|
ممكن مساعدة
هاى كيفكم اتمنى انكوا تساعدونى لانى ببدأ من دلوقتى اتعلم كروسات تانية علشان ادخل معهد الضيافة الجوية بس حبيت اقولكم شوية حاجات تقوليلى ممكن اقبل ولا لا وانا من مصر اولا انا لسة فى ثانوية عامة بس فى مدارس عادية و انا اسمع ان لازم مدراس لغات و جامعات امريكية بس الحمدلله انا واخدة كورسات انجلش و فرنش و perfect فيهم وان شاء الله لسة هاخد اسبنش او المانى يبقى كدة معايا 3 لغات وكنت عاوزة اعرف لما ادخل جامعة لازم تكون كلية محددة مثلا تكون انجلش لانى ان شاء الله ناوية على صيدلة او السن او لغات و ترجمة وبالنسبة للطول مش عارفة بصراحة لان طولى 150 بس متناسق مع الجسم الحمدلله وغير كدة انا محجبة وبالنسبة للكشف الطبى ممكن اعرف بيكون ازاى بالظبط ياريت تقولولى الحاجات الى قلتلها دة ممكن يقبلونى بعد كدة ان شاء الله ولا لا :violent6: عشان متعبش نفسى و فى الاخر تجيلى صدمة:hilarious: |
رد: ممكن مساعدة
اقتباس:
دا اولا ثانيا بالنسبة للطول والوزن يعنى لو تعرفى تطولى شوية يبقى كويس طبعا مش صعبة لان الطول بيزيد مع السن وحضرتك بتقولى فى ثانوية عامة يعنى تقريبا سنك 17 او 18 سنة ونمو الطول بيوقف عند 21 فلسة ممكن تطولى كمان فدى ان شاء الله مش عقبة والوزن طبعا بتظبطية ودا سهل جدا اما لدراستك انسى بقى انك كلية اية ومدارس اية وكل الحوارات الفاشلة دى اللى يهمهم فى النهاية بتتكلمى كام لغة كويسة ولا لا بس الاهم من كل اللغات دى هل الاسكينز كويسة النطق متناسق لانك ممكن تلاققى واحد بريفكيت انجليش بس فى الكتابة او السمع انما الكلام لا فدى نقطة مهمة وكمان بتقولى معاكى انجليش وفرينيش ممتاز وناوية تاخدى اسبنيش والمانى ممتاز جدا ممكن ساعتها تشتغلى فى مصر الطيران مع انها ابتديت تقدم خمور على الرحلات الاوروبية ولكن ممكن ساعتها تشتغليى فيها فكل دا كويس موهلاتك ممتازة جدا ادخلى المعهد وان كان مالهويش فائدة قوى لانك هاتتعلمى كللللللللللللللللل دا فى الشركة اللى هاتقبلك ان شاء الله بس نصيحة صغننة جدا بلاش اسبنيش انا عملت زيك وادرست اسبنيش ولكن للاسف طلعوا طالبين ايطالى اكتر فادرسى ايطالى والمانى وعلى الحجاب تقدرى تقدمى فى الخطوط الجوية السعودية بتقبل محجبات وبالتوفيق |
رد: ممكن مساعدة
اهلا بيكي يا مرمريه معانا في خط الطيران وزي ماقالك اخي محمد زيدان فعلا انتي محتاجه تطولي شويه ياقمر لان اقل طول لشركات الطيران 156 بالنسبه لباقي مؤهلات اللغه عندك فهي كويسه جدااا بس في اضافه بسيطه طبعا في بعض الكليات بتبقى ليها الاولويه في العمل كمضيفه طيران مثل كليات اللغات مثل اللسن او اداب انجلش وفرينش وغيرها وكذلك كلية السياحه والفنادق وربنا يوفقك ان شاء الله وبالنسبه لمعاهد الضيافه هي هتديكي اكسبيرينس ويكون عندك منها خلفيه عن الشغل وفي بعض الشركات بتنزل ليها مخصوص لكن هي لاتضمن لكي التوظيف واتفضلي ياقمر الرابط ده هيفيدك في استفسارك https://www.flyingway.com/vb/showthread.php?t=60254 |
رد: ممكن مساعدة
ميرسى اوى يا محمد زيدان و جوجو بجد رفعتوا من روحى المعنويه :_);
بس الطول مشكلة لان بابا اصلا مش تطويل وانا طالعة زية:ANSmile29: |
رد: ممكن مساعدة
اقتباس:
عموما العبى سلة او طايرة انا باتكلم جد والله بجد بياثروا على الطول وفى النهاية اللى مكتوبلك هاتشوفية اكيد بالتوفيق |
رد: ممكن مساعدة
الحمدلله انا ولا بلعب دة ولا دة ولا بحبهم اصلا انا بحب اللعاب كرة قدم اوووى :mic-me: وسباحة:mic-me: وميرسى على اهتمامك ومرورك |
رد: ممكن مساعدة
اقتباس:
بردة كويسة وبتطول العبيها فترة وان شاءء الله هاتطولى الحبة دول يا سيتى دول كام سنتيمتر صغيرين البسى كعب وتطولى وخلاص ههههههههههههه بالتوفيق |
طب والسباحة لازمة للضيافة ؟
|
| الساعة الآن 09:34 PM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.
