء الله يسير الي فيه الخير ... اتمنى للجميع التوفيق |
إنا لله وإنا إليه راجعون ,,, حقيقة لازم نتصرف , ( نداء ) , يا مشرفي المنتدى ماذا تقترحون علينا ؟
وماذا يفعل من لديه أغراض سيتم إتلافها ؟ لاحول ولا قوة إلا بالله ( كنز من كنوز الجنة ) |
الزن أمر من السحر.. انا اشوف كل يوم نتكلم مع النادي.. نجننهم..
انا اليوم وصلني طرد بدون اي مشكلة.. اكيد صدفة وان شاء الله دايما الصدف حلوة.. |
ماشاءالله محظوظ ياحلبي انا معاك فى اى شئ تشوفه مناسب
|
اقتباس:
أنقل لك كلام أحد المشاركين في إجتماع صاحب السمو الملكي رئيس مجلس إدارة نادي الطيران السعودي والذي عقد الأسبوع الماضي مع مديري إدارات المدارس .. وأمر سموه بتكليف لجنة تضم مدراء المدارس لمناقشة الموضوع مع وزارة الداخلية وذلك بعد إجازة عيد الأضحى المبارك ... وكون الأمر صدر من وزارة الداخلية بخصوص الطيران الشراعي إلا أن هناك جهات أخرى أساءت فهم الأمر الكريم وأوقفت جميع إستيراد وتصدير المعدات المتعلقة بالطيران ، وأعني بذلك " الجمارك " !! |
الموضفين في الجمارك ليس لديهم التاهيل او الاستيعاب الكافي لمثل هذه القرارات, القرار واضح وصريح منع كافة انشطة الطيران الشراعي وش دخل طيرات الريموت كنترول والمشكلة انها فلين (الكهربائيه ) كيف اقدر اهرب عليها يعني مدة طيرانها يالله توصل 20 دقيقه يعني لازم اقطع العقم الاول والثاني عشان اجتاز الحدود انا اتكلم بعقليتهم. الا اذا كان فيه قرارات تمنع هذا النوع من الطائرات ولم يتم الاعلام عنها يعني بس موضفين الجمارك عندهم خبر هذا شي ثااااني بعدين بصراحه مافيه شي واضح انت تاخذ قرار وزارة الداخليه ولا قرار الموضف التعبان ولا كل واحد يحط قانون على كيف ماقول الا الله يعييين بس حتى الهوايه انحرمنا منهاا . |
كلامك يا اخوي rc hobby صراحه يعني صراحه في الصميم .. ولكن ما تقدر تسوي شي ... ولا حول ولا قوة الا بالله ...
الله يعين , والله ما تدري ايش تسوي ... الله يوفق الجميع.. |
حياكم الله اتوقع والله اعلم انه طيارات الفللين مافيها مشكله تجربه شخصيه الأسبوع الماضي ... وصلتني طياره بدون مشاكل https://www.hobbyking.com/hobbyking/s...54-Kit-EPP.jpg عاد يمكن تكون مصادفه او مدير الجمرك صار يعرفني من كثر الطرود ...؟؟؟ والله العظيم ياجماعه ان كل افراد جمرك مطار تبوك يعرفوني ..هههه المشكله في اخواننا في الجمرك يتصرفون كلا على عقليته وهواه ,,مافيه خط واضح الله المستعان فيه منهم ناس فاهمين وعارفين قدرات كل طياره ويعرفون اللي عادي يدخل واللي غير كذا والبعض مجرد يشوف شكل طياره على طول حجزها .. ان شاء الله تعود المياه لمجاريها في اقرب وقت |
المنع للشراعي ولكن المشكلة ان النادي الذي تتضللون بمضلته ومغلبين انفسكم بالاشتراك فيه سحب عليكم سيفون وراحت اشتراكاتكم هباء منثوراً
يعني الي محزني حتي اعضاء النادي النادي رفع يده وقاله مالي شغل فيكم مع العلم انه المفروض هوه الذي يحارب لرفع الحظر حتي لو بفسوحاتهم ولكن بعد ما زرفو قالو خلاص عجيب امرهم المنع حصل ويحتاج من سنة الي 5 سنين حتي يرفع وتذكرو ردي كويس |
اقتباس:
وشكرا لك يالمعلم على الخبريه الساره .. اامين اامين والله يعين الجميع ويفرج كروبهم .. اقتباس:
الله يعين جميع الهواه .. اتمنى للجميع التوفيق |
أنا مش فاهم ليش الجمارك مايمنعوا إلا الطيارة
غريييييييييب والله |
لبي قلب من منع له او دخلت أغراضه بالصدفه
خخخخخخخخ نبقي كما نحن مكانك سر عموما اقترحت علي بعض الزملاء ولم نجد الجديه منهم حب الاعتماد علي الغير والخوف من المواجهه كان سيد الموقف وتحياتي |
اقتباس:
احب اضيف اني كلمت النادي وقال الله يعين وان شاء الله يسير الي فيه الخير .. بالعربي مثل ما قال اخونا الغالي خالد الماستر ما راح تنحل تقريبا سنه الى 5 سنين .. وراح اتواصل اكثر باذن الله .. مشكوورين اخواني على التفاعل ... وش سار معك اخوي الغالي Mr.Joun ؟؟ ان شاء الله خير .. ( يا سامع الصوت ويا كاشف الكرب حل كربنا) اامين .. اتمنى للجميع التوفيق |
ابشركم فيه خطوة حلوة سواها واحد من الشباب وقريبا جدا ان شاء الله راح يرجع الفسح بكامل قواه زي اول واحسن.. انتظروا قريبا ان شاء الله وراح تسمعوا خبر حلو...
|
اقتباس:
تسلم والله الله يعطيك العافيه ما قصرت وجزاك الله الجنه على الخبر ... مشكور مره اخرى واذا تقدر وصل شكري الكثير للغالي الي سوا الخطوه ... ننتظر اهون من لا شي ... ومشكورين مره اخرى .. اتمنى لك ولكم التوفيق |
اقتباس:
|
اقتباس:
ما قصر والله محمد الغالي الله يعطيه العافيه , له فضل كبير لنا .. الله يجزاه الجنه ... وادعوا الله ان الاغراض تستلمها بسلام .. اامين والله ييسر الامور ويسهلها .. اتمنى لك التوفيق يالغالي |
اقتباس:
وراك ماخاويتنا لدبي وعلى فكرة دام انك صاحب شركة الايرباص ترا الايرباص ال 380 طلعت والله اي كلام ومقلب مطبات وتمايل ورجات عجيبه في هالطياره واول مره اشوف في حياتي طياره تتعدل بالردر في الهبوط بهذا الشكل وربي كانت تلف لف مو طبيعي بالردر مره يمين ومره يسار عشان يسنترها على المدرج حتى ان خويي الي معي والي مايدير عن شئ في الطران قال والله احرم اركب هادي الطياره مره ثانيه . وعن المحلات في دبي حق الطيارات كل الي زرتها خرطي مواد مو متوفره والاشياء لو موجوده غاليه فيول معدوم يالله لقيت جالونين نسبه 30 نيترو 5 10 20 مو متوفر الزيت كاسترول الي طلبته فول او سمي ساينثاتيك مو موجدود ولا يعرفة البائع اصلا اول مره يسمع فيه وسعر السيرفو ابو 3 دولار عند صاحبنا مستر هوبي كنج عندهم ب 60 درهم بطاريه ب 10 دولار يبيعونها ب 240 درهم يعني شغل خنبقه في خنبقه يعني بإختصار الهوايه في الوطن العربي مالها اي نصيب من الاهتمام ويعني لو انا مسؤل ليش اسمح لكم وليش اصلا افكر فيكم وفي العابكم الي ممكن تجر مشاكل علي لو سمحت لكم فيها هذا رأيي ولكلا رأيه الخاص به والاختلاف لا يفسد لمدري ايش قضيه |
الله يهديك ( تفألوا بالخير تجدوه ) الله يصلحك :infomilies0:
هي صح في مشكلة في الخليج بأكلمه هو انه عند خروج اي شيء جديد عالساحة لازم يكون هناك جشع عند :flowers:التجار لا اعرف لماذا, الحل الوحيد هو انه لوا كان في رجل اعمال ذو اخلاق عالية ومشجع لنفس هذا الهواية يفتح شركة خاصة بقطع الغيار.. وتكون اسعاره معقولة!!! في هذا الوقت سوف ينتهي جشع التجار زي ما يقولون ( كسر السوق ) في ناس كثيرة جداً تعاني من قوة وارتفاع الاسعار بشكل رهيب :icon_g3: - يشابه اسعار الذهب حقيقة !!!! ما ادري ممكن بتكلم في الأحلام الوردية زي مايقولون <<<<<:d3oh: |
اقتباس:
والله حتى اخوي كان في دبي امس وقبل 3 ايام .. اشترى هيلي 4 شنل وسيرفوات وتم دخولها من جمرك الرياض ايضا .. والحمد لله . وصراحه الاسعار عندهم نار مثل ما قال اخونا ابو نواف .. الله يعين الجميع .. اقتباس:
اتمنى لكم التوفيق ومشكورين .. |
اقتباس:
بخصوص كلام الحلبي يعتبر زي المسكن وبتجلسون كل يوم فتحت سمحو منعو فتحو سمحو فتحو فتحو منعو :icon_g3: لين تملووون الموضوع تعقد اكثر من اول لاهوه بيد النادي ولا بيد الجمارك وسلامتكم :icon_g3: |
[QUOTE=محمد كركدان;1141979]الله يهديك ( تفألوا بالخير تجدوه ) الله يصلحك :infomilies0:
هي صح في مشكلة في الخليج بأكلمه هو انه عند خروج اي شيء جديد عالساحة لازم يكون هناك جشع عند QUOTE] ويهديك ويصلحك ومين قال ان الهوايه جديده يبدو انك انت الجديد في الهوايه الهوايه موجوده في السعوديه من اربعين سنه والمحلات الي اذكرها في جده فقط كانت اربعه محلات وقفلوها من أكثر 15 سنه جماعتنا باختصار عندهم حساسيه من اي شئ يطير ومعهم حق لأن كل شئ عندنا يستخدم إستخدام سيئ وخير مثال عمليه التهريب بالشراعي الاخيرة خلونا نتكلم بصدق ونجد الحلول العملية مو بس كلام واحلام |
[QUOTE=esgh;1142137]
اقتباس:
انا اللي اعرفه ان الهواية لها وقت طويل وما اختلف معاكم لكن المقصود اغلب الشباب وبنسبة عالية ماعنده اي خلفية عنها فأول ما تعجبه الهواية يروح المحل عشان يشتري طيارة البائع يوم يشوفه جديد يشتغل عليه هذا مقصدي :icon_g3: اعرف الهواية من عمري 13 سنة<<<< وبالنسبة لموضوعنا في مشكلتنا انا اشوف لوا نرسل برقية لوزير الداخلية بتكون خطوة حلوة والطريقة بسيطة اللي موافق يرفع يده :infomilies0: لكن بتطول شوي هنا المشكلة لوا في استعداد بسم الله , نسويها بإسمنا بالكامل :icon_g2: |
اقتباس:
بالنسبة للاهتزاز.. لاتخليني افضحك قدام الناس واقول انك تخاف تطلع الطيارة.. ترا ياجماعه ابو نواف مايخاف الا من الله ثم الطيارات.. يوم كئيب عنده يوم ما يطلع طيارة لو الرحلة نص ساعة... ههههههههههههههههههههههههههههههه بالنسبة للاغراض. والله بناءا على كلام الشباب اللي راحوا المحل.. كلهم يمدحوا فيه.. شكلك رحت محل تاني او انه فيه في الموضوع إن... بالنسبة للزيت حق البنزين.. لقيت حل رهيب.. لقيت زيت عند SACO رهيب.. علبة صغيرة موزونة لمقاس الجالون... يعني بس تفرغها في الجالون اللي هو 3.78 لتر.. وقيمتها 3 ريال.. وشغالة زي الحلاوة.. بالنسبة للمنع وما الى ذلك.. يا خالد صدقني الموضوع راح يتم ان شاء الله.. ومو في خمسة سنوات.. اقل من كدا بكتير ان شاء الله.. خليك متفائل يارجل.. وعبدالله قال الموضوع الصح.. موظفين الجمارك كلا على هواه.. فيه ناس معقدة وجيل قديم.. اي شي فيه اجنحة يعتبر حرام بالنسبة لهم من باب التعقيد. في بالهم انهم يخدموا البلد هم ووجيههم.. وفيه ناس مثقفة ماعندهم مشكلة.. الجهل مصيبة.. كل عام وانتوا جميعا بخير.. |
اقتباس:
انا راح اجرب اشتري طائره صغنونه واجرب راح تدخل ولا لا ,,, والله يصلح الامر .. اامين اتمنى لكم التوفيق |
اقتباس:
وأنت بألف بخير وصحه وسلامه بلله احد ينسى رحلة :joystick:زهايمر مبكر ولا ايش وصراحه فعلا الطائرات ما احبها ولا اثق فيها الا اذا كانت من صنعي:celebrate16: بالنسبه للمحلات الي رحتها : مركز الهوايات والحمر الاول والله ماعنده سالفة مغلواني وكل شئ حاط عليه ممنوع اللمس والثاني يعني جيد في قطع الغيار ومبروك على الحل السهل والغير مكلف وخلنا نشوفك |
يا اخوان والله حرااام عليهم انا مشتري طائرة فلين باكثر من 600 ريال واول مرة لي اشتري طائرة
ومن اولها كذه غم والله شيئ يحزن والله حراام يارب يرجع كل شيئ... |
اقتباس:
|
الساعة الآن 10:37 AM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.