:: Flying Way :: - محتااااااج لكم ضروري ياعضاء منتدى خط طيران

أعزائي الكرام
الحقيقة انا الن موجود في جنوب افريقيا وسوف ارجع الى جدة في 18 ديسمبر يوم الخميس
وقد زرت اكثر من 7 اكاديميات تعليم الطيران هنا وكلها سيئة للغاية ما عدا وحدة عجبتني جداً واسمها

AFRIKA UNION AVIATION ACADEMY
www.auaa.co.za

وتقع هذه الاكاديمية في مطار مدينة اسمها مفكينج MAKIKENG وهذا المطار عن نفس المدينة هاذي حوالي 13 الى 15 كلم.
ومفكينج مدينة صغيرة مثل مدينة ينبع الصناعية والامن فيها مستقر يعني امان بالليل.
تقدروا تشوفوها على جوجل ايرث.
وبالنسبة للمدينة ككل (مفكينج) تبعد عن جوهانسبورج حوالي 300 كلم في الشمال الغربي يعني ما في غلبة ولا شئ مجرد ما توصل مطار جوهانسبروج تركب طيار الى مطار مفكيج اللي فيه الاكاديمية (الاكاديمية تقع في نفس حرم المطار).
الاكاديمية ممتازة جداً وتتكون من مجموعة مكاتب الادارة (مبنى واحد) ومجموعة الكلاسات الارضية (برضوا في مبنى واحد) وهنقرين اثنين (مكان كراج الطائرات) ومبنى الادرايين (سكن العاملين بالاكاديمية) ومبني الطلاب (سكن الطلاب) ومبنى الخدمات (المطعم+الصالة الترفيهية).
وطبعا هناك حرس من الحكومة (مثل الحرس الوطني) يقوم بحرس المطار والاكاديمية.
صاحب الاكاديمية Mr. ALLAN رجل محترم جداً ومتعاون لأبعد درجة هو وزوجته Mrs. JANET حيث انهم استضافوني عندهم وعيشوني جو الطلاب واعطوني غرفة خاصة مع الطلاب وجلست في الاكاديمية 3 ليالي واتعرفت على الطلاب والمدربين وعملوا لي حفلة باربكيو (شواء ) على شرفي.
وبرضوا مدير الاكاديمية عزمني في بيته بالعربي فلة.
المهم
اسباب محبتي للاكاديمية........كالتالي:
1- الاكاديمية كبيرة ومرتبة ونظيفة (مقارنةً بالباقيين نجفة).
2- قلة عدد الطلاب حيث عددهم حوالي من 13 الى 15 طالب بس.
3- توفر المدربيين (يعني خلينا تقول من 5 الى 7 مدربيين فل تايم) غير طبعا البارت تايم.
4- وفرة الطائرات (عددها الاجمالي حوالي تقريبا 15 طيارة) وكلهم حالتهم ممتازة ويعملوا لها الصيانة الدورية.
5- عندهم اصغر طيارة سيسنا 172 وعندهم بارون والموني والبتش كرافت وعندهم وحدة جت انجن الزبدة مرة كثير بالنسبة لعدد الطلاب (بالعربي كل طالب معاه طيارة متى ما ينبغى يطير يروح يطير ولا زحمة ولا شئ اسمك سرى ولا شئ ) المدارس الباقيين تلاقوا عدد الطلاب 25 الى 40 طالب وتلاقي عدد طياراتهم الاجمالي 6 الى 10 طائرات بس.
6- صاحب الاكاديمية خبرة خبرة خبرة تتعب تقول خبرة حيث انهم طار اكثر من 15 الف ساعة طيران زي ما شفت بنفسي في اللوج بوك حقه. وايضا مصرح من قبل (منظمة الطيران المدني في جنوب افريقيا + وايضا من منظمة الطيران الفيدرالي الامريكية) ومخول بعمل كافة الاختبارات واعتمادها للطلاب او حتى للمدربيين.
7- يحق للطالب دفع المبالغ اللي عليه بالاقساط (يعني تدفع كل ما تطير ) وذلك لحفظ حقوق الطلاب ومتى ما بغى الطاب الانسحاب يقدر يتوكل وفلوسه في جيبه (عكس المدارس الباقيين)
هاذا اللي انا فاكره لغاية الان

وجلست مع الطلاب ولقيت ان اكثرهم جو من اكاديميات من جنوب افريقيا وسألتهم عن الاسباب قالوا التعامل السيئ اللي شافوه هناك من الناحية النفسية والمادية وهما الان مرتاحين جدا جدا هنا.
عالعموم
نتكلم عن التكاليف:
28000 الف تقريباً دولار امريكي بيها تأخذ الثلاثة رخص مع الملتي انجن شاملة الكتب وكل شئ بالاضافة الى 200 ساعة طيران فعلي.
السكن: 5000 راند افريقي (تقريباً 450 دولار امريكي) شاملة الوجبات الثلاثة مع خدمة نظافة الغرف وايضاً مع غسيل الملابس.
وبالنسبة للمصاريف الاخرى ما في اي مصاريف اخرى حيث اني انا بنفسي جلست عندهم 3 ليالي كاملة وما صرفت 50 دولارامريكي على بعض(وانا اعتبر سائح في هذه الفترة يعني مش طالب لأن الحسبة تختلف اكيد تطلع اقل).

الشهادات اللي يعطوك اياها هي CAA.
وانا اتفاهمت معاه على وضع الطلاب السعوديين والجاكا وقد قمت بتنسيق موعد مع كابتن تومي اللي في جدة عندنا واتكلمنا مع بعض(هذا الكلام انا وكابتن الن صاحب الاكاديمية وكابتن تومي) لانو اصلا جاني من جنوب افريقيا الى جدة ترانزيت قبل ما انا اروح عندهم الان وجلس في جدة يوم واحد.
وقمنا بالتفاهم وقام كابتن تومي طلب منه بعض الاوراق وراح اجيبها معايا وانا جاي واعطيها لتومي.

زبدة الكلام لاني تعبت من الكلام الاكاديمية ممتازة وانا شخصيا نسقن معاه اني ابدأ دراستي بعد شهرين من الان لاني مرتاح نفسياً وهذا اهم شئ
لاني جين هنا ولفيت زي ما قلت على اغلب الاكاديميات اللي بجنوب افريقيا والحمدلله وقع الاختيار على هذه.
واخيرا لا تحسبوني اسوق للاكاديمية سعياً وراء المال لا والله اني بس ابغى المصلحة العامة.
لا كمان اتفاهمت انه لو بيجوا اكثر من طالب معايا قال رايحين ننزل في السعر او نعطيكم بدالها ساعات طيران اضافية مجاناً.
المهم تقدروا تشوفوا الصور حق الاكاديمية من خلال صفحتي اللي بالفيس بوك

www.facebook.com
OMAR M ALMEHDAR

واي خدمة انا حاضر وجميع الاوراق معايا موضح فيها كل شئ وايضا معاي جميع الكتب اللي بيدروسها هنا التابعة للـ CAA
وبالتوفيق