السلام عليكم ورحمة الله وبركاته

اخواني وخواتي بغيت معلومات عن كلية الافق اللي فالعين فدولة الامارات واللي ادرس طيران..
عندي مجموعة اسئله وياريت اللي يعرف شي يفيدني الله يكتبله فميزان حسانته

1- كيف هي الدراسه فالكليه؟مختلطه؟
2- هل يقبلون علمي ولا ادبي؟
3- هل يصرف راتب شهري في فترة الدراسه؟
4- هل رسوم الدراسه للمواطنات مجاني؟
5- بعد الدراسه هل الوظيفه مضمونه؟
6- وشو عن الامتيازات؟
7- هل الدراسه والوظيفه مناسبه للبنت؟

يريت اللي تدرس اهناك او تعرف حد من البنات يدرسن اهناك تخبرني حابه اتواصل وياها عشان اتعرف على الكليه اكثر

لاني دخلت موقع الكليه ومافهمت شي

Horizon International Air Academy

أكاديمية هورايزون لتدريب الطيران
تخصصها في التدريب على الطائرات العمودية - هيلوكبتر
الأمارات العربية المتحدة - مدينة العين
ت/ 7855550-3-00971
الموقع على الويب
https://horizonuae.ae
نوع الطائرات المتوفر التدريب عليها: بل 206

والان أدخلوا طائرات مروحية خفيفة

وهي لدراسة وتعلم الطيران - تعليم عملي
لا يصرف رواتب - لأن الدراسة تكون على حسابك الخاص
الثانوية العامة ومايعادلها.
لا يوجد ضمانات للتوظيف

المشاركة الأصلية كتبت بواسطة شيخة زماني (المشاركة 377098) مشكور اخوي عمر على المعلومات بس انا من مواطني دولة الامارات وسمعت انه في رواتب ففترة الدراسه وبعد الدراسه بشتغل فطيران الاتحاد يريت حد يفيدني اكثر

المشاركة الأصلية كتبت بواسطة شيخة زماني (المشاركة 377062) السلام عليكم ورحمة الله وبركاته وعليكم السلام ورحمة الله وبركاته اخواني وخواتي بغيت معلومات عن كلية الافق اللي فالعين فدولة الامارات واللي ادرس طيران.. عندي مجموعة اسئله وياريت اللي يعرف شي يفيدني الله يكتبله فميزان حسانته 1- كيف هي الدراسه فالكليه؟مختلطه؟ الدراسه تكون جزء منها نظري والجزء الاخر عملي ومدتها تقريبا سنه ونصف السنه اعتقد انها مختلطه بحكم قلة البنات 2- هل يقبلون علمي ولا ادبي؟ كانوا يقبلوان علمي وادبي واعتقد الان نفس الشي 3- هل يصرف راتب شهري في فترة الدراسه؟ اذا كنتي احد طلاب طيران الاتحاد فطيران الاتحاد يصرف عليج كدراسه وراتب شهري قدره 6000 درهم 4- هل رسوم الدراسه للمواطنات مجاني؟ مجاني اذا كنتي من طرف طيران الاتحاد وبرسوم اذا كنتي تدرسين على حسابج 5- بعد الدراسه هل الوظيفه مضمونه؟ ان شاء الله مظمونه اذا كنتي من طرف طيران الاتحاد 6- وشو عن الامتيازات؟ والله ماعندي علم عن الامتيازات ولاكن متاكد انها قويه 7- هل الدراسه والوظيفه مناسبه للبنت؟ اذا ماعندج مشكله كل يوم تسافرين لدوله ان شاء الله مناسبه على فكره في بنتين يدرسون في كلية الافق تبع طيران الاتحاد يريت اللي تدرس اهناك او تعرف حد من البنات يدرسن اهناك تخبرني حابه اتواصل وياها عشان اتعرف على الكليه اكثر لاني دخلت موقع الكليه ومافهمت شي

المشاركة الأصلية كتبت بواسطة شيخة زماني (المشاركة 377492) co 2 مشكور اخوي يزاك الله كل خير ريحيتي كنت شاله هم الدراسه الله يريحك دنيا واخره سجلت فالموقع والحين انتظر شو؟! الحين تنتظرين لين شهر واحد وهم بيتصلون فيج او بيرسلون لج ايميل ولا لازم اسير اراجعهم؟ طبعا بيرسلون لج مسج على الايميل او بتصلون بج عبر الهاتف وشو عن السكن انا مب من العين ولا أبوظبي من اماره ثانيه والله على حسب ما اعتقد انه السكن على حسابج هل بيخصمون من راتبي الشهري للسكن؟ في هذي الحاله اعتقد انه من الراتب تستاجرين واذا كلامي فيه نوع من الخطا ان شاء الله الاعضاء بيصححون معقوله مدة الدراسه سنه ونص؟ نعم سنه ونصف السنه وتكونين كبتن باذن الله وشو هي متطلبات الكليه؟ من امتحان توفل ورياضيات وفيزيا؟ لازم تكون لغتج الانجليزيه تمام والرياضيات والفيزياء بعد تمام اذا تبين نصيحتي ادخلي اي معهد وقوي لغتج الانقليزيه وراجعي مواد الرياضيات والفيزياء حق الثانويه عندج وقت لين شهر واحد تسوين فيها اشياء ومشكور اخوي بتعبك وياي لا افا عليج نحن هنيه نساعد بعضنا البعض

المشاركة الأصلية كتبت بواسطة شيخة زماني (المشاركة 378499) مشكور اخوي بس بغيت اسال عن الطول انا الحمدلله طولي اوكييه 165 اعتقد 165 هذا ادنى حد وان شاء الله يقبلونج بس بشرط يتناسق الطول مع الوزن ووحده من الاهل تبا اتسجل وياي طولها 152 قصيره وايد واعتقد ما تنقبل وشو عن النظر؟ النظر لازم كون 6/6 واذا كنتي تلبسين نظاره لازم بالنظاره يكون تمام هل يتغاضون عن هالاشيا؟ في بعض الاشياء ما يتغاضون عنها وبغيت اسال عن لبس الطياره كيف؟