ودي أعرف اذا ممكن.....؟
الصراحه انا ودي اعرف شلون تهبط الطائره وشنو الاشياء الي يحتاجها الطيار في الهبوط يعني اذا في عمليه حسابيه(لاني سمعت ان فيه بس مادري شلون ) والجهاز الي يستعمله الطيار في الهبوط شنو اسمه وهل هل الجير ولا جهاز ثاني .........
والسموحه على الاسئله الطويله, أخوكم سعود -قطر |
مشاركة: ودي أعرف اذا ممكن.....؟
بسم الله الرحمن الرحيم هلا والله اخوي سعودأول شي الطيران بكل بساطة إما انه يعتمد على النظر ، واعني بذلك طيران طبيعي في الاتفاعات المنخفظة الى المتوسطة ، أو الاعتماد الكلي على طيران العدادات (instruments) فنبدأ على أنه طيران طبيعي للطائرات الصغيرة مثل السسنا و بعض الطائرات المروحية ، اللي تستخدم للتعليم الأولي لمراحل الطيران (ملاحظة يبي لك شوي صبر مع الشرح و ممكن يستمر ويتشعب كثير) أولا تعريف الطائرة (Aircraft) نبسطها بأنها جسم ذو حركة ديناميكية أثقل من طبقات الهواء و ممكن له أن يرتفع عن سطح الأرض. طيب كيف ؟ ؟ ؟ ؟ السبب هذا لشكل الأجنحة و تصميمها ليتغير الضغط الجوي المنساب على الجناح ، يعني راح يكون الضغط الجوي اللي فوق الجناح أقل من الضغط الجوي اللي ينساب تحت الجناح وهذي الصورة تبين السبب. يلاحظ أن القطاع العرضي لأجنحة الطائرات ذات الاجنحة الثابته بهذا الشكل ، مع أختلاف بالتصاميم. ويسمى بالانجليزية (Non simetrical aerofoil) يعني غير متسوي وهنا ملاحظة أن الهيلوكبتر تختلف. المهم مع القطاع العرضي راح نعرف أن الطائرة بعد ما تتحرك الى الأمام وأزدياد السرعة راح يكون الهواء اللي يمر تحت الجناح أبطء بالسرعة من الهواء اللي راح يمر من فوق الجناح.(لأن جزيئات الهواء راح تنقسم نصفين نصف يمر من فوق الجناح وراح يقطع مسافة أطول والنصف الأخر راح يمر من تحت الجناح وراح يقطع مسافة أقصر) والجزيئات هذي مثل ما انقسمت في وقت معين بعد أصطدامها بمقدمة الجناح واللي تسمى (impact point) سوف تصل إلى نهاية طرف الجناح في نفس الوقت. هنا فيه قانون فيزيائي اللي هو مع السرعة يقل الضغط. وهذا تفسير للي بالصورة ، الهواء المار فوق الجناح لدية سرعة أعلى من الهواء الذي يمر تحت الجناح إذاً الضغط الجوي فوق الجناح أقل من الضغط الجوي اللي أسفل الجناح. عند سرعة معينة كل طائرة تختلف بالتصميم وعرض وطول الجناح وكذلك بوزنها عن الطائرة الاخرى ، راح يكون الضغط الجوي اللي أعى الجناح يساوي صفر عندها ترتفع الطائرة عن سطح الأرض. والسرعة هذي يرمز له بـ (Vtoss) أو (V1). |
مشاركة: ودي أعرف اذا ممكن.....؟
اقتباس:
|
مشاركة: ودي أعرف اذا ممكن.....؟
بسم الله الرحمن الرحيم
مادري شلون اشكرك الصراحه على هالمعلومه الحلوه وماقصرت اخوي ابو ايوب والى الامام وبالتوفيق ....... أخوك سعود -قطر |
مشاركة: ودي أعرف اذا ممكن.....؟
واجب علينا اخو سعود وهلا فيك معانا وان شاء الله نستفيد من مشاركاتك
|
مشاركة: ودي أعرف اذا ممكن.....؟
يعطيك العافية يابو ايووووووووووب معلومة مفيدة
تحياتي لك |
مشاركة: ودي أعرف اذا ممكن.....؟
جزاك الله تعالى كل خير أخى أبو أيوب على المعلومات القيمة و تسلم .
|
مشاركة: ودي أعرف اذا ممكن.....؟
وهذا هو مبدأ برنولي.....
عندي سؤال أنتم طيارين أو عندكم خبرة؟ |
مشاركة: ودي أعرف اذا ممكن.....؟
اقتباس:
بالنسبة لي انا طيار - و فيه كثير من الأخوة بالمنتدى طيارين - أو لهم تخصصات بالطيران أو الطيران الشراعي أو من محبي و هواة طائرات (ر/ك) |
مشاركة: ودي أعرف اذا ممكن.....؟
أنا عمري 16 وعندي معرفه بالطيران عندي لعبة Flight Simulator 2004
وأنا فيها تماااام...... IFR=Instrument Flight Rules VFR=Visual Flight Rules V1,VR(rotate),V2 .....etc كيف ممكن أصير طيار تجاري؟ فيه فرصه؟ |
مشاركة: ودي أعرف اذا ممكن.....؟
ياهلا و سهلا فيك اخوي الكريم
طبعا فيه مواضيع كثيرة عن مدارس الطيران و الأكاديميات و الأندية موجودة في المنتدى https://flyingway.com/vb/forumdisplay.php?f=3 وبخصوص لعبة Flight Simulator 2004 ياليت تعطينا بعض الشروحات الموجودة عندك اذا امكن في قسم الطيران التشبيهي https://flyingway.com/vb/forumdisplay.php?f=20 |
مشاركة: ودي أعرف اذا ممكن.....؟
ابو ايوب اخي ما يصير هذا الصليب وشعب هذا البلد الصليبي يستهزؤن بالرسول الكريم (ص)
|
مشاركة: ودي أعرف اذا ممكن.....؟
اقتباس:
الرجاء المشاركة - غير واضحة لي ما المقصود من ذلك- إذا ممكن أكثر توضيح مشكوراً |
مشاركة: ودي أعرف اذا ممكن.....؟
جزاك الله تعالى كل خير أخى أبو أيوب على المعلومات القيمة و تسلم .
تحياتي لك يالغالي طيران الامارات |
مشاركة: ودي أعرف اذا ممكن.....؟
اشكرك اخوي ابو ايوب على هذه الايضاحات وهذا الشرح المبسط العميق في معناه
الله يوفقكم جميعا طيارين وهواه تحياتي |
الساعة الآن 11:42 AM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.