|
المسمار مو راضي يطلع ايش الحل
السلام عليكم
جيت بغير المروحه لقيت البلاستيك الي امام المروحه فية مسمارين مسمار طلع والثاني خربان مدقوم يعني لما ادخل السكروب او المفك يفتر ولا يفتر معاه المسمار لانه من كثر مايفتح وينشد خرب والان ابغى طريقة افك هالمسمار وهذي صورة له https://air.flyingway.com/up/may/1e9b4366e0.gif |
رد: المسمار مو راضي يطلع ايش الحل
حاول تزيته من الداخل بقطارة او حاقنة لأنه يبدو انه صدا
|
رد: المسمار مو راضي يطلع ايش الحل
حتى لو زيتة كيف اطلعه
لان لما افكه بالمفك يدور المفك والمسمار مايدور |
رد: المسمار مو راضي يطلع ايش الحل
مازلت انتظر
|
رد: المسمار مو راضي يطلع ايش الحل
هذه دائم تحصل لي بالهيلي ،،
حاول تفتح له مجرى مستقيم على شكل قطر دائرة وعميق ثم قم بفتحه بسكروب مفتوح بكل سهولة..ولعمل ذلك تحتاج الى دريل ريشة صغيرة مرة وذلك لفتح المجرى |
رد: المسمار مو راضي يطلع ايش الحل
فيه عدة طرق ارجو انت تنجح احدها معك ولكن قبل ذالك عن نفسي اتجنب دائما استخدام هذا النوع من الرباغي (العادي او المربع كم يسموه عندنا) لعدم كفائتها واستخدم النوع المسمى Socket Head Cap screw تجدها في كل اجزاء المحرك عندك
الطرق التي اعرفها 1 اذا كان سبب زرقنة المسمار الصدا قم برش بخاخ مزيل الصدأ من جهة الصاموله بالخلف واترك الطائره بوضع عامودي المحرك للاسفل حتى يتغلغل الماده للداخل واتركها لساعه او اكثر مع تحريك السبينر بيدك حتى تعطي مجال للماده للدخول في ثريد المسمار 2 اذا كانت نوع الصاموله من نوع Locknuts وارجح ذلك او انك استخدمت السائل Threadlocker لتثبيت المسار فعلاج ذلك سهل وهو بان تقوم بتسخين كاويه اللحام ثم تقوم بلمس طرف المسمار الخلفي بابرة ماكينه اللحام لتسييل الماده المتجمده وقم بفتح المسمار بمفك اكبر 3 احد الطرق الشائعة هي استخدام ريشه دريل صلب 2 او 2 ونص ملم لعمل خرم في راس المسمار للتخلص من راسة وبالتالي سهوله تحرير السبينر 4 اذا كل الي فوق مانجح مالها الا القوه وكسر السبنر والله يعوضك او روح لاي ورشه ميكانيكا اذا يهمك السبينر وهم اعرف مني |
رد: المسمار مو راضي يطلع ايش الحل
الهلي ينفع معاها طريقه رقم 2 لان السبب الثريدلوكر
هذا مذكور في كتيب التعليمات في بعض كتيبات الهلي |
رد: المسمار مو راضي يطلع ايش الحل
الله يجزاك خير يابو احمد ماقصرت
حياك الله ابو نواف اولا اقول ابارك لنفسي اولا ولبقية الاعضاء على رجعتك للمنتدى جزاك الله خير يابو نواف المسمار مشكلته جاي كانه حلقة من كثر الفك والتركيب وان شاء الله بستعمل الدريل براس صغير جدا لفتح مجرى له كما ذكر اخي ابو احمد وان شاء الله اضع لكم النتيجه باذن الله |
رد: المسمار مو راضي يطلع ايش الحل
انا عن نفسي يابو حمد ... والله لأكسر ام السبنر ...وافك المسمار بالزراديه هههههههههه اسهل ..والله ..كلها بلاستيكه لا تزود ولا تنقص ... مع احترامي لأراء الأخوان ..لكن هذا لو انا مكانك.. تحياتي |
رد: المسمار مو راضي يطلع ايش الحل
هههه
طيب من وين لي سبنر كانك توفر لي ماعندي مشكلة هههه وانت عارف توني بدائي بهالشغلات ماوصلنا لدرجه التكسير *_^ |
رد: المسمار مو راضي يطلع ايش الحل
هذا درس لسبنر البلاستك << مايحب السبنر البلاستك
المره الجايه شوف لك اسبنر المنيوم ثلاث اضعاف سعر البلاستك بس يعيش معك مدة اطول وتركيبه سهل وبرغي واحد بس |
رد: المسمار مو راضي يطلع ايش الحل
^
^ المشكله مو من السبينر المشكله من استخدام مفكات مو عاليه الجود وتكون ممسوحه او سوء استخدامها فينحل المسمار ولا تقدر تمسكه باي مفك لكن لو كانت العده مظبوطه من الاساس ما خرب المسمار مالك الا الدريل او تجيب مفك مماثل مع معجون الحديد الايبوكسي ويباع بكل محلات زينات السيارات قيمته ما بين 5 الى 8 ريال اسوي الخلطه وتدمجها مع المفك والبرغي وتتركه الين يجمد ثم تقدر تفكه بسهوله اما اخوي موسكيتو فبدا بالكي كاول الحلول وسع صدرك ههههه لكن لو مررررررره ما قدرت اكيد الكسر جاي جاي لانه اخر الطب الكي هههه (وجهة نظر تحتمل الخطا) |
رد: المسمار مو راضي يطلع ايش الحل
اقتباس:
|
رد: المسمار مو راضي يطلع ايش الحل
|
رد: المسمار مو راضي يطلع ايش الحل
اقتباس:
خاصة مسامير المفلر بالمحرك ولكن لم ينفع،،،أما اذا كان مسمار رابط في بلاستيك او كربون ،،،فتكون المصيبة اشد .. فإذا افترضنا ان الحرارة تلغي مفعول الثريدلوكر ...اذن لسقطت مسامير المفلر لأنها تسخن. غير بعض الاوقات المفلر يسخن حتى تلاحظ يتصاعد منه البخار.. ولم ينفع إلا طريقة الدريل ولكن تحتاج سعة صدر... |
رد: المسمار مو راضي يطلع ايش الحل
والله فكرة المعجون ممتازة جدا ,,, وقد جربتها في مسامير مختلفه بعض الاحيان ما تصلح احتجلك بشويش وتنبه جدا جدا .
بشويش لا تتهور اخوي موسكيتو الله يخليك في حلول اخرى باذن الله هههه :) :) تحياتي لكم بالتوفيق والنجاح |
رد: المسمار مو راضي يطلع ايش الحل
والله ماقصرتوا ياشباب كل حل احسن من الثاني واحترت بين الحلول ههههه
ان شاء الله راح اطبق كلامك يابو حلا صراحه 100% اشكركم جميعا وبيض الله وجيهكم |
رد: المسمار مو راضي يطلع ايش الحل
اقتباس:
السبنر ...........ماهو ذاك الأهميه اللي ماتطير الطياره الا فيه ..عادي بدون سبنر ...وتجي العافيه ...:iconloli: واذا على التشغيل بالأستارتر .........بسيطه ...اقلب ...قطعة المطاط ..فوق تحت ...يصير الفتحه الصغير هي اللي برا ... وتشغلها عادي .......:d3oh: |
رد: المسمار مو راضي يطلع ايش الحل
ههههههههههههههههه مش تهور ياجماعه ولا شي ...بس الموضوع ..مايستاهل كل هاذي الدوخه والحلول المكلفه والمعقده ..... سبنر بلاستيك ...لا راح ولا جاء ...لو الومنيوم كان ماقلت شي ... الف السبع لفات ...واشتري واسوي ..علشان سبنر بلاستيك ؟؟؟؟ اما ينفك بالسكروب عادي ولا والله لأكسر ام اللي جابه .... لازلت اتكلم عن نفسي شخصياً ..وابو حمد حر في اخياره .. |
رد: المسمار مو راضي يطلع ايش الحل
اقتباس:
شرحك سراء - - - - - - |
رد: المسمار مو راضي يطلع ايش الحل
اقتباس:
يا ابو سيف انا احترم رايك بس لي وجهة نظر انا بعض المرات السالفه مو دوخه او انه السبينر ما يستاهل بعض المرات ودك تسوي حركات بسيطه تظهر فيها ابداعاتك وقدراتك على تحدي اي برغي يستهبل كم مره تجيني حالات كذا مسمار او برغي او اي شي اقدر افكه بالدريل او بالصاروخ قص ولا احتاج القطعه الي ابي اقصها ابد بس احاول اتفنن بالفك على اصول يعني اعتبرها تدريب على الفك وبحث الحلول وانت عارف اخوي انه مجال الطائرات هذا لازم عندك بالبيت ورشه فاذا عودنا الاخ محمد على التكسير في اي مشكله تواجه راح تكون الخساير كبيره في المستقبل لانه راح ياخذ بمقولتك ( ما يسوى , وشوله ., لا تدوخ راسك , اكسره ) انا اعتبر فك المسمار هذا بالنسبه لمحمد بداية الطريق للمخمخه والشغل الصح مثل ما قلت قبل انت انه السبينر ما يستاهل وانا مستعد اطلب لمحمد 100 سبينر بدالهم السالفه مخمخه على مسمار ههههههه وبعدين خله يوسع صدره ما بعد وصل الريموت .... لو الريموت جاهز كان بعد ممكن نقول اكسره لا يفوتك الجو الربيعي والامطار هههههه تسلم لي موسكيتو والاخ محمد ومشكورين تحياتي ( وجهة نظر تحتمل الخطأ ) |
رد: المسمار مو راضي يطلع ايش الحل
اقتباس:
هلاوين خلود .. كلام سليم ..........انا اؤيد طبعا ان الواحد مثلا ياخذ خبره في موضوع معين ....ويحاول يجد الحل لمعضله معينه ...هذا بلا شك شي طيب .... اللي قصدته (وهذي اعيد واكرر وجهة نظر شخصيه) لكل واحد رايه ..ونحترمها ...والرأيين كلاهما متيسر ولله الحمد . القصد طال عمرك ... انت على اايش تبذل كل هذا الجهد والتكاليف ؟؟؟؟ منطقياً .. اشوفها تووووووووماتش ... يعني لو مسمار في محرك ..على راسي وعيني ...يمكن بعد لو ما نجحت محاولاتي اوديه المخرطه واخسر عليه فلوس ... في النهايه هو عائد للشخص نفسه ..اذا عنده استعداد لكل هذه العمليه ....او لا ؟؟؟ حياك الله اخوي خالد ..:shamrock: |
رد: المسمار مو راضي يطلع ايش الحل
جزاكم الله خير وماقصرتوا جميعا والله وكثر الله من امثالكم
كلامك سليم يابو حلا ابو سيف يابعد روحي انت هههههه انا والله مثل منت شايف فاضي والريموت لسى ننتظر اجابة المحل :hilarious: فقلت اصلح الطيارة يعني اتسلى فيها مثل مايقولون لدرجه اني ركبت ملصقات عليها ههههه لكن اذا وصل الريموت ومانفك المسمار هههه اول شيء اسوية الكسر هع مستحيل اتحمل معاي الريموت ولا اطير خخخخخ لان المروحه منكسرة الي بالطيارة :joystick: اشكركم من اعماق قلبي |
رد: المسمار مو راضي يطلع ايش الحل
بالنسبة لي فأنا أؤيد فكرة تحدي هذا المسمار فأنا كمهندس ميكانيكي فكرة دواء الكي موجودة لكن في آخر المشوار .....
بس أنا عندي بعض المقترحات: 1- طبعا هناك مقاسين من هذا النوع من المفاتيح أحدهما يتبع نظام الإنش والآخر النظام المتري وأحيانا تجد أن هناك مقاسين متقاربين جداً فتختار الأصغر والذي يؤدي مع الفك إلى تلف المسمار فأنا أقترح أن تبحث عن مقاس أكبر قليلاً من المقاس الذي لديك وتقوم بالدق عليه (خفيف نسبيا) حتى يدخل في المسار وتفتح بشكل بطيء جدا في البداية إلى أن يفتح معاك. (هذه الطريقة فعالة كثيرا). 2- هناك غراء يأتي من أصبعين. حاول أنك تأخذ مفتاح مقاسه أصغر من اللي عندك وتقوم بحشو رأس المسار بهذا الغراء وتغرس مفتاح عادي مناسب وصغير (ليس مربع) بعد ذلك في الغراء إلى أن يجمد وبعد ذلك تحاول تقتح بالخفيف. خذوا هذه القاعدة : الاستخدام المستعجل لأدوات الفك تؤدي إلى التلف السريع للمسامير. استخدام أدوات فك ذو توعية رديئة تتلف أولاً ثم تتلف معها المسامير. |
رد: المسمار مو راضي يطلع ايش الحل
اقتباس:
|
رد: المسمار مو راضي يطلع ايش الحل
هههه عفوا يابو سيف
هذا وانا في الدوام قلت ادابع الموضوع من الجوال وشغلت جوالي وعلى خط الطيران وشفت الموضوع والردود هههه قلت خلني اكتب رد بعد ماخصلت واعتمدت طلع ملخبط هههه قلت اذا جيت البيت اعدلة وتم التعديل |
رد: المسمار مو راضي يطلع ايش الحل
MasterPilot
اشكرك والله يالغلا وفعلا انا اتمتع بايجاد حلول افضل والكي اخر شيء هههه فعلا المفكات الرديئة تتلف وتتلف المسمار معها لكن انا عندي مفكات حليلة ماعليها لكن هذا المسمار مادري كيف جاي شكلة هههه واستخدمت معاه مفك مناسب له وفتح المسمار الاول ولكن الثاني للاسف كان خربان وانا زودت عليه شوي ههههه راح اطبق طريقة الغراء ان شاء الله |
رد: المسمار مو راضي يطلع ايش الحل
والله يابو سيف مالنا الا حلك ههههه
طلبت انا كم سبنر احتياط هذ حاص عقدني كل شيء سويته فية واحس اني اعطيته فوق حجمه هههه جيت ابكسرة خفت اسبب مشكلة لانه قوي جدا جبت الحامي ابغى اقصة لكن يميع البلاستيك قلت ماينفع ابغى طريقة لكسرة دون ان يحدث اي مشاكل او اختلال في المحرك |
رد: المسمار مو راضي يطلع ايش الحل
الحمدلله تم الكسر بنجاح دون حدوث اي مشاكل هههه
تم قصة بالحام *_^ اشكرك الجميع على هذه الحلول الاكثر من رائعه واتعبناكم معنا والله اشكر الجميع |
رد: المسمار مو راضي يطلع ايش الحل
ههههههههه
الله يعينك اجل تبي تدمن على التكسير ربي يوفقك تحياتي |
| الساعة الآن 09:45 PM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.
