رشي الرومي: بعد اقناع المجلس الاعلي لحاجة الكويتية لطائرات اخري تم السماح لنا بالتفاوض مع بوينغ
 

عقد اجتماعاً تفصيلياً أمس برئاسة وزير المواصلات.. دام 3 ساعات

الموافقات تتضمن تدبير التمويل وسلامة الإجراءات القانونية والجدوى الاقتصادية

رشا الرومي قدمت للمجلس عرضاً مرئياً وأكدت الحاجة لانجاز الصفقة

كتب سامي وادي:
عقد المجلس الاعلى للطيران المدني برئاسة وزير المواصلات، عيسى الكندري، امس اجتماعا لبحث طلب شركة الخطوط الجوية الكويتية الاذن لبدء التفاوض مع شركة «بوينغ» الامريكية لشراء 10 طائرات من طراز «B777-300ER.».
ووفقا لمصادر «الوطن» فإن المجلس اعطى الضوء الاخضر للتفاوض مع الشركة الامريكية بعد توافر مجموعة من الاجراءات الواجب استيفائها.
واستعرضت المصادر الاجراءات المطلوبة من قبل المجلس حيث شملت موافقة الحكومة وتدبير التمويل اللازم، وسلامة الاجراءات القانونية وتوفر الجدوى الاقتصادية.
واشارت المصادر الى ان رئيس شركة «الكويتية»، رشا الرومي، قدمت عرضا مرئياً للطائرات المستهدف شراؤها لتوضيح مدى حاجة الشركة لهذا الطراز حتى تمكن من تحقيق حلم الطائر الازرق واستعادة مكانته الريادية في المنطقة من حيث تقديم منتجات وخدمات راقية في الجو والارض للمواطن الكويتي وغيره من عملاء الشركة.
وعقب الاجتماع قام وزير المواصلات بصحبة مدير عام الادارة العامة للطيران المدني ومسؤولي الجمارك و«الكويتية» بجولة تفقدية في المطار.
يشار الى ان الاجتماع الذي عقد امس دام اكثر من 3 ساعات وتطرق لقضايا مالية واستثمارية تخص «الخطوط الكويتية».
حضر الاجتماع من «الكويتية» بالاضافة الى رئيس مجلس الادارة والعضو المنتدب رشا الرومي كل من مدير دائرة العمليات والخدمات الارضية الكابتن عبدالمحسن الفقعان، ومدير الدائرة الهندسية المهندس عبدالله الشرهان واعضاء لجنة شراء الطائرات، ومدير الدائرة القانونية طلال الشمري، ومساعد المدير العام للقطاع التجاري فيليب ساندرز.

https://alwatan.kuwait.tt/mobile/mart...aspx?id=385944

اخوي dreamliner

زيادة الخير خيرين ولو اني كنت اتمني ان تكوت b777x لاكن حسب المصادر ان الكويتية حصلت علي صفقة البوينغ بسعر مغري جدا جدا ثانيا فترة التسليم قريبة في عام 2016 اهم هاذي ميزة ثانية ولاتنسي الايرباص 350 راح توصل في عام 2019 فترة بعيدة علعموم 10 b777 راح تحدث نقلة نوعية بالخدمات ووجهات الكويتية كما ذكرت الرومي سيتم زيادة رحلات لندن لتصبح رحلتين يوميا وكذلك نيويورك لتصبح يومية بالاضافية الي وجهات جديدة منها تورونتو كندا ولوس انجلس وبوسطن في امريكا كل هالامور مع وصول ال b777 الجديدة انشاءالله

350 لكي تحل محل 340 و772 القديمه و 330 المستأجره من ايرباص الحاليه اما 773 فهي للتوسع (هذا مجرد ظن )وربما سيجدول تسليمها على 3 سنوات او 4
اتمنى للكويتيه ما اتمناه للسعوديه من خير وتقدم لعراقتهما وغناهما بالكوادرالوطنيه المؤهله واللتي تحتل مراكز القياده فيهما

كل التوفيق للكويتية

مطار الكويت مافيه شي مصنف 4 نجوم من 5 والشي الثاني مالها علاقه ف القطريه ك مثال عنك تعتمد علي الترانزيت وتوها تفتح مطارها بعد 10 اسنين انتظار و المطار القديم لا حدث ولا حرج

تدري شنو مشكله بعض الكويتيين انه على كثر ما تعطيهم من خدمات و اقتصاد والخ شعب ما يشبع ولا يترس عينه شي

اول شي قلتوا ما يشرون طيارات ومادري شنو لما شرو ماعجبكم وقلتوا خساره نبي مطار ولما بيسوون مطار مو غريبه تبون جزيره صناعيه وفيها المطار و قطارات تحت البحر !!

كلامك كلة عدل القطرية قبل افتتاح مطار حمد كان مطارهم صغير حتي مافيه خراطيم تركب الطيارة اباص مع ذلك شوف الوجهات وركاب الترانزيت الكويتية والله الحمد لديها عدد ركاب جيد من الجالية الهندية لرخص سعرها فلاتخافون نطرو بعد خمس سنين وشوفو الكويتية وين بتوصل واعتقد مطار الكويت راح يخصص بوابات يعني مبني صغير للكويتية مثل ما سوت الجزيرة بس مسالة وقت

واللله ودنا تكون الكويتيه من افضل الخطوط في التقدم والتطور ..بس محتاجه سمعخ لان سمعت الخطوط الكويتيه جدا سيئه واساطيلها معروفه انها متهالكه وقديمة ومافي دقة بالمواعيد وكل شوي متأخره الرحله ولا كل شوي في عطل غير الواسطات الللي في كل صوب لمم تسأل احد تقوله شنو اسوأ خطوط بيقولك الكويتيه ..الشركات الخاصه احسن الجزيره والوطنية سابقا

معليش سالم.. يالحبيب
عن اي خدمات تتكلم؟ حاليا يعني؟ بالله في عندنا خدمات؟ تدري انا لمى اصل الكويت استغل تاكسي للوصول الي بيتي بدل مواقف السيارات والطلعة منها بعد ساعة عالاقل؟
تدري لمى اسافر اروح قبل 3 ساعات من موعد الاقلاع لزوم الزحمة اللي تصل لخارج المطار احيانا تخبرها؟
تدري ان مطارنا من أسواء المطارات بالعالم اللي للأسف زرتها. انا زرت مايقارب 30مطار بالعالم .. من المكسيك مرورا بأمريكا وحتى مطارات لندن والدار البيضاء والقاهره وشرم الشيخ الي تركيا فدول الخليج مع الشارقة اتكلم..والي شرق اسيا ماليزيا وتايلند..وغيرهم.
لم ار مطار مثل التنظيم بمطار الكويت .. موضوع السفر جميل صحيح لكن ان تبدأ الرحلة من مطار الكويت وتنتهي في مطار الكويت حكاية لايعلم بها الا الله ومن شاهدها بعينه. عن اي خدمات تتكلم؟ عليك الله قولي؟ السوق الحرة اللي مافيه صحف ومجلات؟ او المطعم الوحيد؟
ابشرك.. شفت الطيارات اللي تقولون؟ الي حد الان لا اصدقها.. فمترو الكويت مفروض هالايام يبدأ تنفيذة ومطار الكويت مفروض يبدأون العمل به عام 2012 يقولون وحسب وزارة الاشغال.
ياحبيبي الكويتيين زهقوا من الكلام.. نبي افعال دون اعلام وتطبيل والخ..مال داعي تكثر حجي اشتغل وورينا شطارتك.
يعني كل دول العالم افضل منا؟ بالعقول؟ ولا الفلوس؟ ولا ايش؟ ترا قطر مطارهم بالبحر..يعني دفان وبنية تحتية واساس من جديد الخ.. 7 سنوات اظن .. راضيين يبا بمطار بعد 10 سنوات بس بلش. انجز. ولو يتركون عنهم الحرامي اللي خبرك مقاول الدولة علشان مايسوي لنا مدارج غير مأهله لهبوط الطائرات او مدارج لاتصلح للأستخدام او المبنى لايحتمل لزوم اعادة تأهيل المشروع وادفع من جديد يالحكومة.
لاتنسى ان مطار الكويت لازم مرتين ثلاث سنويا تطفي الكهربا على المسافرين.. والتكييف حدث ولاحرج ولاتنسى وهذا المهم ان البلد نفطي.. يعني الفلوس تدر ودون ملل ولا كلل 24 ساعه الخير واجد لكن الافعال تلش.
ياخي الكويتيين شافوا الغربال من كثر الكلام ومع كل تطبيل لزوم تشوف تعليقات ع قولتك مايبون ولا ماينفع معاهم .. لا هم عارفين ان الدعوة كلام في كلام.
تقبل تحياتي

كلام كثير جدا

ردود جميلة خصوصا من اخواني دريم لاينر ومحمد العجمي
الطيران في الكويت يحتاج الى فن ادارة واستثمار كبير قبل كل شئ
ايضا المشاريع تحتاج الى انجاز ومحاسبة ورقابة

ودي

انا قبل امس سافرت علي من الكويت الى لندن علي متن الكويتيه طبعا و شفت التوسعه اليديده فتحوها فيها قهاوي و قاعتين يم البوابات لمسافرين الدرجه الاولي ورجال الاعمال

سالم تقصد التوسعة الي افتتحوها من سنة وحتي القهاوي اذا تقصد ستاربكس وبنكبيري وبوتبيلي هذيل مفتتحينهم من زمان ولا فية بعد غيرهم؟

لااا وين خبرك عتيج اي اعرفها ردهه المطاعم شحلاتها لا اقصد الي صوب بوابه 26 افتحوها طال عمرك من فتره اذكرها قبل عقب سكروها لمده سنه عاد قبل جم يوم شفتها مفتوحه لان انا اسافر وايد شهريا تقريبا حلوه و ووسيعه و تصلح حق الشتى الشمس تدش من كل صوب دافيه و فيها viewing area 👌👍 يبا ماعليك والله مطارنا تغير مو مثل قبل و اكثر مطار شفت فيه مطاعم بحياتي بانواعها صراحه

وااااااااااااو شوقتني والله ياسالم احلي مطار بالعالم مطار الكويت الكل يقولي طاع هاذا من صجة بس والله كل شي بمطارنا حلو فية مول قبل الجزاوات كل الي تبية متوفر والي احلي الاستقبال مشالله تقول جمهور مستقبلك ههههه والله اتحسف علية اذا خلص المطار اليديد وصكو القديم علموم الله يهنيك بسفراتك ويكثرها يارب

اكثر مطار شفت فيه مطاعم اسمحلي شكلك ماشفت مطارات هونغ كونغ وسنغافورة لأنك لوشفتهم راح تعطي اكس لمطار الكويت
انا سافرت كم مرة للكويت المطار عادي

رحت سنغافورة مطارهم روووعة لاكن مطار الكويت مشالله واايد اشياء فية رغم صغر حجمة اعطيك مثال فية 3 ساتاربكس فية قبل الجوازات و مكان الوصول الي ستقبلون فية وكذلك عند البوبات وبنك بيري له فرعين يعني مشالله كل زاوية فيها مطاعم وكافيهات عمري مامر علي مطار جذي وكذل مول المطار قبل الجوازات عطني مطار فية مول قبل الجوازات ؟؟ اخوي شكلك كنت زاير مطارنا قبل عشر سنين

لا رحتلهم ولكن انا اقصد المطاعم ب انواعها مطار الكويت حتى قهوه شيشه متوفره وبعدين اهو مجرد توضيح مطار دبي فيه اكثر ك عدد مطاعم بس مطار دبي 4 تيرمنالس يعني في فرق مثل ما تفضل كويتي بايلوت

يمكن انت منزمان مارحت مطار الكويت عقب التوسعه صار كبير و فيه 4 قاعات على ماظن

بالنسبه حق المول اللي قبل الجوازات هذا مو تابع للمطار
هذا يملكها حمد 😉

اخوي مطار الكويت قبل الترميمات وتحديث الديكورات كان ايب الهم عتيييح هههههه بس الصراحة من حدثوة انا انصدمت صار يليق بسمعة الكويت وهاذا مو معناته انة مانبي مطار يديد لا بالعكس نبي عشرة لا كن ادارة المطار شغالين صح كل مااسافر الاقي شي متغير منها قاعات الدرجة والاولي ورجال الاعمال تم تحديثها وتم اضافة عدد من المطاعم والكافيهات اول نتفشل اذا احد نزل ترانزيت لاكن الحين مشالله مطاعم كافيهات حتي قاعة لركاب الترانزيت توها فتحت شي عجيب وكذلك تحديد المبني من الخارج اول كان ماساة لا كن الحين من برة تقول توة مفتتحينة يعني الحمدالله فيك تحسن ملحوظ وانشالله القادم افضل وافضل

صحيح في اهتمام وااضح و ملحوظ حتي الموظفين مو مثل قبل صارو اكثر انضباطيه

ياجماعه احنا نتكلم عن مطار في دوله غنيه مستواه مثل مستوى مطارات دول فقيره
للاسف مطارنا صغير وفاشل