مطار سيوال في استضافة برنامج خواطر 8
 

السلام عليكم ورحمة الله وبركاته
كيف حالكم يا اخواني الاعزاء عساكم جميعا اطياب
بصراحة كنت اليوم اشاهد حلقة الاعادة لبرنامج خواطر 8 والذي اعجبني فيه انه يتكلم عن خدمات مطار سيوال في كوريا واعجبني بتصميمه وخدماته الي يقدمها للمسافرين بس كيف عرفت كل ها الاشياء ؟؟
من هذي الحلقة في برنامج خواطر 8
فجت في نفسي قلت ليش ما انزله في المنتدى وتعم الفائدة على الجميع فقلت انزل الحلقة لكم واترك لكم المشاهدة الطيبة ومع شرح ممتاز من المذيع احمد الشقيري
https://www.youtube.com/watch?v=i7BvGIU5aUU
في الاخير اتمنى ان اشاهد ردودكم الجميله :happy:

مجروح الخاطر
أشكرك بما تحمله كلمة شكرا من معنى
لم أتوقع مطار سيئول الكوري بهذا الجمال !!!!
إستحق مطار سيئول جائزة سكاي تراكس للمطارات لعام 2012 وهو بالفعل جدير بذلك بدون أدنى شك.

أتمنى أن يفاجئنا مطار الدوحة الجديد وأن يتفوق على مطار سيئول وأنا أثق تمام الثقة في ذلك .

أشكرك من أعمآق قلبي يالغالي

تم الإرسال من جهازي GT-I9100 بواسطة تاباتوك 2

كل الشكر لك اخوي الغالي على ردك الجميل والممتع صراحةً
نعم انه يستحق ذلك
بإذن الله وليس ذلك بغريب عن قطر
كل الشكر موصول لك الغالي :icon_g6:

مطار رائع جدا جدا ...

اعتقد بأننا نحن ابناء العرب نحتاج الى سنين الى الوصول لهادا المستوى من التقدم الكبير ..

لا بإذن الله سوف نصل الى ذلك وافضل من ذلك في اقرب وقت
خير دليل هنا في دول الخليج لديك مطار دبي ومطار الدوحة بإذن الله سوف يكون كذلك

تقرير روووعه

ردك اروع ^^

مطار جدا رائع و انا جربت الاقلاع في بالمحاكي و اي احد حاب يجرب المطار رمزة(RKSI)

مطار دبي يصنف 3نجوم ومطار سيئول 5نجوم مااااافي مقارنة ومطار الدوحة ماشفناها عشان نحكم انا مستغرب كيف تحكمون على شي ماشفتوه

المطارات العربية يبطون عشان يوصلون مستوى هالمطارات الاسيوية

تسلم على ردك واضافتك الجميله

بصراحة انا ما شفت ها التقيم هاي معلومة جديدة لي لكن انا بنظري مطار دبي أحسن مطار شفته ليومك
والله الاهتمام الزائد يعطيك طابع للاحسن وتفائلو بالخير تجدوه
لكن انشاء الله العرب راح يعدون هاي العتبة وبيصيرون من أوئل الدول المتقدمة حضاريا وعمرانيا

ادخل موقع skytrax راح تحصل تصنيف جميع المطارات
وبالنسبة كلامك مطار دبي الافضل يمكن سفرك قليل اوالوجهات الي تروح لها مطاراتها عااادية بس جرب شوف مطار سيئول اوسنغافورة او خنوف كونغ راح تشوف مطار دبي ماتقارنه فيهم

وبالنسبة للعرب قدامهم كثير عشان يؤصلون للي وصلوه الآسيويين الا اذا استعانوا بالغرب عشان بصيرو من الدول المتفوقة
لأنهم من غير الغرب كان هم متأخرين بس حلو المادة موجودة لجلب العقول لتصميم مشاريع لهم

انشاء الله بدخل وبشوف وتسلم على ها الاضافة الجميلة نعم سفري مب بالكثير لكن نوعا ما جيد تقريبا يمكن تقول ذلك اني سفري قليل انشاء الله
وتسلم على ردك ^^

العرب جابو 5 نجوم في مجال النقل الجوي .. لا تستعجل .. انا متأكد بأن قطر ستفاجأنا ... هذي قطر يا بعد عمري ;) :crazy_pilot:

والله نتمنا الشي هذا .. بس بداية المشروع فيه اشياء ما بشرت بخير :walq: تكلفته الخرافية مقارنة مع جارتنا دبي !!!!!!!!!!!!!!!!! الا اذا تكلفته حتضيف شيء يستاهل هالمبلغ .. يا رب توفق دول الخليج ..

انت على اي اساس حكمت بهاالشي مطار دبي ماهو مقياس لاتنسى عندك نزع اراضي وتعويضات واشياء كثير يعني راح تكلف
لو التكلفة خيالية انت شيك في التعويضات لاصحاب الاراضي راح تعرف انها مبالغ فلكية بحكم موقعها

عالعموم احنا بانتظار ان يرى المشروع الشمس ويكتمل .. بالتوفيق لهم

سالم

أنت لا يكون على بالك مطار دبي يقارع مطارات سيؤول أو سنغافوره أو ماليزيا وغيرها !!؟؟

الجودة تنقاس بالخدمة أي أقصى درجات الراحة اللي أنت تتلقاها كمسافر ، مش المسألة رخام وأنوار فاقعة وشرق برق مثل مايقولون .

أبسط الأمور أنت لما تنزل من الطيارة في مطار دبي وعشان توصل الجوازات يبي لك نصف ساعه تقريبا !! هذا إذا مش أكثر لأن الطريق المؤدي له يصلح لمتسابقين الماراثون وإذا بتقول سيارات القولف موجودة مش كل الأوقات ، ومايشيلون إلا العوايل فقط .

بعدين مطار دبي مافيه وحدات ترفيهية ولا فنادق
كما إن مطار دبي مقسم تقسيمات معقدة ومشتته للمسافر لأن كل تيرمنال على حدا !!! أي تصنيف 5 نجوم تطالب فيه الله يهديك !!!!

المطار 5 نجوم سيكون مطار الدوحة الجديد حيث يتواجد فيه كل اللي ذكرته لك في الأعلى وأكثر .

تم الإرسال من جهازي GT-I9100 بواسطة تاباتوك 2

اخوي انسان ذوق ادري انه القصه مو قصه رخام او فخامه لكن مطار دبي تتوفر فيه خدمات و فيه فندق في تيرمنال 3 ومطاعم و محلات شكثر و انا اشوفه يستاهل 5 نجوم .. عل الاقل يصنفونه 4 نجوم ؟ 3 نجوم وايد نازل

اخوي انسان ذوق انا بنفسي جربت مطار كولامبور كان مب لذاك الزود يعني هو مطور بس ما يوصل مطار دبي اقصد تيرمنال 3 ما اقصد المباني 1 و 2 تيرمنال ثري افضل من مطار كولامبور بواااااايد

هم يقارنون بجميع الصالات وليس صالة واحدة ومطار كوالالمبور يميزه الخدمة ثم الخدمة الغير موجودة في مطار دبي

هههههههههههه معروف هالشي .. مطار دبي ما يحتاج تصنيف لأن الكل شايف الفرق بينه وبين غيره ولو ما كان مميز ما نزل فيه 50 مليون مسافر كل سنة

ههههههههههه اسمحلي انت اللي ماتعرف شوف المطارات الاسيوية كل صالاتها خيالية مطار دبي صالة 3الافضل والباقي لاتعليق
والعبرة موبعدد المسافرين
ولوهالشي ظلم كان مطار دبي رفع قضية

هذي انا وياك انهم يقيمون على جميع الصالات لكن شو من الخدمة الي موجودة في كولامبور ممكن تعطيني موضوع يتحدث عن الخدمات في مطار كولامبور لاني بفسي ماشفت فيه خدمات تخلي الواحد يتكلم عنها او غريبة

ياعزيزي شدخل الطاقة الإستيعابية في امتياز المطار !!
هناك مطارات أكثر ازدحاما من مطار دبي ولم تدخل في التصنيف أبدا .
المطارات الآسيوية المذكورة اخذت الجوائز بكل اقتدار وهذا يعكس مدى نزاهة سكاي تراكس اللي لو إنها عنصرية أو تقبل الرشاوي كان الأولى بذلك هو مطار بلادهم هيثرو .

تم الإرسال من جهازي GT-I9100 بواسطة تاباتوك 2

يكفيك القطار اللي يحطك عند الجوازات والسوق الحرة بدون ماتمشي كثير ، كذلك ترتيب المطار وتنظيمه وسلاسته و ردهة المطاعم المرتبة وتجمع شركات الطيران في مكان واحد وغيرها من المميزات التي لا يسعني الوقت لذكرها.

بالله عليك
تقارن مطار كوالالمبور بمطار دبي
الله يهديك !!!

تم الإرسال من جهازي GT-I9100 بواسطة تاباتوك 2

الشباب ذكروا لك إن المطار تقاس خدمته ككل وليست تقاس على أفضل جزء منه وبناء على ذلك يحتسب في التصنيف !!
قول يمكن ياخذ ترمنال 3 في مطار دبي جائزة أفضل ترمنال أو ياخذ رقم ولا أعلم إن كان هناك جائزة لذلك أم لا .
لو كان الترمنال 3 يحسب على مطار دبي ككل لتم احتساب مطار الدوحة الحالي كأفضل مطار في العالم نظرا لأنه يضم مبنى البريميم الفاخر الحائز على جائزة أفضل مبنى للدرجة الأولى و درجة رجال الأعمال . لذلك كل شئ محسوب وبدقة ومالجوائز اللي نالتها المطارات في سكاي تراكس إلا وهي محل تقدير المسافرين وخبراء صناعة السفر وأنا مع تصنيف سكاي تراكس لنزاهته المعهودة في اختيار المطارات وشركات الطيران .

تم الإرسال من جهازي GT-I9100 بواسطة تاباتوك 2