رحلتي على طيران الاتحاد من ابوظبي الى بانكوك(بعد فوبيا الطيران الشديد )
 

ف البداية احب اشكر القاىمين على هذا المنتدى الراىع


انا كان فيني فوبيا الطيران شديد جدا بش اشوف الطيارة اخاف منها :d3oh: وبحكم بيتنا عند المطار كل شوي اسمع صوت الطيارة ولا اشوف الطيارة وهي تهبط وخصوصا اشوف فيديوهات ف اليوتيوب عن الاقلاع اعرق وانا ف مكاني كنت متعقد من القلاع اكثر شي
وشكثر سفرات فوت على عمري بسبب الخوف من الطيارة كانت لي رحلة وانا صغير مدتها 45 دقيقة ما اتذكر فيها شي بس اذكر اني كنت بالع العافية وقاعد ف مكاني
المهم قررو البيت انهم يسافرون الى انا كنت شايل فكرة السفر من راسي لنه السالفة فيها طيارة ما اسمع بالخبر الى انهم حاجزين لي اني اسافر معاهم عقب الحجزوكل شي عرفت بالسالفة وانا اسبوعين لا ليلي ليل ولا نهاري نهار 24 ساعة افكر ف موضوع الطيارة


المهم لين يه يوم السفر وطبعا انا يوم السفر لا تكلمني كنت ف عالم ثاني واحنا رايحين المطار من الخوف صادني صخونه :ANSmile29: المهم لين ما وصلنا المطار خلصنا الشحن وكل شي وعقب ما خذنا البوردينغ وعدينا سوق الحرة و اخوكم ف عالم ثاني طبعا لين ما شفت طيارة من الزجاج جدامي مره وهني بغيت اصيح عسبت ارجع البيت كنت افكر ف مصيبة اسويها عسبت ارجع البيت :f55ar:

بس سبحان الله من ركبت الطيارة والله الخوف بكبره راح عني وحسيت اني مكبر الموضوع على الماميش وفعلا لما كانو يقول لي اني تافه ومكبر الموضوع فعلا كنت مكبر الموضوع قولو مااء الله :icon_g6: بعد خوف دام 20 سنة تم التخلص منه



المهم خله نبدا بالتقرير وسامحوني على قلة الصور تعرفون بسبب الخوف و الوقت كان ف اللليل






نوع الطاىرة: : BOING 777_333



التاريخ : 5-9-2013




خط السير: ابوظبي -بانكوك



درجة السفر : السياحية



موعد إقلاع الرحلة : 9:45


الاقلاع الفعلي : 10:45



صورة من نافذة الطاىرة في مطار ابوظبي قبل الاقلاع


https://www.alm5zn.com/upfiles/6NU40816.jpg


طبعا على كل كرسي يحطون لحاف ومال الاذون و العيون الي يبون يرقدون ف الرحلة


https://www.alm5zn.com/upfiles/Brf40956.jpg




الشاشة الترفيهية الي سلني شوي ف الدرب صحيح ما اندمجت ف ولا فلم بس حق التعبث فيها :celebrate14:


https://www.alm5zn.com/upfiles/C6U41048.jpg


https://www.alm5zn.com/upfiles/Gdc41659.jpg


https://www.alm5zn.com/upfiles/KJ841707.jpg


https://www.alm5zn.com/upfiles/mR441746.jpg


القاىمة الرىيسية لشاشة الترفيه


https://www.alm5zn.com/upfiles/Wku41805.jpg


قاىمة الافلام


https://www.alm5zn.com/upfiles/t9O41845.jpg


حط سير الرحلة


https://www.alm5zn.com/upfiles/XVj41888.jpg


https://www.alm5zn.com/upfiles/PVg41927.jpg


بعد الاقلاع تقريبا بساعتين قدمو وجبة العشاء كان دجاج بالليمون اكلهم لذيذ لكن ما كليت وايد :d3oh:


https://www.alm5zn.com/upfiles/roR41978.jpg


دخولنا للاجواء التاليندية

https://www.alm5zn.com/upfiles/rLd42053.jpg


https://www.alm5zn.com/upfiles/l5o42124.jpg


https://www.alm5zn.com/upfiles/wWs42158.jpg


اخيرا الهبوط في مطار بانكوك الدولي


https://www.alm5zn.com/upfiles/8un42194.jpg


السوق الحرة ف بانكوك


https://www.alm5zn.com/upfiles/03Z42297.jpg


https://www.alm5zn.com/upfiles/w4e42340.jpg


https://www.alm5zn.com/upfiles/IHj42392.jpg


https://www.alm5zn.com/upfiles/QVH42432.jpg


وف هالمكان عبينا بيانات الويزا حق الدخول


https://www.alm5zn.com/upfiles/Bx842702.jpg


انا سويت هالتقرير لسببين السبب الاول حق الي فيهم فوبيا الطيران لني حاس فيهم وكنت مثلهم واخس بعد

و السبب الثاني سويته لكم عسبت تستمتعون بالتقرير

واتمنى التقرير نال اعجابكم وانتظروني بتقارير ثانية

تقرير مختصر وحلو والحمدلله على سلامتك

يعطيك العافية ان شاء الله كانت رحله مميزه لك
دم بخير

يعطيك العافية عالتقرير الجميل وأنا بصراحة أتعاطف مع الي عندهم فوبيا لأني حاس بمعاناتهم


Sent from my iPad using Tapatalk HD

شكرا على التقرير..
نقطة توضيحية فقط: للعلم اخي العزيز مواعيد الطيران 24 ساعه لذالك بالمرات القادمة ال9:45 مساءا هي بعالم الطيران 21:45
اشكرك على التقرير واهلا بك بالمنتدى ولتقارير افضل بالمرات القادمة.

الحمدالله على السلامة
تقرير رائع وجميل
تحياتي لك

مشكور على مشاركتنا تجربتك بهالتقرير الجميل

حمدالله على السلامة

نورتو الموضوع بتواجدكم ورتكم

تسلم مراقبتنا على التثبيت

وانتظرو تقريري القادم

الاتحاد انا سافرت عليه الى لندن ممتازة جداا

مشكوور على التقرير الرائع

الحمدلله ع السلامه

تقرير مرتب

شكرا لك

يعطيك العافية على التقرير مبدع...

مشكورين على المرور

نورتو

رد: رحلتي على طيران الاتحاد من ابوظبي الى بانكوك(بعد فوبيا الطيران الشديد )
 

تقرير مميز