|
ترقية ماتور بروشليس ارجوا الافادة
السلام عليكم ورحمة الله وبركاته وكل عام وانتم بخير والشهر عليكم مبارك الاخوة الكرام انا عندي الطيارة هذي https://www.hobbycity.com/hobbycity/s...ess_w/_4_Servo واثناء تركيبها ووزنها وتجربتها وتشغيلها انفكت العجلة الاماميه فبالتاكيد ظربت المروحة بالارض وانكسرت (شوف الحظ):iconloli: لكن مو مشكله عندي مروحة اسبير المشكله تكمن ان شافت الماتور او عمود الماتور الذي تركب عليه المروحة انحنى تقربيا 3 درجات واصبح بالطبع غير مستقيم فخقت اطيرها لان اعتقد انه ما ينفع اطيرها والعامود منحني (ولا انا غلطان):ANSmile29: فقلت ما لي الا ماتور جديد والله يعوضني فبغيت اشاوركم وش الماطور اللي ينفع لطائرتي لان اللي عندي 1530 kv بروشليس والاسبيد كنترول 18 امبير والبطاريه 1100 شاكر ومقدر وانتظر نصائحكم :ANSmile04: |
رد: ترقية ماتور بروش ليس ارجوا الافادة
ما امديك تعدل الحديده ؟؟؟
طيب اخوي من ايت نوع الموتور الي معك هل الي بـ(قير بوكس ) ؟؟ او بدون قيربوكس ؟؟؟ لانو اذا بقير بوكس تبقا مشكله . انتظرك . |
رد: ترقية ماتور بروش ليس ارجوا الافادة
هلا بالغالي ابو عبد الله
اللي عندي مثل هذا https://www.unitedhobbies.com/UNITED...idProduct=2046 وفيه لقيت شافت قطع غيار بس تبغى الصدق اخاف افك واتعبث يخرب الماتور وغير كذا (ما عندي عدة باستراليا هههههههه ) قلت اشتري جديد ويمكن نوع اقوى وافضل وبسعر مناسب وهذا هو موضوعي |
رد: ترقية ماتور بروش ليس ارجوا الافادة
اقتباس:
لكن الموتور الي اعطيتني هو ما ينفع لانه : البطاريه 10 فولت وليس 11.1 فولت , والاسبيد كونترول ما ينفع هذا يحتاج 23 الى25 امبير والسبيد الي معا الطياره 18 امبير . انا اشوفلك واحد واعطيك خبر باذن الله . تمنياتي لك بالتوفيق والنجاح |
رد: ترقية ماتور بروش ليس ارجوا الافادة
ابو عبد الله
انا اعطيتك القريب منه (بالشكل) اما تفاصيل اللي عندي 1530kv 200w brushless |
رد: ترقية ماتور بروش ليس ارجوا الافادة
اخوي والله بالقوه لقيت عندهم هذا الموتور :
https://www.unitedhobbies.com/UNITED...utrunner_Motor كل شي ممتاز عليه لكن مشكلته 1050 كي في وليس 1530 كي في , انت كلم الشباب اكون افضل . ---------------- وهذا ايضا : https://www.hobbycity.com/hobbycity/s...idProduct=4852 لكن مو متأكد من الكي في ولكن هما يقولوا 1400 وكل شي ممتاز معاه. وشكرا لك وااسف للقصور . تمنياتي لك بالتوفيق والنجاح |
رد: ترقية ماتور بروش ليس ارجوا الافادة
اقتباس:
كفيت ووفيت والله الله يجعلها في موازين حسناتك يا رب |
رد: ترقية ماتور بروش ليس ارجوا الافادة
اقتباس:
ما سويت الى الواجب . تمنياتي لك بالتوفيق والنجاح |
رد: ترقية ماتور بروش ليس ارجوا الافادة
طيب يا اخوان وش رايكم في هذا الموتور
https://www.hobbycity.com/hobbycity/s...idProduct=5655 يركب عندي |
رد: ترقية ماتور بروش ليس ارجوا الافادة
او ذا الموتور اذا يركب على الاسبيد كنترول 18 امبير والبطاريه 11.1؟
https://www.hobbycity.com/hobbycity/s...idProduct=6614 |
رد: ترقية ماتور بروش ليس ارجوا الافادة
الله يوفقك يابو الجوري
وانتبة انتبة من محركات الكهرب شريت محرك برشلس الله لايوريك شغلته وقطم الصباعي وصبعي الابهام طلع العظام فيها من قو الضربة ومشكلتة يكمل دوران مو مثل البنزين لو تضربة اي شيء وقف على طول وهذا الزين فية لكن الكهرب مايوقفة الا فصل اسلاك ولايمدي كنت متحاقر محركات الكهرب وفعلا طلعت اقوى من البنزين بالخطورة وبالقوة وبكل شيء انتبة وانا اخوك لاتشغل المحرك الا في مكان الطيران شغل بنزين في البيت ولا تشغل كهرب في البيت ههههه>>متعقد موفق يابو الجوري وابشرك الجي فور اشتغل زي العسل حصلت مشكلة عندي بالتركيب الي خلاه مايشتغل كنت اركب ملف الايمو قبل التنصيب لكن قبل كم يوم بديت انصبة ونسيت ملف الايمو وطلع خيره هههههههههه وحطيتة بعد التنصيب واشتغل ترجع بالسلامة كيف الامطار عندكم ^^ |
رد: ترقية ماتور بروش ليس ارجوا الافادة
اقتباس:
وفعلا مثل ما قلت شكل الماطور صغير ويخليك تستهون فيه لكن عليه قوة الله لا يوريك وهذا اللي صار معي انا قاعد اوزن السيرفوهات والريموت وما دريت الا الماتور مدري وش لون اشتغل ومن الحظ الكفر الامامي مو مشدود ويادوب مترين وهي على خشتها المروحة انكسرت والقهر عامود الماتور انحنى ههههههههه:crazy_pilot: مبروك الف مبروك شغل الريل فلايت فور ههههههه ما بغى يشتغل عندك عاد تصدق كنت ابي اشتريلك واحد اصلي ........ ههههههههه:iconloli: والله الامطار والجو يخوف هنا هواء قووووووي وصواعق (( وانا على بالي ابي اطير كهرب هنا ههههههه)):iconloli: شاكر لك مرورك و سوالك يا ولد العم:ANSmile04: |
رد: ترقية ماتور بروش ليس ارجوا الافادة
السلام عليكم ابو الجوري كيف الحال ومبارك عليك رمضان الموتور الأول ينفع ان شاء الله مع سبيد كنترول 18 بس شوري عليك تشتري هذي الأشياء معك رح تفيدك 1-https://www.hobbycity.com/hobbycity/store/uh_viewItem.asp?idProduct=6380&Product_Name=Watt_M eter_&_Power_Analyzer_(Watts_up) 2-https://www.hobbycity.com/hobbycity/store/uh_viewItem.asp?idProduct=6554&Product_Name=TURNIG Y_Servo_Driver واذا شريتهم رح تدعيلي ....وانا حاضر بالشرح اذا احتاج الأمر |
رد: ترقية ماتور بروش ليس ارجوا الافادة
اقتباس:
تصدق اني من اليوم في المنتدى وحاس انك راح تجي هههههه كل عام وانت بخير يا الغالي اكيد نبغى شرح ولو بسيط لاني جاتني العدوى حقت اخونا محمد العصيمي وقلبنا كهارب :iconloli: والله يا الغالي انا ما اخفيك الماتور اللي جاء مع الطيارة جبار لكن عيبه هو من اي شي يتاثر مثل اللي حصل لي على طول شافت الماتور انحنى والرجال اللي شريت منه الطيارة قال عندة ماتور جديد ب 15 دولار استرالي سعرة طيب بس انا ودي اخذ شي اقوى (مو من اول شي ينحني ويخرب) مع ان الرجال بعد عرض على اني اخذ شافت جديد ب3 دولار وافك واركبه بس ذي الشغله يبيلها تركيز عالي وانت عارف القطع كلها صغار ولو خبطته بالغلط راحت المكينه علشان كذا انا ودي انت باختيارك وبخبرتكم تشوفلي اللي يظبط على طيارتي ويكون قوي وبالنسبه للي قلتلي اشتريها ابشر بشتريها وانا مغمض لاني بكل بساطه اثق فيك بس اشرحلي عنها شوي وليه يتم استخدامها اسف على الاطالة ابو سيف وكل عام والمسلمين بخير |
رد: ترقية ماتور بروش ليس ارجوا الافادة
ما شاء الله الموتورات عدله ما شاء الله .
ما عليك خوف مادام معلمي الي قلك ممتازه فاتوكل على الله واشتريها . تمنياتي لكم بالتوفيق والنجاح |
رد: ترقية ماتور بروش ليس ارجوا الافادة
طيب يا ابو سيف ولا يهونون الكباتن
وش رايك في ذول تركب على مواصفاتي وطيارتي (( خصوصا اني ابغى القوة والكفائة في نفس الوقت)) https://www.hobbycity.com/hobbycity/s...idproduct=2110 https://www.hobbycity.com/hobbycity/s...idproduct=3885 https://www.hobbycity.com/hobbycity/s...idproduct=5655 وش يعني لو كان الكي في عالي والوات قليل للماتور ؟ مثلا 1500kv 200w أقوى هو او مثلا 1700kv 180w ؟ |
رد: ترقية ماتور بروش ليس ارجوا الافادة
اقتباس:
مرحبتين ... بالنسبه للمواتير ..اللي حددها ...اسمحلي ارجعلها بعد شوي لأنني على عجل ...ولن انساها سأعود لها :ANSmile04: لكن سؤالك عن الواط والkv هي عملية متداخلة ويحكمها اشياء كثيرة وكل شي يتغير له تأثير على شيء معين ...وسبق تكلمنا عن هذه المواضيع كثير ..ولكن بأختصار .. الواط تحتاج من 70 الى 100 واط لكل واحد باوند ..والباوند يساوي 450 غرام اذا كانت الطائره تدريبيه ... ومن 100 الى 140 واط لكل باوند اذا كانت طائره ايروباتيك .. .واكثر من 150 واط لطائرات 3d .......تمام .... وانت طائرتك تدريبية و وزنها 600 غرام على ما اعتقد ...وعليك الحساب .. حل الواجب وبعدين بصححلك :iconloli: ال kv معناه عدد دورات الموتور في الفولت الواحد ... لا تنسى الفولت الواحد ...يعني اذا شغلت محرك ال kv1000 ببطاريه 5 فولت مثلا ..رح يدور 5000 لفه في الدقيقه وهكذا..تمام :crazy_pilot: الحين ماذا يعني kv عالي وواطي .. كل مازاد عدد الkv زاددت عدد الدورات وصار يجب استعمال مراوح اصغر .وامبيرات اعلى.واصبحت الطائره سريعه ............... والعكس صحيح ...هذه ببساطة .. .والkv الواطي دائماً يستخدم لطائرات التدريب ..وطائرات ال 3d بحكم اننا لا نريد سرعة نريد تورك عالي يستطيع التعامل مع المراوح الكبيرة ...ولكن بدون سرعة عاليه ...:qust::qust::qust: هذه نبذه سريعه ارجوا ان اكون وفقت في الشرح تحياتي |
رد: ترقية ماتور بروش ليس ارجوا الافادة
شكرا لك معلمي الغالي بارك الله فيك .
شرح كافي ووافي . دمتم بخير جميعا . ادعولي بالنجاح والعمل هندسة طيران . تمنياتي لكم بالتوفيق والنجاح |
رد: ترقية ماتور بروش ليس ارجوا الافادة
اقتباس:
جزاك الله عنا الف خير انتظر رجوعك لنتمكن من اختيار الماتور المناسب للطائرة شاكر لك يا الغالي |
رد: ترقية ماتور بروش ليس ارجوا الافادة
اقتباس:
وكما تقول دائما تمنياتي لك بالتوفيق والنجاح |
رد: ترقية ماتور بروش ليس ارجوا الافادة
وهذا هو المحرك اللي راكب على الطائرة اللي حصل له حادث اليم
https://www.skyartec.com/ProductShow.asp?ArticleID=226 |
رد: ترقية ماتور بروش ليس ارجوا الافادة
اقتباس:
اقتباس:
اخي العزيز ... وزن طائرتك جاهزة للأقلاع 600 غرام = 1.33 باوند .. والطائره تدريبيه ...يعني نحتاج الى 100 - 130 واط تقريباً ..وال kv واطي الموتور الأول اللي في الروابط ال kv عالي شوي ..علشان كذا قدرته على رفع 600غرام ليست كافيه ... الموتور الثاني كبيييييييييير جدا على الطائره .... الثالث ..يعني اقرب الى الموضوع ولكن مغامرة ان تأخذه لأنه بعض المحركات الصينية اقل من مواصفاتها المكتوبه ..واخاف ان يكون النقص كبير .... يعني كلها غير مناسبة ...:iconloli: المناسب بأذن الله وفيه هذا بس يحتاج الة مروحه مقاس 10في 4.7 وهذا بعد حليل.. انا ارجح االأول ..لأنني مجرب هذه النوعيه ممتازه .. بالتوفيق |
رد: ترقية ماتور بروش ليس ارجوا الافادة
شكر لك كثير يا ابو سيف
لكن انت شفت رابط المحرك اللي عليها 1530 KV ما تشوف انه اقوى من اللي شرحتها لي لان اذا مالقيت شي افضل منه باخذ واحد مثله مع ان ودي اجرب التورنجي بس مثل ما قلتلي ما ينفعون للطيارة الا اذا لقيت تورينجي يظبط على المواصفات المحرك اللي عندي 1530 kv ومروحة 8*6 يعطي سرعه كبيرة وعزم اكبر وش رايك اخذ نفس المحرك واغير المروحة slow fly 9*5 لطيران هادئ ينفع؟ |
رد: ترقية ماتور بروش ليس ارجوا الافادة
ابو سيف فهمت الان من المقصد با kv والوات وعالي وواطي
تم طلب ما اقترحتم به وننتظر قدومه شاكر ومقدر يا الغالي |
رد: ترقية ماتور بروش ليس ارجوا الافادة
لو اخذت موتور الkv عالي ....وحطيت عليه مروحه اكبر من الحد المسموح ... رح يسخن المحرك ويمكن يحترق .. علشان كذا كل ما اردنا ان نكبر حجم المروحه يجب ان نقلل من ال kv |
رد: ترقية ماتور بروش ليس ارجوا الافادة
ممتاز جدا يا ابو سيف الله يجزاك خير
انا اخذت النوع هذا اللي قلتلي عليه https://www.hobbycity.com/hobbycity/store/uh_viewItem.asp?idProduct=2111&Product_Name=TURNIG Y_28-30-azj_14A_1100Kv_Brushless_Outrunner وخلاص طلبته مع كذا شغله منها مبرمج الاسبيد كنترول وكم مسمار .. بس يا الغالي انا لقيت مكتوب في مواصفات هذا النوع ينصح ب 30 امبير ؟ يعني عادي يشتغل على اللي عندي 18 امبير؟ يا اليت تقلي وش المروحة المناسبه لي خصوصا اني ابغى طيران هادئ وغير سريع ؟ شاكر ومقدر يا ابو سيف والله يجزاك عنا كل الخير |
رد: ترقية ماتور بروش ليس ارجوا الافادة
اقتباس:
|
رد: ترقية ماتور بروش ليس ارجوا الافادة
ابو سيف الله يعطيك العافيه ما قلتلي عن مقاس المروحه الله يحييك
|
رد: ترقية ماتور بروش ليس ارجوا الافادة
الأفضل 10x4.47 https://www.hobbycity.com/hobbycity/s...dapters_(Black) او 9x6 https://www.hobbycity.com/hobbycity/s...dapters_(Black) نوع المراوح SF (SLOW FLY تحياتي |
رد: ترقية ماتور بروش ليس ارجوا الافادة
شاكر ومقدر استاذي الغالي ابو سيف
الله يوفقك ويحميك من كل شر وعساك لنا ذخر يا الغالي |
| الساعة الآن 10:01 AM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.
